Post: #1 Title: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحان ودالحاوى Author: بدر الدين الأمير Date: 02-07-2015, 10:58 AM
ظللت اعاند واكبار لفترة ان اميز الحان ود الحاوى هى اغنية المصير وكم وكم تناقرت لسنوات مع بعض الموسيقيين والمهتمين بل مع ودالحاوى نفسه بان اميز الحانه هى المصير وظل صديق عمرى عبدالمنعم الفكى عازف الايقاع الاميز ظل يترجانى سماع غاية الامال بعيد عن تعصبى للمصير حتى الرجرجة صديق الموج حين سالته عن اميز الحان ودالحاوى لم يتردد في قوله غاية الآمال وبالامس الاول وانا افتك من تلابيب الوظيفة سمعت غاية الامال بتحيد لاكتشف ان النص فريد وعصى وكذلك اللحن
Post: #2 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-07-2015, 10:59 AM Parent: #1
جمال ياود القوز قصدك شنو داير تقول لى انت عربى جزيرة داقس حتى الاغنية الاعترفت بتميزها مابتعرف تجيب رابطها شكيناكم وخليناكم ياناس البندر ... كنت داير اقول ان حسين خوجلى اصولو من الجزيرة بس الشينة منكورة هههههه
Post: #8 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: جمال ود القوز Date: 02-07-2015, 11:33 AM Parent: #5
بس عليك الله ياود الامير ... المصير دي خليتها ليه .. فقد ابدع ود الحاوي في لحنها .. واهدى المكتبة السودانية .. أغنية رقم ... وحسب وجهة نظري .. هي تفوق غاية الامال ... وبكتير .. لكن رايكم على العين والراس ..
Post: #6 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: عاطف عمر Date: 02-07-2015, 11:26 AM Parent: #1
04:26 ص Feb 7,2015 سودانيز أون لاين عاطف عمر - مكتبتي في سودانيزاونلاين
تحياتي وسلامات
أعياني فهم أن كيف تتم المفاضلة بين لحنين لأغنيتين مختلفتين نصوصاً شعرية ؟؟ فالمعروف أبجدياً في عالم التلحين أن النص الشعري - أى نص شعري - تحدد موسيقاه الداخلية اللحن الأنسب له ربما كنت أتفهم أن تتم المفاضلة لو أن نصاً شعرياً واحدا قد تم تلحينه بـ ( روايتين ) مختلفتين هنا ( ربما ) تكون المفاضلة ... وليس في وجودها إطلاق بل هى تعتمد على ذائقة المتلقي
Post: #9 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-07-2015, 11:41 AM Parent: #6
عاطف عمر حبابك ألف وحات امى الحرم بت على انا بعرف اسمع غنى وغير متحيز بس المصير كاسرة فينى ضلعة وبتجسد لى العديد من الشواكيش الاخدتها هسى كبرت وتجاوزت الخمسين من العمر وولدى بقى موظف وبراجع في شواكشى جاى انت تدينى بنية في السمع والنصوص شكلك برضو انك من مالقيط المدن ههههههه
Post: #10 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: جمال ود القوز Date: 02-07-2015, 11:45 AM Parent: #9
العفو يأود الأمير يأخ .. لكن أعجبني تزوق هذه الأغنيات الجميلة ما اكتر .. لكن بيني وبينكـ اركز فوق رأيكـ القديم .. كفة المصير عي الأرجح .. كما قال ود الحاوي نفسه ..
Post: #12 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: جمال ود القوز Date: 02-07-2015, 11:51 AM Parent: #10
انا عارف ملاقيط المدن ماحايسبونى في حالى عربى الكلاكة عبدالمنعم الفكى ماكضب خبر اتصل ساخر من اعترافى وقال اضيف لك ان غاية الآمال هى اول لحن لحنه ودالحاوى اتمنى من المحققين التثبت من هذه المعلومة انا راقد فوق راى
Post: #14 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-07-2015, 12:16 PM Parent: #13
Quote: بس عليك الله ياود الامير ... المصير دي خليتها ليه .. فقد ابدع ود الحاوي في لحنها .. واهدى المكتبة السودانية .. أغنية رقم ... وحسب وجهة نظري .. هي تفوق غاية الامال ... وبكتير .. لكن رايكم على العين والراس ..
ياود القوز هو انا ملاقيط المدن خلونى في حالى حين اناحز للمصير يشتمونى باللبنانى المظلل البسمع فيروز وماجدة الرومى وشنو كدا ما عارف
Quote: عاطف عمر حبابك ألف وحات امى الحرم بت على انا بعرف اسمع غنى وغير متحيز بس المصير كاسرة فينى ضلعة وبتجسد لى العديد من الشواكيش الاخدتها هسى كبرت وتجاوزت الخمسين من العمر وولدى بقى موظف وبراجع في شواكشى جاى انت تدينى بنية في السمع والنصوص
تسلم الوالدة الحرم بت علي أنا لا أشكك في ذائقتك السمعية - لا سمح الله - فأنت رجل معطون غناء وشعراً لكنني أرى أن لحن أغنية المصير هو اللحن الأجمل لـ ( كلمات النص الشعري ) لأغنية المصير ومتسق تماماً مع الموسيقي الداخلية لكلمات النص الشعري وأن لحن أغنية ( غاية الآمال ) هو اللحن الأجمل لـ ( كلمات النص الشعري ) لأغنية غاية الآمال ومتسق تماماً مع الموسيقي الداخلية لكلمات النص الشعري
وأن محاولة المفاضلة بينهما تماماً كـ المفاضلة الواردة في السؤال
أحلى السكر ولاّ جراى الحصان ؟؟؟
Quote: شكلك برضو انك من مالقيط المدن ههههههه
ههههههههههههههههههههه أبداً وحياتك بيننا النيل الأزرق في ( أضيق مساره ) من ( رفاعة ) نقطع النهر في ( نفس واااحد ) ونكون في ( أربجي )
Post: #16 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-07-2015, 12:41 PM Parent: #15
Quote: أبداً وحياتك بيننا النيل الأزرق في ( أضيق مساره ) من ( رفاعة ) نقطع النهر في ( نفس واااحد ) ونكون في ( أربجي )
عاطف عمر اتاريك من رفاعة زول وناس وماشاكال مااصلا ناس النيل الازرق مابتاعين مشاكل يكفيهم قسوة النيل عليهم بس بتاعين المشاكل هم ناس النيل الابيض نيل بارد وناس كايسة مشاكل من هشام هبانى الى معتز القريش ووولخ
تنهدات: رفاعة الناظر ابوسن رفاعة بابكر بدرى رفاعة محمود محمد طه رفاعة شيخ الهدية رفاعة ودرملية انسان الخصال السمحة
Post: #17 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-08-2015, 01:36 PM Parent: #16
Post: #18 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-10-2015, 07:08 AM Parent: #17
كان دوما مصطفى سيد احمد وعبدالمنعم الفكى يسخران منى حين اتعلق بتلابيب اغنية او لحن ويقولو خلاص يحلها الحل بلة لانى بكون داير اسمعها في كل وقت ومرات بغنيها براى بصوتى الاشتر الصديقة النحاتة والتشكيلة انعام الحاج بابكر عارفة هذا السر لذا عشان تصيدنى بتشرك لى ببعض الحان وغانى مصطفى بس هذه المرة ولانها امدرمانية صادتنى بهذه الاغنية وهذا اللحن وبقيت مشغلها في السيارة في المكتب في الجوال بل وفتحت بها بوست فى دكان بكرى بسم العواجيز صديق الموج وعبدالمنعم الفكى
بدر الامير حبابك الف ياخى نحن لما قلنا ليك اسمع غاية الامال كنا عارفين اولاد الاقاليم ديل الرادى الا يطلعو بيه الشدر او الصهريج حتى يسمعو هنا امدرمان فما دام التقنية عمت القرى والحضر قلنا ليك اسمع التسجيلات ام ديجتال دى وعارفنك بتغير رائك، انتو شن خبركم بالغناء خلوكم فى دلوكتكم دى واعرضو وتبو وامرقوا من الدارة، قال ملاقيط المدن حقد طبقى عجيب لوووووووووووووول.. لكن كمان هن كالدر والياقوت على صدور الحسان لا بعرف الانسان ايهم اجمل واستصحب معاك كلام عاطف عمر الفنان ده باقى هو من رفاعه وانت من الضواحى تفرق،،،
Post: #20 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-11-2015, 02:07 PM Parent: #19
Quote: واستصحب معاك كلام عاطف عمر الفنان ده باقى هو من رفاعه وانت من الضواحى تفرق،،،
صديق الموج اوعك تكون صدقت انك ابن مدينة وان امدرمان مدينة انت شن عرفك بالمدن في السودان اولايالداقس اربجى كانت العاصمة التانية للمملكة السنارية وهى اقدم من سنار بـ 38 سنة ورفاعة يالماسح جغرافة هى واربجى جناحى النيل الازرق غلطان انا العملت للك انت وعربى الكلاكلة بتاع الايقاع قيمة ..... وفعلا ان انت اكرمت ......
Quote: انت شن عرفك بالمدن في السودان اولايالداقس اربجى كانت العاصمة التانية للمملكة السنارية وهى اقدم من سنار بـ 38 سنة
كان اربجى مدن ماعارف يازول فى زمتك دى اربجى كلها فى زول بنوم بى بجامه وبولع اباجورة لما ينوم مش ياهو نوم السهله ويصحيك عتود يجى ينطط فيك من الصباح زى اولاد الاكروبات بلا مدينة معاك قوم لف...لووووووووووووول،،،
Post: #23 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-11-2015, 07:22 PM Parent: #22
Quote: وريني ليه بتخاف ؟ ده سؤال محوري يا بدر الدين :)
وليد هو دا سؤال محورى وبس دا سر بناية اللحن وقبله القصة كلها وصياغتها شعريا وديل والاد حى العرب .....
انت ياوليد كدى اندك سؤال محورى متى سمعت ابراهيم عوض بتكلم عن الحان ودالحاوى له ....
Post: #24 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-11-2015, 08:13 PM Parent: #23
Quote: كان اربجى مدن ماعارف
عمو صديق خلينا من اربجى التاريخية يكفى اربجى الحديثة انها انجبت اول وزير معارف في السودان بعد الاستقلال الاستاذ والمربى الجليل /عبدالرحمن على طه انت كدى خلينا مع حى العرب والاحان والاشعار والشواكيش اى الالحان بطعم الامال اوالغناء بطعم الشاكوش ....
Post: #25 Title: Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا Author: بدر الدين الأمير Date: 02-13-2015, 05:46 AM Parent: #24
صديق الموج بالامس كنت سهران مع صنوك عربى الكلاكلة عبدالمنعم الفكى بس زولك قعدنى في علبى حين سالته عن الايقاعات في اغنية غاية الآمال ....
