كاركتير ود أبو غير موفق .. ارجو سحبه باشمهندس بكرى

http://www.0zz0.com

الشريعة لا تموت يا عزيزى فهى باقية الى ان يرث الله الارض و من عليها ..
ارجو شاكرا حذف الكاركتير احتراماً لمشاعرنا كمسلمن شرعنا الاسلام .

المعنى مفهوم من السياق يا انور: فكرة الحكم ب(الشريعة)

يا انور الزول دا كاتب الشريعة ما جاب كلمة اسلامية معاها ..دي اول حاجة .. يعني ممكن تكون شريعة الغاب او اي شريعة .. الحاجاة التانية .. الحكومة دي بشرت انها حتحكم بالشريعة .. ولما لم تقم بذلك فالشريعة الواردة علي لسان الحكومة هي الماتت زيها زي وزي اي حاجة قالت حتعملها وما عملتها وماتت .. ما شايف في مغالاة يا انور
الفهمتو انه الحاجات الماتت دي دي كلها حاجات حقت الحكومة ..

شريعة الله والرسول والاسلام ما حقت الحكومة ولا ملكها ولا تطول

الاخوة ايمن و اساسى ..
تحياتى
يتباين الفهم بين انسان و اخر .. و بى فهمى البسيط ما فلترتها و مؤكد فى كثيرين مثلى ..
من الله خلقنا ما بنعرف غير شريعة الاسلام ، و الحكومة ما اتكلمت عن شريعة غيرها .. ف ما تفلسفوا الموضوع
ورأيى المتواضع ان البعد عن الشبهات اسلم .

اخوي انور التكينة
مسكاقمي
جيت اسلم عليك عشان نعيد حبل المودة واتمنى ما تكون زعلان منا
ونرفع البوست بالمرة
وانا مع كلام السيد اساسي ( البنخاف منو ) المقصود حاجات الحكومة وشعاراتها كلها ماتت وقبرت

لك ودي

مرحب بيك جمزاوى و حبابك عشرة ..
يا حبيب اختلاف الرأى لا يفسد للود قضية ..
لكن مسكاقمى دى شنو ؟ قايلنى محسى ؟ اخوك عربى جزيرة من اهل العوض
تحياتى

التكينة.

بئس العمل الصحفي الذي يمارسه أمثالك.

دينق العميل الامريكى
قاتل اطفال العراق
حالتك و الله تحنن .. بقيت كالمنبت لا ارضا قطع و لا ظهرا ابقى ..
شتت من هنا .. ده كلام مسلمين .. الدخلك شنو ؟

بالله أنت بقيت صحفي كيف يا سجم الرماد أنت؟

البائس دينق
أنا لا اكترث لامثالك يا حثالة ..
و لن اكلف نفسى مشقة النزول لدركك ..
اخرج .. فالبوست اصبح محتاجاً للتعقيم ..
و ان عدت فلن اعود ،،

الأخ أنور التكينه , السلام عليكم
عهدناك طيباً وودوداً حتى مع من يختلفون مغك فى الرأى مثلك كمثل عمنا ود ربيحه والغرقان فى
حب أهلى البادراب وبالأخص أبينا راجل النخيره الخليفه عثمان الفكى عمر .
بخصوص الكاريكتير حسب وجهة نظرى الشخصيه لا أرى أى شبهه دينيه تعتريه
وأتفق مع وجهة نظر الإخوه
أنور محمود
وأساسى
وحمزاوى .
تختلف وجهات النظر
خاصةً وأن هذا البورد للرأى والرأى الآخر
بعيد عن الإنفعالات .
مع تحياتى وتقديرى .

.


ود أبو نسي أن يضيف قبر آخر هو قبر: المرحومة الصحافة السودانية!


.

Quote: الأخ أنور التكينه , السلام عليكم عهدناك طيباً وودوداً حتى مع من يختلفون مغك فى الرأى مثلك كمثل عمنا ود ربيحه والغرقان فى حب أهلى البادراب وبالأخص أبينا راجل النخيره الخليفه عثمان الفكى عمر . بخصوص الكاريكتير حسب وجهة نظرى الشخصيه لا أرى أى شبهه دينيه تعتريه وأتفق مع وجهة نظر الإخوه

الاخ ABDALLAH ABDALLAH
لك مودتى الصادقة
و ستجدنى كما عهدتنى و اكثر الا مع لئام القوم الذين ظلوا يترصدون اى كلمة منى لنفث سمومهم كالهالك دينق .
بالنسبى للكاركتير فرؤيتى ان التفسير دائما يكون باول ما يوحيه اليك اللفظ و قد يختلف مع ما يقصده الرسام ، فأنا
حين رأيت الشريعة تُقبر هالنى الامر بينى و بين نفسى ، وقد يكون ما يعنيه الرمز شيئاً اخر كما اوضح الزملاء الافاضل .
لك مودتى و سلامى

Quote: ود أبو نسي أن يضيف قبر آخر هو قبر: المرحومة الصحافة السودانية!

أوسكار ... يا سيف اليزل.....

Quote: Quote: ود أبو نسي أن يضيف قبر آخر هو قبر: المرحومة الصحافة السودانية! أوسكار ... يا سيف اليزل.....

أوسكااااااااااااااااار 2 يا نصر الدين .

الأخ أنور
السلام عليكم ورحمة الله،

لا أتفق معك في طلب حذف الكاريكاتير، وواضح أنه لم يهتاج بك إلّا قبرٌ واحد ..!
بينما ال " حُفرات" الــ " ســِتّ " هُنّ من ذات المستوى، من واقع الحال، بل حتى الحُفرة الـ"سابعة" لآلية 7+7

هي من ذات الجُراب الإنقاذوي ال فالصو..

هل تقول أنّه لم يستثير فيك كوامناً، قبرُ الدولة الرسالية؟ المشروع الحضاري؟ الدفاع الشعبي، ال مسنوحة الدوحة!، والمهجومة الوَثبة؟ ولا حتى "آلية" مغشوشة ومرشوشة ومدووشة؟

فَـ كل من هؤلاء المقبورين، حاجة واحدة، لا تفرق عن "قبر الشريعة" إلّا بسبب اللولوة الفنّية وكدا ..

يا زول اتا قاعد وين؟ البِكيات دي كلها فاتتك!!

الأخ انور التكينة، سلام،
مع احترامي لوجهة نظرك:
ده أروع كاريكاتير!
وليس فيه نقد إلا للإنقاذ!

التكينه سورى ليك بوست غير موفق ولا ارى اى سبب لما تدعو له

كتب الأخ أنور التكينة
,,,,,,,,

Quote: من الله خلقنا ما بنعرف غير شريعة الاسلام ، ,, الحكومة ما اتكلمت عن شريعة غيرها .. فما تفلسفوا الموضوع .......

إذا تقول أن الإنقاذ لم تتـكلم الا عن الشريعة الإسلامية
حتي لايكون الكلام مرسلا وسائبا نرجو تثبت هذا الادعاء وتجيبنا
علي الاتي وفق منظورك للشرع والشريعة!
* هل تعد فساد وإستبداد الانقاذ ومصادرتها للديموقراطيةوالحريات
التزاما بالشريعة وتماشيا مع تعاليم الإسلام ?
* هل يعد نكث العهودوالحنث بالقسم والكذب الذي يمارسه الانقاذ
التزاما بالشريعة ?
* هل يعد التعذيب والقتل والفصل للصالح العام جزء من
نسيج الشريعة والتزاما بتعاليمها ?
* أم تري أن القروض الربوية التي ولغت فيها الانقاذ هي التزام
بالشريعة من منظورك?
* هل تري الطريقة التي وثبت بها الإنقاذ للسلطة وحكمت بعدها
تنبع من الشريعة وتلزم جانب تعاليم الإسلام ?
*هل الهيمنة علي السلطة والثروة يحسب التزاما بالشرع ?
* الا تري أن تمسح الإنقاذ بالاسلام ومتاجرتها بشعاره الاتعده تشويها
للدين وعبثا بالمقدسات وإتخاذا للدين كأداة قمع وتزيينا
لباطل السلطان الجائر!
** من كان غيورا بحق علي الإسلام فليصوب سهامه نحو الإنقاذ التي
شوهت الدين وتاجرت بالعقيدة وربطت الإسلام بالارهاب والظلم والقهر
بل وإختطفت الإسلام ومزقت الوطن أذلت الشعب بإسمه

الاخ انور التكينة

والله لك التحية والتقدير والتجلة .. على هذه الغيرة.. الغيرة على الدين والشريعة.

لك كل الاحترام

Quote: ود أبو نسي أن يضيف قبر آخر هو قبر: المرحومة الصحافة السودانية!

دي خمسين

Quote: Quote: ود أبو نسي أن يضيف قبر آخر هو قبر: المرحومة الصحافة السودانية! دي خمسين

خمسين و الجوكر بايظ يا أيمن
...
ود التكينة يا صاحب...أخبارك
النصيحة...البوست دا إنت إترشيت فيهو رش الذين إترشوا...
أبلع بالهنا و الشفا :)

التكينة تاني بتجي المولد؟

الاخوة المتداخلون جميعاً ..
أراكم ( اغلبكم ) تعاميتم عن طرح وجهة نظرى و التى لا تراوح منطق ما يثيره رؤية الشريعة مقبورة !!!
مناضلو الكيبورد اغتنموها فرصة لاستعراض سيوف عشرهم و التنطع فى مقالاتهم المكرورة فى الهجوم على الانقاذ رغم
انى ردى لم يتطرق لتطبيق الانقاذ للشريعة من عدمه و لا الى هذا رميت .
اردتم مأتما لشق الجيوب و لطم الخدود و استغللتم البوست لما اردتم ان تجروه اليه .
اما وجهة نظرى فهى قابلة للصواب و الخطأ بحسب حجم ( فاخورة ) اى واحد ..
قلت و اكرر ان الشريعة الاسلامية ليست وقفاً على الانقاذ ، و كان منطقى اننى اتعامل مع شمولية الشريعة ، و شريعتنا السمحة
ما زالت بخير و محفوظة بأمان فى صدور الملايين ، فلا ينبغى ان نقبرها و نشيل عليها الفاتحة .

الأستاذ التكينة
تحية ليك ولضيوفك
بالنسبة لي شخصياً فهمت ما تصبو إليه من نقد الكاريكاتير وداير تقول إن أول ما يتبادر لقارئ لفظة (المرحومة الشريعة) سيذهب إلى مفهوم الشريعة الإسلامية المرسلة للبشرية جمعاء، وكان من الأفضل للراسم أن يكتب (تطبيق الشريعة) تحرياً للدقة وهو الشعار الذي رفعته الإنقاذ في بداياتها وعجزت عن تحقيقه .
وتسلم

كتب السيد أنور التكينة
.....

Quote: قلت و اكرر ان الشريعة الاسلامية ليست وقفاً على الانقاذ ، و كان منطقى اننى اتعامل مع شمولية الشريعة ، و شريعتنا السمحة ما زالت بخير و محفوظة بأمان فى صدور الملايين ، فلا ينبغى ان نقبرها و نشيل عليها الفاتحة . ..

لا ياعزيزنا أنت قلت وبالحرف الواحد
.....

Quote: من الله خلقنا ما بنعرف غير شريعة الاسلام ، ,,.. , الحكومة ما اتكلمت عن شريعة غيرها .. .. فما تفلسفوا الموضوع .......

الإنقاذ تكلمت وطرحت شريعة غير شريعة الإسلام وغير شريعة المسلم
العادس ! طرحت شريعة القتل والتشريد والفساد والإستبداد
وتمزيق الوطن بإسم الدين !والهيمنة علي السلطة والثروة !
هذه شريعة الإنقاذ فبثمارهم تعرفوهم !
** والان دعنا من هذا كل هذا...فما دمت مناصرا ومنافحا عن الشريعة
الحقة ومنافحا عن الإسلام فأين معارضتك وتصديك للإنقاذ التي
شوهت الدين وتاجرت بالعقيدة وربطت الإسلام بالارهاب والظلم والقهر
بل وإختطفت الإسلام ومزقت الوطن أذلت الشعب بإسمه ?
** من تعدي علي الإسلام وشوهه وربطه بكل كريه ومنفر كاركاتير ود
أبو أم ممارسات الإنقاذ ونهجها ?
ممارسة ود أبو أممارسات البشير وحكومته ?

يا انور يا اخوي استرزق وانت ساكت مافي زول سألك

فدحين خلى الناس الشرفاء يحاربو النظام دا بالطريقة البتريحم

اما فهمك ولا عدمو دا ما افتكر بهمنا في شئ

دي مواقف ناس موجوعة بتعبر بالطريقة دي

انت موقفك من النظام دا وينو

Quote: الأستاذ التكينة تحية ليك ولضيوفك بالنسبة لي شخصياً فهمت ما تصبو إليه من نقد الكاريكاتير وداير تقول إن أول ما يتبادر لقارئ لفظة (المرحومة الشريعة) سيذهب إلى مفهوم الشريعة الإسلامية المرسلة للبشرية جمعاء، وكان من الأفضل للراسم أن يكتب (تطبيق الشريعة) تحرياً للدقة وهو الشعار الذي رفعته الإنقاذ في بداياتها وعجزت عن تحقيقه . وتسلم

شكراً اخى يوسف فقد عبرت عنى تماماً