الغشــــــــــــــــاشة ..!!

يا دار العدم ....
كضـابة ما بتســري ..
يا الغشاشة ....... طبعك دايماً تعيقي تضُري
مااا تأمنا ..
أيام تجود عليك ..... وثمارا ليك مُخضري
وفي الحين تنقلب ... ويصبح عجاجا يضري
.....
نفسك ...... مااا تعجبك كتير
الدنيا قيدا قصيير
ووشك اطرحوا
ما يكون دوام متحير
ما يغرك ... هوا ضُل الضُحى المتغير
كم سبق الأجل
خلى الأمل متحير
.....
إن ســووكا... مك
ما تتغرا بي تمليكا
مرة تنعنعك
فوق هودجا وتتكيكا
في الحال..... تقدم ليك
كاس حنضلها وتسقيكا
بالليل تضحكك
وصُبحاً بكير تبكيكا
.....
ما ِندم العِرف ليها
وبزل صافيها
وما ضاع الفِهم حالها
والبجري ما بلفيها
هي الدنيا ...... بالطول والعرض
غير طِيب عمل شــن فيها .!!

عقبي
بتان حلف عليك
ازيك رشاء بابكر فتيل العطر
الدنيا هانتنا جنس اهانة
الله في

اخوي ود ابوســن
الله لا يهينك ولا الدنيا
ربي يحفظ مقدارك
البعرف حقيقة الدنيا
لا بغترا . لا بتكبر . لا بتجبر
قال شــاعر :
هي الدنيا تقول لمن عليها ،،،، حذار حذار من بطشي و فتكي

فلا يغرركم حسن ابتسامي ،،، فقولي مضحك و الفعل مبكي .