جات يوم حوبتكم يا بورداب الرياض.. !!!

Quote: الإخوة الافاضل السلام عليكم ( قروب السودانيين بالسعودية ) يوجد مريض سوداني طريح الفراش بالمستشفي الوطني بالرياض، معلوماته حسب معلومات التنويم : الاسم : حمزة جلال شريف ( Hamza Jalal Sharif ) العمر 60 عاماً ( مواليد 01/01/1954 ) تاريخ التنويم : 28/04/2014 المستشفي الوطني ، الرياض ، شارع الستين المبني القديم ، غرف التنويم ، غرفة رقم ( 159 ) رقم الملف : 1294443 رقم الاقامة في النظام مسجل بصورة خاظئة (5454545454 ) . حاولت الحصول علي صورة جوازه او اقامته او حتي رقمها ، وطلب الإخوة الحضور في الصباح ولكن ظرف دوامي لا يسمح بذلك. وبالامس ذهبت العصر للمستشفي وايضا فشلت في الحصول علي صورة الاقامة او الجواز. وهو في حالة عجز كامل لا يستطيع الكلام ولا الحركة ، فقط يحرك عينيه ، وذكر الإخوة الذي معه بالعنبر أنه تبدو علي وجهه ملامح الرضا عندما يزوره شخص سوداني . نتمني من القريبين من المستشفي زيارته فذلك يرفع من روحه المعنوية ، والمطلوب نشر الصور علي أوسع نطاق حتي نتعرف علي أهله ويتم التواصل معهم . وكذلك للذين لديهم معرفة او اتصال بالسفارة لو يستطيعون فعل شئ له. شكراً للإخوة المصريين ( الصعايدة الرجالة ) الذين اخبروني بحالته ونتمني عاجل الشفا لمريضهم .

من قروب المتحابون في الله على الفيس بوك
https://http://http://www.facebook.com/groups/355455747862699/www.facebook.com/groups/355455747862699/

يحال البوست بكامله لطاقم السفارة السودانية حيث بما لديها من علاقات يمكنها الحصول على رقم اقامة المواطن اعلاه ومعرفة كفيله
ومباشرة علاجه ان كان لدى المؤسسة تامين طبي
واصدار وثيقة سفر والاتصال بذويه

وكل انتخابات وانت بخير يا سفارة

Quote: يحال البوست بكامله لطاقم السفارة السودانية حيث بما لديها من علاقات يمكنها الحصول على رقم اقامة المواطن اعلاه ومعرفة كفيله ومباشرة علاجه ان كان لدى المؤسسة تامين طبي واصدار وثيقة سفر والاتصال بذويه وكل انتخابات وانت بخير يا سفارة

شكرا دكتور محمد حسن
ومعك ندعو الأخوة بورداب الرياض وسكان حي الملز خاصة بزيارة هذا المريض، والمساعدة في رفع روحه المعنوية.
والله لا يضيع أجر المحسنين.

نسأل الله له العافية والصحة

Quote: حمزة جلال شريف

يبدو من الاسم أنه من منطقة السكوت أو المحس والله أعلم .

لا حول الله يا الهادي
الراجل ده حصل عرض في التلفزيون في قناة العربية
برنامج الثامنة
ولحدي الان السفارة لم تتحرك

Quote: لا حول الله يا الهادي الراجل ده حصل عرض في التلفزيون في قناة العربية برنامج الثامنة ولحدي الان السفارة لم تتحرك

يا أبو روضة .. برنامج الثامنة في قناة MBC ما في قناة العربية

مش قصدك برنامج داؤود الشريان ؟

ان شاء الله يتم التحري عن هذا الامر يا أخي أبوبكر..
شفاه الله وعافاه..
لا يجب أن نعتمد على السفارة..
وبالجد فقدنا الأخ مامون الجميعابي
في مثل هذا الموقف..
رحمة الله عليك يا أبوعمر.. وفي عليين ان شاء الله

ايوه يا عاصم
وانا الان كتبت رسالة لداؤود الشريان
المحترم داوؤد الشريان
السلام عليكم ورحمة الله عليك الاستاذ داؤود الشريان ولك خالص الشكر وانت تقدم من البرامج الاجتماعية الرائعة والتي جذبت اهتمامنا حتى نحن المقيمين ,,
سبق ان قام برنامج الثامنة بعرض حالة مريض سوداني بمستشفى الشميسي بالرياض فلك خالص التقدير على ذلك وجعلك الله عون وسند ونصر للضعفاء والمستضعفين .. اليوم قد نشر احد الاصدقاء بالرياض وباحد المواقع السودانية حالة المريض التي تتدهور يوم بعد يوم ارجو التكرم باكمال ما بداتموه من مشوار والمساهمة في دفع المسستفشى لمزيد من الرعاية والاهتمام متمنياً الا يكون البرنامج مهتماً فقط بتناول مثل هذه الحالة دون بحث عن حلول في تقديري ممكنة ولك خالص التقدير والاحترام ......................... الرابطhttp://www.sudaneseonline.com/.../%D8%AC%D8%A7%D8%AA-%D9...
وانا بدوري قد قمت بارفاق الجزء الخاص بالمريض السوداني بالموقع المذكور .............. فرح الطاهر سوداني مقيم بالمدينة المنورة
oops ... got lost?

نسأل الله له السلامة.....المريض ده وين بالضبط يا جماعة فى الوطنى ولا الشميسى؟؟

Quote: نسأل الله له السلامة.....المريض ده وين بالضبط يا جماعة فى الوطنى ولا الشميسى؟؟

ا

حسب البرنامج كان في الشميسي
والان الاخ الهادي يقول بالوطني واضح انو تم نقله للوطني
بعد زيارة البرنامج
الحلقة كانت عن الاهمال في المستشفيات

Quote: يا أبو روضة .. برنامج الثامنة في قناة MBC ما في قناة العربية مش قصدك برنامج داؤود الشريان ؟

يا عاصم صحيح
في الام بي سي
الكلام ده من فترة وانا بالدصدفة حضرت البرنامج ده وشفت الحالة دي

Quote: المستشفي الوطني الرياض ، شارع الستين المبني القديم غرف التنويم : غرفة رقم ( 159 ) رقم الملف : 1294443

أبو روضة مالك عايز تجهجه لجنة بورداب الرياض ياخ ،،، العنوان واضح في الرسالة وأمكن يكون زول تاني وأمكن تم نقله الى المستشفى المذكور.
كدي خلينا نمسك في أخر عنوان للمريض ربنا يشفيه وجميع مرضى المسلمين.

الهادي
حبل المهلة يربط ويحل
كتب ابو روضة لاسماعيل ما يلي

Quote: حسب البرنامج كان في الشميسي والان الاخ الهادي يقول بالوطني واضح انو تم نقله للوطني بعد زيارة البرنامج الحلقة كانت عن الاهمال في المستشفيات

والله يا الهادي انا ما عايز اشكرك على نشر الحالة دي لانو ده واجبك
ولما عرضت الحالة انا افتكرت الموضوع اتحسم وتمت معالجة المريض المذكور ووجد الرعاية والاهتمام
لانو البرنامج بقدم مشكلة وحلول والتزام من جهات الاختصاص بذلك
والمهم يا زول ربك يهون ويعين ويسند الرجل ده

Quote: والله يا الهادي انا ما عايز اشكرك على نشر الحالة دي لانو ده واجبك ولما عرضت الحالة انا افتكرت الموضوع اتحسم وتمت معالجة المريض المذكور ووجد الرعاية والاهتمام لانو البرنامج بقدم مشكلة وحلول والتزام من جهات الاختصاص بذلك والمهم يا زول ربك يهون ويعين ويسند الرجل ده

بعرفك زول حارة تب يا ابو روضة وما بتقصر الا المسافات البعيدة والموانيء والمدن والحاجات دي ،،، مانعاك ...

سلام يا صاحبي ،،،

وردتني مكالمة هاتفية من الأخ/ صابر عاشميق صاحب المداخلة أدناه ، وكان الأخ صابر قام بزيارة المريض في المستشفى بعد أن علم بحالته.

وحسب ما ذكر لي إن بحوزته صورة من التحويل من التخصصي وسأقوم بإنزالها هنا بعد استلامها على الواتس بإذن الله تعالى...
نرجو أن تتواصل الجهود لمعرفة أي معلومة قد تفيد هذا المريض.

Quote: السلام عليكم يا اخوانا ما يختلط عليكم الامر المريض ده غير مريض lsjatd الشميسي انا امس كنت في زيارة ليه بس للأسف مافي أي بيانات غير الاسم ده اسمو حمزة جلال شريف محول بجلطة من المستشفى التخصصي من تاريخ 27/04/2014 وحتي تاريخه وكل المعلومات المتوفرة انو كان متزوج فلسطينية وعندو طفلة منها ومنفصلين ( والمعلومة دي من واحد مرافق لمريض معاه ... وذكر انو ما في أي حد بزورو غير المحسنين واهل الخير وللأسف للأسف مافي أي معلومات تانية حتي اطلعت علي الملف بس مافي ولا حتي رقم إقامة دعواتكم ليه والعايز يزورو يمشي المستشفى الوطني بالملز شارع الستين الدور الأول قسم التنويم غرفة رقم ( 159 )

أنا وجهت البوست لبورداب الرياض شخصيا للاسباب التالية يا جماعة ...

أولا هو الكيان الوحيد القائم حاليا في الرياض
وله لجنة منتخبة

وهي الجهة الوحيدة التي يمكنها من هذا الموقع توجيهنا لما تراه مناسبا سواء جمع تبرعات أو غيره،

اعلم علم اليقين بأن باللجنة أخوة لا نزكيهم على الله يحبون فعل الخير ويمكنهم تحريك الجهات المختصة في القنصلية لفعل شيء تجاه هذا المريض نسأل الله أن يشفيه وجميع مرضى المسلمين.

عليه أرجو الأخوة في لجنتنا الموقرة القيام بما تستطيع تجاه هذا المريض وجميعنا بإذن الله خلفهم وعند اشارتهم لما يرونه مناسبا.

الأخ الكريم/ الهادي والأخوة الكرام

عندي مداخلة مختلفة شوية

أولاً ندعو للمريض بالشفاء أياً كان سودانياً أو غير ذلك

ونسأل الله أن يجمعه بأهله وأقاربه وأصدقائه ويسخر له من يعينه في محنته

لكن حسب ما ورد في البوست ليس هنالك ما يثبت أنه سوداني حتى الآن ولا سيما أنه لا توجد أي معلومة أو بيانات هوية للمريض

كما أن ما يدعم إفتراضي هذا هو أنه إن كان سوداني يستحيل ما يكون عنجه سودانيين يزوروه وكلنا أدرى بالإجتماعيات السودانية

في مثل هذه الظروف البعيدين قبل القريبين بيكونوا جايبين خبروا

فشنو الناس تزوره طالما هو عمل خير لكني أرجح إحتمال أنه غير سوداني

وقد يكون مصري من الصعيد

لأنه لا يتكلم حتى نتقين من لهجته حتى

مجرد إستنتاج لا يؤثر على مبادراتكم بزيارته ومساعدته

مع تحياتي

Quote: الأخ الكريم/ الهادي والأخوة الكرام عندي مداخلة مختلفة شوية أولاً ندعو للمريض بالشفاء أياً كان سودانياً أو غير ذلك ونسأل الله أن يجمعه بأهله وأقاربه وأصدقائه ويسخر له من يعينه في محنته لكن حسب ما ورد في البوست ليس هنالك ما يثبت أنه سوداني حتى الآن ولا سيما أنه لا توجد أي معلومة أو بيانات هوية للمريض كما أن ما يدعم إفتراضي هذا هو أنه إن كان سوداني يستحيل ما يكون عنجه سودانيين يزوروه وكلنا أدرى بالإجتماعيات السودانية في مثل هذه الظروف البعيدين قبل القريبين بيكونوا جايبين خبروا فشنو الناس تزوره طالما هو عمل خير لكني أرجح إحتمال أنه غير سوداني وقد يكون مصري من الصعيد لأنه لا يتكلم حتى نتقين من لهجته حتى مجرد إستنتاج لا يؤثر على مبادراتكم بزيارته ومساعدته مع تحياتي

الاخ عاصم فقيري
شكرا على لفتنا لهذا الأحتمال
من المعلوم كل من كان بلون بشرة المريض شفاه الله ، فإنه يحال للسودانيين، والاحتمالات التي اوردتها جائزة ولكن تأكيد هذا الأمر لن يتأتى الا بعد زيارته ومحاولة التواصل معه بشتى الطرق - كتابة أو اشارة.

والغريب إن الاسم كاملا موجود رغم عدم وجود أي اوراق رسمية تثبت هويته.
ولا استطيع أن استنتج حقيقة من أين لهم بالاسم كاملا رغم عدم وجود أي أوراق رسمية - جواز - اقامة - رخصة قيادة - بطاقة تأمين.

ههههههها - ما يكون المصريين عايزين يدقسونا ، عشان ما يتكفلو بي أي نفقات تترتب عليه.

عموما الامور دي ستتضح عند تكرار الزيارة ومحاولة كما قلت التواصل معه بأحدى الطرق.

شكرا مرة تانية أخ عاصم على هذه الملاحظة.

Quote: ههههههها - ما يكون المصريين عايزين يدقسونا ، عشان ما يتكفلو بي أي نفقات تترتب عليه.

تعرف يا الهادي النقطة دي كنت عاوز أقولها لكن خفت الناس تفتكرني بحرض عشان ما يزوروه !

Quote: تعرف يا الهادي النقطة دي كنت عاوز أقولها لكن خفت الناس تفتكرني بحرض عشان ما يزوروه !

والله ياخي كل الاحتمالات واردة في حال عدم وجود أوراق رسمية ونحن شعب صح طيب بس ما عبيط على الاقل في الوقت الراهن.

وربنا يجمعه بي أهله اذا سودانيين او غيرهم.

وإن شاء الله الجهود مبذولة للوصول لملفه في التخصصي لمعرفة اي بيانات اضافية عنه.



تصحيح خطأ إملائي ...

للتصحيح من الأخ مرسل الصورة على الواتس صابر عاشميق
المريض محول من مستشفى الحرس ... وغالبا هو الحرس الوطني.

يا الهادي
المدقق في الصورة المرفقة والفيديو بتاكد انو الشخصية واحدة اللهم الا لو كانوا توأم
مريض البرنامج واضح انو سوداني وموضع الالم في اليد ممتد لحدي الكتف كما تظهر في الصورة
المهم جداً
لو كانوا حالة واحدة او حالتين
وين القنصلية من كل الحالات دي
ونسأل الله ان يمن على مرضى الغربة بشفاء عاجل

Quote: يا الهادي المدقق في الصورة المرفقة والفيديو بتاكد انو الشخصية واحدة اللهم الا لو كانوا توأم مريض البرنامج واضح انو سوداني وموضع الالم في اليد ممتد لحدي الكتف كما تظهر في الصورة المهم جداً لو كانوا حالة واحدة او حالتين وين القنصلية من كل الحالات دي ونسأل الله ان يمن على مرضى الغربة بشفاء عاجل

والله يا ابو روضة ما بعرف أكان هو ول ما هو ...

بس سبحان الله بشبه لي محمد نعيم سعد ايام محطة التلفزيون الأهلية ...

كنت اتوسم خيرا في كيان بورداب الرياض

ولا أعلم حتى الآن ماذا حدث بشأن هذه المناشدة التي رفعناها بالأمس
وحتى الآن لم أجد ولا مداخلة واحدة من أعضاء اللجنة.

وكنت اتوسم فيهم الخير وإنهم ربما سيفضلون تأجيل أو الغاء احتفالية الاستقلال مقابل انقاذ هذا الرجل إن صح إنه من السودان.

ولكن حتى الآن لم نعرف ماذا قرروا أو حتى إن كانوا مروا بهذا البوست.

الكلام موجه للسيد الرئيس المنتخب واعضاء لجنته.

سلام استاذ الهادى ابوبكر

Quote: كنت اتوسم خيرا في كيان بورداب الرياض ولا أعلم حتى الآن ماذا حدث بشأن هذه المناشدة التي رفعناها بالأمس وحتى الآن لم أجد ولا مداخلة واحدة من أعضاء اللجنة. وكنت اتوسم فيهم الخير وإنهم ربما سيفضلون تأجيل أو الغاء احتفالية الاستقلال مقابل انقاذ هذا الرجل إن صح إنه من السودان. ولكن حتى الآن لم نعرف ماذا قرروا أو حتى إن كانوا مروا بهذا البوست. الكلام موجه للسيد الرئيس المنتخب واعضاء لجنته.

Quote: كنت اتوسم خيرا

خليك مستمر ان شاء الله فى توسمك للخير

Quote: لتي رفعناها بالأمس

شوية صبر .. ما الببل الاري داك .. لا صبرا يبل الكركدى بس

Quote: وحتى الآن لم أجد ولا مداخلة واحدة من أعضاء اللجنة.

د.محمد حسن
ولياب
ismeil abbas

ديل بورداب ردوا فى الموضوع

Quote: ان شاء الله يتم التحري عن هذا الامر يا أخي أبوبكر.. شفاه الله وعافاه.. لا يجب أن نعتمد على السفارة.. وبالجد فقدنا الأخ مامون الجميعابي في مثل هذا الموقف.. رحمة الله عليك يا أبوعمر.. وفي عليين ان شاء الله

وده ايمن دياب السكرتير الاجتماعى للجنه

Quote: وكنت اتوسم فيهم الخير وإنهم ربما سيفضلون تأجيل أو الغاء احتفالية الاستقلال مقابل انقاذ هذا الرجل

ان شاء الله نقول انك متوسم الخير .. لانو ما بين امس واليوم الصباح .. يادوبك الناس وصلت دواماتها .. وجزء كبير بكون يادوب عاوز يقرا ولا يسمع
وما اعتقد انو (كنت) دى بتعنى انو صدرك ضاق فى اقل من 24 ساعة .. لانو برضو انا متوسم فى خيرك الانت عملتو انو يثمر خير كمان ..

(وانقاذ) الرجل .. ما اعتقد انو عنده علاقة بتاجيل او اقامة الاحتفالية

نسأل الله للمريض الشفاء .. وما دام هو فى المستشفى الوطنى فبكل تأكيد بلقى افضل عناية لانه المستشفى الوطنى من المستشفيات الجيده
والدخول ليها زاتو ما ساهل ...

واعتقد انه الموضوع ما موضوع انقاذ ولا مؤتمر وطنى
موضوع التواصل .. مع المريض والوقوف على حالته .. ومحاولة الوصول لأهله لابلاغهم بوضعه ..
والشفاء من الله الشافى الكافي ..

وبرضو يا استاذ الهادى انت فاتح الوضوع مرتين
وردوا ليك هناك الاخوان احمد حنين .. والريس ابوجهينه .. والاخ متوكل

ممكن تمر على ردودهم هناك

جزاك الله خير على المناشده ونسأل الله انو تثمر عن راحه وشفاء للمريض
وان يعيطيك الله طوله البال وصبرا مثمرا .. قول آمين

Quote: ان شاء الله نقول انك متوسم الخير .. لانو ما بين امس واليوم الصباح .. يادوبك الناس وصلت دواماتها .. وجزء كبير بكون يادوب عاوز يقرا ولا يسمع وما اعتقد انو (كنت) دى بتعنى انو صدرك ضاق فى اقل من 24 ساعة .. لانو برضو انا متوسم فى خيرك الانت عملتو انو يثمر خير كمان .. (وانقاذ) الرجل .. ما اعتقد انو عنده علاقة بتاجيل او اقامة الاحتفالية

اخونا وضاح
صباح الخير
وشكرا على المرور
الحقيقة الدكتور وأيمن والبقية ما قصرو ربنا يديهم الصحة والعافية ، بس اعتقد مداخلتهم هنا كانت بصفة شخصية
وكنت وما زلت اتوسم في الجميع الخير ،،،

الحقيقة بقية المداخلة ما قدرت اكملها صراحة حسيت بإنك ردمتني رد عدوك هههها ، المهم

لو فاضلنا بين الاحتفال وانقاذ انسان ، أنا شخصيا بختار انقاذ الرجل.

ما لينا 59 سنة بنحتفل الحصل شنو.

يا زول ربنا يقدر الجميع على الخير ..