السودان السمح

سنوات طويلة من هيمنة نظام الانقاذ
انشطار الوطن الى جنوب وشمال
حروب فى دارفور والنيل الازرق وجنوب كردفان
غلاء معيشة
وانسداد افق الحوار
وانتخابات مهزلة بطريقة ون مان شو

برضو وسط الظلام دا كلو تلقى مبادرات من افراد ومنظمات المجتمع المدنى
ناس ببساطة بيعملو للجمال والخير

ما لعنو الظلام
بل اضاءوا شمعات صغيرة

انا فرحان

بى شباب مهرجان السينما
بجهد وبمبادرات وشجاعة عملو مهرجان للسينما عروض وورش وندوات جملت سماء الخرطوم

شباب مهرجان مجدى النور للمسرح التجريبى
مركز عبد الكريم ميرغنى ودعم من وزارة الثقافة الخرطوم
قدموا بطاقة وفاء وعرفان لمجدى النور
واستمتع الجمهور بعروض مسرحية
والمسرحيين اشتغلو اخراج وتمثيل ونقد

عرض مسرحى هاملت من فرقة بريطانية
وجمهور مسرح باعداد ضخمة


بالله السودان دا ما سمح

الواحد يتمنى يكون هناك
لحظة من وسنى
تاخذ من حزنى
تحملنى ترجعنى
الى عيون وطنى
يا وطنى

ده النصف المليئ من الكوب يا محمد،
بالمناسبة احب اشيد بشباب شارع الحوداث واتمنى ان نساهم في دعمهم جميعنا .. الجوع والمرض بذلن الانسان شديد
وشباب عديل المدارس ليهم الف تحية

التحية لشباب الحوادث

وبالمبادرات الزى دا
ان شاء الله نملأ الكوب كلو
يا ايمن