الطاغية البشير ـ مهزلة جديدة ـ سابقة كروية تحدث لأول مرة في العالم

في برنامج أستديو قوون ، الذي يبث عبر فضائية قوون الرياضية ـ ذكر مقدم البرنامج عصر أمس (الأحد 25 يناير ) أن اللجنةالمنظمة لمباراة درع الإستقلال بين الهلال والمريخ وفي الإجتماع التنظيمي للمباراة قررت أن يكون تحكيم المباراة بدون كروت ملونة في سابقة تشهدها ملاعب كرة القدم لأول مرة في العالم ـ فالحكم ممنوع من إشهار أي بطاقة صفراء أو حمراء مهما يفعل اللاعبين ، وأفاد أن مبررات اللجنة أن الكروت الملونة ستفتح الباب أمام إثارة حساسيات ربما تسببت في شغب جماهيري في وجود رئيس الجمهورية !!!!!!!!.

هكذا وصل الحال في سودان الكيزان
فبعد أن عطلوا القانون في كل مناحي الحياة فأختلط الحابل بالنابل ، لم يتركوا ملاعب كرة القدم ، أستمرأو لعبة التعطيل فأمروا قاضي الجولة بتعطيل أحد أهم قوانين اللعبة وجراء ذلك كان يمكن أن تحدث كارثة ـ
فالحكم المغلوب على أمره لم يشهر البطاقات الملونة في حالات كثيرة كانت تستدعي ذلك

فلكم أن تتخيلوا مباراة كرة قدم بدون عقوبات بين فريقين نديين بينهم كثير من الشحن والحساسية

شهدنا مباريات ديربي يحضرها قادة وملوك في حضور جماهيري كثيف ، ولم نسمع يوم عن تعطيل الكروت الملونة ـ

فحتى لو حدث شغب جماهيري في وجود البشير ـ هل هو نبي منزل أو رمز مقدس يحرم الباطل بين بين يديه !!!!

والله إنها محن أخر زمن
في عهد الإنقاذ تعيش تشوف

عادي ولا تزعل نفسك اخي محمد
بكون سالوا بدريه الترزيه وفصلت ليهم قوانين علي قدر المباراة انا مبسوط جدا لأني ما شاهدت المباراة !!

لا يستحوون

طيب مش كان احسن يلعبوها بدون حكم من اصلو
كيفك يا محمد

ههههههههه

اسمع دى ..
مره الساعدي القذافي طلعوه من المباره وكان فريقه منتصر وباقى من الزمن القليل جده .. تخيل الزول ده سلم على كل اللاعبين داخل الملعب باليد ولاعبي الفريق المنافس وفى روايه اخرى (الحكام) كمان سلم عليهم ..يعنى كده اخذ ليهو ربع ساعه حتى طلع من الملعب وبعدها طوالى الحطك صفر نهايه المباره.

اها نحن عندنا بدريه الترزيه برضو ممكن تفصل ليها اى حاجه بالخصوص والسلام

تحياتى لصاحب البوست

Quote: عادي ولا تزعل نفسك اخي محمد بكون سالوا بدريه الترزيه وفصلت ليهم قوانين علي قدر المباراة انا مبسوط جدا لأني ما شاهدت المباراة !!

أهلين الأخ العربي إبراهيم العربي ـ غايتو دي لو قرقوش لو جابوه من قبرو ما يقدر يفصلها ليهم

Quote: لا يستحوون

أهلين الاخ عبد العزيز محمد عمر
ياخ الحياء دي مرحلة تجاوزها زماااان

الحكومة وصلت مرحلة تخاف من كروت حكام كرة القدم

مخير الله

Quote: طيب مش كان احسن يلعبوها بدون حكم من اصلو كيفك يا محمد

أهلين الحبيب طارق ميرغني
أو يلعبوها بدون جمهور لطالما هم خايفين منو

Quote: ههههههههه اسمع دى .. مره الساعدي القذافي طلعوه من المباره وكان فريقه منتصر وباقى من الزمن القليل جده .. تخيل الزول ده سلم على كل اللاعبين داخل الملعب باليد ولاعبي الفريق المنافس وفى روايه اخرى (الحكام) كمان سلم عليهم ..يعنى كده اخذ ليهو ربع ساعه حتى طلع من الملعب وبعدها طوالى الحطك صفر نهايه المباره. اها نحن عندنا بدريه الترزيه برضو ممكن تفصل ليها اى حاجه بالخصوص والسلام تحياتى لصاحب البوست

أهلين أخي محمد الهادي عبد الرحيم
تصرف الساعدي تصرف فردي يسال عنه
لكن أنا في البلد البقت كلها شغالة كرجة دهنسة

وعلى فكرة وهمة زي دي ما محتاجا ناس بدرية
دي بعملوها الصغار زي ناس معتصم جعفر

.


بالله سمعت ليك بمباراة في الدنيا بحسموها بالقرعة!


.

Quote: الحكومة وصلت مرحلة تخاف من كروت حكام كرة القدم مخير الله

أهلين عمنا حمزاوي
الجماعة إمكن خافوا تتحول لمظاهرة

Quote: فالحكم ممنوع من إشهار أي بطاقة صفراء أو حمراء مهما يفعل اللاعبين ، وأفاد أن مبررات اللجنة أن الكروت الملونة ستفتح الباب أمام إثارة حساسيات ربما تسببت في شغب جماهيري في وجود رئيس الجمهورية !!!!!!!!.

سبحان الله رئيس الجمهورية ده هو السبب فى اشتعال نيران الحرب فى شرق وجنوب وغرب السودان بسبب انقلابه المشئوم وتحدية لكل السودانيين ان ارادو السلطة فهى بالسلاح ماذا يهمه من شكلة فى كوورة .

Quote: بالله سمعت ليك بمباراة في الدنيا بحسموها بالقرعة!

أهلين الأخ سيف اليزل الماحي
طبعاً مستعجلين
عشان الريس يتخارج بسرعة ما تقوم كمان تحصل كارثة
هم الكروت ما أستحملوها

Quote: سبحان الله رئيس الجمهورية ده هو السبب فى اشتعال نيران الحرب فى شرق وجنوب وغرب السودان بسبب انقلابه المشئوم وتحدية لكل السودانيين ان ارادو السلطة فهى بالسلاح ماذا يهمه من شكلة فى كوورة .

أهلين الاخ أحمد قلوب
الريس يا أحمد لسع عايش و( معييش) في وهم أنو محبوب هذا الشعب

عبر نافذة الفيس بوك كتب الأخ المرضي عبد الله

Quote: El Mardi Abdullah • Abu Dhabi, United Arab Emirates ويكون عباس قالوا ليهم المبارة تنتهى بالتعادل عشان الحوار الوطنى

شكراً الأخ المرضي عبد الله
طيب ما كانوا يعملوا القرعة قبل ما تبدأ المباراة
طالما المسألة كلها تمثيل في تمثيل

والله البشوف عنوان البوست يقول استاد الخرطوم وقع
ياخي مالكم ياخ
اولا حاجه الكوره كانت بي كروتها وباللونين كمان عشان ما تقولوا كدا ولا كدا
تاني حاجه الرئيس زاتو ما كان حاضر اساسا

عادى كلو وارد فى ظل

حكومة الطغاة !!

-------------

تحياتى صاحب البوست

وانت صدقت الكلام ده؟؟؟

Quote: والله البشوف عنوان البوست يقول استاد الخرطوم وقع ياخي مالكم ياخ اولا حاجه الكوره كانت بي كروتها وباللونين كمان عشان ما تقولوا كدا ولا كدا تاني حاجه الرئيس زاتو ما كان حاضر اساسا

أهلين الأخ لطفي العمدة
أستاد الخرطوم لو وقع دي ما سابقة كروية يا سيد
أدينا حالة الكروت البتقول عليها ـ وكمان جبت ليها كرت أحمر كمان !!!!!!!!! ـ
ياخ بلة جابر شلت ظهير الهلال الجديد بوتاكو من الخلف قدام الحكم ، عمل فيها نائم !!!
نعم الرئيس لم يحضر ، ولكن كان مقرر أن يحضر ـ وعقد الإجتماع على هذا الأساس وقبل حدوث وفاة الملك عبد الله التي أدت لتخلفه

علي جعفر وبوتاكو اخدوا شنو؟؟؟

ورود؟؟؟

Quote: عادى كلو وارد فى ظل حكومة الطغاة !! ------------- تحياتى صاحب البوست

أهلين الأخ محمد كابيلا
ياخ دي مهزلة بالجد

أهلين الأخ ياسر منصور

Quote: وانت صدقت الكلام ده؟؟؟

وليه ما أصدق ـ المنع شنو

Quote: علي جعفر وبوتاكو اخدوا شنو؟؟؟ ورود؟؟؟

أولاً أنا أتحدث عن قرار اللجنة ، الذي أكده مقدم البرنامج وذكر أن لديه ما يثبت ذلك ، سواء التزم الحكم بذلك القرار أم أضطر لعدم الألتزام به
ثانياً ـ لم أرى كروتك المذعومة لعلي جعفر وبوتاكو
ثالثاً ـ حدثت حالات كثيرة كانت تستدعي كروت أقلها الأصفر ـ مثل إعتنداء بلة جابر على بوتاكو من الخلف على بعد خطوات من الحكم
وأكرر محور حديثي عن قرار يعتبر سابقة في كرة القدم ، ومبرراته الهالة والقدسية التي ينسجها أتباع هذا النظام لراس نظامهم الفاسد الظالم