|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: راشد فضل)
|
Quote: سؤال : زوجتي حضرت بصورة رسمية للمملكة قبل 3 سنوات تقريباً وعند حضورها بصموها في المطار قبل دخول البلد
فهل تحتاج للبصمة مرة أخرى ؟
|
ود البصير دخل رقم إقامتها في السيسم حق وزارة الداخلية، واعمل استفسار آلي عن البصمة والنتيجة بتكون واضحة تحت... لو محدثة... بختك . ولو ما محدثة.... المدافرة والمعافرة والتأخير منتظرك
رغم كوني مقتنع أنها محدثة ولا تحتاج
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: عبد العزيز محمد عمر)
|
مع التحية والشكر ، ونود أن نزيدكم بأن الأسرع والأسهل هو بيت المرأة والطفل بجانب أسماك النافورة والدولية للسفر , في خط الخدمة وأنت متجه شمالاً بطريق الملك عبد العزيز بعد شارع العروبة وقبل أن تصل صيدلية الكردي عند تقاطع عبد الله العنقري مع الملك عبد العزيز ، لا أرقام ولا إنتظار في دقائق معدودة الزوجة والبنات الـ فوق الخمسة عشر ينجز لهن البصمة .
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: ولياب)
|
السلام عليكم، وجزاك الله خيراً أبو الحسين لهذا البوست الخدمي! واسمحوا لي بتوسيع دائرته: ليشمل السفارة السودانية، وتجديد الجواز، وما إليه!
خاصة ونحن ناس الأقاليم، الواحد عاوز يجي يعمل الإجراء في نفس اليوم بإذن الله، ويرجع!
طيب: أنا عاوز أجدد الجواز! وعاوز أفصل البنات من جواز أمهم!
فكيف الإجراء؟ وكيف التكلفة؟
مع خالص الشكر!
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: صلاح عباس فقير)
|
Quote: طيب: أنا عاوز أجدد الجواز! وعاوز أفصل البنات من جواز أمهم!
فكيف الإجراء؟ وكيف التكلفة؟
مع خالص الشكر! |
هلا بي ناس الأقاليم المجاورة صلاح فقير...
أها سألتني وأنا أجاوبك... حسب علمي يا الحبيب آخر تجديد للجواز أنا مشيت السودان شهر 12 وجوازي ينتهي شهر 2...
أها من هناك جددولي لي شهر ستة بس... وقالو لي أقصى تجديد تاني لا شهر ستة... وأقصى إستخدام للجوازات الخضراء القديمة لي شهر نوفمبر 2015م...
دي نمرة واحد...
وأزيدك من الشعر بيت لو عاوز جواز إليكتروني جديد عليك بالآتي:
1/ صورة الرقم الوطني 2/ صورة من الجواز السابق 3/ صورة جواز شاهر 4/ خطاب في حالة المهن الفنية أو صورة من الشهادات. 5/ ملء الإستمارة وترفق فيها صورة فوتوغرافية واحدة... 6/ الرسوم بالنسبة للرجال 530 ريال والزوجات 430 ريال والأطفال 95 ريال...
إنشاء الله أكون وضحت الفكرة كويس...
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: ولياب)
|
Quote: مع التحية والشكر ، ونود أن نزيدكم بأن الأسرع والأسهل هو بيت المرأة والطفل بجانب أسماك النافورة والدولية للسفر , في خط الخدمة وأنت متجه شمالاً بطريق الملك عبد العزيز بعد شارع العروبة وقبل أن تصل صيدلية الكردي عند تقاطع عبد الله العنقري مع الملك عبد العزيز ، لا أرقام ولا إنتظار في دقائق معدودة الزوجة والبنات الـ فوق الخمسة عشر ينجز لهن البصمة . |
شُوفو جنس النعمة دي...
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: راشد فضل)
|
Quote: شكرا يا ابوحسين هنالك من يقول أن الاجراء يمكن أن يتم في المطار |
هلا حبيبنا راشد... فعلاً الإجراء في الفترة الأخيرة بقى يتم في المطار...
لكن عندي نصيحة برضو لاحظها واحد صاحبنا... زوجتو جات قبل فترة وما بصمت...
إتضح إنها دخلت في صف الناس المقيمين "لأن في المطار في صفين،،، صف للمقيمين وصف للناس الجديد والزيارة" أها قريبتنا دي إتقطعت في صف المقيمين والمقيمات،، أها مرقت سريع لكن بدون بصمة!!!
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: محمد علي البصير)
|
Quote: لك التحية الأخ أبو الحسين ولكل زوار البوست الكرام
سؤال : زوجتي حضرت بصورة رسمية للمملكة قبل 3 سنوات تقريباً وعند حضورها بصموها في المطار قبل دخول البلد
فهل تحتاج للبصمة مرة أخرى ؟ |
تسلم حبيبنا ود البصير...
سؤالك طبعاً جاوبُولك عليهو تحت... لكن نصيحتي ليك تسجل في برنامج أبشِر...
وتدخل على قائمة التابعين عندك... وفي بروفايل المُدَام بتعرفها مبصمة ولا لأ...
إنشاء الله تكون مبصمة... وأنا حسب علمي الناس الجُو داخلين في السنوات الأخيرة دي معظمهم بصموهم في المطار...
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: ismeil abbas)
|
Quote: جزاك الله ألف خير الحبيب أبوالحسين..أيضاً بالنسبة لصحارى بشتغلوا يوم السبت أيضاً ولكن لازم تمر الساعة 2ونصف تأخذ رقمك وفعلياً ببدوا بعد العصر....وفعلاً ربطوا البصمة بكل إجراء فى ألأقامة...تقديرى |
شكراً للإضافة حبيبنا إسماعيل عباس...
وبيني وبينك صاحبك كان خاااااايف من جيهة الجوازات وزحمتها ديك... لكن الحمد لله كان الفرج بهذه المراكز...
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: محمد علي البصير)
|
Quote: خاصة ونحن ناس الأقاليم، الواحد عاوز يجي يعمل الإجراء في نفس اليوم بإذن الله، ويرجع!
طيب: أنا عاوز أجدد الجواز! وعاوز أفصل البنات من جواز أمهم!
فكيف الإجراء؟ وكيف التكلفة؟ |
مع التحية يا صلاح
بالنسبة لتجديد الجواز ، عادي في نفس اليوم
ولكن فصل البنات يحتاج لوقت ، أولا إستخراج الرقم الوطني ، الذي يحتاج لموعد لعمل إجراءات البصمة والتصوير ، وفي حال وجود الرقم الوطني للبنات ، يتم تعبئة طلب الجواز ( ويفضل الجواز الالكتروني الجديد) نظراً لعدم صلاحية الجواز السوداني الحالي (الأخضر) بعد تاريخ 25/11/2015م ، وأيضا تحتاج لوقت أطول موعد يترواح الى ثلاثة أسابيع وم ثم الاجراء وموعد آخر قد يستغرق أربعة اسابيع لاستلام الجوازات الجديدة ، وقد لاحظت أن السيد مدير الجوازات يساعد القادمين من مناطق خارج الرياض ، نظرا لظروفهم وتكبدهم المشاق للحضور للرياض ، بالنسبة للرسوم تجديد الجواز القديم للمدلم (60) ستون ريالاً ، وقيمة إصدار الجوازات الجديدة الالكترونية 430 للنساء الغير عاملات ، الطالبات مئتان وشوية (لست متأكد) الأطفال 95 ريال .
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: صلاح عباس فقير)
|
سلام يا أبو الحسين والكوكبة مشكورين على الخدمة المميزة دي
يا جماعة بتركيز : الأطفال المستحقين البصمة من عمر كم وانت طالع لأنو في واحد فوق قال 6 سنوات وما فوق واحد قال 15 سنة
التاني لو في إمكانية عمل موجز لكافة متطلبات الجواز الجديد
وفصل الأبناء
لأنو أسخف حاجة تخصص يوم وتمشي يطالبوك بحاجة ما في بالك موضوعك ينفس
لكم تحياتي
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: حمد عبد الغفار عمر)
|
Quote: طيب: كيف يتم عمل هذه المواعيد؟ أرجو الإفادة بخصوص هذه النقطة، يعني هل ممكن تعمل مواعيد قبل ما تجي، ولا لازم أجي أنا أول؟ |
مع التحية
من الأفضل أن تأتي ومعك الأسرة مرة واحدة حاملاً أصل جواز والدتهن مع صور من جوازك وصورة شخصية للبنات وصور من شهادات الميلاد ، وبعد تعبئة النماذج والتصديق وتحديد الموعد من قبل ضابط الجوازات ، حاول مقابلة السيد مدير الجوازات ( وما شاء الله عليه رجل يقوم بمهامه على وجه مشرف وحقيقة لا أعرف أسمه) واذكر له قدومك من خارج الرياض وإن شاء الله سوف يقدر ذلك .
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: ياسر منصور عثمان)
|
Quote: ولو كنت ناوي تنزل في الاجازة بكون الموضوع اخف... تجدد هنا وتمشي تعمل الجواز الالكتروني في السودان..
|
نعم الرأي أخي ياسر...
لكن أهم حاجة جوازك يكون فيهُو مدة إلى ما بعد شهر ستة...
تدق خروج وعودة قدر المدة الموجودة في الجواز... وتمشي هناك تعمل الجواز الإليكتروني "وهناك سهل جداً وأرخص كمان" وتعمل تأشيرة العودة...
وبالمناسبة قالُو تحديث البيانات بتتم في المطار وانت راجع من هناك... "تكون مرفق الجواز القديم مع الجديد الفيهو تأشيرة العودة من هناك...
وإجازة سعيدة نتمناها لكم...
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: أبو الحسين)
|
Quote: لك التحية الأخ أبو الحسين ولكل زوار البوست الكرام
سؤال : زوجتي حضرت بصورة رسمية للمملكة قبل 3 سنوات تقريباً وعند حضورها بصموها في المطار قبل دخول البلد
فهل تحتاج للبصمة مرة أخرى ؟ |
محمد علي البصير سلام يا حبيبنا أصلو زوجتك مع ناس داعش خلاس بصمة واحده والموضوع انتهي ناس السعودية الاجراءات عندهم ساهلة شيل شيلتك مع ناس السفارة عشان تستلم الجواز وتفصل الاولاد روحك بتطلع
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: عبد الحي علي موسى)
|
Quote: سلام يا أبو الحسين. الكلام دا كيف؟ أنا معي الجواز القديم وبه تأشيرة الخروج والعودة..أقوم تاني أعمل تأشيرة عودة على الجواز الإلكتروني!! ومن يعمل هذه التأشيرة؟ هل سفارة المملكة؟ دي تلتلة عجيبة. معليش شغلناك معقب. |
سلام حبيبنا عبد الحي...
تأشيرة العودة قصدي البتعملها من المغتربين...
قريبي عمل جواز إليكتروني جديد بالسودان... وعمل تأشيرة العودة من المغتربين في الجواز الجديد... وأرفق معاهُو القديم وجاء عااااااااادي...
يعني ما عندو أي علاقة بالسفارة السعودية هناك...
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: أبو الحسين)
|
بشرى سارة بخصوص إستخراج الجواز الإليكتروني بالسفارة... أنا مشيت أول أمس لغرض غير الجواز لقيت الإمور ساااااااااااهلي طلعت جوازي وحمدت الله...
لقيتلي مجموعة شباب ماشاء الله زي الورد "جايين داااااااااابُن من السودان بي شَرَايَتُنْ" انضمت للمجموعة التي تعمل بالسفارة تسهيلاً لإستخراج الجواز الإليكتروني...
ما مطلوب منك إلا صورة الرقم الوطني وصورة جوازك... يصدقها ليك الضابط الجُوَّاني رمشة عين... تمشي تدفع قريشاتك... 530 ريال...
وتتصور في نفس اليوم... وتستلم جوازك بعد شهر من تاريخ التصوير...
لمن تدفع القروش لا تنتظر في الصالة القديمة ديك... فتحو صالة جديدة عند باب السفارة وانت داخل على يدك اليسار... بعد مكتبة التصوير...
كلما مشيت بدري يصوروك بسرعة... ولو تأخر إسمك ما ندهُوهُو... أمشي أسأل الشخص المسئول من النداء... لو لقيت ورقك لسع ما وصل من الحسابات أمشي راجعُن يدُوك ليهو تجيبُو معاك في إيدك تديهو الشخص المسئول من النداء...
شكراً لإدارة الجوازات على التسهيلات الفوق دي... ونتمنى لهم مزيد من الجهد في خدمتنا...
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: أبو الحسين)
|
Quote: ما مطلوب منك إلا صورة الرقم الوطني وصورة جوازك... يصدقها ليك الضابط الجُوَّاني رمشة عين... تمشي تدفع قريشاتك... 530 ريال... وتستلم جوازك بعد شهر من تاريخ التصوير |
شهر لإستلام جواز مع العلم أنه تبديل لجواز قديم !! فالحين فى تحصيل الريالات مبكراً
كانت لنا أيام فى الرياض .. ذكريات جميلة لا تعكرها إلا ذكريات إحباطات المعاملات فى السفارة السودانية !
| |
|
|
|
|
|
|
Re: نصيحة مُفيدة بخصوص عمل بصمة الزوجات بالرياض... بوست خدمي... (Re: أبو الحسين)
|
الإخوة الكرام.. السلام عليكم ورحمة الله وبركاته... وشكراً لمروركم الكريم...
هناك نقطة مهمة بخصوص أسعار الجواز الجديد أُريد توضيحها...
جواز الأطفال كان سعرو في الأول وزي ما موضح في البوست دا بـ 95 ريال...
الآن أصبح سعرو بـ 210 ريال...
ودا للمعلومية عشان الواحد يمشي جاهز... خصوصاً أنه لا يوجد صراف آلي قرب السفارة... ولا توجد شبكة مبيعات بالسفارة...
ونسأل الله التوفيق والصلاح للجميع...
| |
|
|
|
|
|
|
|