إعلان هام لجميع الأعضاء ممن لا يملكون مكتبة في سودانيزاونلاين ..

10:16 PM Feb, 12 2015
سودانيز أون لاين
محمد حيدر المشرف - دولة قطر
مكتبتي في سودانيزاونلاين



أنتم, أحبتي, ملح هذا المنبر وأهلو وناسو..
شاءت مشيئة رب المنبر أن يهب لمن يشاء المكتبات ويجعل من يشاء منها محروما
لا شيء ليُحتكم اليه في نهذا الامر الا مشيئته ..
فالأمر أشبه بمنحة وهبة ومكرمة منبرية دونما شروط واضحة أومستحقات واجبة او ابداعٍ محكم او اي حاجة ذاتو ..

لكم الله وعيشة السوق و .. طوبى !!
طوبى للزملاء الفقراء من أبناء هذا المنبر ممن يصنعون وهجه وحضوره الأجمل في خارطة المنابر ..
الله في نار حروفكم .. وهذا المنبر خير شاهد , وذلك الوطن الحزين.

تحياتي ياصديق
أحمدالله أني أصبحت في غفلة من الزمان صاحب مكتبة أسفيرية

سؤال في حدود اللا معقول جداً
هل بقدرة قادر ممكن أن تخسف المكتبه
قبل أن يصيبها شي من البلل
وإلي من نرفع أضرعنا في ذلك

عزيزي عادل ..

Quote: وإلي من نرفع أضرعنا في ذلك

هي الشكية اذن يا اخا المنبر .. وهي عموما لاب ايدا قوية ولكن ..
لا ترفعها آ زول

salam

تذكر عزيزي صاحب المكتبة ..
عندما تنزل لاسفل الصفحة في سبيلك لاضافة موضوع لمكتبك الموقرة ..
أن ليس في الأمر استحقاقا ما , فلا تكونن من الجاحدين الفضل ..
ولا يعرف الفضل لاهل الفضل الا ذوي الفضل كما قيل ..

الف مبروك يا زهير ..
ذلك فضل كبير والله ويُحمد عليه ..

أتيت للتو من بوستك والشمار كاتلني: من هي تلك الوزيرة ؟!!

ساراجع مكتبك لمعرفة الاجابة في مقبل الايام ان شاء الله ...

إذاً فنكن خارج حدود الإدراك
فربما كنا لا نسأل من أين تأـي الأرزاق
فلم نخلق كأسنان المشط في ذلك أية لأصحاب الألباب

عادل ..

وما كنا سواسية كأسنان مشط ..
وما زال اباذرر فينا منفيا في المسافة
بين الله وبني أمية ..
ومات وحيدا في الطريق ..
لا قميصا للثأر علق لا مصاحف ..
‘ن هذا التأريخ زائف..

سلام يا اخ محمد حيدر المشرف،

أول ما بدأت المكتبات كانت بسعر 100 دولار (مرة واحدة فقط) فهل تغير الأمر؟

أنا لم اتابعها منذ ذلك الوقت. . ولم أهتم ان تكون في مكتبة. لأن الأرشيف موجود ويسهل البحث فيه.

انا ما عندى مكتبه يا صديقى و i don't care ..تحياتى..

دكتور محمد بابكر ..
مشتاقين والله ..

نعم يا عزيزي .. الموضوع ما مهم ولكن يجب ان يهتم الناس من وجهة نظري المحدودة لكل ما يحيط بي وجودهم في مكان ما .. متى ما كان هناك اعوجاجا ما اهتموا به حتى ولو كان لا يمسهم في شيء .. انا أومن بذلك جدا

عزيزي ابوالرييش ..
تحية طيبة ..

100 دولار ؟!!
لا .. لا اعلم شيئا عن الموضوع ده ولكن ..
المسالة ليست في سهولة البحث عن آثارك في هذا الاسفير فهي موجودة وبمكن الوصول اليها ..
وانما المسألة في خيار وفقوس بكري وعدم وجود اجراء واحد او مطلوبات محددة ..
هي مسالة "لا معيارية" تماما ..
خيار وفقوس كما ذكرت ..

سلام يا صاحب
جازف لي واحدة لكن ما تقول لي دولار ولا ين .. لو عندي دولار البخليني اكابس الغاز شنو كان اشتريت لي بير نفط وعملت طيارة
المهم
الوصية بي الذمة شوف لي اخوك المطلوب شنو ونحن جاهزين
رقم وطني ساري المفعول
رخصة قيادة منتهية
قسيمة زواج
شهادات ميلاد العيال
اها ذكرني

ههههههههههههههههههههه
أتاري القصة دي ماكلة معاك جمبة بالجد يا دكتور :)

بالمناسبة هي ليست "لا معيارية" بل توجد معايير ومعايير صارمة جدا كمان

أأتاك حديث النجم الساطع
لا شباك الريد عند الأبيض
منحتنا وأصل
ما أتى أبو سن على جنب كتفه ومن مخلايتو نأشر

يا حبيب
من الاخر كده
اى كاتب بلتزم بقوانيين و لوائح الموقع حا يتعمل ليه مكتبة ......بس كان زمان ....المسالة مسالة زمن و السيرفا ....لكن بعد حل مسالة الزمن بحيث يمكن للاعضاء الان تحديث مكتبتهم تبقى مسالة السيرفا و اشياء من هذا القبيل
و الحكاية ما خيار و فقوس كما تقول و عندما اتعملت المكتبات فى الفترة 2005-2007 كانت من ضمن التحديثات للموقع و كان الاختيار للمكتبات عشوئيا بدون اى شروط او بطيخ
وشكرا

حفيظ ابوسن ..
حبابك عشرة ..

Quote: الوصية بي الذمة شوف لي اخوك المطلوب شنو ونحن جاهزين رقم وطني ساري المفعول رخصة قيادة منتهية قسيمة زواج شهادات ميلاد العيال اها ذكرني

هههههه
نسيت شهادة حسن السير والسلوك يا صديقي ..

ودالبشرى !!!

Quote: أتاري القصة دي ماكلة معاك جمبة بالجد يا دكتور :)

منو دا ؟!!
أنا دا !!
الخ ..

ههههه ..

Quote: بالمناسبة هي ليست "لا معيارية" بل توجد معايير ومعايير صارمة جدا كمان

زي منو يعني :)

في مكتبات 10%
بوستات استظواط ههههههههههههههههه
والله لا اعاد 2013

براري يا صاحب ..

Quote: ما أتى أبو سن على جنب كتفه ومن مخلايتو نأشر

واذكر في الكتاب ابن سن ..
سمح الخلال فوق الجمال تتراصف
دون مكتبات وهج المعاني اتلاصف ..
فوق العالمين حرفو الحصيف اتحاصف ..

أبشر بالخير آ زول :)

باشمهندس بكري ابوبكر ..
تحية طيبة ..

Quote: من الاخر كده اى كاتب بلتزم بقوانيين و لوائح الموقع حا يتعمل ليه مكتبة ......بس كان زمان ....المسالة مسالة زمن و السيرفا ....لكن بعد حل مسالة الزمن بحيث يمكن للاعضاء الان تحديث مكتبتهم تبقى مسالة السيرفا و اشياء من هذا القبيل و الحكاية ما خيار و فقوس كما تقول و عندما اتعملت المكتبات فى الفترة 2005-2007 كانت من ضمن التحديثات للموقع و كان الاختيار للمكتبات عشوئيا بدون اى شروط او بطيخ وشكرا

من الآخر كده ..
أنا شاكر لهذا التوضيح ..
وحتى بتجاوز محتواه ..
هو يدعم, دونما شك, فكرة وجود قنوات مفتوحة بين أعضاء المنبر وادارته..

وشكرا ..

سلامات د. المشرف
لك التحية ولكل الخورعمراب


إن شاء الله عما قريب نرى لك مكتبة عامرة بكل ما خط كيبوردك من مساهمات عبر سنوات

غايتو انا قبل ان يختلط الحابل بالنابل ويكثر الهرج والمرج ويتطاول ودالبشرى في البنيان ويصبح من اصحاب المكتبات عملت لي مكتبه احتفاء بأثنين من اجمل من كتبوا بهذا المنبر

عزيزي ود المشرف،

لك التحايا،،

لا أقول: خذلتني! ولكن ربما تكون شــَــدَهتني! بعض الشيء..

يا زول ده بوست شنو ..؟!

وحتى لُمّان طاب بوستك، وكثُر فيه أهل الكَلَم من المكلوئين بتكأكؤ بعض المـُدَوِّنين "الأساسيين وكدا" .. وللأسى، كنتَ ضِمنهم! وللأسى مرفوع للقوة 100 براك سوّيتَا في نفسَك!

كأنما "كي بوردك" ال حَبّة ما واااااعيْ!

دَهَـ ا شنو آمحمد؟


لماذا تضع "كي بوردك" خصيما لصاحب الحوش، أخينا وحبيبنا بكري أبوبكر، وهو المُضيف لنا جميعا ...؟!

كنتُ متوقّع أنّك كتبتَ له، وتجاهلك..! ولكن في ما يبدو - على الأقل في همس ردّك بعد تعقيبه الجهير، علىك !! - لم تتكاتبا ..! وإذن:

شِنْ جَبَرَك على الملاواة ..؟

أم يا تُراك كنتَ قد طلبت الملاواة بأية سبيل! وتعذّرتْ عليك لـلُــطفك الحواري، ولكنّك أصررت وألححتَ واشتددتَ أن " تُلاوي" والسلام..!

فكان ما كان!


ممّا لستُ ذاكِرُه ...!

فَـــ ظُنْ خيراً، ولا تسهُل على الطَّلَبِ ..!


كويِّس..


...............
ولك التحايا

مرحبا دكتور محمد و ضيوفه الكرام

الكلام هنا موجه لاخونا بكرى اعتقد

على المستوى الشخصى جدا مطبق

للوائح المنبر و شروطه و اننـــــــي

متواجد منذ 2006 ، اهه شن قولك؟

براري
المشرف
كتر خيركم والله
ان شاء الله بكري يقرا ويحن
ماقالو عليهو حنين

الاخ الدكتور المشرف
شكرا على فتح الموضوع، اخشى على عكس قول الريس، ان الموضوع فيه الكثر من الخيار والفقوس والتبش بعد. نحن لم نخالف اللائحة يوما ما،
ومع ذلك لا نملك مكتبة ونحمد الله ان اوجد لنا academia.edu و researchgate وان كانت لا تستوعب مساهماتنا هنا.

لا كما ورد في مداخلة الصديق والاديب أبوجوده ..
ليس في الأمر منازعة أو ملاواة لبكري ..
ولبكري أبوبكر كل التقدير الذي يستحقه بالتأكيد ..

أنا من أشد "المشيدين" بهذا المنبر ..
أغضب أحيانا ولكن داخل إطار الإنتماء للمنبر وداخل معاني القول بأن للمنبر شأن هام ..
وما كان ذلك على صفحات البورد فقط ولكن على المستوى الشخصي والمجتمعي خارج البورد ..

لا ليس في الأمر ملاواة لبكري ولا حتى إهتمام شخصي بامر المكتبة وصدقا لا أحتاجها في شيء ..
هي نزعتي الدائمة لإمور الشأن العام ونقاشها وتناولها ..

محبتي للجميع وسارد بصورة أكثر ترتيبا ..
وحتى حينه ..
إسمحوا لي بتهنئة الأخ العزيز "الأرباب" هجو الاقرع بزواج نجله ..
جعله الله زواجا مباركا يا هجو ..
و "قصرنا" معاك شديد يا أخي الكريم ..
فأنت ممن تشد اليهم "العربات" ..
الا أنها شواغل الحياة !

الحاج الدوحوي، وابن العم القريب، صديق الصِّبا والشباب، هجو الأقرع

التحايا لكم جميعاً، وآلاف التبريكات للابن محمد هجو، و بيت مال وعيال، والله تعالى نسأل، أن يجعله عامر ..


.......
دكتور محمد المشرف،
لك التحايا، ومعاك حق، يبدو أنّ المُتحسِّسين من كونو ما عندهم مكتبات زي الـ"تانين" كُتار ..!

يا اخوانّا بكري ده، عرَض موضوع المكتبات دي قُبّال عشرة سنوات تقريباً، وأذكر أنها كانت للذين هُم خارج "أمُ رِيكا" بــ20 دولار

وكُنتُ أيّاميها في السعودية، لا تعوزني الدولارات، ولكن أشكو قِلّة الموضوعات..! فلم أطلب مكتبة؛ ده من جانب، والجانب التاني أعتقد أنني

الآن أملك "بعض" الموضوعات، ولكنني قد أضعتُ الدولارات والريالات والحمد لله على كل شيئ؛ وهو القادِرُ فوق عِباده أن يجمع لنا الدولارات

وحلاوة الموضوعات ..! مع ذلك، فما زلتُ أقرأ في "بعض" المكتبات ما يؤيــِّد "بعض نظرتي" بأنّنا - كسودانيين - ما نزال نوغل في المجاملات!

ونُواجِب ونُجامل صاحب أي ادّعاء ..!



.......................
هل أريدها - المكتبة - الآن؟

لا أدري..

فأزدد يقيناً بأن الشّكية، لا تكون إلّا لابـــِّــــيــدَنْ قوية ..! وإنها لكذلك: الشّكيّة لغير الله تعالى، مــذلّة ..

تحياتي دكتور المشرف وضيوفك الكرام

ما هي معايير تخصيص مكتبة لكاتب؟

هل هي بكثرة البوستات ام بقيمتها وفائدتها للناس ؟


افيدونا افدكم الله..

مكتبه لله يا محسنين

كلنا واقفين فى الصف


شكرا ودالمشرف لاثارة الامر

ود المشرف يا صديق،

لك ولجميع الأخوة الـ (بدون) ....

عن نفسي، لا أهتم كثيراً .... وربما الـ(طربقة) البسوي فيها هنا لا تستاهل مكتبة .....

لكن في ظل عدم وجود المكتبة .... ومثل هذه البوستات وبوست بكري الموجّه إلى : (جميع أصحاب المكتبات)، بيدي فرصة لود البشرى ومن لف لفه أن يقهقه شامتاً

التحية لصاحب البوست و ضيوفه الكرام

في اعتقادي ان المكتبات قد تحسن من اسلوب الحوار الذي يتم هنا

بحيث يكون صاحب اي مكتبة حريصا و دقيقا فيما يكتب

لانه بالتأكيد يود ان من يقراء مكتبته لا يجد فيها ما يسوءه

او ما يتمني ان يحذفه

خصوصا الذين لا يتخيرون مفرداتهم في الاختلاف مع الاخرين

و لا نشعر بأن الامر ضروري طلما نستطيع الرجوع لمداخلاتنا عبر الارشيف

اما من حصلوا عليها فنقول ليكم مبروك و في الحلق غصة ما دايرة تطلع ( ما حسادة لكن بت عمها كدة )

مرحبا ود العم و رفيق الصبا اخى و دفعتى محمد ابوجوده

الله يبارك فيك و عقبال عيالك يا غالى. هذه واحده اخــــــى

دكتور محمد اعرف ظرفك تماما و لقد منعك نظام الشفــــــت

شكرا على الدعوات و عقبال عيالك .

اخونا بكرى دى ما اظنو بمر تانى بى هنا.

Quote: و كان الاختيار للمكتبات عشوئيا بدون اى شروط او بطيخ

من يكتب باسم بكرى ابوبكر ههههههههههه

Quote: زي منو يعني :)

هي لكن بكري أدانا فرصة نحشش عليك شوية يا دكتور!! قاليك عشوائي وبدون بطيخ هههههه
ختاها لينا تخ عديل كدا :)

يا إمّعة يا النايص ديمة
لا ياخ بوست الإستزواط القاطع قلبك وثبّت فضيحة الراكوبة وجهلك و كونك ضنب ساكت لسّة ما ودّيتو المكتبة, ياهو دا ليه في ارشيف 2013 لسّة
يادوب ح اوديه لمّا افضى
هاكا ليه قرأ واتنايص شوية خخخخخخخخ
افتكر انه دي ... زوووووووووووط عديل كدا افتكر انه دي ... زوووووووووووط عديل كدا

المكتبة فيها الخازوق دا تكتيكات تخوير البوستات




يا أبو الريش .. النصيحة فرصة الشماتة ما بتديها لينا البوستات الموجهة لأصحاب المكتبات بقدر ما بتدردقها بوستات ولولة الما أصحاب مكتبات

Quote: بتدردقها بوستات ولولة الما أصحاب مكتبات

كده كويس يا دكتور؟

أهو يقهقه ويطرد الغازات كمان.

أفا يا أبو الريش لا تكون زعلت أبوي
المسألة لا تعدو المزاح ياخ
عموما آسفين وحقك علينا

Quote: من الآخر كده .. أنا شاكر لهذا التوضيح .. وحتى بتجاوز محتواه .. هو يدعم, دونما شك, فكرة وجود قنوات مفتوحة بين أعضاء المنبر وادارته.. وشكرا ..

فريبي يا دكتور المشرف مرة ود الباوقة كتب بوست
ساخر من دينق فقام جورج بوك هدد ود الباوقة وود الباوقة
سال سؤال استنكاري جورج بوك خرج عن النص وقال
لي ودالباوقة (تفصل)
ما كنتا متصور ممكن احتاج اقتبسا هنا

:
:
:
:
:
:
مع التحيات لله الزاكيات

Quote: أفا يا أبو الريش لا تكون زعلت أبوي المسألة لا تعدو المزاح ياخ عموما آسفين وحقك علينا

أوووب ....... يبقى كده إنت الزعلت.

فقط قصدت مجاراة المزاح.

فإذا زاد العيار من ناحيتي، فأنا الآسف.

_______________
البوست من بدايتو مزحة، وكلو وشوش خضراء.

أيوة كدا ياخ, بصراحة الوجه الأصفر الحزين ما مريح
خلينا في الأخضر
الكوت دا فيه رأيي في الموضوع كتبته قبل كم شهر, خليني اجيبه هنا ان كان فيه بعض العزاء* :)

Quote: يا بكّور .. المكتبة داير بيها شنو؟ عندك بوستات بتتحذف :) ايتو اذكر مرة بكري كتب قال لو عايز مكتبة اكتب ثم اكتب ثم أكتب فيما يفيد الناس أو شيئ من هذا القبيل ثم أذكر مرة تانية عمل ليها تسعيرة بالدولار أنا شخصيا ما مقتنع بالكلام دا لأنني لم أستوفي الشوط في الحالتين, لا كتبت فيما يفيد ولا دفعت دولار وأهو زي ما شايف طلعت لي مكتبة :) أظن القصة رزق و حظ

Re: عنوان مكتبتي في سودانيزأونلاين - 2Re: عنوان مكتبتي في سودانيزأونلاين - 2

___________________________

* ومنها تحشيش برضك :)

.


أنا، وأعوذ بالله من كلمة أنا،
عندما قدمت لنيل عضوية المنبر، جاءني الرد بالموافقة في أقل من 24 ساعة، وقد كان ذلك حينها كرما من الباشمهندس بكري أبو بكر،
بعدها لم أطمع في عمل مكتبة، ولم أفكر في ذلك، بل لم أشعر يوما أنني من الذين يستحقونها، ذلك حتى إشعار آخر!!


.

محمد

المكتبة للراحلين ... صح ؟

مكتبة الراحل المرحوم

يا أخ محمد حيدر

ياخي انت بوستاتك دي براها مكتبات

واسمك يأتي بالقراء ويزيد من كليكات المنبر

وكدا أحسن من (مدينة) مليانة مكتبات من نوع شيلني واشيلك

ابقى عافية

أحمد الشايقي

د.المشرف
تحياتي
أنت رجل (كتاب) وكلامك موزون، وتستحق أن تكون لك مكتبة، وقطعا لك مكتبة في مكان ما،
ربما مكتبة في بيتك، مكتبك، الخ...، أيضا تستحق أن تكون لك مكتبة بموقع سودانيزأونلاين،
لكن ليس بهذه الوسيلة التي إتخذتها لإثارة الموضوع، فصاحب هذا الديوان الكبير يكفيه من
البلاوي ما يقرأ ويسمع، ويستحق الشكر على صبره على هؤلاء الناس، فله العتبى حتى يرضى،
ولو كان طلب المكتبة يحتاج إلى مثني، فإني أثني على طلبك ويا دار ما دخلك شر.......