Post: #1
Title: مشتاق اشوفك في الشوارع
Author: د.محمد حسن
Date: 02-09-2015, 08:29 PM
07:29 PM Feb, 09 2015
سودانيز أون لاين
د.محمد حسن -
مكتبتي في سودانيزاونلاين
جيتك علي شوق السنين اشعار
ولسة في جوايا شايل
و كتبت ليك مشتاق اشوفك في الشوارع
شايلة في ايديك فروع النيم جدائل
و اعرض معاك وسط الجموع الهادرة نهتف
يلا ارحل
نحن شعبا ديمة يسوي الهوايل
اصلك انت فاكر انو صبر الناس مذلة
الا اعرف انو صبر الناس فضائل
نحن شعبا من زمن مليان تسامح
الا لما تقوم قيامته
اوع تجري
و الكتاتيح بي وراك زي علايل
كنا بنقول ليك و انت سادر
لا بتسمع لا بتشاور
ابقي مارق
و جينا ليك
نحن شايلين ليك هتافا زي زلازل
و ابقي ضوق لحظة الخوف
من مصيرا ليك حارق
إحتملنا ساعة واحدة
احتملناك نحن عقدين من زمان
فيها اتضيمنا ياما
وفيها اطفال ماتو من عدم الرضاع
ونحن بنشوف الف سارق
والعمر والله ضاع
والعمر في جور ظلمكم
منقوص وماحق
ونحكي ليك عن نعيما
كنت فيه ناسي غارق
و هسه ضوق حرقة يما ليه تفارق
نحن للشارع مرقنا و ما بنرجع حدنا القصر الجديد
حدنا ما ليه حد
ورينا بس حدك انت ببقى وين
وانت ليك في رقبتك
من ذممنا باقي دين
كيفن تسدو
وحالك انت
اصلو مايل
|
Post: #2
Title: Re: مشتاق اشوفك في الشوارع
Author: اخلاص عبدالرحمن المشرف
Date: 02-09-2015, 08:49 PM
Parent: #1
صلك انت فاكر انو صبر الناس مذلة
الا اعرف انو صبر الناس فضائل
د/ محمد حسن كيفك
|
Post: #3
Title: Re: مشتاق اشوفك في الشوارع
Author: د.محمد حسن
Date: 02-10-2015, 09:38 AM
Parent: #2
الحمدلله
علي موجوع
|
|