Post: #1
Title: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-21-2015, 07:20 AM
Parent: #0
البعض منا يختفى بسبب الظروف
يغيبه المرض
أو الرهق
أوالقرف
أو الانفلات اللغوى للبعض
أو
استعدادا لظهور جديد مترع الجمال
والبعض يختفى فتخبو الاضواء التى كانت تصاحب ظهورهم ويموت الاقبال على بضاعتهم
لكن
أعضاء حزب القهقرى الفقرى المامناضل كلو كلو...
ديل كومهم براهو...!!!
الواحد فيهو يكون ماسك الدركسون صاح وسايق الزد واى بمزاج وفجأه يعتر ليهو حجر
يقوم يلغى المشوار ....
ويخت التعشيقه فى حرف الآر... ويدق الخلف ... بدون تردد ...بدل مايعدى العقبه ويوصلنا بورتسودان
نلقى نفسنا دقينا الدلجه معاهو ... وحسينا بالاحباط
بتجروا الناس القهقرى ليه يامقهقرين ياخونه يابتوع المدارس...!!!
...
هذا مع أكيد احترامى للمتقهقرين تحرفاً لنضال
|
Post: #2
Title: Re: حزب القهقرى التعبوي الفقرى ...المامناضل كلو كلو...!!!
Author: هاشم احمد ادم
Date: 01-21-2015, 10:49 AM
Parent: #1
بتجروا الناس القهقرى ليه يامقهقرين ياخونه يابتوع المدارس...!!!
سلام ملهم حمدا عى سلامتك
(أنا) واحد من هؤلاء الناس لانى تراكم الخبرات عندى علمنى "درب السلامة لللحول قريب "
وهذا تعلمتها من "ناس قرعيتى راحت " ما من ناس "المدارس " الذين خدعونى "بان الفتى من يقول ها انا ذى ".
مناضل سابق ، وخبير جعجعة من غير طحين يبحث عن "وطن ".
ولَك الود يا صاحب ( وبين ناس الشتات مافى ملامة )
|
Post: #3
Title: Re: حزب القهقرى التعبوي الفقرى ...المامناضل كلو كلو...!!!
Author: محمد البشرى الخضر
Date: 01-21-2015, 06:32 PM
Parent: #2
يعني يا هاشم شوية الفهمتو من كلام ملهم جيت فرزعتو لي بمداخلتك دي:)
كدي يا ملهم عيد لينا فكرة البوست دا وبسّط قدر ما تقدر الله يرضى عليك
|
Post: #4
Title: Re: حزب القهقرى التعبوي الفقرى ...المامناضل كلو كلو...!!!
Author: عبدالحفيظ ابوسن
Date: 01-21-2015, 06:36 PM
Parent: #3
يا صاحب
وضيوفه
يخت حرف الار
طيب لو الجربوكس ما اتوماتيك
بالمناسبة في ترس صغير في الجربوكس اسمو ود الحرام
|
Post: #8
Title: Re: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-22-2015, 09:45 AM
Parent: #4
Quote: يا صاحب
وضيوفه
يخت حرف الار
طيب لو الجربوكس ما اتوماتيك
بالمناسبة في ترس صغير في الجربوكس اسمو ود الحرام |
اى منظومة تروس بما فيها ود الحرام الذى يؤدى دوره ببراعه يمكن ان تتعرض
لمشكله ما بسبب مؤثرما يعيق تدفق حركتها الطبيعى لبرهة من الزمن ..ياصاحب
وانت عرفت تخت حرف الآر متحرفا لجمال ...لحكمة يعلمها ود الزبير فى وقتو
|
Post: #6
Title: Re: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-22-2015, 06:28 AM
Parent: #3
Quote:
يعني يا هاشم شوية الفهمتو من كلام ملهم جيت فرزعتو لي بمداخلتك دي:)
كدي يا ملهم عيد لينا فكرة البوست دا وبسّط قدر ما تقدر الله يرضى عليك |
الموضوع يتحدث عن من يتواجدون فى هذا الموقع من اصدقاء لهم بصمتهم الخاصه
فى إدارة تأثيرهم على الآخرين
وكيف يقودون خطىء فكرهم المبذول من أجلنا بطريقة بارعه
لايجب ان تتأثر بالمتغيرات اللحظيه لبعض المخاشنات
بل عليهم ان لاينجرفوا نحو هاوية التخاذل
أو يتراجعوا عن عطاءهم الذى ينتظره من أدمن متابعتهم ...
وانت ياود البشرى ماعندك مشكله كلو كلو
ماعندك
|
Post: #7
Title: Re: حزب القهقرى التعبوي الفقرى ...المامناضل كلو كلو...!!!
Author: محمد البشرى الخضر
Date: 01-22-2015, 08:24 AM
Parent: #6
الحالة قلت ليك بسّط يا ملهم :)
لا تمام وضحت الفكرة
ومشكور عليها
|
Post: #10
Title: Re: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-22-2015, 01:28 PM
Parent: #7
Quote: الحالة قلت ليك بسّط يا ملهم :)
لا تمام وضحت الفكرة
ومشكور عليها |
بعض الافكار البسيطه تبدو معقدة فى ظاهرها اذامانظرنا إليها بدون تمعن
وبعض الافكار المعقده فى ظاهرها تحمل فى عمقها بساطة مدهشه
تحليه
شكرا على فتح جسور التواصل ببراعه يا ابوحتحوت
|
Post: #5
Title: Re: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-21-2015, 11:26 PM
Parent: #2
Quote: بتجروا الناس القهقرى ليه يامقهقرين ياخونه يابتوع المدارس...!!!
سلام ملهم حمدا عى سلامتك
(أنا) واحد من هؤلاء الناس لانى تراكم الخبرات عندى علمنى "درب السلامة لللحول قريب "
وهذا تعلمتها من "ناس قرعيتى راحت " ما من ناس "المدارس " الذين خدعونى "بان الفتى من يقول ها انا ذى ".
مناضل سابق ، وخبير جعجعة من غير طحين يبحث عن "وطن ".
ولَك الود يا صاحب ( وبين ناس الشتات مافى ملامة ) |
تعرف ياهاشم انا فى ناس كده بحترم وجودهم فى حياتى كأصدقاء ووبيناتنا توافق فكرى غير عادى
لمن يتغيبوا من المنبر أو ينسحبوا لظرف او سبب ضاغط ..بفتقدهم جدا جدا ...
...وانت مناضل سابق وحالى ومستقبلى كمان حسبما يحدثنى قلبى ...
فمن يعرف درب السلامه يتمنى ان يرافق فيه من يستحقون ...
من ناس قريعتى راحت او بتوع المدارس ...
طحينك يشحذ فكر ويعضد التواصل بيننا يا اخوى المحترم
تحليه
الله يسلمك ياخى والحمد لله اختفت مظاهرات القحه والحمى والعطاس والذى منو
|
Post: #9
Title: Re: حزب القهقرى التعبوي الفقرى ...المامناضل كلو كلو...!!!
Author: توفيق عيسى مكي
Date: 01-22-2015, 10:13 AM
Parent: #5
حبيبنا ملهم .................ز الشوق غلب
|
Post: #12
Title: Re: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-22-2015, 11:48 PM
Parent: #9
توفيق مكى ... لك وافر التقدير ياصاحب ولو عندك جيه للقاهره أدينى رنه على
00201281289899
فأنت جدير بالاستقبال وقتما تصل
احترامى
|
Post: #11
Title: Re: حزب القهقرى التعبوي الفقرى ...المامناضل كلو كلو...!!!
Author: هاشم احمد ادم
Date: 01-22-2015, 01:37 PM
Parent: #5
...وانت مناضل سابق وحالى ومستقبلى كمان حسبما يحدثنى قلبى ...
شكرا يا صاحب على حسن الظن ، وصحى ( قلب المؤمن دليلوا)
وان كان مستقبل (الجربوكس ) تحددة عدد الاميال او الكيلومترات
التى قطعها مع الأخذ فى الاعتبار طبيعة االاراضى التى سار عليها
، يعنى يوم بكرة أمكن يحتاج الى أراضى منحدرة او
عمرة ، وحسب ناس المدراس دا بتكون
50 / 50 .
فمن يعرف درب السلامه يتمنى ان يرافق فيه من يستحقون ...
ودى اخوك مطبق فيها ( الخلا ولا الرفيق الفسل ) فى معظم الأحيان ،
وفى بعض الأحيان بيت الشعر المدرسى ( الذى نسيت قائلة وعمدا لم ابحث عنة ) :
ليس كل ما يتمناه المرء يدركه
تجري الرياح بما لا تشتهي السفن !!
------
تعديل لإضافة كلمة " او كليومترات "
|
Post: #13
Title: Re: حزب القهقرى التعبوي الفقرى ...المامناضل كلو كلو...!!!
Author: صلاح عباس فقير
Date: 01-23-2015, 08:17 AM
Parent: #11
يا ملهم سلامات وجمعة مباركة!
كدي بالله يا ملهم،
أول حاجة عاوزك توريني رايك في صورة البروفايل،
بتاعة الأخ هاشم دي!
رايك فيها شنو؟
لما تشوفه بحصل ليك شنو؟
هذا مع تحاياي الخالصة للأخ هاشم!
وجمعة مباركة للجميع!
|
Post: #14
Title: Re: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-23-2015, 08:39 AM
Parent: #13
Quote:
شكرا يا صاحب على حسن الظن ، وصحى ( قلب المؤمن دليلوا)
وان كان مستقبل (الجربوكس ) تحددة عدد الاميال او الكيلومترات
التى قطعها مع الأخذ فى الاعتبار طبيعة االاراضى التى سار عليها
، يعنى يوم بكرة أمكن يحتاج الى أراضى منحدرة او
عمرة ، وحسب ناس المدراس دا بتكون
50 / 50 .
|
اراضى منخفضة أو عمره أخير من توقف التروس ياصاحب
والفيفتى فيفتى أحسن من مافى كلو كلو ياهاشم ...
Quote: فمن يعرف درب السلامه يتمنى ان يرافق فيه من يستحقون ...
ودى اخوك مطبق فيها ( الخلا ولا الرفيق الفسل ) فى معظم الأحيان ،
وفى بعض الأحيان بيت الشعر المدرسى ( الذى نسيت قائلة وعمدا لم ابحث عنة ) :
ليس كل ما يتمناه المرء يدركه
تجري الرياح بما لا تشتهي السفن !! |
حتى بعد تطبيقك للمثلين ديل أعتقد ان حياتك فيها البستحق انك تكون جمبو
وانت بتتكلم حسب التجربه وقلبك بوديك لى ناسك براهو ..تمشى وين من قلبك ياهاشم ؟؟؟
...
تحليه
الحذر مطلوب حتى فى تناول السكر والملح ياصاحب
والتوازن الإجتماعى هو المعيار ومعيارك دقيق ...
|
Post: #15
Title: Re: حزب القهقرى التعبوي الفقرى ...المامناضل كلو كلو...!!!
Author: ملهم كردفان
Date: 01-23-2015, 09:29 AM
Parent: #13
Quote: يا ملهم سلامات وجمعة مباركة!
كدي بالله يا ملهم،
أول حاجة عاوزك توريني رايك في صورة البروفايل،
بتاعة الأخ هاشم دي!
رايك فيها شنو؟
لما تشوفه بحصل ليك شنو؟
هذا مع تحاياي الخالصة للأخ هاشم!
وجمعة مباركة للجميع! |
,وجمعتكم اكثر بركه ياصلاح...
بالنسبه لصورة قرد المكاك التى شغلت الرأى العام سنة 2014
هى صوره سيلفى ... ملكيتها تعود للقرد وحدث نزاع
بين صاحب الكاميرا والمجله التى نشرت الصوره حول الحقوق
وكنت متوقع من القرد انو يمشى المقر بتاع المجله ويطالب بى حقو ناشف
الصوره غايه فى الروعه ولن يدمر كوكب الارض سوى البشر الذين سيستنزفون كل مواردها
احترامى
|
|