عندما قال لي مارادونا .. قوم لف (صورة )

05:38 AM Feb, 08 2015
سودانيز أون لاين
طلحة عبدالله -
مكتبتي في سودانيزاونلاين



وأعقبها بهمهمات خافتة أظنها حسب حدسي الذي لا يخيب :
ها عربي ها اتا الكورة شفتها وين ..؟
يتبع ان الله هون

كيفك يا طلحة

بالله سخر منك


زي دي كدا

شكرا وعذرا لأصحاب الكليكات التي نزلت كالمطرة في بضع دقائق
وأقول ليهم وأنا أعني بالضبط ما أقول : اتوا قطعا جيتوا جارين للصورة المعلقة في
العنوان عاليه، ويؤسفني أن أنوه إلى أن الصورة محجوبة عن أصحاب القلوب الحاقدة
والمشاعر الكاسدة الخ الخ الخ .. ويمكن رؤيتها بالخيال المجرد، عطفا على الغضب الهائل
الذي اجتاح أسطورة كرة القدم عمو مارادونا بعدما ما استفزه سؤالي في أحد المؤتمرات الصحافية
في أعقاب مباراة جمعت فريق الوصل الذي يدربه مارادونا آنذاك والعين، وكنت أعلم إنو الزول
دا لما فريقو يكون مغلوب لا بفرز أعوج ولا عديل، ولكنني لم ألاوز وبعد أن بسملت ونعلت أبو
أم الشيطان الرجيم بادرته أو بالأحرى باغته بالسؤال : دائما تلعب مدافع كأنك تخاف من الخسارة
حتى مع الفرق الأقل مستوي مع انك كنت مهاجم لا يشق لك غبار.. وبى سبب تخندقك دا اتغلبت
كم مرة والوصل ماشي ينزف بعد ما كان يعزف.. لقد أصبحنا نعرف بالضبط تشكيلة مارادونا
وطريقة لعبه ونحفظها عن ظهر وبطن قلب، ومستعد أقولا ليك في المباراة الجاية .. الخ الخ الخ ؟؟
وانعقد لسان الذي في ضميره ألم .. وقد لاحظت بطرف خفي أنه مد يده لكرسي فاضي كان بجانبه
ولكنه تمالك نفسه في اللحظات الأخيرة .. غير أنه تململ ذات اليمين وذات اليسار ودفع بجسمه إلى
الأمام، ثم عاد وأسند ظهره ورأسه على معقده .. ثم أعاد الكرة واندفع إلى الأمام، ووضع يديه
في التربيزة وعقد كفيه .. والناس في صمت مهيب ينتظرون رده أو بصورة أدق كواريكه
وبعض الأعدقاء في القاعة المتوجسة يرمقونني بطرف حاقد، وقد أعدوا مشاعرهم للحظة الموعودة..
والأسطورة يميل على مترجمه تارة ويحدجني بنظرة إن قلت من نار تستعر فقد هذبتها ..
ثم ...........
يتبع إن الله هون

ثم
إن الأسطورة رطن مع مترجمه ( أرجنتيني ) بطريقة أنا متأكد أنها موغلة
في الشعبية لأنني لاحظت (بحدسي الذي لا يخيب ) انو إرتجافة خفيفة سرت في أوصال
المترجم المسكين.. وبعد ثوان مضت كأنها ساعات.. قال المترجم :
يقول لك هو يمتنع عن الرد على هذا السؤال لأن صاحبه وضح أنه شاهد مباراة
أخري غير مباراة اليوم، وهو ( أي عمو الأسطورة ) جاء هنا ليرد على أسئلة تتعلق
بمباراة اليوم .. اللي بعدو .. يعني السؤال التالي ..
قالها المترجم الأرجنتيني باللغة الإنجليزي وأكاد أجزم كأنها قالها دييغود مارادونا باللهجة الأرجنتينية
ممزوجة بكل ما يعتمل بداخله من غضب وثورة.. خصوصا وأنه ( أي مارادونا) كان ينظر لي
بذات الطريقة التى تنز قرف مني أثناء ما كان المترجم يلقمني حجرا .. أقصد يرميني بالإجابة..
بل إن مارادونا كان في الأثناء يمط خشمه تارة ويشوح بيديه تارة ويحرك قدمه تحت أسفل
التربيزة تارة ثالثة الخ الخ الخ ..
باختصار قال لي وأنا متأكد من قولي : قوم لف كدا واللا كدا إتا شن خبرك بالكورة وشفتها
وين من الأساس .. قال مريخ قال .
انتهى .

هلا يا حمد
سخر مني وأنا متأكد بكون سب لي حاجة .

ازيك يا صاحب


اريتك طيب

ماردونا اتلوم معاك والله

ما كان في داعي تقول ليهو:
لا يشق لك غبار

هلا يا عباس .. الأسطورة مدرب فاشل ..

يا أحمد يسن هو فعلا كان لا يشق له غبار ولا حتي عجاجة .

يعني يا تنظير أسه ود البشري ده عمرو كلو بقول ليكـ قوم لف .. ما شايفكـ أحتفيت بالموضوع ده ؟ يعني أسه ود البشري فرقو من مارادونا شنو ؟ مش ياهو كأس العالم ده و لا حاجة تانية ؟

تعرف ياطلحة انا لما اشوف مواضيعك
بجى جارى عشان أقرأ تعليق ودالبشرى.
يتبع على قولك ـ

يا خالد عبدالله محمود وهل لفة الأسطورة قريبة حتي من لففان المدعو صاحبك
دا .. ؟ الإجابة حاشا وكلا أن تكون هناك حتي مقارنة .. اتا آزول بى صحك واللا شنو ؟؟؟؟؟؟؟؟

يا فاضلابي تحياتي .. لا فجة لجرجير في هذا الوضع .. دا بالكتير يرمي درابو عندما يتعلق
الأمر بناس عنكبة وعمر بخيت وود الحجازي وأشياء مشابهة .