Post: #1 Title: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: عادل ابراهيم احمد Date: 02-09-2015, 09:49 AM
08:49 AM Feb, 09 2015 سودانيز أون لاين عادل ابراهيم احمد - الدوحة -قطر مكتبتي في سودانيزاونلاين
ابن العمة زين العابدين محمد الحسن الصياد واخوه قسم الباري محمد الحسن الصياد ..
انجال العم الراحل محمد الحسن "الصياد" من المسيكتاب .. والذي كان مشهورا على نطاق السودان باصطياد التماسيح ..
الزين والدته منا في قرية الدوشين التراجمة شمال شندي .. وقسم الباري والدته من المسيكتاب شمال شندي ايضا ..
يحكي لي الزين ان والدهم كان "يشرك" بهم للتماسيح ..
يعني يترك قسم الباري مثلا في الجزيرة - وكان طفلا - كعطم للتمساح ثم يراقب حركته من على البعد .. فتكون طلقة عمنا محمد الحسن اسرع للتمساح من وثبته على فريسته وهي ابنه ..
رحل العم عبد الباري في السبعينات وترك مهنته لابنائه يمارسونها كهواية ..
قسم الباري مستقر بالسودان ..
اما زين العابدين فهو مغترب بالسعودية ..
وقد صادف في اجازته هذه الايام بالسودان مهمة صعبة ..
فقد طلب اهالي ريفي كريمة من قسم الباري ان يقتل لهم تمساحا فتك باغنامهم ومواشيهم ..
فشد الاخوة الرحال الى هناك .. وهم الذين يمتلكون خبرة كبيرة في تتبع واصطياد التماسيح ..
وكنت متابعا بالتلفون والواتس اب مع الزين .. وبحمد الله اسفرت المعركة عن مقتل تمساح الحمداب ..
وبهذا يكون اهل السودان قد تخلصوا من تمساح عشاري ..عقبال ما يتخلصوا من تماسيح السوق والسياسة .. هاها
Post: #2 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: عادل ابراهيم احمد Date: 02-09-2015, 09:51 AM Parent: #1
زين العابدين "بالتي شيرت الازرق " والتمساح بعد اصطياده ..
Post: #3 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: عادل ابراهيم احمد Date: 02-09-2015, 09:52 AM Parent: #2
Post: #4 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: عادل ابراهيم احمد Date: 02-09-2015, 09:54 AM Parent: #3
كنت قد سالت قطاعا من اجيال المغتربين الصاعدة ومواليد الدوحة عن " البديقة " .. فلم اجد جوابا ..
السؤال لكم : ما هي البديقة ؟
Post: #5 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: عادل ابراهيم احمد Date: 02-09-2015, 09:57 AM Parent: #4
Post: #6 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: عادل ابراهيم احمد Date: 02-09-2015, 10:06 AM Parent: #5
التماسيح هي عنوان العنفوان والسطوة والقوة في الموروث الشعبي السوداني ..
ولها اسماء مثل : اب كريق .. الدود .. وغيرها ..
وحينما يكون " مكور" و "حاتل" يكون في قمة سيادته على النيل وامتداداته ..
كان قديما سلطان نهر النيل بلا منازع حتى قيام السدود والخزانات التي حدت من حركته ..
ولكنه ينفلت كثيرا من تلك السدود ليقلق القرى والمزارعين في الجروف وشواطئ النيل شرقا وغربا ..
واكبر التماسيح هو التمساح العشاري ..
والكريق هو ما علق من طحالب وطين النيل بظهر التمساح ..كما تغني كابلي : اب كريق في الجج ..سدر حبس الفجج
Post: #7 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: Abdelslam Malik Ali Elhag Date: 02-09-2015, 10:57 AM Parent: #6
اخونا عادل حبابك يا غالي التمساح في قريتنا الدقاويت حسب ما افادني ابن عمي من السودان
Post: #8 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: Yasir Elsharif Date: 02-09-2015, 11:10 AM Parent: #7
سلام يا عزيزي عادل والتحية لهذين الفارسين اللذين خلصا الناس من هذا التمساح..
عقبال تماسيح الحكم الإنقاذوي أو العصبة الذي تجبروا ونسوا عِبَر التاريخ القريب لمصير المتجبرين.
ياسر
Post: #9 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: نزار عبد الوهاب Date: 02-09-2015, 12:23 PM Parent: #7
Quote: التمساح في قريتنا الدقاويت حسب ما افادني ابن عمي من السودان
الشيء شنو دا تمساح ولا مناضل ...
Post: #10 Title: Re: ابن العمة الزين الصياد يتفترس تمساح كريمة.. عقبال تماسيح السوق (صور) ** Author: قاسم الامين عبود Date: 02-09-2015, 03:22 PM Parent: #1
الاخ عادل سلام يازول انت مواليد شندى وين تحديدا سبق وارسلت ليك رسالة من قبل ..... انا من اهلك ناس شندى برضوا ودعمتك دا ان شاء الله تكون اجازته طويلة عندنا تمساح مجنن الامة كلها عاوزين يشيل شكرتوا بالله كلموا لينا وشوف رايو شنو والله يخلد اسمو علي مستوى السودان كلوا ربنا يديه العافية منتظرين الرد
