Post: #1 Title: شهادة مخالفة لكل الافادات التي وردت بشأن لحظة استشهاد محمود محمد طه Author: فرح الطاهر ابو روضة Date: 02-01-2015, 04:28 PM Parent: #0
بالله شوف
Quote: يا باشمهندس مالك فاتح باب جنهم عليك والله ما لقيت ناس كضابين وبحيدو عن الحق اكتر من الشيعة والشيوعين غير الجمهوريين
اكبر كضبة هي كضبهم في اعدام محمود محمد طه وأنا كنت شاهد عيان برضه كان عمري اربعة عشر سنة وحضرت اعدام محمود محمد طه وشفت الذل والانكسار الكان فيه وشفتو جايبنو مجرجر والله لو حركة ارجله في الخطو كنت اقول انه جابوه ميت انا جابني الفضول كصبي يافع عاوز يفهم ويعرف وبحكم اني من اولاد كوبر ومحمد سعيد ابراهيم يعتبر عم ولي هسع عم محمد سعيد من اعمامي وصديق حميم للوالد وكتير من عساكر السجون اهل واصدقاء واباء زملاء دخلت وقعدت قريب لاني صبي شقي ومعروف وشفت ومتذكر كل حاجة الجمهوريين كضابين ما حضروا اعدام محمود وبكضبوا وبألفوا قصص من خيالهم كل القصص حول اعدام محمود منسوجة من الخيال كضب في كضب محمود جابوه منتهي وذليل ومتكلنو العساكر وكل الناس كانو فرحانين بي موتو عشان مهرطق او عاوزين يشوفوا الاعدام ويعرفوا حاجة زيي او فضول
ولنا عودة لافادات اخرى تكذب هذه الشهادة من ربيب العسكر المدعو عبدالعزيز او كما يقول بانه ادخلوه لمشاهدة الاعدام ويا عيني على الاحتفاء بمثل هكذا تاريخ
Post: #2 Title: من نفس البوست كتب عاطف Author: فرح الطاهر ابو روضة Date: 02-01-2015, 05:14 PM Parent: #1
Quote: مع إحترامي لوجهة نظرك ......
أنا أيضاً حضرت إعدام الأستاذ محمود محمد طه حضرته من سقف أول منزل من منازل ضباط السجون شرق سجن كوبر وكان ذلك هو منزلي خالي اللواء سجون عبدالمنعم التلب ( مدير سجون العاصمة القومية ) وقتها وكنت أقيم معه بعد تخرجي في الجامعة ....... حضرته من موقع ( لوج ) - بلغة السينما ... وهو موقع أتاح لى رؤية كل المنظر ...... كل المنظر حضرت الإعدام وأنا بالغ راشد أبلغ من العمر خمسة وعشرون عاماً
وللصدق والتاريخ أقول
لم أسمع بـ أو أر إباء وشجاعة في مواجهة الموت كـ إباء وشجاعة الأستاذ محمود محمد طه في مواجهة الموت لعلي لا أتجاوز الحقيقة أو حتى أصل لمداها إن قلت لك أن ( بسمة ) الأستاذ محمود وهو على بعد ثوان من الموت ، قد أدخلت الرعب والفزع في قلوب من كان موكلاً لهم تنفيذ أمر الإعدام أو من حكم به أو من جاء مهللاً به وأقول بكل أحرف الصدق أن نفسي قد عافت الطعام لأيام تزيد على الخمس وكان شراب الليمون هو غذائي الوحيد .... إذ أفرغ جوفي الوجبة الوحيدة التي ( غصبت ) نفسي بعد ضغط الأهل لتناولها .... وبكل حروف الصدق أقول لك أن ذلك المنظر وتلك البسمة لم تفارق خاطري وناظري لمدة ليست بالقصيرة ....... بل وفي هذه اللحظات أكاد أراها ....
الأمور عندي واضحة لا أخلط هذا مع ذاك
ويبقى الإحترام
Post: #3 Title: Re: من نفس البوست كتب عاطف Author: Abureesh Date: 02-01-2015, 07:22 PM Parent: #2
اسف تم حذف المداخلة لأنى اعتقدت خطأً ان هذا هو خيط الأخ عاطف عمر
Post: #4 Title: Re: من نفس البوست كتب عاطف Author: Dr. Ahmed Amin Date: 02-01-2015, 07:32 PM Parent: #3
تحياتي أخي فرح ..
أنا استمعت في جلسة مع النيل أبوقرون شخصيا .. وقد جاءت الذكرى ليوم التنفيذ وتحدث في الجزئية دي بالذات .. وذكر بانه فوجئ بشجاعة استاذ محمود عند ما أحضر
قال : كان ثابتا ويمشي وكأنه لا يدري ما المصير الذي ينتظره .. وأضاف أيضا بأنه كان أكثر توترا من الأستاذ محمود الذي كان ذاهبا لحبل المشنقة
هذا الكلام حدث اثناء زيارة له في رمضان من عام 1995م في بيته بالمنشية بالقرب من السفارة الصينة في ذلك الزمن
Post: #10 Title: Re: من نفس البوست كتب عاطف Author: فرح الطاهر ابو روضة Date: 02-03-2015, 09:01 AM Parent: #4
02:01 م Feb 3,2015 سودانيز أون لاين فرح الطاهر ابو روضة ...................
Quote: تحياتي أخي فرح ..
أنا استمعت في جلسة مع النيل أبوقرون شخصيا .. وقد جاءت الذكرى ليوم التنفيذ وتحدث في الجزئية دي بالذات .. وذكر بانه فوجئ بشجاعة استاذ محمود عند ما أحضر
قال : كان ثابتا ويمشي وكأنه لا يدري ما المصير الذي ينتظره .. وأضاف أيضا بأنه كان أكثر توترا من الأستاذ محمود الذي كان ذاهبا لحبل المشنقة
هذا الكلام حدث اثناء زيارة له في رمضان من عام 1995م في بيته بالمنشية بالقرب من السفارة الصينة في ذلك الزمن
لك التحية يا زول يا محترم والنجيضة الجمهورين والشيوعيين لا يحتاجون لترويج الاكاذيب وصناعة الاسطورة لشهدائهم لان هذه الاحداث لم يمر عليها الكثير وموثقة من شهود عيان ولا علاقة لهم بالجمهوريين ولا الشيوعيين وتبقى مثل هذه الافادات الرعناء خصماً على اصحابها وتوضح الي مدى هم رهينة انظمة فاسدة لدرجة لا يتورع الفرد منهم حتى في انتهاك حرمة الموتى وحقيقة لو كنا نتسأل من اين اتى هؤلاء فما بالك في مصيبة اذنابهم ومرتذقيهم ؟
Post: #5 Title: Re: من نفس البوست كتب عاطف Author: امجد الجميعابى Date: 02-01-2015, 09:00 PM Parent: #2
الاخ فرح سلام و تحية
شجاعة الاستاذ محمود لا تحتاج لشهادة فهي معلومة بالضرورة و لكن دع من يهرف بما لا يعرف يهرف ما شاء الله له دع الذين يهوون النشاز ان ينشزوا ما عن لهم دع من يشهد زورا ان يكتب نهايته .
شكرا كثيرا للاخ عاطف عمر على رده الوافي و الضافي و شهادته بالحق و هو عاقل راشد واع اوانئذ
تحياتي ليك و وينك غاطس
Post: #6 Title: Re: من نفس البوست كتب عاطف Author: عبدالعزيز حسين عبدالرحيم Date: 02-03-2015, 07:21 AM Parent: #5
00:21 م Feb 3,2015 سودانيز أون لاين عبدالعزيز حسين عبدالرحيم أبوظبي
هههههه أبوروضة أنت لسة بتلقط في الأكياس من البوستات وتربط في عمود البورد ياخ اتطور الطوربيد بمشي يلقط اكياس من الراكوبة وحريات ويربط وجادات يلقط اكياس من الفيس بوك ويربط ضنب الككو في عمود البورد أنت يا مسكين تلقط في الاكياس من البوستات وتربط
أنت ما تبقى زول ولا راجل وتسوي حاجاتك شنو الطيب حبسك وودالبوش دقاك وعاطف عمر قال أنت وين قولك وفعلك مع الرجال
Quote: هذه الشهادة من ربيب العسكر المدعو عبدالعزيز
والله أنت كان اتربيت زي تربية كـلـــب في حلتنا كان بقيت زول وعندك شخصية بدل تكون ضنب أمعة جاري ورى كرور البورد بعدين أنا عندي شهادة لأنه عشت وشفت وعرفت وشهدت وعندي شهادة أنت شنو والله لولا أنه الله أراد أنك تمشي السعودية وتلقى النت الهامل وتسوي ليك باسورد في سودانيز كان تكون زيك وزي اي خروف يتصدر للضبح في السعودية أنت ما بتعرف حاجة ولا شهدت حاجة ولا عندك شهادة
طوووط ظرطة سطر جديد
الجمعيابي كالعادة تجي تورجغ وتشتم وتسب ولمن نقبضك تقول استقصدناك شفت الاسبوع الفات كنت فاضي مشيت ذاكرت وقريت تماما بوست ودالقريش وشفت الدقسات الماكنت منتبه ليها يازول أنت عامل جنس مصايب ومكضب جنس كضب كلو حا اجيبو ليك بس أنت خليك قاعد تورجغ وحاشر قدومك العفن في أي حتة بتخصني شفت بعد دا حا اطاردك لمن تعرف حاجة ولو خليت سودانيز ما بخليك فما تشرد خليك قاعد وتعال كل يوم لاني محتاجك بالجد عشان افرج الناس في نوع غباءك وأدعاءك وكضبك وغشك لي نفسك شفت يا جميعابي بعد دا حا تبقى شلغتي لأني سكت ليك كتير وقلت يمكن تفيق من غباءك وتشوف ليك شغلة بس أنت خليك موجود وما تشرد
Post: #7 Title: Re: من نفس البوست كتب عاطف Author: هشام عباس Date: 02-03-2015, 07:45 AM Parent: #6
00:45 م Feb 3,2015 سودانيز أون لاين هشام عباس المملكة العربية السعودية - الخبر
لو كان الاستاذ محمود هيابا للموت خائفا كان امر نفاده اسهل من شربة ماء كان يمكنه تقديم توبة حتى ولو عن غير اقتناع ونفد بجلده
اى كلام فى بتنجان وخلاص
Post: #11 Title: Re: من نفس البوست كتب عاطف Author: فرح الطاهر ابو روضة Date: 02-03-2015, 09:07 AM Parent: #7
02:07 م Feb 3,2015 سودانيز أون لاين فرح الطاهر ابو روضة ...................
Quote:
لو كان الاستاذ محمود هيابا للموت خائفا كان امر نفاده اسهل من شربة ماء كان يمكنه تقديم توبة حتى ولو عن غير اقتناع ونفد بجلده
اى كلام فى بتنجان وخلاص
هشام عباس محمود محمد طه كان بامكانه اعلان التوبة كما ارادوا له لو كان يفكر في حياة رخيصة وفي اختياره الموت الوقوف شهادة ما بعدها شهادة احترامي يا حبيب
Post: #8 Title: Re: من نفس البوست كتب عاطف Author: عبد الحي علي موسى Date: 02-03-2015, 07:56 AM Parent: #6
هو زول بقول عن نفسو شقي، فماذا سيقول عن الآخرين!!! ثم أن كلمة (شفت) – المعطوفة على شقي ومعروف - هل تعني شفت بكسر الشين والفاء أم تعني رأيت؟ أعتقد تعني المعنى الأول (بكسر الشين) لأنها تناسب كلمة شقي. وببقى دي شهادة زول شقي. سلام أبو روضة.
Post: #13 Title: Re: من نفس البوست كتب عاطف Author: فرح الطاهر ابو روضة Date: 02-03-2015, 09:23 AM Parent: #8
02:23 م Feb 3,2015 سودانيز أون لاين فرح الطاهر ابو روضة ...................
Quote: هو زول بقول عن نفسو شقي، فماذا سيقول عن الآخرين!!! ثم أن كلمة (شفت) – المعطوفة على شقي ومعروف - هل تعني شفت بكسر الشين والفاء أم تعني رأيت؟ أعتقد تعني المعنى الأول (بكسر الشين) لأنها تناسب كلمة شقي. وببقى دي شهادة زول شقي. سلام أبو روضة.
عبدالعزيز شكله كان مركب عيون العساكر وقلبوا متضامن معاهم خاصة وهم يتركوا مشغولياتهم في يوم من ايام انتخار الحقوق بالسودان والحرية واغتيال انسانية الانسانية لينشغلوا بترتيب مكان فسيح ومريح لطفل لم يبلغ الحلم بعد والتحية لشفوت الشعب السوداني وحتماً هم لم يخرجوا من بين سكنات عساكر النظام المايوي البغيض وهناك فرق بين الشفتنة والولدنه يا الحبيب ولك تحيييييييييييية
Post: #9 Title: Re: من نفس البوست كتب عاطف Author: Yasir Elsharif Date: 02-03-2015, 08:01 AM Parent: #2
تحياتي وسلامي لك يا أخي فرح وللجميع الأخ عبد العزيز كتب
Quote: وبحكم اني من اولاد كوبر ومحمد سعيد ابراهيم يعتبر عم ولي هسع عم محمد سعيد من اعمامي وصديق حميم للوالد وكتير من عساكر السجون اهل واصدقاء واباء زملاء دخلت وقعدت قريب لاني صبي شقي ومعروف وشفت ومتذكر كل حاجة الجمهوريين كضابين ما حضروا اعدام محمود وبكضبوا وبألفوا قصص من خيالهم كل القصص حول اعدام محمود منسوجة من الخيال كضب في كضب محمود جابوه منتهي وذليل ومتكلنو العساكر
وأنا أحب أن أحيله على شهادة اللواء محمد سعيد ابراهيم نفسه في هذا اللقاء في نادي الاعترافات. ابتداء من الدقيقة 41 حيث الحديث عن الأستاذ محمود محمد طه: https://http://http://www.youtube.com/watch?v=Pnq1s6VeSfcwww.youtube.com/watch?v=Pnq1s6VeSfchttp://http://www.youtube.com/watch?v=Pnq1s6VeSfcwww.youtube.../watch?v=Pnq1s6VeSfc
Post: #12 Title: Re: من نفس البوست كتب عاطف Author: فرح الطاهر ابو روضة Date: 02-03-2015, 09:15 AM Parent: #9
02:15 م Feb 3,2015 سودانيز أون لاين فرح الطاهر ابو روضة ...................
: Yasir Elsharif
تسلم على الافادة العظيمة والتي تكشف بجلاء حقيقة امثال عبدالعزيز وما يسعون اليه بمثل هذه الكتابات القبيحة وهذا الوضع يفرض علينا سوال كيفية معالجة مثل هذه الكتابات التي تسي وبقصد لرموز وطنية وهامات دخلوا التاريخ وشكلوا وجدان الانسان السوداني بتضحاياتهم ومواقفهم النبيلة .؟
Post: #14 Title: Re: من نفس البوست كتب عاطف Author: Yasir Elsharif Date: 02-03-2015, 09:23 AM Parent: #12
Quote: وهذا الوضع يفرض علينا سوال كيفية معالجة مثل هذه الكتابات التي تسي وبقصد لرموز وطنية وهامات دخلوا التاريخ وشكلوا وجدان الانسان السوداني بتضحاياتهم ومواقفهم النبيلة .؟
الجواب بسيط: بكشف الحقائق ونشر الاستنارة.. بوستك هذا خطوة في هذا الاتجاه.
ياسر
Post: #15 Title: Re: من نفس البوست كتب عاطف Author: Yasir Elsharif Date: 02-03-2015, 10:44 AM Parent: #14
عاد الأخ عبد العزيز حسين عبد الرحيم فكتب هذه المداخلة في بوست الأخ عاطف ووضع صورته للتدليل على أنه كان مكشر ولم يكن مبتسما، ولذلك فهو يرى أن الأستاذا كان مكشرا ولم يكن مبتسما. المهم سأعلق على ما قاله الأخ عبد العزيز:
Quote: بعدين مافي أي حاجة تدعوه للإبتسام ولو أبتسم اللحظات ديك يبقى والله شيئ من الجنون أو الخبل وعرف عنه انه شخص عاقل وما عارف الإبتسام لي منو ؟ والقصد من الابتسامة شنو ؟؟؟ والنتيجة منها شنو ؟؟
أولا الابتسام علامة التسليم لأمر الله وانتفاء الخوف والثقة فيما عند الله، فهو يعرف إلى أين هو سائر، لأن لديه يقين أن الموت لا يعني "الإعدام" ولا "النهاية"، وإنما هو بداية دخول إلى حياة أخرى. "ولا تقولوا لمن يقتل في سبيل الله أموات بل أحياء ولكن لا تشعرون". أيضا الابتسام هو رثاء لقوم جهلوا فسهل تضليلهم. والابتسام وداع لأناس طيبي القلوب أحبوا الأستاذ بعضهم موجودون هناك. والابتسام سخرية من قوم يظنون أنهم بالقتل سوف يجتثون فكر الأستاذ. قال الدكتور عبد الله الطيب في قصيدته المشهورة: عـلــنــا عـلّـقوه يشنق للجمهور ذاك الـمــفــكــر الصنديــد أخرجــوه لحتفــه ويــداه خـلــفـه هو مـوثـق مشدود جعلـوه يرقى به الَّدرج الصاعد نحـو الهــلاك خـطــو وئــيد كشفوا وجهــه ليُعرف أن هـذا هــو الشخــص عينــه محمود قرىء الحكم ثم صاح به القاضى ألا مثــلـه اقتلـوه أبيــدوا كـبـّر الحاضــرون للحـدّ مـثل العيــد إذ جمعـهــم له محشود وأراهم من ثغره بسمة الساخر والحـبـل فوقـه مـمــدود وعلى وجهــه صفــاء وإشراق أمـام الردى وديــع جـليد
عبد العزيز قال أنه كان صبي في عمر 14 سنة عندما حضر تنفيذ حكم القتل على الأستاذ محمود وأيضا حضر تنفيذ القتل على الواثق صباح الخير.. بالله لو كان هناك مسئولين محترمين مش كان حقو يمنعوا الأطفال من حضور مثل هذه الأشياء؟؟ لكن كل الوقت كان ولا يزال وقت لوثة وهوس.
ياسر
Quote: العزيز عاطف تحياتي وأحترامي
أولاً أنا متفهم لما تقوم به واقدره جداً أنت تقوم بالتصدي للمغالاه في تمجيد محمود محمد طه والتي وصلت إلى درجة العبادة عند بعضهم كعبدالله عثمان مثلا ودرج المنافقين على تمجيد محمود محمد طه لأستدارار التعاطف وأدعاء الاستنارة مع أن دعوة محمود منتهى التخلف والرجعية
بالنسبة لشهادتك فأنت صادق لكن يا عاطف المسافة بين بيوت الضباط في اقصي الشرق خارج السجن وبين المشنقة الموضوعة في غرب السجن مسافة طويلة وقد يخدعك النظر فأنا كنت اقرب منك ولم اشاهد محمود ابتسامة محمود محمد قد يكون كشر من ضوء الشمس وبانت اسنانه وقد تكون اعتقدت وغيرك انها ابتسامة
كتير من الناس وأنا منهم عندهم حساسية من الضوء وبكشروا عن تعرضهم للضوء ومحمود كان مسجون في مكان مظلم لمدة طويلة ومن الطبيعي يكشر عن تعرضة للضوء وتبان اسنانه وقد يعتقد الاشخاص البعيدين انه يبتسم
أنا عندي حساسية شديدة تجاة الضوء الساطع والصوت العالي مازلت أعاني منها مثلا دي صورة قديمة من سنة 2004
انا متجه نحو الغرب والشمس في غروب قد تعتقد من بعيد أني مبستم لكني مكشر بفعل ضوء الشمس الصورة دي قديمة وزمان لمن كنا شباب وعندنا شعر والصحة فل والموبايل 3310
بعدين مافي أي حاجة تدعوه للإبتسام ولو أبتسم اللحظات ديك يبقى والله شيئ من الجنون أو الخبل وعرف عنه انه شخص عاقل وما عارف الإبتسام لي منو ؟ والقصد من الابتسامة شنو ؟؟؟ والنتيجة منها شنو ؟؟
الكلام كتير عن اعدام محمود والجمهوريين مالين الدنيا كضب وكلام ما صحيح وبألفوا القصص وينشروها وزي ما قلت لو محمود كان حي ما كان حا يرضى من كتير من الكلام البقولوه لتمجيده ومنها انه كان في ناس محتجين لأعدامه الغريب أنا شفت أعدام محمود وكان في جماعة بكبروا وبجوطوا ساعة الاعدام ووقت نحنا خارجين بعد التنفيذ وانا كنت رغم صغر سني متضايق منهم جداً وحسيت برضه الناس برضه متضايقين
الغريب أنا شفت برضه اعدام الواثق صباح الخير من نفس المسافة ومن نفس الموقع وداك كان اكتر رباطة جأش من محمود وكان ماشي بي خطو واثق ومتضايق من العساكر المعاه وما شفت ذرة خوف او تردد وتم أعدامه بسرعة اكتر من اعدام محمود وكان في ناس كتير عاملين ضجة وفي نسوان كانو ورى الظلط شمال السجن بشتموا في نميري وفي الشريعة بعد التنفيذ شفتهن برضه بشتمن شمال بيوت الضباط بالضبط امام بيت الرشيد الطاهر بكر طبعاً البلد كانت في قبضة جهاز الأمن الزمن داك والكلام في النميري والشريعة حاجة تخوف والناس كبروا اللفه منهن واعجبتني شجاعتهن
يا عاطف أنا حا أذاكر كضب الجمهوريين وتنسيب حاجات كتيرة لمحمود وقد اجيب الكضب هنا او افتح بوست
Post: #16 Title: Re: من نفس البوست كتب عاطف Author: بدر الدين اسحاق احمد Date: 02-04-2015, 05:49 AM Parent: #15
Quote: أنا أيضاً حضرت إعدام الأستاذ محمود محمد طه حضرته من سقف أول منزل من منازل ضباط السجون شرق سجن كوبر وكان ذلك هو منزلي خالي اللواء سجون عبدالمنعم التلب ( مدير سجون العاصمة القومية ) وقتها وكنت أقيم معه بعد تخرجي في الجامعة ....... حضرته من موقع ( لوج ) - بلغة السينما ... وهو موقع أتاح لى رؤية كل المنظر ...... كل المنظر حضرت الإعدام وأنا بالغ راشد أبلغ من العمر خمسة وعشرون عاماً
وللصدق والتاريخ أقول
>>>>>
.... وبكل حروف الصدق أقول لك أن ذلك المنظر وتلك البسمة لم تفارق خاطري وناظري لمدة ليست بالقصيرة ....... بل وفي هذه اللحظات أكاد أراها ....
عفواً دا بيت اللواء سجون سابقاً احمد وادى حسن.. كنت ضيفاً عليه مرات عديدة يبعد عن المقصلة مكان الاعدام ما لا يقل عن 400 متر الا غايتو بى نظارة مكبرة او يكون زرقاء اليمامة لكى يقدر يشوف الابتسامة وبكل حروف الصدق أقول لك أن ذلك المنظر وتلك البسمة لم تفارق خاطري وناظري لمدة ليست بالقصيرة .......
Post: #18 Title: Re: من نفس البوست كتب عاطف Author: فرح الطاهر ابو روضة Date: 02-04-2015, 08:22 AM Parent: #16
عفواً دا بيت اللواء سجون سابقاً احمد وادى حسن.. كنت ضيفاً عليه مرات عديدة يبعد عن المقصلة مكان الاعدام ما لا يقل عن 400 متر الا غايتو بى نظارة مكبرة او يكون زرقاء اليمامة لكى يقدر يشوف الابتسامة وبكل حروف الصدق أقول لك أن ذلك المنظر وتلك البسمة لم تفارق خاطري وناظري لمدة ليست بالقصيرة .......
فكي اسحق او كما يقول خالد العبيد طيب الله كيبورده مثلما ابديت روؤيتك في شهادة رجل كان يبلغ من العمر خمسة وعشرين عام يا ريت تبدي لينا راي برضه في شهادة حدث لم يبلغ الخامس عشرة افسح له العسكر الطريق وسط الزحمة لانه شفت ومعروف بين العساكر كما يقول ليشاهد محمود وهو يتدلى من حبل المشنقة
Post: #19 Title: Re: من نفس البوست كتب عاطف Author: عبدالعزيز حسين عبدالرحيم Date: 02-04-2015, 08:23 AM Parent: #16
يا بدر أنا عاطف دا مصدقوا لأنه بصراحة راجل محترم ومصداقيتو عالية قد يكون قاصد البيت الأول من الناحية الغربية جنب البوابة الرئيسية الشمالية الشرقية وبيت احمد وادي كان من الناحية الشرقية والمسافة اظن اقل من اربعمائة وأظن هو شاف محمود بكشر من انعكاس شمس الصباح المشرقة على وشو وأعتقد أنه مبتسم زي مثلا الصورة دي
قد يعتقد الناس البعيدين انه مبتسم او برضه القريبين لكن في الحقيقة هو مكشر بعفل انعكاس الشمس وزي ما وضحت لي للأخ عاطف أنه في ناس عيونهم حساسة للضوء
لكن يا بدر الحمد لله أنك جيت أنا مشيت لقوقل ماب لقيت في تعديل في مباني السجن وبالضبط في مباني جديدة في مكان المشنقة وأظنها شالوها
المباني المعلمات بي الأصفر ديل في ساحة التنفيذ هل هي مباني جديدة وياريت لو تحدد مكان التنفيذ بالضبط لانه ما قدرت بصراحة ما قدرت احدده بالضبط من الصورة القديمة
كان يوم ما بتنسي يا بدر الايام أنا قاعد اذاكر للجمهوريين يا عبدالله عثمان دا كرهنا البورد نقة نقة يعبد ويسبح في محمودو دا
أبوروضة أنت ما بتبقى جمهوري غايتو يا الشيوعيين حيرتونا وكت مأمنين بي محمود وحاسبنو مع الشهداء ومؤمنين بي رسالتو وبالفكرة الجمهورية ما تبقوا جمهوريين عديييل
غايتو الشيوعيين عارفنهم كجينهم للكيزان يخليهم يتضامنو مع الجمهوريين ويمجدوا محمد لكن البغيظ هو نفاق مدعي الفهم والاستنارة البمجدوا في محمود ويدقوا كاروشة للجمهوريين رغم أنه الفكرة الجمهورية فكرة متخلفة وجاهلة وبتاع بس نظام انا ولد مستنير وفاهم
-----
ياسر الشريف ياخ مرحب بيك وبي حوارك بصراحة فرحان جداً أنك تجي تتكلم معاي حا اتحاور معاك وحا أسلك عن حاجات كتيرة ياريت تجاوبني بصراحة عليك الله بعيد من التقية البتسووا فيها دي والكضاب بعرفوا حا يكضب قبل ما يكضب والنفاق بشم ريحتو كويس فكون معاي صريح ومباشر وتبعد لينا من الالفاظ الكبيرة والفضفاضة وشغل الخواطر والشعر
Quote: أيضا الابتسام هو رثاء لقوم جهلوا فسهل تضليلهم
سجمنا كان كدا أنا كنت واقف وبعاين ومعاي مئات يعني قصدك محمود كان بضحك فينا وفي جهلنا وضلالنا ؟؟ طيب ما كان يرشدنا ويمرقنا من ضلالنا ما تقول لي منعوه لأنه لو كان على الحقيقة وشغلانتو من ربه كان ربنا نصرو
Quote: والابتسام سخرية من قوم يظنون أنهم بالقتل سوف يجتثون فكر الأستاذ
هو كان ظاني أنهم ما حا يتجثو الفكرة وبالفعل اجتثوا الفكرة وعاشوا حتى الان ومنهم من مات غير نادم وحمد لهم الشعب فعلهم بل العالم الاسلامي كله حمد لهم أعدامهم لمحمود
Quote: عبد العزيز قال أنه كان صبي في عمر 14 سنة عندما حضر تنفيذ حكم القتل على الأستاذ محمود وأيضا حضر تنفيذ القتل على الواثق صباح الخير.. بالله لو كان هناك مسئولين محترمين مش كان حقو يمنعوا الأطفال من حضور مثل هذه الأشياء؟؟ لكن كل الوقت كان ولا يزال وقت لوثة وهوس
ما طفل في نهاية الصبا وزمان ناس الاربعتاشر ديل كان بشيلو قدح المونة ويشتغلوا صبات ما زي شفع هسع شفوت ومفتحين بعدين بصراحة سبب حضوري لأعدام محمود كان غير حضوري لأعدام الواثق لأنه كان في فتنة فتنا بيها وسمعنا انه الزول دا نبي وحا تحصل معجزة قبل اعدامه بصراحة انا فتنت وكنت قايل أنه حا يحصل حاجة ولمن دخلت اعتقدت انه ربنا حا ينصرو لو كان نبي زي ما بقولوا واتخيلت انه المشنقة تتفكك وتتكوم كمعجزة تدل على نبوته لكن طلع اي كلام واتحلس
طيب يا سيد ياسر تعال نسألك هل محمود دا نبي ؟؟؟ ما تقول لي مجدد المجددين برجعوا للقران كلام الله وسنة نبيه وبيزيلوا الشعوذة والشرك والاوهام البتتغطى زي تنضيف الحديد من الصداء زي محمد بن عبدالوهاب كان الحجاز اتملى شرك ودجل وشعوذة وقباب وبدأ الناس يعتقدوا في القبور ويرتكبوا كثير من الشركيات وجاء جدد ليهم دينهم محمود ما جديد بل جاب كلام مجوبك ولخبطة ماعندها اي معنى ولا بتفيد الدين الحبة واساسها نفسه
هل محمود دا عندو اتصال أو وحي او اي حاجة غير الإيمان بوجود الله وأنه بسمعنا وبشوفنا وعارف سرايرنا وهل كلفوا الله عز وجل بي شيئ واختصاه بيه دون البشر
طيب زول مسلم سني بصلي ويصوم ويفعل كل ما يأمره دينه ويترك ماينهاه عنه هل محتاج يبقى جمهوري وحا يتغير شنو لو بقى جمهوري ؟؟؟ الجمهوريين دينهم او اعتقادهم يتختلف شنو عن أعتقادات المسلمين ؟؟ الدنيا دار عمل وتحصيل اجر للأخرة الزول لو بقى جمهوري حا يحصل اجر اكتر وكيف ولا مافي فايدة؟؟
مخرجات الفكرة ومحمود زاتو شنو وأستفاد السودان منها شنو والعالم الاسلام والمسلمين عموما شنو ؟؟؟
Post: #20 Title: Re: من نفس البوست كتب عاطف Author: Yasir Elsharif Date: 02-04-2015, 08:58 AM Parent: #19
Quote: وبحكم اني من اولاد كوبر ومحمد سعيد ابراهيم يعتبر عم ولي هسع عم محمد سعيد من اعمامي وصديق حميم للوالد وكتير من عساكر السجون اهل واصدقاء واباء زملاء دخلت وقعدت قريب لاني صبي شقي ومعروف وشفت ومتذكر كل حاجة الجمهوريين كضابين ما حضروا اعدام محمود وبكضبوا وبألفوا قصص من خيالهم كل القصص حول اعدام محمود منسوجة من الخيال كضب في كضب محمود جابوه منتهي وذليل ومتكلنو العساكر
وأنا جبت ليك شهادة اللواء معاش محمد سعيد ابراهيم التي أكد فيها ثبات الأستاذ محمود على رأيه وشجاعته في مواجهة التخويف بالقتل، عكس ما قلته أنت. إذا لم تكن قد استمعت إليها فأرجو أن تفعل. كما أرجو أن تذهب إليه، بحكم صلتك به كما قلت، وتسأله عن ثبات الأستاذ. هذا رجل كان مدير السجن وقد التقى بالأستاذ وحضر لحظات تنفيذ الحكم عليه.
ياسر
Post: #17 Title: Re: من نفس البوست كتب عاطف Author: فرح الطاهر ابو روضة Date: 02-04-2015, 08:18 AM Parent: #15
Quote: أولا الابتسام علامة التسليم لأمر الله وانتفاء الخوف والثقة فيما عند الله، فهو يعرف إلى أين هو سائر، لأن لديه يقين أن الموت لا يعني "الإعدام" ولا "النهاية"، وإنما هو بداية دخول إلى حياة أخرى. "ولا تقولوا لمن يقتل في سبيل الله أموات بل أحياء ولكن لا تشعرون". أيضا الابتسام هو رثاء لقوم جهلوا فسهل تضليلهم. والابتسام وداع لأناس طيبي القلوب أحبوا الأستاذ بعضهم موجودون هناك. والابتسام سخرية من قوم يظنون أنهم بالقتل سوف يجتثون فكر الأستاذ. قال الدكتور عبد الله الطيب في قصيدته المشهورة: عـلــنــا عـلّـقوه يشنق للجمهور ذاك الـمــفــكــر الصنديــد أخرجــوه لحتفــه ويــداه خـلــفـه هو مـوثـق مشدود جعلـوه يرقى به الَّدرج الصاعد نحـو الهــلاك خـطــو وئــيد كشفوا وجهــه ليُعرف أن هـذا هــو الشخــص عينــه محمود
Post: #21 Title: Re: من نفس البوست كتب عاطف Author: د.أحمد الحسين Date: 02-04-2015, 09:56 AM Parent: #17
يا عبد العزيز نصدقك انت وانت كما وصفت نفسك ام نصدق مدير السجن وعبد اللطيف الشناق اذى كان يحرس الاستاذ محمود ليلة التنفيذ وكنا قد تعرفنا به ايام اعتقالنا فى كوبر. وكمان نصدقك انت وانت كما وصفت نفسك ولا نصدق كل الذين حضروا التنفيذ. اذكر ان عبد اللطيف الشناق قابلنى فى تلك الايام فى شارع الجامعة وقال لى بالحرف الواحد ( قول لاستاذ سعيد انا رفضت انفذ اعدام الاستاذ محمود ". يابنى انت قلبك مليان حقد بصورة غريبة شفاك الله
Post: #22 Title: Re: من نفس البوست كتب عاطف Author: امجد الجميعابى Date: 02-04-2015, 10:10 AM Parent: #21
شفت يا جميعابي بعد دا حا تبقى شلغتي لأني سكت ليك كتير
الاقتباس ما شغال عندي عبد العزيز طبيعي اكون انا شغلتك عارف لشنو؟ شخصيا لا اعيرك ادنى انتباه و لست ندا لي على كافة المستويات عشان كده حاخليك تنبح زيك و زي اي كلب و ان عدت فما انا بعائد
ابوروضة عليك الله ما تعمل للعنابر قنابر
Post: #31 Title: Re: من نفس البوست كتب عاطف Author: محمد حمزة الحسين Date: 02-05-2015, 07:37 AM Parent: #2
يا فرح دا كلام شنو !!!! تصدق زول (لوج)علي بعد 1500 متر اقلها من واقع معاينة سعة السجن والمنازل المجاورة وتكذب زول قال ليك دخلت وكنت جالس قريب الشاشة علي بعد خطوات لمجرد انو ربيب عساكر ومخالف لك في الرأي عجباً لك الهذا نسجت هذا الخيط : : : : : : اللهم ارحم محمود محمد طه وتجاوز عنه انك علي كل ذلك قدير مع التحيات لله الزاكيات
Post: #23 Title: Re: شهادة مخالفة لكل الافادات التي وردت بشأن لحظة استشهاد محمود محمد طه Author: محمد المسلمي Date: 02-04-2015, 10:12 AM Parent: #1
سلام يادكتور احمد حسين جئت اسلم عليك لأنك طولت الغيبة لعلك والاسرة بخير ماتطول الغيبة
Post: #24 Title: Re: شهادة مخالفة لكل الافادات التي وردت بشأن لحظة استشهاد محمود محمد طه Author: عبد الحي علي موسى Date: 02-04-2015, 10:16 AM Parent: #23
أكرر: هو زول بقول عن نفسو شقي، فماذا سيقول عن الآخرين!!! ثم أن كلمة (شفت) – المعطوفة على شقي ومعروف - هل تعني شفت بكسر الشين والفاء أم تعني رأيت؟ أعتقد تعني المعنى الأول (بكسر الشين) لأنها تناسب كلمة شقي. وببقى دي شهادة زول شقي. سلام أبو روضة.
Post: #25 Title: Re: شهادة مخالفة لكل الافادات التي وردت بشأن لحظة استشهاد محمود محمد طه Author: عاطف عمر Date: 02-04-2015, 12:51 PM Parent: #1
تحياتي وسلامات الأخ فرح وضيوفه الكرام شكري الجزيل لجميع من ذكرنا في هذا البوست تصديقاً أو تشكيكاً
Quote: الا غايتو بى نظارة مكبرة او يكون زرقاء اليمامة لكى يقدر يشوف الابتسامة
لو أخرجنا ( التهكم ) الموجود في الجملة فالأخ بدر الدين لم يذهب بعيداً عن الحقيقة ...
وفي حقيقة الأمر لم أكن أظن لحظات كتابتي لتلك الشهادة أنني بحاجة لإيراد كل التفاصيل التي تخص كيفية رؤيتي ..... فكتبت القدر الذي رأيته كاف كرد على مداخلة الأخ عبدالعزيز .... فالبوست الذي وردت فيه الإفادة كان مخصصاً لغرض آخر تماماً ولعل متابعي ذلك البوست قد لاحظوا إعتذاري للأخ كمال فرانكلي عن الإسترسال في هذه النقطة.....
وللحقيقة أيضاً أقول إنني قد تلقيت إتصالاً هاتفياً من أحد أقاربي متابعي سودانيزأونلاين ونبهني بأن منزل الخال عبدالمنعم التلب كان ثاني منزل من جهة الشرق ( وليس الغرب يا عبدالعزيز ) وأضاف ضاحكاً " أحسن ليك ألحق صلحها قبال ناسكم ديل ما يلموا فيك ... " وللصدق أيضاً فإنني قد بادلته الضحك لكنني لم أر ضرورة للتعديل..... ودواخلي تستبعد أن هل يمكن أن يمارونني في ما أرى ؟؟؟
على كل حال لا أحاول إقناع أحد ولست مهتماً إن صدق الكل أو البعض أو لا أحد لكنني أتبسم إذ أتذكر أن أحد أنشط بوستات المنبر العام في هذه اللحظة يخص نقداً حاداً أوجهه لأخواننا الجمهوريين وأتبسم وأنا أتذكر ( كم ) البوستات التي أنشأتها وتوجد حالياً في الإرشيف أو في مكتبتي أو تلك التي شاركت فيها آخرين وكنت فيها جميعاً في الضفة المناوئة لأخواننا الجمهوريين فكراً
لكن ماذا أفعل أمام إلتزامي بقدسية الكلمة وحرمة الشهادة ؟؟؟
تحياتي وشكري لكم جميعاً
____________________
قبل الخروج
مادمت يا أخ بدرالدين على صلة بسعادة اللواء أحمد وادي وأسرته فيمكنك التحقق من أن المنزل المجاور له شرقاً كان يخص ( العميد وقتها ) عبدالمنعم حسن التلب أم لا ؟؟
Post: #27 Title: Re: شهادة مخالفة لكل الافادات التي وردت بشأن لحظة استشهاد محمود محمد طه Author: عبدالعزيز حسين عبدالرحيم Date: 02-05-2015, 07:04 AM Parent: #25
أولاً الدكتور أحمد الحسين تحياتي وأحترامي يا دكتور أنا أقدرك وأحترمك جداً فمقامك محفوظ تماما عندي لكن المره دي حا افضفض شوية مسألة قلبي المليان حقد دي ممكن تسأل المنصوري عن قلبي وهو من اقرب الناس لي قلبي وحايوريك ثم يا دكتور مع احترامي ليك أنت ما بتقدر تطلع على قلبي عشان تشوف الحقد الفيه لكن سبحان الله انا بقدر اشوف الضلال الانت فيه بالجد يا دكتور أنتو في ضلال وانا مشفق عليكم صحي أنا بكره الشيوعيين والشيعة والجمهورين لكن في فرق الشيوعين مجرمين كضابين والشيعة مجرمين كضابين ضالين والجمهوريين ضالين عشان كدا بدعوا ربنا يهديكم اللهم أهدي دكتور أحمد الحسين اللهم أهدي كل الجمهوريين وارشدهم طريقك الحق اللهم ثبتني على الهدى وزدني هدى دا عشان تعرف أنه ما حاقد على زول داير ليكم الهداية من الضلال الانتو فيه دا ------- عبدالحي علي موسى بقدر ما بقدر الرجال الشجعان زي ياسر الشريف البتسدروا للحوار بحتقر الجــبناء الزيك البكونوا شايفين الكلام الما عاجبهم وبسكتوا وما بتكلموا إلا لمن يمرق زول غيرهم ويجتروا كلامه أو يعملوا زي حركتك بتاعت تحريف الكلام ورغم أني كلامي واضح أنا شفت رايت نظرت بكسر الشين واضحة وظاهرة أنت عاوز تجي تدغمس وتمارس السفسطائية والحركات بتاع اللعب بي الكلام العلمكم ليها محمود معاي اوكي بس سوي ليك رجالة وتعال لي عديل بعدين في اسئلة فوق انا سألتها ابقى شجاع برضه وتعال جابوها لي أنت شخص جـــبان وأنا بحتقر الجبناء زيك وزي عبدالله عثمان البورجغ ويكتب كلام محمود ازرعوهم في ارض الحوار يموتوا موت طبيعي وانتو اكتر ناس بتهابوا ارض الحوار هسع البوست دا ارض حوار امشي جيب عبدالله عثمان معاك وتعالوا حاوروني في أسئلتي الفوق دي
------
ياسر الشريف بالمناسبة حضورك والتحدث معاي ليها تقدير مني تجاهك وانا بحب الزول البجي عديل لكن مسألة تلولوك وتجاهلك لي كلامي وأسئلتي ما حلو بالنسبة لي كلام عم محمد سعيد عادي برضه من الناس الشافوا محمود بكشر من جهرة الضوء وافتكر محمود ببتسم وعن شجاعة محمود قبل الاعدام برضه ماحاجة مهمة عندي أنا وجهت ليك اسئلة أهم وعندي برضه أسئلة وداير حوار معاكم خلينا من الحاجات الفارغة وتعال نخش في المهم تعال جاوب على اسئلتي لاني عندي اسئلة اخرى ولو عندك اي سؤال حاضرين
-----
امجد الجميعابي شوف يا أنت قايلني حا أطاردك كيف شفت لمن تجي تدعي ولا تجي تدين ليك زول بجيب ليك سواتك الاكعب يعني لو زول كضب وجيت انتقدتو حااجيب ليك كضبك لو زول سوى حاجة كويسة وجيت اثنيت عليه حااجيب ليك حاجتك الكعبة واختها ليك أنت اهديتني تراث فخيم من التناقضات يخليك ذليل طول عمرك ويجلب العار لخلفك واحلى حاجة أنت غبي وبتورجغ ساي وحاشر قدومك العفن في أي حاجة هسع مدعي الاستنارة وبتدق كاروشة للجمهوريين الذ حاجة ياسر الشريف بقول للجاهل ابوروضة
Quote: الجواب بسيط: بكشف الحقائق ونشر الاستنارة.. بوستك هذا خطوة في هذا الاتجاه.
استنارة ابوروضة ياخ دا كان جبتو كيبل مخصوص من خزان الروصيرص وربطوه في رجل ابوروضة اليمين وكيبل من خزان مروي وربطوه في رجلة الشمال وكيبل من محطه بحري القديمة وربطوه في يده اليمين وكبيل من المحطه الجديد وربطوه في الشمال ما ينور أبوروضة دا كتلة جهالة دا قبل ما ينوروه مفروض يمسكوه يودوه الحمام يحموه زول معفن في نفسو دي استنارة شنو البنشرها دا جاهل مفروض تخلصوه من الجهل الفيه وتبقوه أمي وبعد داك يتعلم وبعد التعليم كوسوا ليه استنارة
Post: #29 Title: Re: شهادة مخالفة لكل الافادات التي وردت بشأن لحظة استشهاد محمود محمد طه Author: فرح الطاهر ابو روضة Date: 02-05-2015, 07:36 AM Parent: #27
عزو انا عرفت بالضبط ما تعانيه وعلى كل حال شكراً على هذه الشهادة في كذبة وعيب من رجل لا يتورع ان يكون دائماً في المكان العيب والوضع الشاز ولكنها كشفت جانب خفي من اسباب هذا السلوك المنحط لشخصك قلت لي فسحو ليك المجال لانك شنو ياخ عليك الله لو انت ما بتخجل خلي واحد من ارزقية النظام ده لسه فيه شي من خجل يقرأ الشهادة دي كويس ويخجل ويكبي وينتحب ليك
Post: #26 Title: قبيلة الرياضيين .. النفوذ المتعاظم ( لوبي كرة القدم ) .. Author: بدر الدين اسحاق احمد Date: 02-05-2015, 06:00 AM Parent: #1
Post: #28 Title: Re: قبيلة الرياضيين .. النفوذ المتعاظم ( لوبي كرة القدم ) .. Author: د.أحمد الحسين Date: 02-05-2015, 07:32 AM Parent: #26
ابنى عبد العزيز اشكرك على ما قلته عنى وارجو ان اكون فى المستوى الذى صورتنى فيه ولكنى استغرب لكرهك لكل من ذكرت دون ان توضح ماخذك على الفكرة الجمهورية والاستاذ محمود الظاهر انك لم تقرأ لها ولم تحاول ذلك فارجو ان تقرأ ثم تقول لنا لماذا تكرهنا لهذه الدرجة مع تحياتى
Post: #32 Title: Re: قبيلة الرياضيين .. النفوذ المتعاظم ( لوبي كرة القدم ) .. Author: فرح الطاهر ابو روضة Date: 02-06-2015, 04:31 PM Parent: #30
Quote: ابنى عبد العزيز اشكرك على ما قلته عنى وارجو ان اكون فى المستوى الذى صورتنى فيه ولكنى استغرب لكرهك لكل من ذكرت دون ان توضح ماخذك على الفكرة الجمهورية والاستاذ محمود الظاهر انك لم تقرأ لها ولم تحاول ذلك فارجو ان تقرأ ثم تقول لنا لماذا تكرهنا لهذه الدرجة مع تحياتى
لن تجد رد لمثل هذا الخطاب المهذب وراقي وجمعتك مباركة
Post: #33 Title: Re: قبيلة الرياضيين .. النفوذ المتعاظم ( لوبي كرة القدم ) .. Author: عمار عبدالله عبدالرحمن Date: 02-06-2015, 06:10 PM Parent: #32
لا ادري سبب الرعب من الشيعة ,, اها القال الشيعة كضابين ,, اها ده الارشيف فيه كتاباتي طلعنا لينا كذبة خلينا نتوب منها قبل نتوسد الملحودة ,,
اها عن شجاعة محمود محمد طه ,, قال الشجرة تعرف من ثمرتها , وانا حاكي ليك عن الثمرة اول مرة احتك بالجمهوريين وانا في فتوة الصبا , كانت بنية بتلبس توب ابيض بتقيف كل يوم قبل المغارب جنب نادي عمال السكة حديد في الخرطوم , اها من جهلنا قمنا اتحرشنا بيها وكفارناه وقطعنا ليها الكتب ,, وقلنا ليها تاني ما تجي ,, تاني يوم برضو جينا لقيناها واقفه وبكل ثبات ,, اها ده نقول في شنو ,, كبرنا ودخلنا الجامعة (جامعة القاهرة الفرع كلية الحقوق) اها كان عندنا زميلتين في الكلية (مريم والاخرى لا اذكر اسمها) اها مريم دي في الامتحانات ما كان بتشف من زول ولا بدخل معاها بخرة نهائي , وده عادي لكن مرات الكلام في واحدين بملوا بعض بصوت عالي في الامتحان اها مريم دي كان بتسد اضنين الاتنين (( اها ممكن تصرف لي وتقول لي شيعي كضاب لكن دفعتي هنا كتار ممكن تسالهم ) اها نجي لشجاعة الغلبة ,,, اها في ايام محاكمة محمود محمد طه الجمهوريين عملوا مسيرة للمحكمة سلمية ,, اها قمنا مشينا وشاركنا فيها , كان لمحكمة ام درمان الجمهوريات لابسات تيابهم البيضاء والجمهوريين حالقين الشنبات بالموسى , اوقفهم الاحتياطي المركزي وطلبوا منهم ان يفضوا الجمهوريين كلهم قعدوا في الواطة قعدنا معاهم ورفضوا يفضوا المظاهرة , الاحتياطي المركزي رموا عليهم البمبان , اها البمبان سخن معانا خلينا الجمهوريين قاعدين في واطتهم وقمنا نحن لما نعرفه وتعودنا عليه للطوب وارجاع البنمبان اها الجمهوريين الخوافيين قالوا لينا نحن ما ناس عنف داير تتفرجخ معانا في الواطة اقعدوا ما بتقدروا امشوا ..
اها دي الثمرة , ياربي الشجرة بتكون كيف ,, ولا عنزة وان طارت والشيعة كذابين
Post: #34 Title: Re: قبيلة الرياضيين .. النفوذ المتعاظم ( لوبي كرة القدم ) .. Author: Khalid Elmahdi Date: 02-06-2015, 09:41 PM Parent: #33
سلام لأبوروضه وضيوفه الكرام... ورد في الحديث: لايزال المرء يكذب ويتحرى الكذب حتى يكتب عند الله كذابا.. وتعرف يا عمار في لحظة كنا جالسين على الأرض بمنطقة الشهداء بعد اعتراض البوليس لمسيرتنا، كان الأستاذ محمود والاخوان الأربعه بالمحكمه، وبعدها تحركنا للحاق بالمحاكمه، وجلسنا خارج قاعة المحكمه... التي شهدت كلمات الأستاذ الخالدات في الفيديو ادناه..
في راجل بخاف، يقول كلام زي ده للقاضي... الناس لما جات طالعه من قاعة المحكمه، واحد كان بيقول: كلام زي الرصاص، كلام زي الرصاص..