أننشـــــــــــــــــــوف زي ما بتقول دعاية زيت ناشونال الأصلي
Post: #2 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-12-2015, 07:42 AM Parent: #1
Post: #3 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عوض محمد احمد Date: 02-12-2015, 07:46 AM Parent: #1
يا سوار الدهب قول ما اتلقيتو اموال هل انت مقتنع بصلاحية هذا الرجل لهذا المنصب و بعدين لو في اموال انت ما لا بدوك و لا حتى حا تعرفها فالناس ديل مسترخصنك و مستكترين عليك القروش و بعدين يا خي انتو ما متابعننا لمتين كنت راس الدولة و الليلة شغال مشهلاتي لرجل غير جدير بالرئاسة داير شنو و قد نلت مجد الرئاسة برضاء الناس
Post: #4 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: Al Sunda Date: 02-12-2015, 09:09 AM Parent: #3
ليته سكت او لم يتحدث
Post: #5 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-12-2015, 09:12 AM Parent: #4
يا دكتور عوض ديل كتبوا عند الله كذابين من أكل المال احرام اربعين يوما عصى الله أراد أم لم يرد وهذا السوار والغ في أموال صدقات المسلمين(إن شئت أوساخهم فالصدقة أوساخ الناس كما قال النبي الكريم)، والغ فيها منذ أكثر من ثلاثين عاما بدأ بستة ألآف دولار في الشهر له هو وللجزولي وتاج الدين فضل حصلت كم هسع ما تعرف وأنت شايف المساكين في جبال النوبة ودارفور
Post: #6 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: أحمد الشايقي Date: 02-12-2015, 09:25 AM Parent: #5
.. الشيخ سوار الذهـب لا يعلم أنه (ينقـض غـزلـه) لدى الشعب السوداني وقد كان يكفيـه الصمـت ولزوم البيت ..
Post: #7 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: سيف اليزل الماحي Date: 02-12-2015, 10:32 AM Parent: #6
.
سوار الدهب يعرض في بضاعته المعروفة، ويصرح بـأكاذيب هو يعلم أنها لا تنطلي حتى على الأطفال!
.
Post: #8 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-12-2015, 10:44 AM Parent: #7
سلام يا السندا وشكرا على المرور هو لا يستطيع ان يصمت لأنو هو بيكون مؤرق داخليا - دة لو كان في حس - من مساندته لرجل يقول أنه في دارفور قتل عشرة ألف بس ولذلك يحاول هذا السوار أن يغطي على مشكلته الداخلية دي بنوع التصريحات دي
Post: #9 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: صديق الموج Date: 02-12-2015, 10:56 AM Parent: #7
يعنى عمنا عبد الرحمن ده فاكر القروش دى الا صاج احمر ما تلفزيونات الحكومة العشرة شغاله دعاية للانتخابات من هسه وندعم ترشيح البشير والبشير الاصلح وصوتو للقوى الامين، وقبل يعلنو اسماء باقى المرشحين ناهيك عن يدوهم فرصة يعلنوا عن برامجهم. هل رواتب موظفى التلفزيون ومصاريف البث ده قروشه مدفوعات من معاش الزول ده واللا شنو؟ اللهم ربى كفينا شر بهدلة الكبر،،،
Post: #10 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-12-2015, 11:03 AM Parent: #9
سلام يا سيف اليزل
Quote: ويصرح بـأكاذيب هو يعلم أنها لا تنطلي حتى على الأطفال!
ويكتب عند الله كذابا يتردد - وانا بالمناسبة عندي ابن خالة استشهد مع ضباط 28 رمضان - يتردد بين أهالي هؤلاء الشهداء أن هذا السوار الدهب قد حلف لهم على المصحف أن يسلموا ولن يمسهم شيء ... أنا شخصيا - ولأنهم يفوقون سوء الظن العريض أصدق ذلك تماما فهو يجيد مثل لعب هذه الأدوار ... يقال أن أحدهم قتل بالسونكي فور تصديقه لتلك الكذبة ... هؤلاء هم الكذبة الفجرة
Post: #11 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-12-2015, 11:30 AM Parent: #10
Quote: ينقـض غـزلـه
سلام يا أحمد الشايقي حقيقة هو لا غزل له ولا يحزنون ... هو تم اضطراره اضطرارا في يوم ستة ابريل لأنو وضح ليهو انو العساكر الأقل منه رتبة ممكن يقوموا بالعمل دة وهو كان يتمسك بان له (بيعة) على النميري ورشحت مؤخرا افادات من بعض افراد الجبهة القومية الاسلامية أنفسهم تقول بأن على عثمان أفتى له بنقض البيعة لا غزل له
Post: #12 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-12-2015, 11:49 AM Parent: #11
Quote: مدفوعات من معاش الزول ده واللا شنو؟
سلام يا صديق الموج وشكرا على التعليق عليك الله شوف نوع دجل هذا السوار قال
Quote: رغم اني زول بالمعاش لكنني سأتبرع بجزء من معاشي
الا تراه يقول لعمر البشير هنا (بيتي يشكو قلة الجرذان)!! شنو أنا زول معاشي دة وهو نزل بمعاش مشير (وزير المالية صرّح مؤخرا بأنو قلنا لناس الجيش لو في فريق داير ينزل معاش كلمونا من بدري) فإذا كان الفريق بينزل ببلاوي فما بالك بمشير ورئيس جمهورية ثم وين دولارات (وساخات) الأعراب؟! اللي بدت قبل 30 سنة - المعلن منها - ستة ألف دولار شهريا دة غير بدل السفرية و... و... و... يكتب عند الله كذابا
Post: #13 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبد الحي علي موسى Date: 02-12-2015, 12:09 PM Parent: #12
عبد الله وجماعتو..ما تظلموا الزول دا ساي. صحيح هو اتعين ب 6 ألف دولار قول صارت 10 ألف خلال ال30 سنة الفاتوا ديل. العشرة ألف دي بتساوي ليها – بالميت – 90 مليون جنيه بالقديم. وشنو يعني ال 90مليون؟ قول يومو – أكل وشراب بس – 2 مليون..يعني عايز ليه 60 مليون في الشهر. أها بلغة رياضيات زمان: ما عنده، الباقي له... زولك دا آخر الشهر بكون باقي ليه 30 مليون. ال 30 دي بتسوي شنو؟ وين الكهرباء ووين الموية الطارت السماء وين حق الكسوية وين ووين وإيجار البيت؟ يا اخوانا!!!!
Post: #14 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: علي محمد الفكي Date: 02-12-2015, 01:19 PM Parent: #13
وهل هذا فقط الذي يمنع من العمل على ترشيح البشير يا سوار الدهب كل الدماء والحروب واليتم والثكل والدمار الذي اغترفته يداه في حق الشعب السوداني والوطن لم يمنعك ان تعمل في لجنة ترشيحه
Post: #15 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: الصادق عبدالله الحسن Date: 02-12-2015, 02:21 PM Parent: #14
=
إن كان ما نقله (بشير آدم رحمة) عن المشير (عبدالرحمن سوار الدهب) في مقطع الفيديو أدناه صحيحاً وأظنه كذلك فإن سوار الدهب لن يستقيل بل هو قد استقال فعلاً عن تلك الصورة اللامعة التي رُسمت له خصوصاً خارج السودان.
وأظن أن دور (عبدالرحمن سوار الدهب) في موضوع إعادة تأهيل البشير لا يختلف عن ذلك الدور الذي قام بأدائه الممثل (عادل إمام) في فيلم : (زوج تحت الطلب)، أعني دور المحـلل الشرعي لمجرمين اغتصبوا السلطة، و نهبوا الأموال، و طفحت سيرتهم ورائحتها "العطرة" لتغطي سماء وأرض السودان، لتتسرب وتفـوح حتى خارج حدود السودان.
"المحلل" (عادل إمام) لعبها بشكلها الصحيح، وتحول من "مُحلل" ليتأهل هو إلى فهلوي يفوز بـ"الشحم" و ينعم بـ"اللحم" فما الذي يطمح إليه المشير (سوار الدهب) بعد الألقاب والمراكز والسيـرة التي نالها؟ وهل هناك من "شحم" أو "لحم" إنقاذي يمكن لأسنان المشير سوار الدهب أن تكده بعد هذا العمر المديد؟
Quote: أننشـــــــــــــــــــوف
شوف الفيديو، وشوف رأي المشير سوار الدهب في اولئك الذين ينتظر منهم الشحم واللحم:
تحياتي لصاحب البوست وضيوفه ... .. .
Post: #16 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عوض محمد احمد Date: 02-12-2015, 05:39 PM Parent: #15
Quote: يتردد - وانا بالمناسبة عندي ابن خالة استشهد مع ضباط 28 رمضان - يتردد بين أهالي هؤلاء الشهداء أن هذا السوار الدهب قد حلف لهم على المصحف أن يسلموا ولن يمسهم شيء
الحبيب عبد الله فات علي تحيتك بعاليه السلام عليك
هذا الكلام صحيح و كان اتفاقه مع الشهيد اللواء الكدرو و لولا هذا الاتفاق لكان بامكان الشهداء المضي في المقاومة كان للسوار وقتها بقية من بريق و لم يكن بحالته الراهنة
Post: #17 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عادل البراري Date: 02-12-2015, 11:59 PM Parent: #16
ليس لهذا السوار من معصماً غير الذي يسكن لذاته
Post: #24 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-13-2015, 03:17 PM Parent: #16
وعليكم السلام والرحمة يا دكتور عوض أنا أصدق هذه الرواية تماما ببساطة لأنهم يفوقون سوء الظن العريض
Post: #18 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-13-2015, 07:52 AM Parent: #13
ايها العارف بالله عبدو الحي ان البطون لا تشبع من الحرام
Post: #19 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-13-2015, 07:56 AM Parent: #18
Quote: كل الدماء والحروب واليتم والثكل والدمار
سلام يا اخ علي محمد الفكي كل هذا طالما انه لا يصل قصورهم في "المنشية" و"الرياض" و"جاردن سيتي" (شوف الإستلاب حتى في الأسماء ما عندنا اسماء تابعين لغيرنا) طالما أنهم لا يصل قصورهم فأن هؤلاء لا يهمهم في شيء لكن ستدور عليهم الدوائر شكرا على المرو والتعليق
Post: #20 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: Hafiz Bashir Date: 02-13-2015, 09:09 AM Parent: #19
إستهبال كيزاني كامل الدسم
يعني سعادة المشير معاش حيقبل الشيرينج بتاع أعضاء المؤتمر الوطني المعروف لكل قاصي و داني إنو مصدر اموالهم النهب من الحكومة ومن دمنا و يجي يتبجح بإنو ما بيتلقى دعم من الحكومة؟!
غايتو الكيزان ديل يسرقوك و بكل قوة عين يقولوا ليك يا غبي هاك الكلام الفطير دا اتونس بيهو
والمشكلة إنو نحن فعلاً بنتونس بيهو
Post: #21 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-13-2015, 10:19 AM Parent: #20
الأخ الصادق عبدالله الحسن تحية طيبة كلام بشير آدم رحمة كلام زول عارف البير وغطاها ومافي اصلو بيفضحهم زي ما ح بفضحوا أنفسهم بأنفسهم اذا أختلف اللصان وكتير بقول كلام ياسين عمر الإمام عليه الرحمة انو عند سقوط النظام دة ياما تشوفو هوايل ربنا يورينا "غـ"ـريب
Post: #23 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: طارق ميرغني Date: 02-13-2015, 01:37 PM Parent: #3
كذاب
Post: #26 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله محمد أحمد Date: 02-14-2015, 08:15 AM Parent: #3
و تصريح مثل هذا من سوار الدهب، معقول يكون بالمجان!!!!؟ صحيح الاختشوا ماتوا.
Post: #22 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: بارودى مصطفى فاشر Date: 02-13-2015, 12:52 PM Parent: #1
سبحان الله سوار الدهب من القمة الى الهاوية كنت افتخر بيه كسوانى اصيل ولكن للاسف خاب ظنى يبدو ان الرجل شخصية ضعيفة للغاية اصبح صبى ومرسال فى قصر عمر البشير للمهمات القذرة قديما قالت العرب ( من بره هلا هلا ومن جوة يستر الله) غايتو انخدعنا قيه طويلا حتى خلع بنفسه القناع
Post: #25 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-13-2015, 03:23 PM Parent: #22
عادل البراري سلام سلام هم كلهم كذلك الواحد فيهم همه نفسه ومن بعده الطوفان أهلنا بيقولو الداب نفسو من نفسو قصر
Post: #27 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: أيمن محمود Date: 02-14-2015, 09:09 AM Parent: #25
كوز كذاب
Post: #28 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: سيف اليزل الماحي Date: 02-15-2015, 07:38 AM Parent: #27
.
Quote: كنت افتخر بيه كسوانى اصيل ولكن للاسف خاب ظنى
سوار الدهب خان ثقة العسكريين و ركل شرف العسكرية بحذائه منذ إنحياز صغار الضباط لإنتفاضة الشعب، كان معوما انه أدى القسم للإنحياز لمطالب الجماهير، وفي ذات الوقت كان يعمل لصالح الجبهة الإسلامية، وعندما جاءت الإنقاذ أسفر عن وجهه الحقيقي، يعتقد الرجل ان الشعب السوداني شعب درويش وساذج يجب الضحك عليه وخيانته!
.
Post: #29 Title: Re: سوار الدهب: سأستقيل من لجنة ترشيح البشير اذا ما تلقت أموالا حكومية (صورة) Author: عبدالله عثمان Date: 02-15-2015, 08:44 AM Parent: #28
سلام يا أخ حافظ بشير هم أنفسهم لا يصدقون هذه الكذبة ولكن، والحمد لله، فقد أنكشف أمرهم للكثيرين حتى من بعض أتباعهم والصحف يوميا تطفح بأكاذيبهم ومغالطاتهم شكر ياخي على المرور والتعليق
