وطن ببكيهو يوم عيدو

مصطحبا نفس شاعر النضال ومن مهر بمداد دمه الملحمه وعيرها مما عبر عن ضمير الشعب ونبض ثرواته الاستاد الكبير/ هاسم صديق كنبت النص مع كل الحب والتجلة معبرا عن ماساة وطن

وطن ببكيهو يوم عيدو *

بلد ببكيهو يوم عيدو
وليه ما أبكي واتحسر
كان غلب اجاويدو
وينعيك يا وطن شامخ
وانادي المهدي يبكينا
تعبنا خلاص ركبنا الهم
دموع جرحت ماقينا
تعال يا دقنه للصيوان
يا أسد الشرق مغوار
وجيب آب فرجه والزاكي
نجومي العز وجيب دنقس
بطل سنار
يالكنداكه وين قولك
وود حبوبه سيف بتار
نحاس العز صبح مزمار
يرقص شيخنا والركبه
جديده شديد مين زيك
وترقص حتى بالرقبه
وادي السرقه كم شمبال
وعرج في سما الهذيان
خليلو زمن رقيصنا بطان
وحليلك وطني يا سودان
وترقص وأبكي يا تاريخ
وتسخر من جبان خوان
حرام يا شيخنا إسماعيل
يا رافع العلم لينا
بنبكي الليله فيك وطنا
وكم كترت بواكينا
وزي ما قال هشام الجخ
(بتخلفينا ليه يا بلد
ما دام حترمينا )
ويا ناس هوي..
صراحه بقولها بالغتو
فرحنا وقلنا ديل انفاذ
حيبنوا الفوقو والتحتو
وكان حجر البلد طافي
وحجرو الليله غطستو
بلد ممتده مليون ميل
وفي غمرة سواد الليل
بعد الشهدا والويلات
ومليارات ودبابات
ويا حسرة أخويا المات
وطني الغالي قسمتو
اريتكم انتو كان موتو
وريحتونا والتحتو
وشن فضل بعد وطنا
ترابو للغالي ما صونتو
بلد ممتده مليون ميل
وانهار تربه صالحه عديل
ونشحد نحنا في اللقمه
ونستجدي القمح راضين
وينو شعاركم ألما خلق
يوم صدقنا ما قلتو
فالناكل مما نزرع
والنلبس مما نصنع
ونقود العالم أجمع
وانتو بهيمه ما قدتو
مشروع الجزيره الكان
دهب بيغذي في السودان
كان مورد سيوله وخير
كيف بالله دمرتو
ووين بالله سكه حديد
وين ثرواتنا وين يا ناس
دهب بترول ونفط وخام
سلبتوها و اكلتوها وما شبعتوا
بنيتو قصور واي قصور
من دم البلد شلتو
ويسرق داك وينهب زين
ترقوهو وتودو هناك
عشان ينهب يلحقنا
بامات طه والزينين
وتقول ياخ البلد عقرت
وماف رجال خلاف ناسكم
وكم ناديتو بالتمكين
وكان خنجر غدر سكين
موضب حار وضمه سنين
وباسم الإله والدين
كم يا خونه ضبحتو
حليل زمن الولاد تقرا
تلاقي الشغله منتظرا
واديتوهم الطرشا
وأهل الحسبه عينتو
وصالح عام غرق قبلو
وشن لي أهلي فضلتو
صمغ عربي وقطن يا تاس
وثروه خير من الحيوان
وعلما كرام
يعمروا في أراضي الغير
كم بالله شردتو
حرام والله الف حرام
كان غلبت اجاويدك
حرام ابكيكا يوم عيدك
وشعبي معلم الثورات
متين تصحى وتصحينا
من حلما حمانا سبات
علي الوعد البيحيينا
وينعيك يا وطن شامخ
تعال يا المهدي ابكينا
إدريس محمد ابراهيم
الرياض 14 يناير 2014

سيتم القاء النص في اختفال بور\اب الكبير

اين تعليقاتكم سلبا كانت ام ايجابا


لو كتب هدا النص شاعر اخر

اقسم لكم صادقا لقام سيد الحوش بوضعه اعلى المنبر واحتفى به الكل !!!!!

لكن ما حيلتي وانا لست من اهل الجظوه ...وهده من منغضات الناس في هدا المكان

يا ريتك تحكم على المضمون وليس على الشخوص ادا اردت جقا الارتقاء بهدا الكيان

وحقا لم يعد للمنبر الق الماضي ولا تاثيره ...وخم عليك

ةلا استغرب ان هجر المنتبر الكثيرين من المبدعين


اكره الشللية جدا والاحتفاء بالشخوص وترك المغزى

بورداب الراض ايضا يسري فيهم هدا الداء العضال ... عالم غريب حقيقة ويدعو للشفقه


















ا

استاذنا وشاعرنا الكبير ادريس
السلام عليكم
اول حاجة وقبل مانشوف القصيدة ليك
وحشة والله وفقدناك وان شاء الله كل
الامور طيبة .
حبيت اسلم عليك قبل مااشوف
القصيدة التي بلاشك ستكون بروعة كاتبها
تسلم

الأخ الشاعر إدريس محمد إبراهيم
تحية طيبة والسنة الجاية في وطن أفضل
هوّن عليك يا أخي ولا تبتئس لقلة المتداخلين فما بالكثرة تُقيَّم الأشياء
لكن أنصحك بمراجعة مقدمة مداخلتك لتصحيح الأخطاء الطباعية
فالمدخل يحفّز الناس على القراءة أو يجعلهم يحجمون

Quote: مصطحبا نفس شاعر النضال ومن مهر بمدتد دمخ الملجمه وفيؤها مما عبر عن ضمير الشعب ونبض ثوؤاته الاستا\ الكبير ِهاسم ص\يق كنبن ه\ا النص مع كل الحب والتجلة مهبرا عن ماساة وطن

تقديري لك ولروح الوطنية التي تنبض بها قصيدتك

الشاعر ادريس محمد ابراهيم
دخلت اكثر من مرة
اعجبتني القصيده
فهي لا تنقصه العاطفه ولا الحماس وهي صادقه
احس بانك وانت تكتب كمن نظر لقصائد اخر ( امكن جاريت شاعر الانقاذ ورديت عليه )مما اضعفها بعض الشئ
الجواك لسه ما قلتو
وجواك كثير
بصمتك ونفسك ووقع خطاك اجعلها تقول انا انا ادريس
اشعر اني سخيفه وانا بكتب
ومنو انا بس والله عجبتني القصيدة

تعال يا المهدي ابكينا
بل نقول
تعال يا إدريس ابكينا
-------
لا تكترث بكم علق على مكتوبك .. فالكتير وانا منهم نتابعك فى صمت وانت تبكينا وتضحكنا وتطربنا وتشجينا
فلا يدور فى خلدك حرماننا من كل ذالك

Quote: وطن ببكيهو يوم عيدو * بلد ببكيهو يوم عيدو وليه ما أبكي واتحسر كان غلب اجاويدو وبنعيك يا وطن شامخ وانادي المهدي يبكينا تعبنا خلاص ركبنا الهم دموع جرحت ماقينا تعال يا دقنه للصيوان يا أسد الشرق مغوار وجيب آب قرجه والزاكي نجومي العز وجيب دنقس بطل سنار يالكنداكه وين قولك وود حبوبه سيف بتار نحاس العز صبح مزمار يرقص شيخنا والركبه جديده شديد مين زيك وترقص حتى بالرقبه وادي السرقه كم شمبال وعرج في سما الهذيان خليلو زمن رقيصنا بطان وحليلك وطني يا سودان وترقص وأبكي يا تاريخ وتسخر من جبان خوان حرام يا شيخنا إسماعيل يا رافع العلم لينا بنبكي الليله فيك وطنا وكم كترت بواكينا وزي ما قال هشام الجخ (بتخلفينا ليه يا بلد ما دام حترمينا ) ويا ناس هوي.. صراحه بقولها بالغتو فرحنا وقلنا ديل انفاذ حيبنوا الفوقو والتحتو وكان حجر البلد طافي وحجرو الليله غطستو بلد ممتده مليون ميل وفي غمرة سواد الليل بعد الشهدا والويلات ومليارات ودبابات ويا حسرة أخويا المات وطني الغالي قسمتو اريتكم انتو كان موتو وريحتونا وارتحتو وشن فضل بعد وطنا ترابو للغالي ما صونتو بلد ممتده مليون ميل وانهار تربه صالحه عديل ونشحد نحنا في اللقمه ونستجدي القمح راضين وينو شعاركم ألما خلا يوم صدقنا ما قلتو فالناكل مما نزرع والنلبس مما نصنع ونقود العالم أجمع وانتو بهيمه ما قدتو مشروع الجزيره الكان دهب بيغذي في السودان كان مورد سيوله وخير كيف بالله دمرتو ووين بالله سكه حديد وين ثرواتنا وين يا ناس دهب بترول ونفط وخام سلبتوها و اكلتوها وما شبعتوا بنيتو قصور واي قصور من دم البلد شلتو ويسرق داك وينهب زين ترقوهو وتودو هناك عشان ينهب يلحقنا بامات طه والزينين وتقول ياخ البلد عقرت وماف رجال خلاف ناسكم وكم ناديتو بالتمكين وكان خنجر غدر سكين موضب حار وضمه سنين وباسم الإله والدين كم يا خونه ضبحتو حليل زمن الولاد تقرا تلاقي الشغله منتظرا واديتوهم الطرشا وأهل الحسبه عينتو وصالح عام غرق قبلو وشن لي أهلي فضلتو صمغ عربي وقطن يا ناس وثروه خير من الحيوان وعلما كرام يعمروا في أراضي الغير كم بالله شردتو حرام والله الف حرام كان غلبت اجاويدك حرام ابكيكا يوم عيدك وشعبي معلم الثورات متين تصحى وتصحينا من حلما حمانا سبات علي الوعد البيحيينا وينعيك يا وطن شامخ تعال يا المهدي ابكينا إدريس محمد ابراهيم الرياض 14 يناير 2014

الله يفتح عليك ياادريس اخوى

قصيدة تلخص واقع السودان الاليم اليوم

واجمل مافيها الصدق والحرقة التى تنضح من بين الحروف

والله وانا اقرا فيها كنت كالباكية التى تندب فقد عزيز لديها

أما العنوان فكان معبر جدا

نقلت القصيدة لصفحتى فى الفيس ، عذرا

تحياتى

احبتي يا من قلدتموني قلادة ضوء بمداخلاتكم الجميلة

حتما سااعود لكم كل على حده

استفدت حقا من الرؤى الناقدة ...فهي تنبؤ ان المتلقي قد قراني كما اريد ويرغب ان يرتقي بما قدمت وفي دلك كل الخير لي



لكم كل الحب الدي تعرفون

شكرا أخي الكريم معاويه وقد قمت بالتصحيح فعلا

مع خالص ودي وتقديري؛؛؛

Quote: استاذنا وشاعرنا الكبير ادريس السلام عليكم اول حاجة وقبل مانشوف القصيدة ليك وحشة والله وفقدناك وان شاء الله كل الامور طيبة . حبيت اسلم عليك قبل مااشوف القصيدة التي بلاشك ستكون بروعة كاتبها تسلم

اخوي سليمان ...

تحية نعبق بكل ما يليق بك

يمكن اكثر من ستة اشهر هجرت المكان ... اتفاعل اكثر في منتديات مثل عكس الريح حيث التفاعل اكثر بقيادة ربانها الماهر البروف الشاعر بروف معز ..وبعض المنتديات الاخرى

انا يا ابو داود زول ممكن اكتب كل يوم اكثر من قصيده ...وممكن يهجرني الشعر واهجره وادخل في حالة من البيات الشتوي المقيت قد تستغرق مني عمرا ليعود ومعه اي استرد عافيتي ... الصدق في التناول ديدني والنجر ساكت ما حبابو


مرة غبت لاكثر من سنه ...وكتر خير يوسف الولي كتب عني بوستا لن انساه يعنوان اين انت يا ادريس محمد ابراهيم قراه الكثيرين ولا تعليق

الناس كده بتحب التملق والدهنسه وعايزه الاسماء البراقه بغض النظر عن منتوجها

بلدنا دي مليانه مبدعين طواهم النسيان بسبب هده الخصلة الزميمه


ويمكن تقنية الواتساب سحبت البساط من التقنيات الاخرى .. فحقو ناس بكري ديلوا يعملو حسابهم الف مره ويبقو عشره على ناسهم ويحفزوهم بما يستحقون


وان ساء الله تسلم حبيبنا سليمان

واتمنى اسمع رايك في العمل

مع كل حبي وتقديري ؛؛؛

شاعرنا ادريس الارباب
عدد متصفحي سودانيز اونلاين في كل الاوفات لا يتجاوز 1100 وعدد الاعضاء في اي وقت لا يتجاوز ال 7
وصدقني المشاعر والحماس ال في القصيدتك تعبر تمامآ عن الحال

up

وقريبا ينهض
هل ينتقم ام يسامح
ماك هوين سهل قيادك