411 من قيادات حزب الأمة القومي ينضمون للمؤتمر الوطني....

انبهلت

الخرطوم 28-1-2015 (سونا) - أعلن (411) من قيادات ومنسوبي حزب الامة القومي من ولاية النيل الابيض منطقة الدويم انضمامهم ومبايعتهم للمؤتمر الوطني .
وأكد د .مصطفى عثمان اسماعيل رئيس القطاع السياسي لحزب المؤتمر الوطني لدى مخاطبته اليوم لقاء القيادات الذين انضموا للمؤتمر الوطني بقاعة الشهيد الزبير محمد صالح أن الانتماء لـ(الوطني) يعني أن الوطن فوق الجميع ويعني التماسك والوحدة وكل ما يخدم الوطن مردفا بالقول "إن انضمامكم للمؤتمر الوطني يمثل اضافة حقيقية للحزب ، وأن انضمامكم جاء عن قناعتكم بالحزب الذي يعلي شأن الوطن على شأن الحزب ويعلي شأن الحزب على شأن الجهوية والقبلية و العصبية". و أبان اسماعيل أن المؤتمر الوطني غاية نبيلة لخدمة الوطن والدفاع عن الدين والعرض وحماية ترابه وان المؤتمر الوطني حزب وسيلة لبناء النسيج لاجتماعي .
واضاف اسماعيل بالقول "إن الحوار الذي جري بينكم والمؤتمر الوطني لا ينفصل عن الحوار الذي طرحه رئيس الجمهورية" مبينا أن رئيس الجمهورية اراد بهذا الحوار أن يجنب البلاد ويلات التفكك ويجنب ما يحدث من حولنا" واضاف ان الحوار الوطني اراد به رئيس الجمهورية أن يُحدث وفاقا واتفاقا يلتقي عليه السودانيون جميعا و ان الحوار لا يستثني احدا الا من أبى"
وجدد الدعوة لرافضي الحوار للانضمام الى مسيرة الحوار، مؤكدا أن قطار الحوار ماض .
وأكد عثمان مجددا أن الانتخابات قائمة في كل المستويات في موعدها المضروب دون تضارب مع الحوار الوطني وان الشعب السوداني سيختار من يحكم السودان .
ومن جانبه اكد الاستاذ عبد الرحمن عبد الله عبد القادر القيادي بحزب الامة ومسئول المجموعة المنضمة أن هذه الخطوة استغرقت ثلاث سنوات من حوار ونقاش مع المؤتمر الوطني وقال عبدالقادر ان حزب الامة القومي خلال السنوات العشر الاخيرة فقد المؤسسية وهناك صراعات بين قيادات الامة .
وابان ان حزب المؤتمر الوطني حزب مؤسسي له برامجه واستطاع ان يُحدث تنمية في السودان، مؤكدا مشاركتهم مع المؤتمر الوطني في الانتخابات المقبلة .
ط . ف

الله أكبر!!! عقبال صادق المهدي لو بحلكم!

نجضت

اخونا عمر.. الامام معانا باذن الله

ود الباوقة
الله يبشرك بالخير .. قلتلي انسلخوا تب

اخونا وائل احتمال ان يتضاعف العدد فجر الغد... خليك قريب

الله اكبر،،
زمان لمن حصلت المفاصلة كثير من الطلبة بتاعين الحركة الاسلامية انحازوا (للشعبي) لأنو وزعوا ليهم موبايلات، قامو ناس الوطني وزعوا للمترددين مواتر طوالي انضمو للوطني.
أها يا ربي ديل بكون وزعوا ليهم شنو؟

Quote: انضمام 411 قيادي بحزب الأمة القومي للمؤتمر الوطني

سينسلخ السودانيون من جلودهم وينخرطوا فى المؤتمر الوطنى عن بكرة أبيهم

يكفيهم فقط ذلك الإنجاز والإعجاز المتمثل فى القصر الرئاسى الجديد الذى

سيضمن له مكانا ضمن عجائب الدنيا العشر .

ود الباوقة أركز

الصحيح أن المؤتمر الوطني يعاني من نزيف حاد جداً في فقدان بعض منسوبيه بالنيل الأبيض والدليل على ذلك أن أكثر من 50 مرشح مستقبل كلهم كانوا ينتمون للمؤتمر الوطني والخبر الإغيبش المنشور فيه لعب على العقول وكان سيكون الأمر مقنعاً لو تم ذكر اسم قيادي واحد أو أثنين على الأقل من الذين أنضموا، أما خم الناس هكذا فهو كالسلعة البائرة التي لا تجد من يشتريها، كما أن التهويل في عنوان الخبر (انضمام 410) قيادي يدل على نفسية انهزامية جراء ما فقده المؤتمر الوطني من بعض منسوبيه بالنيل الأبيض.

يا إسماعيل وراق

نفهم من كلامك دا أنك بتنفي الخبر؟

المؤتمر الوطني منهزم ومهزوم ومأزوم وكل شيء سلبي,. بس أدينا النضيجة في الخبر دا وأنت قيادي بحزب الأمة القومي

الكلام دا صاح ولا ما غلط؟؟؟

المفارقة العجيبة.
بعد تعليقي الأول اعلاه ارسل لي احد الاحباب صورة من التلفزيون السوداني يظهر فيها شخص يدعي فيها أنه ممثل القيادات التي انضمت للمؤتمر الوطني.. المفارقة أن الشخص المذكور احد أقاربي وهو في الأساس عضو بالمؤتمر الوطني منذ سنوات عديدة.

غايتو دي بالغتو فيها يا ناس المؤتمر الوطني.. قوم بارعون في الكذب والخداع.

لو في حزب فيه 411 قيادي أو قائد
بكون فيه كم مليون عضو؟؟؟؟؟؟

ود الباوقة الكضب الرخيص ده غلبكم تكضبوهو؟
الحزب الشيوعى الصينى مافيه 411 قيادى
الله يدوبلك، واتحداك احسب لى 100 قيادى من المؤتمر الوطنى ده،،،

يا نصر روق المنقة شوية

الخبر يقول

Quote: (411) من قيادات ومنسوبي حزب الامة القومي

يعني ممكن يكونوا 3 قياديين و408 منسوبين

أحسن تخلي منسوبي وقياديي حزب الأمة ينفوا الخبر دا أو يثبتوه

وما يبقى عليك زي موضوع نفييك لمشاركة الإتحادي الديموقراطي الأصل في الإنتخابات وأثبت عدم صحته

زي ما بيقولوا خلي الخبز لخبازه

يا كوادر حزب الأمة عايزين بيان بهذا الخصوص

هل الكلام دا صاح ولا ما غلط؟؟؟

يا إسماعيل وراق

قريبك دا كان قبل سنوات شنو؟ حزب أمة ولا أنصاري؟

يعني هل ممكن يكون هو من اقنع قياديي ومنسوبي حزب الأمة القومي بالدويم بالإنضمام للمؤتمر الوطني ؟؟

ولا الكلام دا ما وارد؟؟؟

ولا ما حصل كلو كلو؟؟؟

عايزين نفي أو إثبات ما مغطغط ولو محتاج تشاور لجان حزب الأمة فقول لينا

الموضوع بسيط يا أه يا لا يا أبيض يا اسود

يا فرانكلي
أهو قدامك العنوان بقول 411 من قيادات حزب الأمة
وبطريقتك دي نعرف كم منهم قيادي وكم منهم عضو

ولا أقول
حتي لو كانوا ثلاتة قيادات
ممكن نعرف هم منو؟؟؟؟
وطبيعي أنه القيادي بكون معروف
كان ما للناس كلهم لناس حزبه
أدونا إسم قيادي
وقول دا عضو مكتب سياسي
ولا عضو مكتب شوري
ولا أمين أمانة عامة
وكدا

يا نصر أي خليك كدا

انت الظاهر عليك قريت العنوان بس وجيت ناطي جوز في ود الباوقة
الخبر في مضمونه

والمضمون بقول

Quote: الاستاذ عبد الرحمن عبد الله عبد القادر القيادي بحزب الامة ومسئول المجموعة المنضمة

يلا شرحوا لينا وقول طلع معاك شنو؟
عضو مكتب سياسي؟
ولا عضو مكتب شوري؟
ولا أمين أمانة عامة ؟

المايك معاك

التحية للجميع

Quote: الأمة يتحدى الوطني في نشر أسماء قياداته المنضمين إليه الخرطوم: الجريدة تحدى حزب الأمة القومي بولاية النيل الأبيض المؤتمر الوطني إبراز أسماء 400 من قياداته على خلفية إعلانه بانضمامهم إليه. وقال نائب رئيس الحزب بالولاية ضياء إبراهيم هباني في اتصال هاتفي إن حزبه ما زال متماسكاً ولم يشهد أي انسلاخات، مؤكداً أنهم قاموا بإجراء اتصالات مكثفة بقواعدهم بالمحليات بالولاية. وزاد: نتحدى الوطني بإبراز أسماء القيادات الذين انضموا له ورجح أن يكونوا قد ادعوا انتماءهم للأمة. الجريدة

الأخ فرانكلي
تحياتي وتقديري

الخبر غير صحيح ، بل الصحيح أن جل اعضاء المؤتمر الوطني بالنيل الأبيض ومحلية الدويم تحديداً انسخلوا منه غبناً لتجاوزهم في الترشيح ولذا عدد منهم ترشح بصفته مستقل

Quote: الاستاذ عبد الرحمن عبد الله عبد القادر القيادي بحزب الامة ومسئول المجموعة المنضمة

الأخ عبد الرحمن عبد الله والمعروف بعبد الرحمن الرقيق كان قبل سنوات حزب أمة واصبح عضو بالمؤتمرالوطني منذ أكثر من خمس أو ست سنوات وبالتالي لا صلة بالحزب لا من قريب أو من بعيد.

قيادات تعني أنهم على رأس المؤسسات أو بعضهم على رأس المؤسسات وبصفتي واحد من أبناء النيل الأبيض اتحدى أن ينشر المؤتمر الوطني اسم قيادي واحد ناهيك عن 411 قيادي. وكما قال الاخ نصر اذا كان حزب الامة في محلية الدويم فقط فيه 411 عضو اذن كم يكون عدد العضوية.

الزول ده خلى الاغتراب متين يا ود الباوقة؟
وخلى جمعية الحرفيين بتاعة السفارة متين يا ود الباوقة؟

فلــــــــسوا
وافلسوا


لو صدق الخبر ,,
الحمد الله الذي اذهب عن حزب الامة الخبث والخبائث ,,,,,,

http://www.0zz0.comhttp://www.0zz0.com

ناس الصيحة قالوا 400 قيادى ومصدر ود الباوقة قال 411 والعصفورة أبانت أن ال 11 قيادى إعترضوا ولم يكملوا إجراءات

تسجيلهم حتى الآن لكن المفاوضات جارية على قدم وساق حتى يلحقوا بركب زملائهم والساعات القليلة القادمة حُبلى بمآلات

التفاوض . الله أكبر والعزة للكيزان

الامام في الطريق

يا فرانكلي

Quote: انت الظاهر عليك قريت العنوان بس وجيت ناطي جوز في ود الباوقة

العضو البيكتب حاجة في العنوان
وحاجة مخالفة في المتني
فد بيكون قاصد شنو؟؟؟؟
دا إسمه تدليس

وبنفس منقطك
ليه ما يكونوا 410 قيادي وواحد عضو عنقالي ساكت؟؟؟؟
لو المقصود من إيراد الخبر دا تكبير الكوم
فبتكونوا
(دون أن تريدوا ذلك) قد كبرتوا كوم حزب الأمة
(لو ديل الإنشقوا الفضلوا كم؟؟؟؟؟)

النقطتان المهمتان
الزول (القيادي الوحيد الذي ذكر إسمه)
طلع مؤتمر وطني من زمان
أها
وين باقي القيادات؟؟؟؟؟
هذا التساؤل مقدم لراعي البوست

وتانيا
شوية إحترام للعقل السوداني
ما ممكن يكون في حزب 400 قيادي
ولا حتي الحزب الشيوعي الصيني كما قال الموج

ذكرتتي بواحد روسي زمان أيام الشمولية الشيوعية
قال: ذهبنا إلي أرمينيا وقابلنا 114 شاعرا في ارمينيا
وهل يعقل أن يكون في العالم كله 114 شاعرا؟؟؟؟؟؟

نصر ووراق

غبنا وجينا

انتو جادين بتناقشوا فرانكلي وعمر ؟؟

خلينا نحن ديل اصلو معارضين من يومنا

هم ذاتم مقتنعين بالكلام دا ؟؟

هو حزب قال عضويتو عشرة مليون عاوز شنو ب411 ؟؟

باي طريقة عاوزين يسخنو انتخاباتهم المهزلة والبايرة دي

حسي أي حزب ممكن يمشي سوق ليبيا ولا امبدة ويجيب ليهو الف واحد يقول ديل مؤتمر وثني انضموا للحزب الفلاني !!
بس في فرق بين حزب وحزب
في فرق بين اولاد الحلال واولاد الحرام

الله لا يكسب كل كوز ارزقي فاسد حرامي

الى الجحيم يا فاسدين

يا نصر

ممكن جداً يكونوا 410 قيادي وواحد عنقالي

المهم من ناحية خبرية ممكن جداً تقول 40 قتيل وجريح في حادث حركة بينما واحد فقط قد توفي

المهم الشخص المذكور طلع مؤتمر وطني من زمان دي بيثبتوها كيف بالكلام كذا ساااكت وفي منبرنا دا

قادر الله

بعدين اسماعيل وراق قال كان حزب أمة يعني له ارتباطات وعلاقات مع قيادات ومنسوبي حزب الأمة حتى لو صدقنا الفرضية بأنه ترك حزب الأمة وانضم للمؤتمر الوطني

وممكن بتجربته يكون قد أقنع الكثيرين من قيادات ومنسوبي الأمة بالإنضمام للمؤتمر الوطني

العلاقات بتعلب دور مهم جداً في تغيير العناعات دي خاصة لو كان الحزب رجل في الحكومة ورجل في المعارضة الأب معارضة والأبناء حكومة

هناك من انفصل وكون حزب خاص بهم وهناك من يفضل الانفصال والدخول في أحزاب موجودة أصلاً

فعملية الأنسلاخ من الأمة ليس حادث غرضي أو فردي بل هي ظاهرة مشهودة تأسست على إثرها أحزاب تسهم اليوم في العملية السياسية

السؤال الآن هل هناك بيان رسمي من حزب الأمة بنفي هذا الخبر؟؟

حزب الأمة يمر بهزة عنيفة فهو بجانب كونه حزب طائفي هو حزب الأسرة وهناك الكثيرين من المنتمين للحزب يرون ضرورة التغيير الشامل في صورة ومنهجية وخط الأمة القومي

لذلك خروج البعض من القيادات والمنسوبين ليس بالأمر الغريب بل المتوقع جداً

البتقولو فيهو ده يا فرانكلي اسمو تضليل - من الضلال!

Thank you Aiman
And tomorrow Frankly will come
and open a post here about 411 Christian convert to Islam

شكراً أخي إسماعيل وراق

Quote: بل الصحيح أن جل اعضاء المؤتمر الوطني بالنيل الأبيض ومحلية الدويم تحديداً انسخلوا منه غبناً لتجاوزهم في الترشيح ولذا عدد منهم ترشح بصفته مستقل

ممكن تورد أسماء أعضاء المؤتمر الوطني الذين انسلخوا وعددهم لو سمحت

هل الترشيح مستقل بيعني أنهم اسلخوا من الحزب؟

ولا الموضوع استنتاج؟

Quote: الأخ عبد الرحمن عبد الله والمعروف بعبد الرحمن الرقيق كان قبل سنوات حزب أمة واصبح عضو بالمؤتمرالوطني

يا أسماعيل بالرواقة كدا

بما أن الأخ عبد الرحمن عبدالله كلان حزب أمة وانسلخ لا يعني ذلك أنه خاصم كل حزب أمة في منطقته ولم يعد له أي علاقة حتى إجتماعية معهم

فإذا كان هناك علاقات أحتماعية وصلات قربى هذا يعني أنه بإمكانه نظرياً استقطاب قيادات ومنسوبي حزب الأمة للسير على نهجه والإنضمام لحزب المؤتمر الوطني

أنا ما عارف حكاية النفي دي لزومها شنو فهم ليسوا أول من انسلخ عن حزب الأمة ولن يكونوا أخر من ينسلخ

تبدل القناعات وارد جداً خاصة إذا كانت تمس الممارسة السياسية

كم حزب سياسي خرج من رحم حزب الأمة القومي؟؟؟

بدون تحدي يا إسماعيل

بما أن الأخ عبدالرحمن عبدالله قريبك فيمكنك الإتصال به ومعرفة العدد الحقيقي للمنضمين للمؤتمر الوطني

فالرجل الممثل لهم ليس مجهول الهوية ولا مقطوع من شجر بل له أهل وعشيرة وذويي قربى وجيران وأصحاب لا يمكن أن يضع مصداقيته وكرامته وكرامة أهله في محك

ولا ما كذا؟؟


تحياتي وتقديري
كمال


والسودان أولاً
أحبك يا سودان

الاخ كمال فرانكلي
انا تحدثت عن واقع
عبد الرحمن الرقيق مؤتمر وطني منذ العام 2007م.

مجرد أن الخبر أورد بأن الاخ عبد الرحمن الرقيق هو ممثل القيادات هذا ينسف الخبر من أساسه

لا يوجد قيادي او عضو واحد معروف ذهب للمؤتمر الوطني في هذا الخبر المفبرك

فيما يخص الذين انسلخوا عن المؤتمر الوطني وترشحوا مستقلين عددهم 36 قيادي، ويمكن اعطاء بعض النماذج في محليتنا الدويم، مثلا العمدة حمد النيل ترشح مستقبل وكان ممثل للؤتمر الوطني في كل الانتخابات السابقة، عبد الرحيم اسماعيل المتعافي ترشح مستقل وكان ممثل للدويم في كل الانتخابات الماضية، عبد الله البنز ترشح مستقبل وكان ممثل للمؤتمر الوطني في المجلس التشريعي الولائي في كل الانتخابات الماضية.
الاسماء كثيرة يا فرانكلي والمواطنين كرهوا حاجة اسمها مؤتمر وطني نسبة لأكاذيبه وخداعه وخلقه للمشاكل القبلية بين مكونات المجتمع.
اما بخصوص سؤالك هل من ترشح مستقبل يعتبر مفصول من المؤتمر الوطني، الإجابة نعم وفقاً للنظام الاساسي للمؤتمر الوطني كما صرح بذلك ابراهيم غندور.