نداء لوزير الداخلية المصرى اللواء محمد احمد إبراهيم محمد مصطفى

نداء لوزير الداخلية المصرى اللواء محمد احمد إبراهيم محمد مصطفى
توجهت الى سيادتكم من قبل بشكاوى فى وزارة الداخلية بخصوص يلامتى الغير امنة فى مصر بل قمت بتقديم بلاغ للنائب العام بخصوص هذا و حملتكم المسئولية بلاغ رقم 16071 -2014
و لم أجد اى تعاون من وزارة الداخلية المصرية فى تامين سلامتي .
هناك جهاز الأمن و الاستخبارات السوداني المتواجد فى مصر يطاردني عليك ان تقوم بواجبك بحمايتي حتى الخروج من مصر (( وللأسف هناك أفراد من الشرطة المصرية تساعد )) هولا الكلاب جهاز الأمن و الاستخبارات السوداني أتيت إلى وزارة الداخلية يوم 29 – 1 – 2015 و قدمت طلب لمقابلة سيادتكم ولم أجد سوى بعض الضباط و أفراد الأمن الذي التقيت بهم من عدة سنوات بالوزارة منذ الوزير الأسبق حبيب العدلي و سلمتهم شكاوى , بخصوص سلامتي , و مهم بعضهم متواجد بمكتب الشكاوى بوزارة الداخلية .
أنت تتحمل مسئولية كل ما يحدث لشخصي في المستقبل وأيضا أحملك ضياع كل هذه الشكاوى التي بالتأكيد لم تنظر فيها او أهملت , عليك ان تتحمل مسئوليك التي أوكلها لك الدستور المصر العظيم , بخصوص حماية كل من يقيم على أراضى مصر الشقيقة , وتحتم عليك المادة 91 من الدستور المصري العظيم الحقوق الوجبات السياسية . في حمايتي .
نداء الى الامم المتحدة ان تساعدنى من الخروج من مصر .
محمد القاضي

دا نداء لوزير الداخلية المصري ولا لبكرى ابوبكر .

غايتو يا محمد أحمد حيرتنا .. ياخي ما تخلي زول يراجع ليك الخطاب عشان يكون بلغة رفيعة شوية !

الناس ديل بكونوا ما فهموا المكتوب شنو !

اتمنى سلامتك من كل شر

محمد القاضى ياخوى كلامك ده والله ما بوديك القضارف

الله يكتب سلامتك

لكن الوزير المصري ما أظن يقدر يعمل ليك حاجة!

بخصوص شنو ؟ يلامتي دي شنو ؟ قدر ما حاولت ما فهمتها ..
ربنا يكون في عونكـ يا أخي ..
المصريين لا يرحمون بعضهم فكيف سيرحمونكـ ؟

ربنا يفك كربتك أياً كانت طبيعتها

أنت يا محمد أحمد القاضي مقدم لجوء في مكتب الامم المتحدة في مصر وأتأخرو عليك
في السفر الي احدي دول اوربا ، أمريكا ، استرالية ؟

هي لكن مابيعملوها كدة الحنك دا الجماعة نقشوهو شوف ليك حنكا جديد

20:37 PM Feb 2,2015
SudaneseOnline

محمد البشرى الخضر
العين-الإمارات

Quote: شوف ليك حنكا جديد

لا ياود الباهي الحنك دا كويس رغم انه بياخد وقت
الحنك التاني شين وبجيب الكلام وبقعد لا جنا الجنا :)

عادل الباهي عبدالرازق
انت احد جواسيس النظام و جهز الامن انت دخل الامم المتحدة هنا شنو .

08:11 م Feb 3,2015
سودانيز أون لاين
محمد احمد القاضي
القاهرة


شكرا لكل الردود
الاخ بدر المعارف محمد المساعد ضبعا لكل من يؤمن بقضيتى ,,, النداء ايضا للسيد وزير الداخلية المصرى لانه الهو المخول له بحمايتى ,,,,,, بالتاكيد ايضا نداء الى الباش مهندس بكرى ابوبكر
شكرا لكل الردود

22:15 PM Feb 2,2015
SudaneseOnline

أبوذر بابكر

Quote: ولم أجد سوى بعض الضباط و أفراد الأمن الذي التقيت بهم من عدة سنوات بالوزارة منذ الوزير الأسبق حبيب العدلي و سلمتهم شكاوى , بخصوص سلامتي , و مهم بعضهم متواجد بمكتب الشكاوى بوزارة الداخلية

من عدة سنوات ؟

وما حصل ليك شى ؟

معناه زى ما قال ليك الاخوان هنا

دى غالبا تكون مكنة ساى

يا زول اتوكل على الله وخت الرحمن فى قلبك واصبر

ونصيبك بصيبك

00:55 م Feb 3,2015
سودانيز أون لاين
ALazhary2
هُوَ الَّذِي جَعَلَ لَكُمُ الأَرْضَ ذَلُولاً فَامْشُوا فِي مَنَاكِبِهَا وَكُلُوا مِن رِّزْقِهِ وَإِلَيْهِ النُّشُورُ


.
.

الأخ الزميل الكريم

الواحد ماعارف يتضامن معاك بخصوص سلامتك ولا كتابتك .

غايتو ربنا يسهل أمورك،ويحقق مرادك .

تحياتي وتقديري

بالمناسبة وين الزميل محمد عادل ؟

.
.

08:36 ص Feb 3,2015
سودانيز أون لاين
علي عبدالوهاب عثمان
جدة

Quote: هناك جهاز الأمن و الاستخبارات السوداني المتواجد فى مصر يطاردني عليك ان تقوم بواجبك بحمايتي حتى الخروج من مصر (( وللأسف هناك أفراد من الشرطة المصرية تساعد )) هولا الكلاب جهاز الأمن

أخي محمد القاضي .. يا أخي الواحد حزين لوضعك ..
أرجو من الله أن يفك أسرك ومن هم في وضعك ..

لكن إطمئن الاستخبارات السودانية لا يجيدون فن الاغتيالات وأشياء من هذا القبيل
فضيحة إغتيال حسني مبارك .. محاولة سذاجة .. مازالت ماثلة إلى اليوم ..


عليك بقليل من الصبر والقدم ليهو رافع ..
ووزير داخلية مصر .. اكثر شخص مشغول في العالم كله
المصائب كثيرة عليه ..

مع كامل التعاطف ..

10:27 م Feb 3,2015
سودانيز أون لاين
عادل الباهي عبدالرازق
زي أبن بطوطه رحال

Quote: لا ياود الباهي الحنك دا كويس رغم انه بياخد وقت الحنك التاني شين وبجيب الكلام وبقعد لا جنا الجنا :)

ياود البشري مايشوف ليهو حنكن ثالث هي بس بقت علي الحنكين ديل
والله صحي الحنك دا موظفين الامم المتحدة في مصر أصبحو ناقشنو
أي زول عشان يتخارج من مصر بيمشي يقول ليهم حياتي مهددة وفي خطر ههههههه

come

هاااااا ود القاضي
اياااها وكتاباتك المهزوزة دي في حكومة المؤتمر الوطني والله غيرها
عليا الايمان في ناس بقول اسواء منها وقاعدين في السودان دا والحبة ما جاتم
وكان مكضبني اسعل ودفع الله واسعل الطور بيض واخرين يدخلون ويمرقون
بدون محاذير وكان ما متذكر اسعل المناضل ياسر عرمان والمناضل الدكتور
عمر القراي لمن فيصل القاسم قالوا يا راجل انت بتشتم الحكومة وتركب الطيارة تمشي السودان
يا زول مداخلة ود البشري دي ما ترميها واطة يمكن تطلع منها بي حاجة سريعة
سجن ... سجن ... غرامة .... غرامة
:
:
:
:
:
:
:
:
:
مع التحيات لله الزاكيات

محمد حمزة الحسين
انت بتروج للنظام الحاكم بانه ليست ديكتاتورى اذا كان حكومة الرئيس البشير هى من اكبر الدول فسادا فانت تمارس الفساد من خلال دفاعك عن هذا النظام البائيس
ونظامه الاسلامى المتطرف .

مافي يدنا شي يا ود القاضي




ندعو الله يفرج كربتك، اياً كانت

يا محمد القاضي
الكتابات العدائية تجاه الأمن المصري مضرة جدأ
فأعمل حسابك يا خي ، و لو عندك فكرة للمخارجة من مصر طريقك ده ما بيطلعك و يمكن يعقد وضعك

الاستاذ محمد القاضي
سلام ومودة

اولا حفظك الله من شر هؤلاء القتلة وامّنك

ثانيا
ياصديقي ليس بمثل هذه الكتابات تجد امنا ولا سلامة فليس
المكان مناسب ولا اللغة ايضا مناسبة فمثل هذه الامور
تناقش في حدود دوائر الاختصاص ويخاطب المعنين
بها في اماكنهم ولكن ان تكتب مثل هذه الخطابات الجماهيرية
وعلى هذا القدر من الركاكة والتهاتر فصدقني ان لم تزد وضعك
سوء لن تحسنه فقد اخبرك من لهم صلة بالموضوع في بوستك
السابق بمضار مثل هذه الكتابات ولكن لا ادرى فيما العناد
فلم تقم محاكم الشعب بعد لتستقصي انت جيوب الامن المندسين بين البورداب
لذلك يا صديقي انصحك بالابتعاد عن التهاتر والتشهير بالامن المصري
فهذه الاوقات عصيبة على اجهزة دولة مصر ولا احد يود سماع اللغط
لا سيما من لاجئ سوداني فسوف تجد نفسك في العيلفون ان واصلت في تهاترك هذا

هذا مع كامل تضامني معك ووالله انني اهم بأمرك واتفهم خطورة
وضعك لان الامر الذي يجعل الرجل يستجدي العون على الملأ
لهو امر جلل ووقت عصيب كان الله في عونك ياصديقي
فمثلك كثر ولكن ذي ما بقولو اهلي
( كلهم لازمين الدمعة بالصنّقاع)
فصنّقع يا صديقي الى يأتي امر الله
مودتي
تلبو

يا زول قوي قلبك الحبة دي ما بتجيك ان شاء الله...هو النظام الانت خايف منو دا الناس تكاتل فيه بي البنادق
وتمشي قندهار تضرب شية عطرابتا في السماء...وترجع بيوتا تنوم نوم قرير العين...

حوم في مصر دي علي كيفك...زول بسعلك مافي...
وكان عندك غرض من رسالتك دي نحن ما فاهمنو
حاول فهمنا...السودانيين ديل بقوا شفوت في حل
الاغراض...وممكن يؤمنوا ليك خروج آمن
من مصر بي لغة راندوك هنا بانكي مون زاتو ما يفهما

ووزير الداخلية المصري دا انسي موضوعو
هسي هو براهو الفيه مكفيه

Quote: وم في مصر دي علي كيفك...زول بسعلك مافي... وكان عندك غرض من رسالتك دي نحن ما فاهمنو حاول فهمنا...السودانيين ديل بقوا شفوت في حل الاغراض...وممكن يؤمنوا ليك خروج آمن من مصر بي لغة راندوك هنا بانكي مون زاتو ما يفهما ووزير الداخلية المصري دا انسي موضوعو هسي هو براهو الفيه مكفيه

ود القاضى نزار اداك المفيد الفيهو الزبده .
,وبالجد حنكك ده ما بجيب حقو وكان كايس حماية ولجوء قدر ما تحاول تكبر كومك بتضر قضيتك .وقدر ما طرحك يكون بسيط ومسكين قصتك بتتقبل .وعلى فكرة معظم السودانيين بتعبو فى الحصول على اقامة ولجوء لانهم بشعبو قضيتهم وبحاولو يضخمو الموضوع . الخواجات ممكن يتفاعلو مع القضية البسيطة الما محتاجة لاى دليل قوى ولا اثبات بس تكون منطقية ومبلوعة .

Quote: وبالجد حنكك ده ما بجيب حقو وكان كايس حماية ولجوء قدر ما تحاول تكبر كومك بتضر قضيتك .وقدر ما طرحك يكون بسيط ومسكين قصتك بتتقبل .وعلى فكرة معظم السودانيين بتعبو فى الحصول على اقامة ولجوء لانهم بشعبو قضيتهم وبحاولو يضخمو الموضوع . الخواجات ممكن يتفاعلو مع القضية البسيطة الما محتاجة لاى دليل قوى ولا اثبات بس تكون منطقية ومبلوعة .

أخي عبدالله مع التحية ..
يبدو أن إبننا ودالقاضي رجل نقي وطيب القلب .. يتحدث عما يعانيه بكل وضوح .
ولكن الوضوح والطيبة والنقاء لا يخدم في كافة مجالات الحياة .. وطالما هو يحاول ان ينتقل من عالم إلى عالم مختلف فعليه بأدوات مختلفة وأسلوب
مختلف وشخصية مختلفة ..
أناشد الاخوة الذي مروا بهذه التجربة أن ينصحوه حتى لو كان عبر الهاتف ..

يا ودالقاضي .. الصراحة لدرجة السذاجة .. وعدم معرفة مرجعيات القضية .. مشكلة كبيرة

ارجوا من سيادتكم الاتصال بشخصي لان حتى الان هناك جهات امنية تقوم بمراقبتى و التجسس على شخصى

01113813890