حسين خوجلى يصف المغتربين بالذلة والانكسار

Post: #1
Title: حسين خوجلى يصف المغتربين بالذلة والانكسار
Author: عبدالله الامين صالح
Date: 02-02-2015, 01:47 PM

Post: #2
Title: Re: حسين خوجلى يصف المغتربين بالذلة والانكسار
Author: عبدالله الامين صالح
Date: 02-02-2015, 02:06 PM
Parent: #1

Post: #3
Title: Re: حسين خوجلى يصف المغتربين بالذلة والانكسار
Author: الصادق يحيى عبدالله
Date: 02-02-2015, 02:28 PM
Parent: #2

كلامه صحيح اكتر من 100%

Post: #4
Title: Re: حسين خوجلى يصف المغتربين بالذلة والانكسار
Author: سلمى الشيخ سلامة
Date: 02-02-2015, 02:41 PM
Parent: #1

ابشع انواع الغربة تلك التى تحس بها داخل ما يعرف بجغرافيا الوطن

Post: #5
Title: Re: حسين خوجلى يصف المغتربين بالذلة والانكسار
Author: أحمد الشايقي
Date: 02-02-2015, 03:25 PM
Parent: #4

... طيب يا حسين خوجلي إذا المواطن في بلده بيمنع من العمل المتخصص فيه ويعين من هم أقل كفاءة منه لانتمائهم للجبهة الاسلامية ؟؟؟

Post: #6
Title: Re: حسين خوجلى يصف المغتربين بالذلة والانكسار
Author: معاوية عوض الكريم
Date: 02-02-2015, 06:17 PM
Parent: #5

كلامو صحيح

Post: #7
Title: Re: حسين خوجلى يصف المغتربين بالذلة والانكسار
Author: قسم الفضيل مضوي محمد
Date: 02-02-2015, 06:42 PM
Parent: #6

https://facebook.com/video.php?v=860274230682634andpnref=story

السودانيين ديل لو عانوا 1% من معاناة الناس في الفيديو ديل ... كانوا انتحروا انتحار جماعي ... الواحد يتزنق ليه زنقة صغيرة طوالي يقول البلد دي ما نافعة ... بعد يطلع من البلد ويشوف برة الناس عايشين كيف راسه يقوم يدق وتغلبوا الرجعة ...

كلام حسين خوجلي صحيح 100% ... البلد دا فعلا ح يبنيها منوا ؟؟؟؟ الناس كلها هجت برا !!!

Post: #8
Title: Re: حسين خوجلى يصف المغتربين بالذلة والانكسار
Author: Abureesh
Date: 02-02-2015, 07:04 PM
Parent: #7

الزول دا يتكلم عن سودانيين واللا عن اسيويين؟

عملت حوالى 5 سنوات في الخليج ولم أرى سودانى واحد يتذلل للكفيل او ينكسر.. أما في الغرب، حتى لو كنت مهاجر غير شرعى ممكن تشتم الرئيس وما في زول يقول ليك عينك في راسك.. أما
في مكان العمل فإن اليوم الذى يهينك فيه صاحب العمل فممكن تحتفل وتضبح خروف، لأن المحامى سيجعله يدفع لك الالاف.. وممكن لا تحتاج تشتغل تانى.

Post: #9
Title: Re: حسين خوجلى يصف المغتربين بالذلة والانكسار
Author: ALazhary2
Date: 02-02-2015, 09:22 PM
Parent: #8

.
.

قال علي بن أبي طالب عليه السلام ( الغني في الغربة وطن، والفقر في الوطن غربة.)

وليست أرض بأحق بك من أرض ، خير البلاد ماحملك .

تباً لهم شردونا على جذورنا في المنافي .

.
.

Post: #10
Title: Re: حسين خوجلى يصف المغتربين بالذلة والانكسار
Author: عبدالعزيز الفاضلابى
Date: 02-02-2015, 11:21 PM
Parent: #9

Quote: ( الغني في الغربة وطن، والفقر في الوطن غربة.)

يا الازهرى سلام
الكلام ده مابشبه كلام سيدنا على رضى الله تعالى عنه
كمان كلمتى الغربه والوطن ديل ما اظنها كانت دارجة فى زمن الامام على ـ
وسيدنا على اتغرَّب وين عشان يقول الكلام ده

Post: #13
Title: Re: حسين خوجلى يصف المغتربين بالذلة والانكسار
Author: ALazhary2
Date: 02-03-2015, 06:40 AM
Parent: #10

23:40 م Feb 2,2015
سودانيز اون لاين
ALazhary2
هُوَ الَّذِي جَعَلَ لَكُمُ الأَرْضَ ذَلُولاً فَامْشُوا فِي مَنَاكِبِهَا وَكُلُوا مِن رِّزْقِهِ وَإِلَيْهِ النُّشُورُ
.
.

ياعبد العزيز سلام

Quote: الكلام ده مابشبه كلام سيدنا على رضى الله تعالى عنه
كمان كلمتى الغربه والوطن ديل ما اظنها كانت دارجة فى زمن الامام على ـ
وسيدنا على اتغرَّب وين عشان يقول الكلام ده

ياعزيزي الظن لايغني من الحق شيئاً.

راجع نهج البلاغة باب الحكم ،الحكمة رقم (53) و (56)

وهذه الحكمة في غاية اللطف والدقة والجمال وهي تشبه كلامه عليه السلام.

يعجبني قول إبن أبي الحديد المعتزلي في شرح النهج عندما وصف كلام علي عليه السلام بقوله (دون كلام الخالق وفوق كلام المخلوقين)

بعدين كيف علي بن أبي طالب اتغرب وين ؟

أخرجه الكفار والمارقون والقاسطون والناكثون من بلد إلى بلد حتى استشهد في العراق .

يا عزيزي الرسول الأعظم صلى الله عليه وآله وسلم زاته مغترب .

أخرجه كفار قريش من أحب البلاد إليه مكة إلى يثرب؟

تحياتي

.
.

Post: #11
Title: Re: حسين خوجلى يصف المغتربين بالذلة والانكسار
Author: عمر نملة
Date: 02-02-2015, 11:43 PM
Parent: #1

سلام
القلم والساعه وقماش الجلابيه والعمه وترمس الشاي والشاي والصور الفي الخلفية
كلها مستورده من بره حتي صبغة شنبو مستورد والمكرفون والتربيزه والكاميرا البتصوره
كله مستورد.

Post: #12
Title: Re: حسين خوجلى يصف المغتربين بالذلة والانكسار
Author: عباس الدسيس
Date: 02-03-2015, 06:30 AM
Parent: #11

23:30 ص Feb 2,2015
سودانيز اون لاين
عباس الدسيس
Saudia

Quote: سلام
القلم والساعه وقماش الجلابيه والعمه وترمس الشاي والشاي والصور الفي الخلفية
كلها مستورده من بره حتي صبغة شنبو مستورد والمكرفون والتربيزه والكاميرا البتصوره
كله مستورد.

نسيت الروج والكريمات !!!!
دبدوب الانقاذ تحفه ...

Post: #14
Title: Re: حسين خوجلى يصف المغتربين بالذلة والانكسار
Author: عمر نملة
Date: 02-03-2015, 07:18 AM
Parent: #12

00:18 ص Feb 3,2015
سودانيز أون لاين
عمر نملة

سلام
نسيت الروج والكريمات !!!!
دبدوب الانقاذ تحفه ...
ما نسيت بس استحيت وزي ماقال الاستحوا اتغربوا

Post: #15
Title: Re: حسين خوجلى يصف المغتربين بالذلة والانكسار
Author: عبد الوهاب المليك
Date: 02-03-2015, 10:11 AM
Parent: #14

03:11 م Feb 3,2015
سودانيز أون لاين
عبد الوهاب المليك
جدة

يشهد الله يا حسين ما عندك سالفة ..
الغربة ما جبرنا عليها الا الشديد القوي
الغربة هي التي ساعدت أهلنا في العيش الكريم بما نرسله لهم
أمثالك يا حسين لن يغتربوا ولن يفكروا حتى في مغادرة الوطن
كل شيء متااااااح وفي متناول يدك
حتى الكلام متااااح ليك وغير متاح لغيرك
قال أزرعوا
يزرعوا بي شنو ؟؟
عليك الله يوم وااااحد أمشي وأقعد مع المزارعين واستمع ليهم
جالون الديزل وصل 100 جنيه
وعشان تصل السوق تدفع دم قلبك وتبيع بالخسارة
يا راجل رفعت ضغطنا
وما عايز أدعي عليك

يا مثبت العقل والدين

Post: #16
Title: Re: حسين خوجلى يصف المغتربين بالذلة والانكسار
Author: Dr.Elsadig Abdalla
Date: 02-03-2015, 01:01 PM
Parent: #15

06:01 م Feb 3,2015
سودانيز أون لاين
Dr.Elsadig Abdalla
Republic of Ireland

انتو حسين خوجلي ده ..بيسجل البرنامج بتاعو ده جادي إنو دي حلقه تلفزيونيه ؟واللا بيكون قاعد يتونس مع واحد وفي زول بيسجل ليهو..؟

زي الحلقه بتاعة ناس الكوميوتر ديك القال ليهم فيها ..ده شغل رجال ....؟..

خلاص بكره نرجع يا حسين خوجلي ونمشي نشتري لينا غنمايه وانعل أبو الغربه

Post: #17
Title: Re: حسين خوجلى يصف المغتربين بالذلة والانكسار
Author: عبدالله الامين صالح
Date: 02-03-2015, 01:30 PM
Parent: #16

06:30 م Feb 3,2015
سودانيز أون لاين
عبدالله الامين صالح
السودان

Post: #18
Title: Re: حسين خوجلى يصف المغتربين بالذلة والانكسار
Author: عبد الوهاب المليك
Date: 02-04-2015, 08:51 AM
Parent: #17

01:51 م Feb 4,2015
سودانيز أون لاين
عبد الوهاب المليك
جدة
مكتبتي في سودانيزاونلاين

خالد طلعت · جامعة السودان
والله ثم والله ثم والله الاحترام اللقيناهو في الغربه في بلدنا ما لقينا نصو . .
ما اسهل التنظير لي واحد خزائن البنوك مفتوحه ليهو لعمل قنوات وصحف . .
قوم لف . .

Post: #19
Title: Re: حسين خوجلى يصف المغتربين بالذلة والانكسار
Author: أحمد الشايقي
Date: 02-05-2015, 02:48 PM
Parent: #18

07:48 م Feb 5,2015
سودانيز أون لاين
أحمد الشايقي -
مكتبتي في سودانيزاونلاين

حسين خوجلي يكذب ويكذب ويناقض نفسـه حتى يعتبره الناس صادقاً...

ألم يقل في حلقة سابقة أن فكره (أمـمـي) وأنه يتحسر على أموال الأمير الوليد بن طلال التي ستنفق في انشاء أعلى برج في العالم في جدة وأنه يعتبر أن له حق في هذه الأموال ...

... متى عرف الـ حسين خوجلي مفهوم الوطن ومفاهيم (الوطنيـة) ...

على من يضحك حسين خوجلي وهو الذي عاصر وشارك وسكت على ممارسات قطع أرزاق السودانيين بفصل مئات الالاف منهم لـ (الصالح العام) .... وهم الكفاءات العالية ...

لماذا لا ينصح الـ حسين خوجلي إخوانه الاسلاميين بوقف ممارسات (التمكين) وقصر الوظائف على (المنظمين) حصرياً بنظام (التزكيـة) ؟؟؟؟؟؟

لماذا لا ينصح الـ حسين خوجلي إخوانه الحاكمين بتخفيض الضرائب والجبايات ليتمكن المواطنين من الـ عيش الكريم في وطنهـم ؟؟؟؟؟

أحمد الشايقي

Post: #20
Title: Re: حسين خوجلى يصف المغتربين بالذلة والانكسار
Author: محمد الكامل عبد الحليم
Date: 02-05-2015, 04:53 PM
Parent: #19

09:53 م Feb 5,2015
سودانيز أون لاين
محمد الكامل عبد الحليم -
مكتبتي في سودانيزاونلاين

تحية

كنت اراقبه من بعيد ذات يوم وهو ينتظر السماح له بالدخول لمقابلة محمد سعيد طيب صاحب مؤسسة تهامة للنشر والتوزيع بجدة جالسا خافضا اجنحتة طالبا من صاحب تهامة دعمه لشراء مطبعة في الأمارات العربية...وليته لو لاذ أو لجأ الي اي مجموعة من اخوان فاطنه لكفوه شر السؤال..

المغتربون لايعرفون الانكسار...وجودهم بمختلف مسبباته اقدام ومواجهة وايثار وبذل وتضحية وامتثال لاقدار الله في الناس...ينظر اليهم بعين الاحترام...ويعمل لغضبتهم المضرية ألف حساب... معلوم لديهم ان لابديل لهم غير الوطن مصيرا وميعادا...يحمل كل منهم سودانه في وجدانه السليم ويتحرك رافعا هامته(مشنقا) عمامته ولو كره الكارهون..

Post: #21
Title: Re: حسين خوجلى يصف المغتربين بالذلة والانكسار
Author: نادر الفضلى
Date: 02-06-2015, 05:17 AM
Parent: #20

22:17 م Feb 5,2015
سودانيز أون لاين
نادر الفضلى - أوهايو ـ أمريكا
مكتبتي في سودانيزاونلاين

لم يوفق حسين خوجلى فى حديثه إفتقد المنطق والموضوعية
أصعب قرار لأى سودانى مغادرة بلده وفراق أهله وأصقائه
ومهما طالت غربتهم لعقود تجدهم بأجسادهم فى الغربة
وبقلوبهم وعقولهم بالسودان .. غربتهم إضطرارية
قفلت أمامهم أسباب الرزق فى وطنهم
(قالوا كنا مستضعفين في الأرض قالوا ألم تكن أرض الله واسعة فتهاجروا فيها)

خرجوا وهاجروا ليس فقط لحلول فردية لهم ولكن محمولين
بمسؤوليات العقاب فى السودان ,, وليس فقط ذلك
الحكومة حملتهم مسؤولية البلد بإبتداع الجبايات عليهم
من ضرائب وتحويلات إلزامية .. وتطول غربتهم
من أحل غيرهم .. تضحية كبرى .. تضحية عمر يقدمونها
بقناعة .. لا يودون مقابلاً لها .. ومؤلم مثل حديث خوجلى

أما عن كرامتهم وعزة نفسهم فمشهودة فى دول الخليج
وكل بقاع العالم .. فالسودانى لم يتغير ولم يتطبع بغير طبعه

حسين لو ما عنده موضوع احسن يقول باس Pass

Post: #22
Title: Re: حسين خوجلى يصف المغتربين بالذلة والانكسار
Author: عبد الناصر الخطيب
Date: 02-06-2015, 08:26 AM
Parent: #21

01:26 م Feb 6,2015
سودانيز أون لاين
عبد الناصر الخطيب - جدة _ المنطقة الغربية _ المملكة العربية السعودية
مكتبتي في سودانيزاونلاين

زول معّاط وبنظّر عادي جدا
الما عادي الناس تهتم وتناقش فارغتوا البقول فيها دي

ماف شي بخلي الناس يتحملوك ويتحملوا حكومتك السجم ويقعدو في البلد
الماظن لغير ناسكم في فرصة ومع كده ما عوز الناس تسافر وتكوس رزقه
والله أمرك غريب ياخي

اخير لينا زلتنا دي هنا بصحونا كل يوم الصباح ويدونا سوطين ويقولوا لينا الجابكم شنو
وكل يوم بنقوليهم جابنوا ناس حسين ديل وتنظّيرهم لا البزرع خليتوا يزرع ولا البشتغل خليتوا
يشتغل كرهتو الناس بلدهم والقعاد فيها وبعد ده يقول البلد دي مخلنها لمنو مخلنها ليك يا سحس
غراب على تل خرابه

البحيرني البجوك يقولوا ليك كلاموا مضبوط !!!!!

Post: #23
Title: Re: حسين خوجلى يصف المغتربين بالذلة والانكسار
Author: اسماعيل عبد الله محمد
Date: 02-07-2015, 08:09 AM
Parent: #22

01:09 م Feb 7,2015
سودانيز أون لاين
اسماعيل عبد الله محمد -
مكتبتي في سودانيزاونلاين

الزول ده ما تاب من استفزاز الناس بعد الفيديو بتاع ####################... ياخ دي مرمطتو مرمطة و داست نخرتو في التراب ...

Post: #24
Title: Re: حسين خوجلى يصف المغتربين بالذلة والانكسار
Author: عادل الباهي عبدالرازق
Date: 02-07-2015, 08:30 AM
Parent: #23

01:30 م Feb 7,2015
سودانيز أون لاين
عادل الباهي عبدالرازق - زي أبن بطوطه رحال
مكتبتي في سودانيزاونلاين

خلاس خليهو يزكينا لإدارة بنك فيصل الاسلامي يدونا قرض 20 مليار ومانرجعا بكرة بنرجع
حاجة غريبة الواحد فيهم يشيل ليهو قرض من البنك ويعمل رايح ويجي يقول ليك لو أشتغل شحاد
ما بطلع من البلد دي .

الاغراب ديل قعدنا معاهم سنين عددا لم يفرزو بيننا وبين أبنائهم في مقاعد الدراسة وبندخل معاينات
الوظيفة ما سمعنا بي منو الشخص المزكيك . يأخ أتلهي .