17:44 م Feb 7,2015 سودانيز أون لاين اخلاص عبدالرحمن المشرف - مكتبتي في سودانيزاونلاين
المحترم عزالدين عباس القحل تعرف اثنين ما بحب ادخل فيهم اعراض خلق الله وذمتهم الماليه الاولي ما بدخلها من اساسو والثانيه ما بتسرع فيها الفديو واضح ما من السودان يكفي اب عقال ال في التلفزيون = وطبعآ هو لا في علي اساس انت اظنك عارفو = بالمناسبه انا الاول قلت يمكن ده بيت لاعب الكره المشهور رونالدز برضو المجلس العربي خلاني ارجح انو سعودي = عندهم قدرة عجيبه علي الجلسه الصعبه دي=
الحمد لله عينا ملانه وربنا يزيد من رزقه لمن يشاء بالمناسبه انت الوحيد الطالبني اعتذار= وتاني بعتذر = ي استاذ احرجتك وانا اعرف حجم ما حدث لي زول زيك مما جري لك اعتذاري مع انو ما ح يفيد قاتل الله ساس يسوس
عندي حلم , حلم بوطن شامخ وطن عالي وطن مهاب نعتز به ويعتز به ابناؤنا هل بحلم بكثير , هل طلبت كتير نوقف الحرب ونمنع السرقة , صعبة دي الحرب لها طرفان ومهما تعنت احدهما ففي داخل صفوفه يوجد من يستجيب , لا تجعلوها بالقطاعي بل حل يشمل الجميع بلدآ هيللينا مصيرها مصيرينا وما عادينا الا لاجلها ونصالح ان الامر اعتدل
Post: #14 Title: Re: بلداً هيلي أنا Author: اخلاص عبدالرحمن المشرف Date: 02-12-2015, 08:33 AM Parent: #13
هيلينا = ادغام وناس التجويد عندهم ادغام بغنه و ادغام بغير غنه وكذلك هناك ابدال وادغام = هي لي انا وهذا اصل الكلمة
Post: #15 Title: Re: بلداً هيلي أنا Author: ALWALEED ALSHEIKH Date: 02-12-2015, 10:13 AM Parent: #14
Quote: المحترم عزالدين عباس القحل تعرف اثنين ما بحب ادخل فيهم اعراض خلق الله وذمتهم الماليه الاولي ما بدخلها من اساسو والثانيه ما بتسرع فيها
الأخت الفاضلة بت المشرف تحية طيبة شكراً على هذا البوست الطيب و الأمنيات الصادحة بوطن خير و جميل و ديمقراطي. بالمناسبة عزالدين قلبو أبيض من الحليب و راجل مك حقيقي ما فيهو كلام. لكن بأمانة كلامك الموجود في الاقتباس الفوق ده عصرت بيهو علينا شديد و نحن أربعة رجال فيهم ثلاثة من خيرة من كتب في هذا البورد و هم معاوية المدير و محمد عمر الفكي و حيدر الزين و نحن مثلك ما بندخل و لا بنخوض في أعراض الناس لكن مشكلتنا في الما بتتسرعي فيها دي لأنو عندنا باقي قروش عند ود الفحل ده مطوطحنا فيها و مرجحنا عديل المهم كان عندك خاتر عنده اتوسطي لينا و انشاالله في ميزان حسناتك. و لك كل الود و الاحترام.
الحاكمون لو كانوا يعلمون لوضعوا المعارضين في راس قائمة احبائهم فهم من يمنعونهم من الزلل والخطل في حوار لي مع احد الطلاب من ابناء المغتربين سألته كيف يعرضون عليكم الدخول في حزبهم اجابني = بقولوا لينا بنسوي لك الدائرو = الاجازه دي سألتو بفولو لكم شنو رد ي اخ هم فيهم ناس نظيفين ما اهو ده علي عثمان رجع البيت واداهم المفتاح . ونحمد الله ان انتقدناهم حتي صار لهم قادة يعتزون بهم ولا امر شخصي بيننا وبينهم وانما امر عام يرون انهم الاقدر ونحن نري انهم الافشل والي ان نعترف لهم بانجاز = ونحن صادقون لوشفنا الزين بنقول زين = فسنظل ( نسوي في ال بنسوي في ) وسجن سجن لسته لسته
Post: #18 Title: Re: بلداً هيلي أنا Author: محمد عمر الفكي Date: 02-15-2015, 06:29 AM Parent: #17
Quote: بالمناسبة عزالدين قلبو أبيض من الحليب و راجل مك حقيقي ما فيهو كلام. لكن بأمانة كلامك الموجود في الاقتباس الفوق ده عصرت بيهو علينا شديد و نحن أربعة رجال فيهم ثلاثة من خيرة من كتب في هذا البورد و هم معاوية المدير و محمد عمر الفكي و حيدر الزين و نحن مثلك ما بندخل و لا بنخوض في أعراض الناس لكن مشكلتنا في الما بتتسرعي فيها دي لأنو عندنا باقي قروش عند ود الفحل ده مطوطحنا فيها و مرجحنا عديل المهم كان عندك خاتر عنده اتوسطي لينا و انشاالله في ميزان حسناتك. و لك كل الود و الاحترام.
بت المشرف سلام عليك وتحية طيبة عليك الله كلام وليد دا ما تجهليهو وما تجليهو غايتو يا ود الفحل اصلو ما بعفى لاك انت ومليارديرك الظهري قريشاتي، اقابلكم قدام ربنا يوم القيامة لو ما اديتوني ليهن كاش هسي ناو ملحوظة: الكلام بصفة الجمع عشان الاخوان ما يقلقو
Post: #19 Title: Re: بلداً هيلي أنا Author: عزالدين عباس الفحل Date: 02-15-2015, 08:24 AM Parent: #18
سلام ، محمد عمر الفكي ، ALWALEED ALSHEIKH خلاص جايين السعودية ، فرصة ، ،،،،
...
عزالدين عباس الفحل ابوظبي ...
Post: #20 Title: Re: بلداً هيلي أنا Author: شاع الدين محمد مخاوي Date: 02-15-2015, 09:28 AM Parent: #13
Quote: عندي حلم , حلم بوطن شامخ وطن عالي وطن مهاب نعتز به ويعتز به ابناؤنا هل بحلم بكثير , هل طلبت كتير نوقف الحرب ونمنع السرقة , صعبة دي الحرب لها طرفان ومهما تعنت احدهما ففي داخل صفوفه يوجد من يستجيب , لا تجعلوها بالقطاعي بل حل يشمل الجميع بلدآ هيللينا مصيرها مصيرينا وما عادينا الا لاجلها ونصالح ان الامر اعتدل
شكراً أخت إخلاص على هذا الجمال وطن حدادي مدادي وطن بالفيهو نتساوى وطن الجدود ..... وهل غادر الشعراء من متردم.... ولكن بالنسبة للسياسيين.... فحديث الليل يمحوه النهار لنا الله... لن نرفع الرايات ...علينا لملمة الجراح.. والدموع والآهات.. وخلق عالمنا.. وطننا الذي نريد...
