Post: #1
Title: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 07:19 AM
Parent: #0
رن جرس الهاتف ...
ألو
ازيك ياسدانى ...!
اهلا وسهلا..
عامل أيه
الحمد لله تمام ياحاج..
....
-بقولك أيييييه ...
_ ............!
-الليله تي قى تتعشى معايا
- تعرف ياحاج انا يشرفنى جدا جدا انى اجى اشوفكم واسلم عليكم
- طيب خلاص مستنينك عالعشا
- بس ياحاج والله زمنى مزحوم وياخى سامحنى ماحأقدر أجيك خليها مره تانيه
أبعد الهاتف عنه معتقدا ان لامجال لسماعه يشتمنى
...
جرى أيه يابن الوس خه دى اللى عازماك أم سيد
(هذا السلوك ينبىء عن انها كانت تجلس بجواره)
سمعت النبذه وحرقتنى شديد ...
ألوووو احنا فى انتظارك ياسدانى ماتتأخرش...!!
...
النبذه محرقانى محرقانى ياخ انا بحترمك وعمرى ماطلعت كلمه غلط قدامك وانت زول عمرك كبير...
وكل صلاتك فى الجامع ورجلك والقبر ...وانا ياخ عمرى ماقصرت معاك ولا مع اولادك التلاته.
معقوله عشان محاولة اعتذار تشتمنى وكمان بى أمى
الخلاصه
الحصل وضح لى (المستخبي)
والدعوه تمت ...
اها امشى ليهو والا لا؟؟؟
|
Post: #2
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 08:04 AM
Parent: #1
بدأت معركتى الداخليه .... جزء يدفعنى للشر دفعا وآخر يربطنى بقيمى الأصيله التى تربيت عليها
الشر...
ياخ ديل ناس مواهيم ومنفوخين ساكت ..بالله يعزمك وينبزك وكمان تمشى ليه
يازول انت ماعندك شغله خليك فى شغلك وماتمشى ليهو ...
.......
الخير
ياخ الجماعه ديل عندهم نبذتهم دى عاديه عديها ليهو وسامحو يمكن يكون متضايق من حاجه
......
الشر...
يازول مادام الزول ده هلفوت واتضح انو ماعندو شخصيه...واجهو وقول ليهو
انا سمعتك وانت بتقول بتشتمنى ...ماعيب عليك ياراجل يادلدول ...!!!
.....
الخير
ياخ امشى اتعشى معاهو هو مانبذك ولاحاجه شتيمتو دى ارتدت لى صدروا وبى كده هو شتم امو الفى قبرها بلارحمه
خليك مرايه لى قيم بلدك يامان وشيل معاك هديه ليهم كمان
....
الشر...
يازول أقول ليك حاجه ماتمشى ليهو ولاحاجه ...ارفع تلفونك ده ورشو زى الماحاصل حاجه
...
الخير ...
كدى كمل شغلك ده وبعدين أمشى ليهو ...!!!
|
Post: #3
Title: Re: ماكنت متخيل أنو ... راجل دلدول كده...!!!
Author: اخلاص عبدالرحمن المشرف
Date: 01-24-2015, 08:10 AM
Parent: #1
بعض الشتائم لدي بعض الأجناس ما تعدي شتيمه
وبعدين داير تمشي ليهو بعكازك
ده تعبان وعامل لك بطاطس بالفرن
|
Post: #4
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 08:33 AM
Parent: #3
مرحب اخلاص ...
Quote: عض الشتائم لدي بعض الأجناس ما تعدي شتيمه
وبعدين داير تمشي ليهو بعكازك
ده تعبان وعامل لك بطاطس بالفرن |
ـ
الشتيمه بالنسبه لى شتيمه حتى لو كانت نايمه تحت النيمه
...
وماعندى عكاز لكن عندى منطق مضبب ياإخلاص
....
بطاطس بالفرن ...باللحمه المفرومه او حتى موية فول
جبر الخاطر احسن منو مافى ... !!!
...تحليه ...
واحده من اخواتى اسمها إخلاص وجبت اسمها فى أغنيه فيها اسماء اخواتى وبنات اهلى وصديقاتى
مطلعها بيقول
ياريت كل البنات ليلى
ياريت كل البنات إخلاص
ودمهن شربات...!!!
فى الروعه زى غاده فى الرقه زى تقوى
وبالطيبه مزدانات...!!!
|
Post: #5
Title: Re: ماكنت متخيل أنو ... راجل دلدول كده...!!!
Author: اخلاص عبدالرحمن المشرف
Date: 01-24-2015, 08:47 AM
Parent: #4
هم عندهم تعبير بقولوه. = بيئة = يعني ممكن نحن نقول شوارعي او شرامي
|
Post: #6
Title: Re: ماكنت متخيل أنو ... راجل دلدول كده...!!!
Author: عزالدين عباس الفحل
Date: 01-24-2015, 08:55 AM
Parent: #5
اخلاص عبدالرحمن المشرف
...
Unfortunately I will not come back again
Discretion is the better part valor
Thanks
،،،،
...
Quote:
أثقل منك ما رأت المنابر وافقر منك ما اكتحلت عيون
ولانت منتفخ سخافة وانت مفتقر الحصافة والفطون
اخلاص عبدالرحمن المشرف
22-01-2015, 10:16 AM
،،،،
...
|
http://www.sudaneseonline.com/board/480/msg/----------------...8%b0-1421893396.html
عزالدين عباس الفحل
ابوظبي
...
|
Post: #7
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 08:57 AM
Parent: #5
هم زى أى مجتمع فى الدنيا فيهو الصالح والطالح والكثير من المصطلحات التى يستعملونها
فيها الحسن وفيها البشع وفيها المقبول وقابلنى مصريين غاية فى الروعه والخلق القويم والكرم الحاتمى
وقابلنى منهم ناس لمن اشوفهم بقول اعوذ بالله من الشيطان الرجيم
وقابلنى منهم البفتحو الروح ضلفتين
بس جنى وجن البنبزك بلاسبب ...!!!
بيئه -= بيئه منحطه
|
Post: #8
Title: Re: ماكنت متخيل أنو ... راجل دلدول كده...!!!
Author: عزالدين عباس الفحل
Date: 01-24-2015, 08:58 AM
Parent: #5
ملهم كردفان
...
الرجل الأنيق ود كردفان ،
سلام ،
كل إنسان في المنبر بيعكس تربيته ،
ويحدد للإسفير مستواه ،
ترفع عن الشتائم تزداد عِزاً ،
،،،،
...
عزالدين عباس الفحل
ابوظبي
...
|
Post: #10
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 09:08 AM
Parent: #8
Quote: الرجل الأنيق ود كردفان ،
سلام ،
كل إنسان في المنبر بيعكس تربيته ،
ويحدد للإسفير مستواه ،
ترفع عن الشتائم تزداد عِزاً ،
،،،،
...
عزالدين عباس الفحل
ابوظبي |
نعم أنعم الله عليك بالخير الوفير ياعزالدين ومرحب بيك ياخى كيفما أحببت
القصه في أرض الواقع ياصاحب ... وانا من عشاق اصحاب المستوى المنبرى الرفيع فى الكتابه
وانت منهم
...
ود الفحل ....
أها أمشى اتعشى مع صاحبى المصرى النبذنى ده والا ما أمشى؟؟؟
|
Post: #9
Title: Re: ماكنت متخيل أنو ... راجل دلدول كده...!!!
Author: نعمات عماد
Date: 01-24-2015, 08:58 AM
Parent: #1
صباح الخير الملك و دكتورة إخلاص
يا ملهم يا إبني ....إبعد عن ( الدلدول ) و ما تغنلوش .
و كما قالوا أهلنا ( بليلة مباشر و لا ضبيحة الشتام ده ) .
تحيات و إحترامات .
|
Post: #11
Title: Re: ماكنت متخيل أنو ... راجل دلدول كده...!!!
Author: عزالدين عباس الفحل
Date: 01-24-2015, 10:27 AM
Parent: #9
ملهم كردفان
...
الرجل الأنيق ود كردفان ،
طبعاً ما تمشي ،
خليك كبير ،
،،،،
...
عزالدين عباس الفحل
ابوظبي
...
|
Post: #12
Title: Re: ماكنت متخيل أنو ... راجل دلدول كده...!!!
Author: اخلاص عبدالرحمن المشرف
Date: 01-24-2015, 10:40 AM
Parent: #11
الفاضل عز الدين اعتذر غلطان بعتذر
|
Post: #13
Title: Re: ماكنت متخيل أنو ... راجل دلدول كده...!!!
Author: اخلاص عبدالرحمن المشرف
Date: 01-24-2015, 10:46 AM
Parent: #12
الفاضل عز الدين عباس الفحل صدق او لا تصدق شكيت روحي لطوب الارض
و لك حق الرد بأاسخم من هذا
|
Post: #26
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 04:44 PM
Parent: #11
Quote: الرجل الأنيق ود كردفان ،
طبعاً ما تمشي ،
خليك كبير ،
،،،،
...
عزالدين عباس الفحل
ابوظبي
... |
يعنى ما أطبق ياود الفحل نظرية
عاشر بمعروف و سامح من اعتدى
و فارق و لكن بالتي هي أحـسن
وأجلى كلام الإمام الشافعى ...!!!
عدم الذهاب والمواجهه أى كان نوعها ...دليل على الضعف ياصديقى
|
Post: #25
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 04:33 PM
Parent: #9
صاحبة السمو والرفعه
نون عين
الله يحفظك من العين
....
Quote: صباح الخير الملك و دكتورة إخلاص
يا ملهم يا إبني ....إبعد عن ( الدلدول ) و ما تغنلوش .
و كما قالوا أهلنا ( بليلة مباشر و لا ضبيحة الشتام ده ) .
تحيات و إحترامات . |
كان كويس ولمن اغيب عنهم بيتصل ويسأل على ...
كان بيعتبرنى ومازال من الاسره ... يفرد لى مساحه خاصه فى حياته
وشقه خاصه للمبيت عندما أزورهم
لايفطر إلا وأنا بجانبهم هو وأولاده وزوجته وبنته ...
يصعدون لى من الأرضى للثالث بالشاى...ولم يحد=ث قط ان شتمنى او حتى قل ترحيبه بى
...
كنت أدخل بيتهم مطأطى الرأس حتى لاتقع عينى فى عين زوجته او إبنته ...
ادخل ويدى ممتلئه اقارب بين وجهات النظر فى حال المشاكل الاسريه
لم أفكر قط فى تجاوز دورى كمرآة لبلدى يجب ان اعكس من خلالى أفضل صوره للسودان
...
يانون عين يمكن الشيطان كان قاعد جمبو فى اللحظه ديك
ووزاهو ...!!!
|
Post: #14
Title: Re: ماكنت متخيل أنو ... راجل دلدول كده...!!!
Author: نعمات عماد
Date: 01-24-2015, 10:51 AM
Parent: #1
الأخ العزيز عزالدين
شكرا مقدما لقبولك إعتذار صادق
انت و د .إخلاص ليكم معزة و إحترام .
|
Post: #15
Title: Re: ماكنت متخيل أنو ... راجل دلدول كده...!!!
Author: عزالدين عباس الفحل
Date: 01-24-2015, 10:57 AM
Parent: #14
نعمات عماد
...
والله يا دكتورة نعمات ،
لست من هواة المناكفات ،
والمقارعة بمر الشتائم ،
ما أسهل أن تشتم أي إنسان ،
من البورداب بمجرد إختلاف الآراء ،
و خلف الكيبورد و ع الأسافير ،
لكن الكلمة الحنظل ،
تظل غصة في الحلق ،
نسأل الله السلامة ،
،،،،
...
عزالدين عباس الفحل
ابوظبي
...
|
Post: #17
Title: Re: ماكنت متخيل أنو ... راجل دلدول كده...!!!
Author: اخلاص عبدالرحمن المشرف
Date: 01-24-2015, 11:15 AM
Parent: #15
الفاضل عز الدين لك ان تقتص وما ح افتح خشمي
وأما ظروف الامر لو شرحتها تكون سخيفه بس لعلاج الكحه. له دخل
أكرر الأسف
وما عارفه أقول شنو لأنو الامر كان سي
انا قعدت أراجع فيهو شكيت روحي لي طوب الارض و عدم قبول الاعتذار هو الارجح
|
Post: #16
Title: Re: ماكنت متخيل أنو ... راجل دلدول كده...!!!
Author: عاطف عمر
Date: 01-24-2015, 11:06 AM
Parent: #1
تحياتي وسلامات عزيزنا ملهم
لو كنت في مكانك
| Quote: جرى أيه يابن الوس خه دى اللى عازماك أم سيد |
ومن رفع السماء بلا عمد
بعد العزيزة ما في عزيز
وبعد الغالية ما في غالي
الحد الأدنى ..... هو قطع أى صلة بهذا المخلوق ... دع عنك تلبية دعوته
والحد الأعلى ... الله لا جاب يومو
|
Post: #18
Title: Re: ماكنت متخيل أنو ... راجل دلدول كده...!!!
Author: عزالدين عباس الفحل
Date: 01-24-2015, 11:23 AM
Parent: #16
اخلاص عبدالرحمن المشرف
...
الدكتورة إخلاص ،
معليش أنا قبلت الإعتذار ،
وكانو ماحصل شئ ،
تسلم الغالية ،
،،،،
...
عزالدين عباس الفحل
ابوظبي
...
|
Post: #20
Title: Re: ماكنت متخيل أنو ... راجل دلدول كده...!!!
Author: اخلاص عبدالرحمن المشرف
Date: 01-24-2015, 11:33 AM
Parent: #18
اتفضلت علي وانت الفاضل
واشهد د/محمد حسن فقد اتصلت به أشكوي له نفسي وهو ضمن كثر
الفاضل عز الدين اعتذر وما أسخف ان تكون كلمه جارحه هي شبب لغضبك ولكن الغباء
والله انا محرجه جداً اقسم بالله
الكلمة بعد ما تطلع انت تاني ما بتملكها
|
Post: #21
Title: Re: ماكنت متخيل أنو ... راجل دلدول كده...!!!
Author: عادل البراري
Date: 01-24-2015, 11:42 AM
Parent: #18
حباب ملهم
حباب بلدا خيرها جوه وبره
حبابك أنت في ذاتك
.......
جميل ورائع دكتورة إخلاص وما أجملك عز الدين
دوما في الإعتذار سلام ثقافة لا يجيدها أي إنسان
شكرا لكم
للمساتكم في ظل هذا العنف
|
Post: #29
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 05:48 PM
Parent: #21
Quote:
حباب ملهم
حباب بلدا خيرها جوه وبره
حبابك أنت في ذاتك
.......
جميل ورائع دكتورة إخلاص وما أجملك عز الدين
دوما في الإعتذار سلام ثقافة لا يجيدها أي إنسان
شكرا لكم
للمساتكم في ظل هذا العنف |
حباب عادل البرارى حبابالمحس والدرايسه ومحطة سبعه حباب ناادى كوريا وحباب المعرض حباب محطة أربعه وستات الاكل والشاى
وصاحبى الخطاط الجميل عادل خوجلى ..نورتنا ياعادل ...
مره بتصل على صديقى عادل خوجلى اها قمت دلعتو
- ازيك ياعدوووولى ..
-منو معاى
كيفك بالله ياعدولى ياحليل أيامك
زعل وهرشنى
يازول انا لاعدووولى لاجن أزرق انا عادل...
_ ياخ انا عارف انك عادل
- يازول تانى ماتنادينى بى عدووولى دى
خلاص مابناديك بى عدووولى ياعدووولى
وقبل مايقفل بى ثانيه اسفرت عن هويتى
فتعالت ضحكاتنا من خلف الدموع ... كان هذا بعد انقطاع دام 20 سنه
لك ولصديقى النبيل عادل خوجلى محمد إبراهيم خالص
احترامى
|
Post: #28
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 05:01 PM
Parent: #16
Quote:
تحياتي وسلامات عزيزنا ملهم
لو كنت في مكانك
Quote: جرى أيه يابن الوس خه دى اللى عازماك أم سيد
ومن رفع السماء بلا عمد
بعد العزيزة ما في عزيز
وبعد الغالية ما في غالي
الحد الأدنى ..... هو قطع أى صلة بهذا المخلوق ... دع عنك تلبية دعوته
والحد الأعلى ... الله لا جاب يومو |
لاحولاااااا ياعاطف عمر انت زول صعب خلاص ياخى
الزول ده فى حكم المسنين 78 سنه,,,
أضانو تقيله والله
لم أرى رجلا فتح لى قلبه وداره مثلما فعل
حتى ملابسى كانوا يغسلونها لى ياعاطف
اغيب فيبادروا بالاتصال والسؤال عنى ... ..
...
نفترض انو انا قطعت الصله وجانى لحدى عندى ,,اطردو من بيتى...؟؟؟
التفاصيل لاحقا لكن انا لى هسى قلبى واجعنى ياعاطف عمر لأنو هبش حته مقدسه شديد
وكأنو شتم والدته المتوفاه ...بمعنى انو الشتيمه بترتد لصدر شاتمها ...
مصر انو ما أمشى ليهو ياعاطف؟؟؟
هذا مع وافر تقديرى لوجهة نظرك واجمل التحايا مرفق معها امتنانى
|
Post: #19
Title: Re: ماكنت متخيل أنو ... راجل دلدول كده...!!!
Author: نعمات عماد
Date: 01-24-2015, 11:28 AM
Parent: #1
الفاضل عزالدين الفحل
تقبل الله منك و أكرمك .
التعديل لكتابة حرف اللام
|
Post: #22
Title: Re: ماكنت متخيل أنو ... راجل دلدول كده...!!!
Author: عمر عثمان عبد الوهاب
Date: 01-24-2015, 11:58 AM
Parent: #19
أها أمشى اتعشى مع صاحبى المصرى النبذنى ده والا ما أمشى؟؟؟
----
امشي ياملهم واتعشي عشاك عادي
بعد العشا امسكو علي جمبه كده قوليهو
ياحاج انا لبيت الدعوده دي رغم شتيمتك
لي في التلفون اللي انا سمعتها
وكرر ليهو نفس الجمله القاله
احتمال يطلع الراجل ده ماكان قاصدك اتا
ولو فرفر وطلع كضاب ونجس حتعرفو, امسكو كسرو في بكانو
وابقي مارق
|
Post: #23
Title: Re: ماكنت متخيل أنو ... راجل دلدول كده...!!!
Author: ALazhary2
Date: 01-24-2015, 12:13 PM
Parent: #22
|
Post: #24
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 04:09 PM
Parent: #23
أرجو من الساده المتداخلين حذف كل سطر لايتعلق بهذا المنشور
كأن شيئا لم يكن ....!!! ....
...
شكرا اخلاص على الإعتذار
شكرا عز الدين الفحل على قبول الإعتذار
....
الازهرى
بعد التحيه التى تليق بك
أسمح لى أن أطلب منك الآتى
أرجو ان لاتجلب اى خيط مشكله سابقه الى أى بوست من بوستاتى ...
ستجدنى شاكرا ومقدرا ... ويمكنك ان تفتح منشور مستقل توضح فيه وجهة نظرك
وافر احترامى لكم
|
Post: #27
Title: Re: ماكنت متخيل أنو ... راجل دلدول كده...!!!
Author: ALWALEED ALSHEIKH
Date: 01-24-2015, 04:47 PM
Parent: #24
تحياتي ملهم و حمدلله على السلامة
غايتو يا زول وقت العشا جا فدحين ورينا بقيت على شنو
المهم كان بقيت شايل عكازك و ماشي تكسرو في راس ابوسيد فنحن معاك
أها و كان بقيت داير تطنش العشا بنقول ليك ختوتك عديلة و اقعد في بكانك
أما كان بقيت ماشي تتعشى و تعاتب و شنو ما بعرف برضو كلمنا
عشان نجي نكسر عكاكيزنا فوق رويسك ده.
|
Post: #30
Title: Re: ماكنت متخيل أنو ... راجل دلدول كده...!!!
Author: سيف ود الخواجة
Date: 01-24-2015, 06:09 PM
Parent: #27
الفاضل ملهم كردفان
اسمح لي بأن اضم صوتي للخير حسب ما عرفته انت وسميته
أمشي لهذا الشخص ولبي دعوته اذا سمح وقتك وبعد ذلك اخبره بما بدر منه لعله يصلحه
واعف عنه فهذا والله مسلك العظماء وتشبه بسلوك الانبياء
ومن ثم أعبر عن احترامي البالغ للعزيزين الفحل واخلاص
سيف الاسلام
|
Post: #36
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 02:45 AM
Parent: #30
Quote: الفاضل ملهم كردفان
اسمح لي بأن اضم صوتي للخير حسب ما عرفته انت وسميته
أمشي لهذا الشخص ولبي دعوته اذا سمح وقتك وبعد ذلك اخبره بما بدر منه لعله يصلحه
واعف عنه فهذا والله مسلك العظماء وتشبه بسلوك الانبياء
ومن ثم أعبر عن احترامي البالغ للعزيزين الفحل واخلاص
سيف الاسلام |
مرحباااااااااااااااابك يا سيف الاسلام
هاتف الخير بداخلى هو المنتصر
عمل كش ملك لهاتف الشر ووداهو فى ستين داهيه
والنهايه كانت منطقيه ومريحه ياسيف
....
طلتك شرفتنى والله
احترامى
|
Post: #35
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 02:34 AM
Parent: #27
Quote:
تحياتي ملهم و حمدلله على السلامة
غايتو يا زول وقت العشا جا فدحين ورينا بقيت على شنو
المهم كان بقيت شايل عكازك و ماشي تكسرو في راس ابوسيد فنحن معاك
أها و كان بقيت داير تطنش العشا بنقول ليك ختوتك عديلة و اقعد في بكانك
أما كان بقيت ماشي تتعشى و تعاتب و شنو ما بعرف برضو كلمنا
عشان نجي نكسر عكاكيزنا فوق رويسك ده. |
الله يسلمك يا الوليد الشيخ,,,
وقت العشا نتهى الخميس الفات ...!!!
دايرنى امشى لى زول فى بيتو وأكسرو
الواحد لو عمل دى دون اعتبار لسن الرجل أو مكان الجلده أو سبب النبذه
بعدين بعد كده الناس كلها حتغلطو لأنهم ماسمعو بيهو بيشتم
زول من البيت للجامع ومن الجامع للبيت
...
وتطنيش عزومه مخصوصه عشانى ومن أم سيد ماكويس
ياخ انا اعتذرت ليهو بأنو مشغولياتى مابتسمح لى وانو وانو وزعل وابعد الهاتف من فمه وشتمنى
زول يعزمك ويكلف نفسو وانت تفاجئو بى اعتذار ماكان متوقعو أكيد حينفعل...
....
بس ماكمان يوصلها للدرجه دى
ضحكتنى ياخى بي حتة رويسك دى ....
|
Post: #32
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-24-2015, 08:14 PM
Parent: #22
Quote: امشي ياملهم واتعشي عشاك عادي
بعد العشا امسكو علي جمبه كده قوليهو
ياحاج انا لبيت الدعوده دي رغم شتيمتك
لي في التلفون اللي انا سمعتها
وكرر ليهو نفس الجمله القاله
احتمال يطلع الراجل ده ماكان قاصدك اتا
ولو فرفر وطلع كضاب ونجس حتعرفو, امسكو كسرو في بكانو
وابقي مارق |
مرحبابك ياعمر عثمان ...
العشا كان أول امبارح يوم الخميس 22-1
الزول لمن جاينبذنى ابعد التلفون من خشمو لكن المايكروفون قوى ...
سمعتها وبعد ماتم شتيمتو رجع الموبايل للوضع العاأدى وأصرر على حضورى
والدعوه لى براى مالى زول غيرى ولاكان فى معازيم تانين ...!!!
الزول مانجس ومافرفار ولاكضاب... ولاحيقدر ينكر
ولا أنا بقدر امسكو اكسرو ... لأنو فى مقام المرحوم والدى وفى سنو
وحتى أخلاقى مابتسمح لى أوجه ليهو صوت لوم ...!!!
وبالرغم من كده ..العزومه كانت ليها نهايه مختلفه ياعمر
احترامى
|
Post: #31
Title: Re: ماكنت متخيل أنو ... راجل دلدول كده...!!!
Author: عاطف عمر
Date: 01-24-2015, 06:53 PM
Parent: #1
Quote: لاحولاااااا ياعاطف عمر انت زول صعب خلاص ياخى
الزول ده فى حكم المسنين 78 سنه,,,
أضانو تقيله والله
لم أرى رجلا فتح لى قلبه وداره مثلما فعل
حتى ملابسى كانوا يغسلونها لى ياعاطف
اغيب فيبادروا بالاتصال والسؤال عنى ... ..
...
نفترض انو انا قطعت الصله وجانى لحدى عندى ,,اطردو من بيتى...؟؟؟
التفاصيل لاحقا لكن انا لى هسى قلبى واجعنى ياعاطف عمر لأنو هبش حته مقدسه شديد
وكأنو شتم والدته المتوفاه ...بمعنى انو الشتيمه بترتد لصدر شاتمها ...
مصر انو ما أمشى ليهو ياعاطف؟؟؟
هذا مع وافر تقديرى لوجهة نظرك واجمل التحايا مرفق معها امتنانى |
أصدقك القول يا ملهم ...
كتبت مداخلتي تلك وخرجت في مشاوير نهاية الإسبوع....
وأنا في تلك المشاوير وجدتني أسيراً لهذا الموضوع....
شعرت بـ ( ندم ) قوي أنني قد أصدرت حكماً قبل أن أتبين كل الجوانب المرتبطة به و هذا أمر نادر الحدوث في أحوالي العادية .....
هذه الحالة كانت بالنسبة إستثناء لأنها إرتبطت بالأم ... فتذكرت أمي ...
وارتبطت بتجارب لا أدعي تعميمها على إستخفاف لحق بـ ( سودانيين ) من جنسيات أخرى .....
عنّ لي أن أرجع لأقول لك إن المعلومات المتاحة في البوست تصعب ( علىّ أنا ) إصدار حكم متمهل
عنّ لن أقول لك إن أردت حكماً متمهلاً فابسط لنا المعلومات
وقتها سوف أسألك عن علاقتك بهذه الأسرة دون الخوض في ما لا تحب أن تفشيه من أسرار...
وسوف نسألك عن عمر هذا الرجل ومدى علاقتك به وحدود هزارك معه
وسوف نسألك عما يربطك به .. عمل ... مصالح ... صداقة .. إيجار شقة .....
فها أنت تأتينا بمعلومات جديدة ....
وكان الأصل أن تبذل كل ( المعطيات ) وبعدها تطلب من أخوانك التفاكر معك .....
أجدني أقول لك كما كنت أقول لصحبي الذين يشتكون من أن فلاناً شاورنا ولم يأخذ بمشورتنا .....
كنت أقول لهم إن أمر المشورة مثل الصلاة ... فيها السر وفيها الجهر ....
قد لا يستطيع المشاور أن يبذل كل التفاصيل ..... لأسباب خاصة به
لذلك تكون االمشورة قد إنبنت على معلومات ناقصة .....
الأسئلة أعلاه لا أريد عليها إجابة
لأنني أعتذر عن بذل رأى ما ....
وسوف أبقي على ما كتبت هنا درساً أتعلم منه ألا أحيد عن ما سرت عليه عمراً
وألزم به أمارتي بالسوء إن راودتني ذات حدث مشابه
|
Post: #33
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 01:08 AM
Parent: #31
Quote: (عدل بواسطة ALazhary2 on 24-01-2015, 10:24 PM)
|
هكذا تكون العظمه يا الازهرى
احترامى
|
Post: #37
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 03:11 AM
Parent: #31
Quote:
أصدقك القول يا ملهم ...
كتبت مداخلتي تلك وخرجت في مشاوير نهاية الإسبوع....
وأنا في تلك المشاوير وجدتني أسيراً لهذا الموضوع....
شعرت بـ ( ندم ) قوي أنني قد أصدرت حكماً قبل أن أتبين كل الجوانب المرتبطة به و هذا أمر نادر الحدوث في أحوالي العادية .....
هذه الحالة كانت بالنسبة إستثناء لأنها إرتبطت بالأم ... فتذكرت أمي ...
وارتبطت بتجارب لا أدعي تعميمها على إستخفاف لحق بـ ( سودانيين ) من جنسيات أخرى ..... |
ياسلام ياعاطف ياخى ... قلبك مطيب ...!!!
وكل مايتعلق بإنتقاص قدر الأم مرفوض ومدان وموجع جداجدا ... سأهديك يوما ما أغنية (دعواتك يايمه)
بداية كلماتها...
دعواتك يايمه
جوايا زيفة شوق شديد
قايده زايده جواها نااااااار
بلغ التعب آخر المدى
عدى الحدود فات المدار
دعواتك يايمه...!!!
....
أما بخصوص الإستفزازات العاديه فأنا اردها بصورة تليق بمن يرتكبها ضد السودانيين
Quote: عنّ لي أن أرجع لأقول لك إن المعلومات المتاحة في البوست تصعب ( علىّ أنا ) إصدار حكم متمهل
عنّ لن أقول لك إن أردت حكماً متمهلاً فابسط لنا المعلومات
وقتها سوف أسألك عن علاقتك بهذه الأسرة دون الخوض في ما لا تحب أن تفشيه من أسرار...
وسوف نسألك عن عمر هذا الرجل ومدى علاقتك به وحدود هزارك معه
وسوف نسألك عما يربطك به .. عمل ... مصالح ... صداقة .. إيجار شقة .....
فها أنت تأتينا بمعلومات جديدة ....
وكان الأصل أن تبذل كل ( المعطيات ) وبعدها تطلب من أخوانك التفاكر معك .....
أجدني أقول لك كما كنت أقول لصحبي الذين يشتكون من أن فلاناً شاورنا ولم يأخذ بمشورتنا .....
كنت أقول لهم إن أمر المشورة مثل الصلاة ... فيها السر وفيها الجهر ....
قد لا يستطيع المشاور أن يبذل كل التفاصيل ..... لأسباب خاصة به
لذلك تكون االمشورة قد إنبنت على معلومات ناقصة .....
الأسئلة أعلاه لا أريد عليها إجابة
لأنني أعتذر عن بذل رأى ما ....
وسوف أبقي على ما كتبت هنا درساً أتعلم منه ألا أحيد عن ما سرت عليه عمراً
وألزم به أمارتي بالسوء إن راودتني ذات حدث مشابه |
أعتذر لك ياعاطف عن تقصيرى فى ايراد المعلومات ... ولاتعتذر عن بذل رأى وانت الحكيم ياعاطف
...
التفاصيل لاحقا عشان خاطرك وفى بوست منفصل لأنها كتيره
حتكون تحت عنوان ..............الحاج فلان ود العجمى
|
Post: #34
Title: Re: ماكنت متخيل أنو ... راجل دلدول كده...!!!
Author: Al-Shaygi
Date: 01-25-2015, 02:01 AM
Parent: #1
Quote:
جرى أيه يابن الوس خه دى اللى عازماك أم سيد
|
كدي في أول التبادي قول لينا مين أم سيد دي.....
وبعد داك الباقي هين؟؟؟
بيتداوى
الشايقي
http://www.youtube.com/watch?v=WjNosdjuv7shttp://www.youtube.com/watch?v=WjNosdjuv7s
mailto:[email protected]@yahoo.com
http://alkatwah.comhttp://alkatwah.com
.
|
Post: #38
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 03:18 AM
Parent: #34
مرحب شايقينا ....ام سيد دى ام عيالو ياخى
زوله فى الستين تقريبا ... جده لحفيدين
...
|
Post: #39
Title: Re: ماكنت متخيل أنو ... راجل دلدول كده...!!!
Author: محى الدين ابكر سليمان
Date: 01-25-2015, 04:24 AM
Parent: #38
يا ملهم
لو تسمع كلامى اتعشى عشاك وادعوا ليهم بطولة العمر....الناس ديل ما بدخلوك بيوتهم بالساهل...
الا تكون زول ما ساهل ...وفى الحالة دى ما بنبذوك وغالبا بيشتم فى حفيده او ابنه وانت التقطها خطا.
هاك الحواديت دى:
ام ايمن صاحبة العمارة مؤجر منها شقة فى الدور العلوى فى عين شمس, كل حين تطلع السلم بصينية محشى ورق عنب ولا احلى,
انتهزت حرمنا قبضى للمرتب وظبطت صينية كاربة ضمنها بامية مفروكة, شلت الصينية ونزلت بيها لام ايمن وابوه.
فتح ايمن الباب و ووقع نظره على البامية, من دون كل المطايب. همهم بعفوية: ايه الارف ده؟
بعد فترة ايمن يصيح باعلى صوته مع ضحكة: ام ايمن بعتت لكو المحشى, امال فين الارف ياحاق محى الله يخلي يخليك؟
مع ام داليا كنت حريص على انى اضرب حجر شيشة واتونس قبل ما ادفع الايجار,
مرة قالت عاوزة اشوف مراتك وتزورنى, حاكم انتو الرقالة كلامكو ماسخ.
مشيت اخر الشهر ترب ترب مع الاولاد.
اول ما شافت ابنى احتضنته بقوة وقالت: تعالى يا بن ال... وعينك ما تشوف الا النور...كادت امه ان تقتلها.
فى اسكندرية بلد الجدعان كان لى صديق سبعينى نقضى بعض الخميس سويا نضرب الاوزو والعرق.
فى ساعة ضعف طلب منى اقابل ابنه واستسمحه فى ان يزورهم, سالنى الابن بعفوية: هو ابن ال... ده عايز منى ايه؟
محجوب شريف قال:
الشعب المصرى جميل
والعشرة مياه النيل
من قبل بعانخى وتوت.
تحياتى
|
Post: #40
Title: Re: ماكنت متخيل أنو ... راجل دلدول كده...!!!
Author: عزالدين عباس الفحل
Date: 01-25-2015, 05:19 AM
Parent: #39
عادل البراري
...
صديقي الجميل ود البراري ،
عالم سودانيز اون لاين رائع بالإلفة ،
و طاعم بالصداقات عبر الإسفير ،
هكذا نترك الروث ،
ونحصد الزهور ،
لك عصن من الريحان ،
،،،،
...
عزالدين عباس الفحل
ابوظبي
...
|
Post: #41
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 09:29 AM
Parent: #39
مرحب يامحى الدين ابكر سليمان
بالله انت كنت متمترس هنا مع اسرتك ؟؟
قصصك دى بتاعت زول محبوب وسط المصريين جملة وتفصيلا
وفعلا لو ما حبوك مابعزموك ...
وكلامك بتاع الود وأبوهو ده أقرب مثال لتوضيح انو المصرى لمن يتغاظ بيشتم وشتيمتو مابطلع من
الام أو جزء من بدنها مع الاسف...!!!
...
عمك ابو سيد اتغاظ لمن إعتذرت عن عدم حضور الدعوه
وطوالى شغل الشريط بتاعو وكانت بدايتو .......مهببه
احترامى
|
Post: #42
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 09:53 AM
Parent: #41
المعركه النفسيه مابين قيم الخير والشر استمرت لدرجة ارتفاع الضغط
والصداع...
واحد صاحبى قاعد جمبى فى الشغل قلت ليهو الحصل بدون ذكر أسماء
قال لى
ده يبقى راجل دلدول اللى بتمشيهو مراتو ده...
يعنى لو هو مقدم الدعوه من نفسو والكلام كلام رجاله
مفروض مايجيبش سيرة مراتو....
...
عشان كده يامعلم ماتعبروش وأمشى على طول خش على مراتو
واللى يحصل يحصل...ده راجل ده
................
زجرته وقلت ليهو اللى متقبلوش على نفسك ماتقبلوش على غيرك عيييب
الراجل كويس معاى ودى أول مره أسمع منو كلام غلط
وديل ناس أنا أكلت معاهم عيش وملح ...
والبيخون العيش والملح هم أولاد الحرررررام
.................
ومازالت دواخلى تغلى ...
الشر...
يافرده أمشى إتعشى وبعد كده عيش دورك
الخير...
ياخى خليك زى ما انت وماتجيب ليهو خبر ولاتحسسوا انك سمعتو
الشر...
انت عوير الناس ديل ناس مصالح المره دى عازماك عشا لى شنو
الخير...
هوى يازول أرعى بى قيدك وماتتعدى حدودك
الشر....
بعد كده البرشك بالمويه رشو بالدم ينبزك بى أمك وتسكت ليهو!!!
الخير ...
ياخى كمل شغلك وغير هدومك دى وامشى اتعشى معاهو الراجل منتظرك
الشر...
ماتمشى
....
....
....
الساعه الثامنه مساء
الخير....
أمشى
الشر....
لاماتمشى
الساعه التاسعه مساء
الخير....
أمشى
الشر....
لاماتمشى
الساعه التاسعه ونصف
الخير....
أمشى
الشر....
لاماتمشى
...
يتبع
|
Post: #43
Title: Re: ماكنت متخيل أنو ... راجل دلدول كده...!!!
Author: عزالدين عباس الفحل
Date: 01-25-2015, 11:07 AM
Parent: #42
اخلاص عبدالرحمن المشرف
...
You are a Highly Sensitive Person
I forgot everything
and also
I'm not carry any grudges
Thanks
،،،،
...
Quote:
الفاضل عز الدين اعتذر غلطان بعتذر
اخلاص عبدالرحمن المشرف
24-01-2015, 09:40 AM،،،،
...
|
Quote:
الفاضل عز الدين عباس الفحل صدق او لا تصدق شكيت روحي لطوب الارض
و لك حق الرد بأاسخم من هذا
اخلاص عبدالرحمن المشرف
24-01-2015, 09:46 AM،،،،
...
|
Quote:
الفاضل عز الدين لك ان تقتص وما ح افتح خشمي
وأما ظروف الامر لو شرحتها تكون سخيفه بس لعلاج الكحه. له دخل
أكرر الأسف
وما عارفه أقول شنو لأنو الامر كان سي
انا قعدت أراجع فيهو شكيت روحي لي طوب الارض و عدم قبول الاعتذار هو الارجح
اخلاص عبدالرحمن المشرف
24-01-2015, 10:15 AM،،،،
...
|
Quote:
اتفضلت علي وانت الفاضل
واشهد د/محمد حسن فقد اتصلت به أشكوي له نفسي وهو ضمن كثر
الفاضل عز الدين اعتذر وما أسخف ان تكون كلمه جارحه هي شبب لغضبك ولكن الغباء
والله انا محرجه جداً اقسم بالله
الكلمة بعد ما تطلع انت تاني ما بتملكها
اخلاص عبدالرحمن المشرف
24-01-2015, 10:33 AM،،،،
...
|
عزالدين عباس الفحل
ابوظبي
...
|
Post: #44
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 11:53 AM
Parent: #43
باشمهندس ود الفحل ....دكتوره اخلاص
...
خلاصة الموده تلك التى تأتى بعد سوء فهم او سوء تقدير
لكنكما كنتم بتسامحكما أجمل من كل ماهو متوقع فى عالم الخوه والأحترام والموده
....
وفيتم وكفيتم
|
Post: #46
Title: Re: ماكنت متخيل أنو ... راجل دلدول كده...!!!
Author: محمد الهادى عبد الرحيم
Date: 01-25-2015, 12:21 PM
Parent: #44
ملهم كردفان
الحسنة في بوستك (عودة المياه لمجاريها) بين ود الفحل واخلاص) ربنا يديم المودة بيننا اجمعيين يارب.
ما تلبي الدعوه !!!
واحد يقول ليك تعال اتفضل معانا يا ابن الوس -- خه وتلبي الدعوه ده امر غير مقبول
بعدين هناك اصول لدعوه اى زول مفروض اخونا (المصري) يكون عارف كده كويس
تخريمة خارج الاطار :
صديقى وجارى فى البيت بجده (حي الصفاء) اخونا سوداني اسمو (امير) يحكى لى انو فى واحد صحبو مصري (متًلحو) كل جمعه بعد انتهاء صلاه الجمعه ان يذهب ويتغدى معاهو ..
استمر الحال ده لشهور وصديقنا أمير يعتذر ويتعذر واحيانا يكب الزوغه ...
يوم جمعه بعد الصلاه صاحبنا المصري وبالحاح شديد استطاع اخذ موافقه صديقنا امير وفعلا ذهب امير معاهو البيت !!!!
امير قال لي دخلت مع المصري فى الصالون وجلسنا ارضا وماشاء الله تبارك الله المصري عندو دسته عيال (ربنا يحفظهم ويبارك ليه فيهم يارب) كلهم معاهو فى نفس الجلسه ... وامير ذهب بخياله بعيدا حيث بيته وزوجته التى جهزت المفروكه بالكسره كعادتها يوم الجمعه وصحن اللحمه والسلطة الحمراء لكنه اتصل بها معتذرا وان لاينتظرونه فى الغداء..
بعد شويه صاحبنا المصري جا شايل صينيه كبيره جدا (على قول صديقنا امير) واول ما ختاها امامهم كانت المفاجاة
الصينية فيها (فجل اخضر + بقدونس + خيار + بصل ابيض + جرجير ومحاطة بكميات مهوله من الخبز (الرغيف) وما فيها اى طبيخ)
امير قال لى انا ماعرفت اعمل شنو المهم المصري واولاده بداؤا بنهش محتويات الصينية وصديقنا امير (داس) معاهم تلك الخضروات بالرغيف
بعدين المصري جاب ليهم شاي سادة كشري صاموتي
وكانت عزومه مصريه اكلها اخونا (أمير) فى حنانو
دحين يامهلم كردفان احتمال بعد ده تتحامل على نفسك وتمشى تلبي الدعوه وتلقاها زى صينية صاحبنا ده
تحياتى وتقديري
بع
|
Post: #47
Title: Re: ماكنت متخيل أنو ... راجل دلدول كده...!!!
Author: محمد الهادى عبد الرحيم
Date: 01-25-2015, 12:21 PM
Parent: #44
ملهم كردفان
الحسنة في بوستك (عودة المياه لمجاريها) بين ود الفحل واخلاص) ربنا يديم المودة بيننا اجمعيين يارب.
ما تلبي الدعوه !!!
واحد يقول ليك تعال اتفضل معانا يا ابن الوس -- خه وتلبي الدعوه ده امر غير مقبول
بعدين هناك اصول لدعوه اى زول مفروض اخونا (المصري) يكون عارف كده كويس
تخريمة خارج الاطار :
صديقى وجارى فى البيت بجده (حي الصفاء) اخونا سوداني اسمو (امير) يحكى لى انو فى واحد صحبو مصري (متًلحو) كل جمعه بعد انتهاء صلاه الجمعه ان يذهب ويتغدى معاهو ..
استمر الحال ده لشهور وصديقنا أمير يعتذر ويتعذر واحيانا يكب الزوغه ...
يوم جمعه بعد الصلاه صاحبنا المصري وبالحاح شديد استطاع اخذ موافقه صديقنا امير وفعلا ذهب امير معاهو البيت !!!!
امير قال لي دخلت مع المصري فى الصالون وجلسنا ارضا وماشاء الله تبارك الله المصري عندو دسته عيال (ربنا يحفظهم ويبارك ليه فيهم يارب) كلهم معاهو فى نفس الجلسه ... وامير ذهب بخياله بعيدا حيث بيته وزوجته التى جهزت المفروكه بالكسره كعادتها يوم الجمعه وصحن اللحمه والسلطة الحمراء لكنه اتصل بها معتذرا وان لاينتظرونه فى الغداء..
بعد شويه صاحبنا المصري جا شايل صينيه كبيره جدا (على قول صديقنا امير) واول ما ختاها امامهم كانت المفاجاة
الصينية فيها (فجل اخضر + بقدونس + خيار + بصل ابيض + جرجير ومحاطة بكميات مهوله من الخبز (الرغيف) وما فيها اى طبيخ)
امير قال لى انا ماعرفت اعمل شنو المهم المصري واولاده بداؤا بنهش محتويات الصينية وصديقنا امير (داس) معاهم تلك الخضروات بالرغيف
بعدين المصري جاب ليهم شاي سادة كشري صاموتي
وكانت عزومه مصريه اكلها اخونا (أمير) فى حنانو
دحين يامهلم كردفان احتمال بعد ده تتحامل على نفسك وتمشى تلبي الدعوه وتلقاها زى صينية صاحبنا ده
تحياتى وتقديري
بع
|
Post: #50
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 08:10 PM
Parent: #47
Quote:
ملهم كردفان
الحسنة في بوستك (عودة المياه لمجاريها) بين ود الفحل واخلاص) ربنا يديم المودة بيننا اجمعيين يارب.
ما تلبي الدعوه !!!
واحد يقول ليك تعال اتفضل معانا يا ابن الوس -- خه وتلبي الدعوه ده امر غير مقبول
بعدين هناك اصول لدعوه اى زول مفروض اخونا (المصري) يكون عارف كده كويس
|
مرحبابك يامحمد الهادى عبد الرحيم
....
ماقالها بصوره مباشره لأنو أبعد الموبايل ومن ثم شتم وكان صوته بعيد
أصول الدعوه وللحق كان دوما مراعيها فى دعواته السابقات ...
رجل سبعينى يصنع الشاى بيده ويأتى به للدور الثالث رغم معاناته من داء المفاصل وضخامة الحجم
ويقدمه بعدما سبقه بإحضار الأكل ...
لا والله مافى زول خدمنى بيده كأننى ملك فعلى فى منزله إلا هو
كان ترحيبه بى أكثر من أقرباءه ...ودعواته لى أكثر من دعواته لهم ...
لايقابلنى إلا بلوم أو عتاب بأننى مقصر فى زيارتهم ...
أها ألبى الدعوه والا أجليهو؟؟؟
Quote: تخريمة خارج الاطار :
صديقى وجارى فى البيت بجده (حي الصفاء)(امير) فى واحد صحبو مصري (متًلحو) كل جمعه بعد انتهاء صلاه الجمعه ان يذهب ويتغدى معاهو ..
استمر الحال ده لشهور وصديقنا أمير يعتذر ويتعذر واحيانا يكب الزوغه ...
يوم جمعه بعد الصلاه صاحبنا المصري وبالحاح شديد استطاع اخذ موافقه صديقنا امير وفعلا ذهب امير معاهو البيت !!!!
بعد شويه صاحبنا المصري جا شايل صينيه كبيره جدا (على قول صديقنا امير) واول ما ختاها امامهم كانت المفاجاة
الصينية فيها (فجل اخضر + بقدونس + خيار + بصل ابيض + جرجير ومحاطة بكميات مهوله من الخبز (الرغيف) وما فيها اى طبيخ)
امير قال لى انا ماعرفت اعمل شنو المهم المصري واولاده بداؤا بنهش محتويات الصينية وصديقنا امير (داس) معاهم تلك الخضروات بالرغيف
بعدين المصري جاب ليهم شاي سادة كشري صاموتي
وكانت عزومه مصريه اكلها اخونا (أمير) فى حنانو
دحين يامهلم كردفان احتمال بعد ده تتحامل على نفسك وتمشى تلبي الدعوه وتلقاها زى صينية صاحبنا ده
تحياتى وتقديري |
التخريمه جوه الإطار ...والزول ده مازى بتاع الفجل ياخ ...
أقل دعوه فيها صينيه عامره وتحليه مختومه بعصير وبعدها كباية شاى
...
محمد الهادى ياأخوووى
لك وافر التحايا ياحبيبنا وتاتبع معاى...
|
Post: #45
Title: Re: ماكنت متخيل أنو ... راجل دلدول كده...!!!
Author: محمد مجيدو
Date: 01-25-2015, 12:13 PM
Parent: #1
ملهم .. الانسان .. وضيوفك الكرام ..
السلام عليكم ...
غايتو انا عندي شعور انك ما مشيت العشاء دا...
ولو انا في مكانك .. ما حامشي ...
ولو عمك جاء سألني .. ليه مجتش ؟؟
بقول ليه نفسي ما طوعتنيش اجيك وانتا شتمت امي ...
وطبعا حيعتذر ليك .. ويقول ليك انا ماقاصد .. والحنك داك ..
المهم ... انك عرفت معدن اؤليك البشر ..
تحياتي ,,,
|
Post: #48
Title: Re: ماكنت متخيل أنو ... راجل دلدول كده...!!!
Author: سفيان عثمان قرضيه
Date: 01-25-2015, 02:50 PM
Parent: #45
Quote: كان كويس ولمن اغيب عنهم بيتصل ويسأل على ...
كان بيعتبرنى ومازال من الاسره ... يفرد لى مساحه خاصه فى حياته
وشقه خاصه للمبيت عندما أزورهم
لايفطر إلا وأنا بجانبهم هو وأولاده وزوجته وبنته ...
يصعدون لى من الأرضى للثالث بالشاى...ولم يحد=ث قط ان شتمنى او حتى قل ترحيبه بى
...
|
الأخ ملهم كردفان وضيوفه الكرام تحية طيبة
واضح من خلال كلامك أعلاه الناس ديل بعزوك جداً
وكلمة إبن الوسخة عند المصريين عادية وهم يتداولونها فيما بينهم بكل أريحية وأنت سيد العارفين
ومن جانب آخر لو سمعنا كل ما يقال عنا من خلف ظهورنا أو كل ما نقوله عن الناس فصدقني لن تجد علاقات أخوية بين البشر
فمشي الموضوع عادي كأنك ما سمعت شئ وتجاوز عن هذه الأسرة الطيبة الكريمة
بالجنبة كدة أحمد الله إنها جات على كدة لأنو المصريين وعلى وزن يا إبن الوسخة عندهم كلمات أوسخ منها
فتقدر تقول الزول دا إحترمك جداً وأداك بالحتة الفيها الحنية
تحياتي لك يا زول يا جميل
|
Post: #49
Title: Re: ماكنت متخيل أنو ... راجل دلدول كده...!!!
Author: عادل البراري
Date: 01-25-2015, 06:12 PM
Parent: #48
مهلم الجميل
خليك جميل الي اخر مدى .. هناك مزيد من الخشامه سيدلفون
فأترك نبضك الذي بدااخلك ينمو كما يشاء بكل ما يحمل من جمال
Quote: حباب عادل البرارى حبابالمحس والدرايسه ومحطة سبعه حباب ناادى كوريا وحباب المعرض حباب محطة أربعه وستات الاكل والشاى
وصاحبى الخطاط الجميل عادل خوجلى ..نورتنا ياعادل ...
مره بتصل على صديقى عادل خوجلى اها قمت دلعتو
- ازيك ياعدوووولى ..
-منو معاى
كيفك بالله ياعدولى ياحليل أيامك
زعل وهرشنى
يازول انا لاعدووولى لاجن أزرق انا عادل...
_ ياخ انا عارف انك عادل
- يازول تانى ماتنادينى بى عدووولى دى
خلاص مابناديك بى عدووولى ياعدووولى
وقبل مايقفل بى ثانيه اسفرت عن هويتى
فتعالت ضحكاتنا من خلف الدموع ... كان هذا بعد انقطاع دام 20 سنه
لك ولصديقى النبيل عادل خوجلى محمد إبراهيم خالص
احترامى |
أعدتني إلي زمن جميل وبعيد عادل خوجلي أطولك سنوات ما شفته
أحدثك عن بري الدرايسه ذات الشوارع المتسعة والأزقة التي نشتم من علي جنباتها روائح البن وقنانة اللبن حين يلامس بلا رفق النار يطفئ ولا يطفئ ما يستعر
قد أصبح كل الشوارع في برينا ضيقه أصابها الانكماش والتردي رقم ما طفر بها من بنيان
ما كلمتك عن ناس برارينا مازالت آلة الحياة تدخلهم من منافسه ألي منافسه الكثير سدد بيوت وباع وآخرون ليس من لجلدها بشي قد أتو بجيبهم المنتفخة دوماً كما أنها لا تنال حظها بكل تأكيد من الوسخ مع انو رغم ضيق الحياة التي تدحرجت من حجر نميري لبسطه مزيد من برعم الطفيلية أننا كنا في
استقرار دائم لا نعرف مكان نمشي له الا يقين بأن حتماً بعد بيوت البراري سنسكن باطن تربتها كامتداد من أعلى لتحت أو عبر خارج أحكام شروط البنية التحتية
كيفية الارتقاء بالإنسان الذي صار يشتم بلا هواد
كما ما كلمتك حسب ما ساقتني رجلي الضعاف إلي حيث نبتت جنائن بري أبو العلا والشريف وشيخ عبد الرحمن أصابها الملل من كثرت الطامعين وأصبحت أكثر قسوته
جزء فلل بلا رئاسة جزء ضاع حيث ضاع وشارع النيل أصبح ما بذاك الذي كنا نأتي له فرحين بعد شق غابته حيث الراعي الطاهر وعمنا ملك الدين تجاوزاً لكمائن التي كانت تنخر الطمي بمزاج
لشهية الأعمار التي تأمل بها حيشانها فالبراري التي كانت تتسع كثيراً ضاقت
فقط ما تبقى شي غير أن نشتم رائحة الدم الذي تركه من سقط هناك وهو حي
سلامي الأكيد
محبتي
|
Post: #51
Title: Re: ماكنت متخيل أنو ... راجل دلدول كده...!!!
Author: أيمن محمود
Date: 01-25-2015, 08:54 PM
Parent: #49
Quote: لأخ ملهم كردفان وضيوفه الكرام تحية طيبة
واضح من خلال كلامك أعلاه الناس ديل بعزوك جداً
وكلمة إبن الوسخة عند المصريين عادية وهم يتداولونها فيما بينهم بكل أريحية وأنت سيد العارفين
ومن جانب آخر لو سمعنا كل ما يقال عنا من خلف ظهورنا أو كل ما نقوله عن الناس فصدقني لن تجد علاقات أخوية بين البشر
فمشي الموضوع عادي كأنك ما سمعت شئ وتجاوز عن هذه الأسرة الطيبة الكريمة
|
زملائي في الشغل قاعد اشتمم كمصريين عادي وهم اصحابي شديد بس لو واحد شتمني بقطعو معاهو طوالي 
|
Post: #52
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-25-2015, 09:21 PM
Parent: #51
Quote: ملهم .. الانسان .. وضيوفك الكرام ..
السلام عليكم ...
غايتو انا عندي شعور انك ما مشيت العشاء دا...
ولو انا في مكانك .. ما حامشي ...
ولو عمك جاء سألني .. ليه مجتش ؟؟
بقول ليه نفسي ما طوعتنيش اجيك وانتا شتمت امي ...
وطبعا حيعتذر ليك .. ويقول ليك انا ماقاصد .. والحنك داك ..
المهم ... انك عرفت معدن اؤليك البشر ..
تحياتي ,,, |
عليكم السلام ورحامة الله تعالى وبركاته يامحمد مجيدو
كيفنك ياصاحبى ياخى...
لاياخى حأوريك بعد ماأكمل ردود على الحضور الكريم ده حصل شنوووو
تحليه
معدن غيرك مهم
بس الأهم معدنك وفكرتك فى تقديم نفسك للمجتمع
وكيف تدير علاقاتك بمايعود عليك وعلى غيرك بالرضا وراحة البال
حتى
وان كان ارضاء كل الناس غاية لاتدرك ...!!!
|
Post: #55
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-26-2015, 12:05 PM
Parent: #51
مرحب ياباشمهندس أيمن ...
| Quote: زملائي في الشغل قاعد اشتمم كمصريين عادي وهم اصحابي شديد بس لو واحد شتمني بقطعو معاهو طوالي |
كنت اسكت من يتطاول فى حاله واحده ....عندما يشتم ويتطاول على السودان والسودانيين
اما أن انزل معهم ى الى مستوى الشتائم...فلا سبيل لذلك مهما دعت الظروف ...!!!
|
Post: #56
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-26-2015, 01:18 PM
Parent: #55
لمحت ساعة الموبايل ولقيتها تسعه ونص
قمت وقفت الشغل لانو هاتف الخير انتصر
...
يازول قوم أمشى ليهم الدعوه موجهه من أم سيد
مامنو وام سيد ماعملت ليك حاجه ولانبذتك ...!!!
بس كمان يافرده اتصرف صااااااااااااااااااااح ...
أقرأ الوشوش صاح واسبر أغوار النفوس صاح
وادى كل زول حقو ...
انت كده اتأخرت عليهم وبكونوا اتعشو ورقدوا كمان الدنيا شتاء
وانت عارف عمك ده بينوم بدرى عشان يقوم لى صلاة الصبح ...
بس برضو امشى ليهم وطايبهم ...
...
غيرت هدومى وركبت مواصلاتى ووصلت ... بس المره دى مشيت يدى فاضيه
قلت بدل أشيل كيس فواكه والا كيس حلويات والا اى حاجه احسن اهدى ليهم حاجه هم محتاجنها
...
وصلت ورنيت الجرس ...
اتانى صوت أم سيد ....ميييين ..!!
أنااااااااا .... منغمه كما عودتهم بنبرة معينه يعرفوا من خلالها شخصيتى ...
اتت أم سيد وفتحت الباب ...
سلام
اتفضل ياخويا ... ده الحاج كان مستنيك ,,,!!!
وطبعا نام يا أم سيد ...!!!
صحيهو بالله
...
ده لسه نايم ويمكن مايكونش نام خش
...
دلفنا الى غرفة الجلوس ... وسلمت على ابوسيد ..طبعا بدون (بوس )
...
أيه ياعم اتعشيت ونمت انا مش قلت ليك عندى شغل وحأتأخر ...!!!
...
أبوسيد
أعمل أيه اتعشيت آه ... وعسلت فى النوم ...
....
دخلت ام سيد فأحضرت حفيدتها وحفيدها ...
البنت تعدت العامين والولد عام
يالعينيى الأطفال حين تعكس الحب لى وترفق ذلك بإبتسامه
قبلت الولد وهو فى حضن ابوسيد ورفعت البنت من على الأرض وطبعت على خدها قبله تستحقها
وتسامرت مع ابوسيد وصورته هو وأحفاده صورا تذكاريه ...أثناء تحضير أم سيد للعشاء
وبعد لحيظات أحضرت أم سيد صينية العشاء...
....
أفهمتم اننى لا استطيع تناول كل هذا الكم من الطعام وإكتفيت بورك فرخه وقليل من الرز المعمر
مع البطاطس باللحمه المفرومه ... رأيت فى عينيى البنت رغبة مشاركتى فى الطعام ...
ففضلت تقسيم لحم الفراخ الى لقيمات صغيره مع الرز والبطاطس وبدأت فى اطعام البنت والولد ...
والطفل يخترق بنظراته قلبي
ياخ ده كان بعاين لى جوووه عيونى
شعرت بالسعاده تسرى فى عيون البنيه بعد أن بدأت القمها هى و الصغير بضع لقيمات
فزجرهم الجد والجده
وطلب ابوسيد من ام سيد ان تطعم الصغار حتى لايشغلونى عن تناول الطعام
..........
ابو سيد ...أجيب لك زياده
....
لا ياأبوسيد انت عارف انو انا مابتعشاش بس جيت عشان انتو ماتزعلوش
ياعم أجيب لك زياده
...
كده تمام ...
دخلت مع ابوسيد فى حوار متنوع فحضرت ام سيد ورفعت الصينيه
...
وأحضرت الشاى ثم كوكتيل فواكه
فصصت برتقانه وقدمتها لى وبدأت تقشر وتفصص للحاج والاطفال فرأيت حب الاطفال للبرتقان وتشابيهم نحوه
قسمت فص بيدى الى قتافيت صغيره وبدأت أطعمهم ... مع احتجاج الحبوبه والجد
....
هنا بدأت فى قول ما لم يكن يصدر منى مطلقا ...
تسلم إيدك يا أم سيد عمرك ماقصرتى والله ان شاء الله ناكل فى فرح ولدك الصغير
اكلك طااااعم وحلو ربنا يحفظك...
...
ابو سيد
الله وبعدييييين ...!!!
....
دعوتك جميله يا أم سيد تسلم إيدك
....
أبو سيد
همممممم هممممم هاااااااااا
...
يا أبوسيد ياخى خلينى اشكر ام سيد والله تستاهل ياخ
...
إستأذنتهم بعد ان أشعلت إبتسامة الرضا والسرور فى وجه أم سيد
وودعتهم بوعد تجديد التواصل كلما سنحت الفرصه
...
أما بخصوص هذا السطر فلن أفصح عما سأقدمه لهم
(قلت بدل أشيل كيس فواكه والا كيس حلويات والا اى حاجه احسن اهدى ليهم حاجه هم محتاجنها)
شاكر لكم حسن المتابعه
|
Post: #54
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-26-2015, 11:23 AM
Parent: #49
Quote:
مهلم الجميل
خليك جميل الي اخر مدى .. هناك مزيد من الخشامه سيدلفون
فأترك نبضك الذي بدااخلك ينمو كما يشاء بكل ما يحمل من جمال |
لا والله فجمال روحك وجميل سردك عن البرارى ...يأخذ بالألباب ياعادل ...
وستجدنى فعلت الصواب بعد ان أرد على من أتو بعدك حسبما أعتقد
سكنت محطه سبعه فى بداية التمانينات وكنت أنا الكردفانى ود الابيض من من يحبون التوجه الى شط النيل الازرق
والعوم فى محاولات جاده لكى اكون ماهرا كما أولاد برى ... كان يذهب معنا عماد طعميه ورفعت وعزت وشاكر وعصام
وكنت ولعبت معهم فى فريقهم لفتره وجيزه ...أحببت برى بتنوعها البشرى والانسانى الجميل ..كان الكل يعاملنى بطريقه طيبه
...
وكنت لا افوت فيلما فى سينما النيل الازرق أو قاعة الصداقه ...
..تعرفت على عادل خوجلى عندما حضر الى طنطا طالباً العلم وهو الموهوب وكنا نخط الجداريات المتنوعه بطيب خاطر للكل
...
لكم ياعادل البرارى عميق مودتى
|
Post: #53
Title: Re: ماكنت متخيل أنو ... راجل دلدول كده...!!!
Author: ملهم كردفان
Date: 01-26-2015, 06:46 AM
Parent: #48
Quote:
الأخ ملهم كردفان وضيوفه الكرام تحية طيبة
واضح من خلال كلامك أعلاه الناس ديل بعزوك جداً
وكلمة إبن الوسخة عند المصريين عادية وهم يتداولونها فيما بينهم بكل أريحية وأنت سيد العارفين
ومن جانب آخر لو سمعنا كل ما يقال عنا من خلف ظهورنا أو كل ما نقوله عن الناس فصدقني لن تجد علاقات أخوية بين البشر
فمشي الموضوع عادي كأنك ما سمعت شئ وتجاوز عن هذه الأسرة الطيبة الكريمة
بالجنبة كدة أحمد الله إنها جات على كدة لأنو المصريين وعلى وزن يا إبن الوسخة عندهم كلمات أوسخ منها
فتقدر تقول الزول دا إحترمك جداً وأداك بالحتة الفيها الحنية
تحياتي لك يا زول يا جميل |
صبحك الله بالخير ياسفيان
وكلامك ده منطقى ومتوازن ... بس تفاصيل مابعد التاسعه ونص ليلا كاانت عجيبه ياخى ...!!!
|
|