Post: #1
Title: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 03:31 PM
و العندو عربية بيجو لو استمر يسوقها يكون كافر ...
_________________________________________________________________________________
دي رسايل الواتساب اليوم ...
خبر عاجل و هام
مقاطعة المنتجات الفرنسية بصدق وجدية
دجاج دو
مياه بيريه
كود المنتجات الفرنسيه 300 و 379
اكثر من مليااار مسلم يضرب الاقتصاد الفرنسي
أرسل الرسالة إلى اكبر عدد من المسلمين
اللهم فاشهد إني اجتهدت وبلغت من أحب.
ستبدأ فرنسا ; بمسيرة تتضمن رسم لسيدنا محمد صلى الله عليه و وسلم ~
وبما أن التجار في فرنسا *قد هددوا النائب البرلماني.
الذي سمح بالمسيرة أن يقاضوه في حال قاطع المسلمون منتجاتهم ،،
كل ما عليك 20 ثانية تنسخ وترسل !!
كرماً ليس امراً انشر.
(لاجل نبينا محمد صلى الله عليه وسلم)
_________________________________________________
انتو وكت الزمن ده كله بتاكلوا في الجداد الفرنساوى ...
و تشربوا االبيريه ووتر و تتكرعوا ...
المقاطعة حسي شنو ؟
و الله الدين ده بقيتوا ليهو في رقبتو ...
|
Post: #2
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 03:33 PM
Parent: #1
تاني ما تشربوا بيريه ...
اشربو... اسبليجرينو ...
|
Post: #3
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 03:35 PM
Parent: #2
و بدل الجداد الفرنسي ...
اكلو حمام زاجل ...
__________________________
العالم ما لقي الحبة ...
يقول ليك قاطع الجاج الفرنسي ...
|
Post: #4
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 03:39 PM
Parent: #3
هاكم الجداده دي يا حامين حمى الدين ...
و اشربوا بيريه ووتر ... و اجروا وقولوا ( طوط ) ...
|
Post: #5
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 03:49 PM
Parent: #4
يلا عشان ( نضرب ) الاقتصاد الفرنسي ...
كل الامراء و الأثرياء العرب يبيعو قصورهم في مونتكارلو و بيارتز ...
و يبيعوا يخوتهم الراسية على شواطئ مارسيليا ...
و البلعبوا قمار بالملايين ... معيش حيضطروا يجو لاس فيغاس ...
و البتريحوا بالعطور الفرنسية ...
معليش شانيل و ايف سان لوران و غيره ... عليكم بريحة ( الخنفري ) زي ما قال عادل امام ...
اما الشوبنج من الشامزاليزيه ... خلوهوا من سوق قابل ...
اما الكورفوازير ... فما عارف احلها ليكم كيف دي ..!!!
|
Post: #7
Title: Re: قاطعو دجاج دو و البيريه ووتر و كل المنتجات الفرنسية ...
Author: وضاح عبدالرحمن جابر
Date: 01-17-2015, 04:14 PM
Parent: #4
والله يا استاذ يحي سلاح المقاطعة بستعملوه الامريكان وتوابعهم الاوروبيون ضد كل من لا يخضع لهم
والفكرة المطروحه انا لا استنكرها ابدا اذا ما عوملنا بمثلها ان نتعامل بالمثل
او اذا ما تضررت مصالحنا ان نتعامل بها
واذا اصرت بعض الحكومات السماح باهانه المسلمين ورموزهم .. فما المانع ان تتم مقاطعه شعبيه (لانو الحكومات ما بتقدر)
وكلو زول حر فى البياكلو مش كده ...!!
|
Post: #6
Title: Re: قاطعو دجاج دو و البيريه ووتر و كل المنتجات الفرنسية ...
Author: ود الخليفه
Date: 01-17-2015, 04:03 PM
Parent: #1
كله الا قلم البك
الباقي مقاطعنو طبيعي بس نجدد النية
كنت مرة عيان الصباح الدكتور قال لي الفحص دا ما بنفع الا تكون صايم
قلت ليه الصيام دا الا بالنية ؟ لاني ما اكلت ولا شربت حاجة من الصباح !
|
Post: #8
Title: Re: قاطعو دجاج دو و البيريه ووتر و كل المنتجات الفرنسية ...
Author: وضاح عبدالرحمن جابر
Date: 01-17-2015, 04:17 PM
Parent: #6
وانا الان سوف اتحرى عن اى منتج اود شراؤه
اذا وجدت ان له اى علاقه بفرنسا .. سوف امتنع عن شراءه
|
Post: #9
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 04:19 PM
Parent: #6
Quote: كله الا قلم البك
الباقي مقاطعنو طبيعي بس نجدد النية
كنت مرة عيان الصباح الدكتور قال لي الفحص دا ما بنفع الا تكون صايم
قلت ليه الصيام دا الا بالنية ؟ لاني ما اكلت ولا شربت حاجة من الصباح ! |
يا ود الخليفه ...
لكن ( لستتك ) دي ما عصرت بيها علي ( لساتكنا ) شديد لكن ...
لساتك الميشلين دي حسي افكها و اركب من الإطارات الدوليه حقت عبدُ ربه ؟
بعدين انا صغير كان جني دراكار ... بس الحمد لله عقلت الان و بقيت استعمل انتويشن وده عطر امريكي ( و لله الحمد ) ...
|
Post: #10
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 04:23 PM
Parent: #9
Quote: واذا اصرت بعض الحكومات السماح باهانه المسلمين ورموزهم .. فما المانع ان تتم مقاطعه شعبيه (لانو الحكومات ما بتقدر)
وكلو زول حر فى البياكلو مش كده ...!! |
احترام المسلمين يا وضاح يا حبيبنا يبدأ من المسلمين انفسهم ...
المسلم يفرض احترامه بالتسامح ... و إعطاء الحريات للآخرين ...
يا وضاح العرب المسلمين القاعدين يضربوا في الكافيار و يخسرو في الملايين في صالات القمار في فرنسا ...
تفتكر ديل بيعكسوا شنو عن الإسلام ...
و فوق ده كمان ندي رقبتنا الحق ان نقتل النفس التي حرم الله بغير حق ...
|
Post: #11
Title: Re: قاطعو دجاج دو و البيريه ووتر و كل المنتجات الفرنسية ...
Author: وضاح عبدالرحمن جابر
Date: 01-17-2015, 04:40 PM
Parent: #10
يا حبيبنا عصرت على المسلمين شديد لكن
لانه كده مطلوب منهم يكونوا انبياء القرن 21
فى كل مجتمع وكل ديانه وكل اى شئ .. بتلقى الصالح والطالح ..
وعند المسلمين المهووسين ديل .. لا يتعدو حسب ظنى 0.000005 من عدد المسلمين الاجمالي
وجل البقية محترمين انفسهم ومحترمين غيرهم
...
يا استاذ يحي ما اعتقد الامر بالبساطة دى
ما يدور الان فى كل الدول الاسلامية حول العالم لاينفصل عن احداث فرنسا
والتدخلات الاستخباراتية والمؤامرات ... واعاده رسم واقع اقتصادى وسياسي وعلاقات دولية .. ما اعتقد انه من اوهام تخيلاتنا
من الظلم ان نحمل كل الاحداث على المسلمين .. وهم الحلقة الاضعف فى ساحة المصارعة العالمية
وان لقيت لى شوية وقت برجع ليك تانى ... ههههههههههههه اتحملنا ما كملت كلامى
|
Post: #13
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-17-2015, 10:01 PM
Parent: #11
Quote: يا استاذ يحي ما اعتقد الامر بالبساطة دى
ما يدور الان فى كل الدول الاسلامية حول العالم لاينفصل عن احداث فرنسا
والتدخلات الاستخباراتية والمؤامرات ... واعاده رسم واقع اقتصادى وسياسي وعلاقات دولية .. ما اعتقد انه من اوهام تخيلاتنا
من الظلم ان نحمل كل الاحداث على المسلمين .. وهم الحلقة الاضعف فى ساحة المصارعة العالمية
|
وضاح يا حبيبنا ...
طيب الغرب شغال في إعادة رسم و تخطيط ...
انحنا عملنا شنو عشان ما نقع في شراكهم ؟
معقول الحل اننا ما ناكل دجاج دو و ما نشرب بيريه ووتر ؟
___________________________________________
بالمناسبة ... عدد المسلمين البياكلو جداد و بيشربوا بيريه ووتر كم ؟
|
Post: #12
Title: Re: قاطعو دجاج دو و البيريه ووتر و كل المنتجات الفرنسية ...
Author: محمد حيدر المشرف
Date: 01-17-2015, 07:48 PM
Parent: #1
الذي أساء للنبي محمد هو او هي الحضارة الغربية ..
ومن يريد مقاطعتها فليتقضل يا قباني ..
|
Post: #14
Title: Re: قاطعو دجاج دو و البيريه ووتر و كل المنتجات الفرنسية ...
Author: Mustafa Muckhtar
Date: 01-17-2015, 11:05 PM
Parent: #12
. "واعاده رسم واقع اقتصادى وسياسي وعلاقات دولية ...."
.وده دخله بالاسلام شنوا...القضايا السياسية نواجهها سياسيا
القضايا الاقتصاديا, نسعي لحلها اقتصاديا
و لم يحدث في التاريخ أن كان للمسلمين, كأفراد, كدول, كجماعات, كتنظيمات,
توافق علي أي قضية سياسية أو اقتصادية,
من أصغر القضايا حتي أعظمها
|
Post: #15
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-18-2015, 00:13 AM
Parent: #12
Quote: الذي أساء للنبي محمد هو او هي الحضارة الغربية ..
ومن يريد مقاطعتها فليتقضل يا قباني .. |
ازيك ي دكتور ...
|
Post: #16
Title: Re: قاطعو دجاج دو و البيريه ووتر و كل المنتجات الفرنسية ...
Author: يحي قباني
Date: 01-18-2015, 00:14 AM
Parent: #15
Quote: . "واعاده رسم واقع اقتصادى وسياسي وعلاقات دولية ...."
.وده دخله بالاسلام شنوا...القضايا السياسية نواجهها سياسيا
القضايا الاقتصاديا, نسعي لحلها اقتصاديا
و لم يحدث في التاريخ أن كان للمسلمين, كأفراد, كدول, كجماعات, كتنظيمات,
توافق علي أي قضية سياسية أو اقتصادية,
من أصغر القضايا حتي أعظمها |
سلامات يا هندسة ...
مشتاقين كتير و ما سامعين منكم ...
عسي كل اموركم تمام ...
|
Post: #17
Title: Re: قاطعو دجاج دو و البيريه ووتر و كل المنتجات الفرنسية ...
Author: أيمن محمود
Date: 01-18-2015, 07:58 AM
Parent: #16
طعمو لذيذ
|
|