Post: #1
Title: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 01-29-2015, 01:46 PM
--قال لى صديقى
خلى الخاتم ده معاك البلد دى صعبه ويمكن تبيعو وتستفيد من تمنو ...
ياخ خلى خاتمك معاك وربك بيرزق ياخى والامور ماشه كويس ونحنا والحمد لله ماكلين وشاربين وشغالين
لا والله الخاتم بقى بتاعك خلاص .... خلاص خليهو قاعد هنا ولو احتجت ليهو تلقاهو موجود
كان مصرا على هديته وقبلتها فإرتاح وبانت عليه علامات الرضى
يتبع-
تحليه
.....
أصدقاء الفيس بوك هذه قصص حقيقيه عشتها ومازلت أعايشها فى مصر...!!!
ولن أرد على أى كلام خارج إطار الإحترام إلا بإحترام ...
|
Post: #2
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 01-29-2015, 03:13 PM
Parent: #1
---اصدقاء الفيس بوك يامصعب انت لسه مابقيت منهم ...بس شايفك قدمت اوراقك
عشان كد خلينى اعتمدك فى قائمة الاصدقاء ... وياريت تسمع أغنية
ماتتراجع ماتتردد
أو
وطن زى ضحكة يارا
أو تسمع قصيدة الهبرو ملو
....................
تحليه ...
أشوفك فى زمن مافيهو معاناة من حكام ولا من دقن كيزان
أشوفك اخو محترم لابيقول الشين ولا بيظلم ظروف إنسان
احترامى-
|
Post: #3
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 01-31-2015, 02:51 AM
Parent: #2
تفاصيل الحدث كانت فى سنة 1989 فى مدينة طنطا ...
...
نسيت أمر الخاتم تماما مع انشغالى فى عملى ..إلى ان مرت بى لحظات كساد موجعه
أضطررت فيها ان أخرجه من مكمنه ... ليسد الثغره الماليه التى أصابت جيبى ....
توجهت عصرا لشارع الصاغه وأنا أربت على جيبى الشمال بإطمئنان وسعاده وإمتنان
لذاك الصديق الذى أهدانى الخاتم ...
...
دخلت اول شارع الصاغه ..فوجدت صائدى الفرص من صغار صبيان تجار الدولار والدهب
...
معاك أيه يا أبوسمره ...
...
ممعاييش حاقه ..!!!
...
معاك دولار يا أبو سمره ..
...
يسمع منك ربنا ياخى ...!!!
...
فجأه اتانى صوت مستفز ...انت ياواد ..خد يابا ...انت ياوله ...!!!
معاك أيه ؟؟؟
... ممعايييش حاقه
...
خد تعال لاااااااا ...
...
قلت لك ممعايش حاقه ...هو انت حتصاحبنى والا أيه ؟؟؟
...
هو انت تلاقى واحد زيي يصاحبك يا.......
فاصل من الشتائم ..مع التقدم ناحيتى فى هجوم مجنون جدا جدا
...
نظرت الى مهاجمى بكل هدوء...الى ان وصلنى وزاد فى معايير الجرعه اللفظيه..
ثم إستدار بجنون الى كراسى امام محل على اليمين
...
عرفت حينها إننى داخل معركه لايد لى فيها...
...
فتابعته ...رفع الكرسى واستدار لكى يضربنى به ...
فوجهت له لكمه خطافيه لفتيه .... ألقت به من علٍ كشوال القرمبع
...
كل هذا ولم يخطر ببالى انه مسطول وبالع كم حبايه وانو الشارع كلو قرايبو
...
رفعته من الأرض عشان اعمل ....ديلفرى ... لى لفتيه إضافيه ...
(محسيتش بنفسى) بعدها
إلا وانا
باخد دلاديم من مرزبات متنوعه الأوزان
...
يتبع
|
Post: #4
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 02-01-2015, 06:49 AM
Parent: #3
اتلفتا حوالينى ...وقلت لى نفسى هسى ديل يدقو منو ويخلو منو...
ركزت ليك فى زولى ...
اديهو ليك دلللل
...
..أسمع ليك الدالاديم فى ضهرى
لب لب لب...
...
تدخل عقلاء الشارع وبدأو بفضون الإشتباك
خلالها بدأت التحدث بصوت عالى
بأنى حأجيب البوليس وحأفتح بلاغ فى قسم أول ...
...
وطبعا الشغلانه بقت بهدله شديده خلاص ...
الناس ديل عندهم دلاديم بتعسم عديل كدى
...
يتبع
|
Post: #5
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 02-01-2015, 04:03 PM
Parent: #4
مشيت من دربى داك للبوليس فى قسم أول ...ميدان الساعه ...
توشك خشيت ...عايز افتح بلاغ
...
خش المكتب اللى هناك ده يا أبو سمره ..
...
خشيت سلمت ردو السلام ...
...
الضابط عاين لى كدى وقال للشاويش القاعد فى مكتب جمبو ..
هو ده مللو مبرشم والا عامل عمله ...
الشاويش قال ليهو عايز يفتح بلاغ
.,..
يعنى حضرتك كل اللى بخش عندكم يايكون مبرشم ياعامل مصيبه ...
انا سعادك كنت ماشى الصاغه عشان ابيع خاتم
واحد عمل معاى مشكله لايدى لاكراعى
...
أيه كراعى دى انت من فين ؟؟؟
انا من السودان ...
...أهلا بإخواتنا السودانيين ..!!!
...
ولقيت يجى زى عشره بيضربوا فيا ...جيت اقدم بلاغ ضدو...!!!
...
ياعنتر ياعنتر ...
تعال روح مع السودانى ده وهات اللى عمل معاه مشكله...
...
عنتر حيطه متحركه ....
انا طولى فوق الميه وتمنين وبجيهو فى كتفو ...!!!
...
يلا بينا يا أبو سمره....هات سيجاره ...!!
مابدخنش والله ...!!!
طب يلا بينا ...
فكرت فيها
اشترى علبة سجاير وولاعه وأديهم ليهو ...خلى الفرده يكون فى جانبك
...
شكرا أبوسمره مكنتش تتعب نفسك ...!!!
تعبك راحه يابااشا
أحس عنتر بطعم النفوذ وتبسم ..وانا عامل رايح...
...
ما ان وصلنا الى اول شارع الصاغه حتى انطلق المسطول مبتعدا كأنه عداء سباقات محترف
لم يحرك عنتر ساكنا...
فتوكلت على الله وانطلقت خلفه وانا أضرخ حرااااااااامى حراااااااامى
زول هببو لى مافى ...
بدر ما أنا زول جراااااى لكنو والله لو اشترك فى سباقات المسافات القصيره لنال ميداليات متعدده
....
جريت لمن إنقطع نفسى
كتل اول ملف
وانا وراهو
كتل الملف التانى ...
فتشت ليهو مالقيتو ...غطس وين ماعارف
...
جنيس تهور هو...
رجعت لعمك عنتر ...لقيت مؤتمر دهبى
....
تعال نخش محل المعلم عشان نحل المشكله دى يا أبوسمره
...
يتبع
|
Post: #6
Title: Re: خاتم دهب ومسطول جراى ... ودلاديم ومخبر...!!!
Author: ibrahim fadlalla
Date: 02-01-2015, 07:11 PM
Parent: #5
يديك ألف عافية يا ملهم ...
على أسلوبك الراقي ... وأخلاقك العالية ...
أتابع حكاياتك الواقعية بمتعة وتقدير ...أحزني صاحبك " مصطفى " ...إن لم أنسى اسمه ...أسأل الله أن يتغمده بالرحمة ...وشكرا أن كنت وفياً لذكراه ...
شكرا على فتحك نفاجاً على الجخانين الغميسة ....للمجتمع المصري ...من هناك تخرج الصورة الحقيقية ...بلا رتوش ...
واصل ...
|
Post: #7
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 02-02-2015, 03:03 PM
Parent: #6
مرحبابك ياإبراهيم
طبعا يا أستاذ من بعض ماعندكو ... روعة الأخلاق صفه نبيله فى شخصيتك ياحبيب
...
وشاكر لك متابعك التى إتقتطعت لها من زمنك الثمين والله مقدر ياخى
...
وشاكر تعازيك فى مصطفى وهو من عائله مشهوره فى طنطا ومترفه الله يرحمو
...
الجخانين ياهيما فيها المذهل والمثير والمهبب ... والإنسانى ..
تحليه
من الذين أعزهم ومازلت أذكرهم بالخير الاستاذ الصديق
ابراهيم فضل الله
الود الحريف والزول الضحوك
والاستاذ المهذب خريج تربيه انجليزى
والمتميز أمير عطار
ياحليلهم ياخ
|
Post: #8
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 02-02-2015, 03:25 PM
Parent: #7
خشينا للمعلم
-
طبعا لمن كنت جارى وراء الود ...صاحبك التاجر ده لمح المشهد
ونادى المخبر وسألو عن الحاصل ...حكى عنتر مايعرفه وانتظرنى خارج محل المعلم
نادانى عنتر ...
ياسدانى تعال كلم المعلم
...
أكلم المعلم وأكلم حنانو ذاتو
خشينا للمعلم الكبير والتاجر المهيب
السلام عليكو
وعليكم السلام
...اتفضلوا
جاب لينا اتنين ميرندا
....
تعرف الود الإنت جارى وراهو \ده غلبنا والله ياسودانى كل يومين تلاته عامل لنا مشكله
من يوم مامشى مع العيال البايظين باظ زيهم
بى يشرب حبوب ومخدرات ونيله ...
بدل مايخلى بالو من أخواتو وأمو بى متنيل بستين نيله ياسدانى
...
مافى مشكله يخش السجن عشان يطلع وهو نضيف من السطله اللى هو فيها
...
ياخى ده اتسجن وطلع أنيل من الأول
...
طيب حضرتك عايز أيييييه منى ؟؟؟
...
سامحو عشان أمو وأخواتو البنات..
...
لا والله انا بسامحو عشان خاطرنفسى بس
كتر خيرك والله هو إبن اختى فى الحقيقه...
ها عندك أيه ؟؟؟
دولار والا دهب والا عايز والاعايز تشترى حاجه
...
الموضوع ومافيهو انى عايز أبيع الخاتم ده..!!
أخذ المعلم الخاتم ووزنه وقال لى ده بيقطع ليك مبلغ كذا..
يعنى كان الجرام بى 30 جنيه تقريبا
...
بعت الخاتم وودعتهم وعصرت للمخبر تااااااااااااااااانى
ورجعت البيت
تعال شوف الحصل بعد كده يا إبراهيم ...حكايه والله
يتبع
|
Post: #9
Title: Re: خاتم دهب ومسطول جراى ... ودلاديم ومخبر...!!!
Author: محمد المسلمي
Date: 02-03-2015, 08:13 AM
Parent: #1
01:13 م Feb 3,2015
سودانيز أون لاين
محمد المسلمي
ملهم كردفان ياراقي سلام
اكمل متابعين القصة
|
Post: #10
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 02-03-2015, 09:15 AM
Parent: #9
02:15 م Feb 3,2015
سودانيز أون لاين
ملهم كردفان
الإسكندريه
مرحبتين حبابك يامحمد المسلمى ...شاكر لكم حسن الطله والمتابعه الحثيثه
احترامى
|
Post: #11
Title: Re: خاتم دهب ومسطول جراى ... ودلاديم ومخبر...!!!
Author: ملهم كردفان
Date: 02-03-2015, 09:41 AM
Parent: #10
02:41 م Feb 3,2015
سودانيز أون لاين
ملهم كردفان
الإسكندريه
----عرجت على محلات مديح واشتريت كيلو حلويات مشكل
فيهو قلاش وبسبوسه وبسيمه وكنافه وهلم جرا..........
ثم
عدت الى الشقه ومستوى الإدرينالين فى أعلى مستوياته
حضرت لى عشاء كارب ...
وحليت فى أمان الله
....
ثم بدأت نوبة الغضب فى التلاشى رويدا رويدا
وكلما تلاشت نوبة الغضب كلما قل الإدرينالين فى الجسم
....
اها احو البنات بقى يحس ليك بى الدلاديم بدت تشتغل ...
وبديت أقنت ....
اه
اه
اه
....
قلت لى نفسى ...يافرده انبطح شويه يمكن الحكايه تهدأ شويه
إنبطحت فى سريرى يامعلم ...
ثم بدأت سيمفونيه الجرس والوجع الرهيب فى العزف ...
بقت
قنته وآهه....قنته وآههه...
...
غمضت عيونى عشان انوم ...
بالله ماغمضتهم الا وجانى ليك ضيق نفس
اجر نفسى زى الشافع الببكى وبشد نفس سريع كده ويتشهق
....
دى يحلوها كيف دى ...
الز كتافينى لى ورا ماينفع ..... انوم بالصفحه اليمين ماينفع
أنقلب على صفحه الشمال ماينفع ...
طار لى كلو كلو والله ...
فتحت درج الكومودينو الجمبى ....
واخدت لى حبه مسكنه ...طمعت وزدتهم اتنين ...برضو مانفع
استعملت البخاخ عشان يفتح مسارب الروح ...برضومانفع
....
فى النهايه رحت فى نومه عميقه ....كييييييييف ؟؟؟ ماعارف
قمت بعدها بى يومين
وانا فى أزهى حله ...
ازهى حله بتاع شنو ياملهم ...
حلة كوكو ...
.....
آثار الدلاديم واضحه زى البشمس ...
الله ينتقم منهم ياخ
عشره فى عشره بى مية دلدوم ....لاحووووووولا ...
تانى توبه اخش فى شكله مع زول فى سوق أو دار إتحادا أو حتى أخش لى شكله فى الحلم
....
تحليه ...
أفتقدت التصرف السليم حينها ...
كان يمكننى ان أمسك منو الكرسى واعتذر ليهو وأقراهو صاح ...!!!
ياخ لى هسى رقبتى معسمه من الدقه ديك ...
تمت
|
|