Post: #1
Title: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:25 PM
غايتو بلدنا دي مليانة جنس محن ..
|
Post: #2
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:32 PM
Parent: #1
ومع ذلك الزول لو بقى رئيس ..
بأي حال ما حيكون أسوأ من ( ما ) سبقه ..
|
Post: #3
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:37 PM
Parent: #2
إبراءا لذمة زميلنا / عادل عبد العاطي الذي سبق و أعلن ..
رغبته في الترشح لمنصب الرئيس ما لم يتقدم مرشح بمواصفات معينة ..
فالمرشح بتاع الشعوذة و الرتينزات ..
قطعا ليس هو السيد / عادل عبد العاطي ( إن ترشح أو لم يترشح ) ..
|
Post: #4
Title: Re: مرشح رئاسي سوداني بتاع شعوذة و رتينزات ..
Author: Abdo Mustafa
Date: 01-12-2015, 02:37 PM
Parent: #2
إذا ما قاصد عمر البشير
فإما مشكك في مقدرات بله الغائب في الشعوذة
أو رفعته درجات
|
Post: #5
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:41 PM
Parent: #4
سلام يا عبده مصطفى
Quote: إذا ما قاصد عمر البشير
فإما مشكك في مقدرات بله الغائب في الشعوذة
أو رفعته درجات |
أنا لم أأتي على ذكر المرشح الفائز حتى قبل ما تبدأ ..
|
Post: #6
Title: Re: مرشح رئاسي سوداني بتاع شعوذة و رتينزات ..
Author: اساسي
Date: 01-12-2015, 02:43 PM
Parent: #5
يا عصام في تقاطع الاربعين مع فلسطين في قهوة وجمبها صراف
|
Post: #7
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:45 PM
Parent: #5
هذه قصة حقيقية من ملفات عملي المهني ..
الجاني و المجنى عليه و شهودها و معاصريها موجودين و يمكن مقابلتهم ..
..
|
Post: #8
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:49 PM
Parent: #7
أساسي .الإنصرافي ..
القهوة ديك ما كويسة جربتها قبال كدة ..
ليمونهم حار و حامض ..
و انا جني و جن الفرنسي ..
جهز لي الحاجات بجيك و انا ماشي بيتنا ..
|
Post: #9
Title: Re: مرشح رئاسي سوداني بتاع شعوذة و رتينزات ..
Author: اساسي
Date: 01-12-2015, 02:51 PM
Parent: #8
لا حاطلع الان وحيمر علي هندسة في نفس المكان خمسة ونص نتلاقي هناك وانا ما عندي قضية بي فرنسي ولا ليمون حامض
بهمني الصراف الجمبها
منتظرك خمسة ونص
|
Post: #10
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:53 PM
Parent: #8
يا شباب لازم من صصبنس و آكشن و حركات ..
و في الحقيقية دي الحقيقة ..
أي زول ما يتابع من الأول ما بنعيد ليهو ..
و أي زول عندو تخمينات حياهو ..
و خليكم معانا ..
|
Post: #11
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-12-2015, 02:55 PM
Parent: #10
أسمع خمسة و نص دي في أحلامك ..
أستمتع بي وقتك مع هندزة ..
|
Post: #12
Title: Re: مرشح رئاسي سوداني بتاع شعوذة و رتينزات ..
Author: عمار عبدالله عبدالرحمن
Date: 01-12-2015, 02:59 PM
Parent: #11
ان شاء الله يفوز
واهو يبقى عندنا ريس عند شعبية من الجن ..
|
Post: #13
Title: Re: مرشح رئاسي سوداني بتاع شعوذة و رتينزات ..
Author: صلاح عباس فقير
Date: 01-12-2015, 05:00 PM
Parent: #12
مرحباً بالأستاذ عصام دهب،
متابعون!
برضو ورينا اتفقت مع أساسي ولا ما اتفقت!ههه
|
Post: #14
Title: Re: مرشح رئاسي سوداني بتاع شعوذة و رتينزات ..
Author: mohmmed said ahmed
Date: 01-12-2015, 05:19 PM
Parent: #13
اصلو الانتخابات دى مهزلة
انا اقترح ان يرشح لمنافسة البشير
شاعر ابيض اللون
اللى ما عارف اسمو منو
واهو
تراجكوميدى
|
Post: #15
Title: Re: مرشح رئاسي سوداني بتاع شعوذة و رتينزات ..
Author: خضر الطيب
Date: 01-12-2015, 05:28 PM
Parent: #14
مولانا عصام دهب
تحياتي ليك
دائماً حكاويك طاعمة و ناعمة
منتظرنك
|
Post: #16
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-13-2015, 10:31 AM
Parent: #15
سلام و احترام و تقدير لكل الذين مروا على هذا البوست أو توقفوا عنده و تداخلوا فيه ..
و معذرة فأنا أكتب مسارقة متحيناً الفرصة من بين مشغوليات هطلت فجأتن كدة ..
|
Post: #17
Title: Re: مرشح رئاسي سوداني بتاع شعوذة و رتينزات ..
Author: عصمت خضر
Date: 01-13-2015, 11:35 AM
Parent: #16
ما يكون بكاي كمان
تبقي مشكلة بتاع رتينزات وبكاي
|
Post: #18
Title: Re: مرشح رئاسي سوداني بتاع شعوذة و رتينزات ..
Author: kamal omer
Date: 01-13-2015, 11:50 AM
Parent: #17
شكلو كده المزاج راق بعد الـ (.... ) حجار الفي القهوة الفي تقاطع الستين مع فلسطين .
إن شاء الله الحجز يكون ظبط ؟
|
Post: #19
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-13-2015, 02:49 PM
Parent: #18
الحجز ظبط تمام يا كمال و وشك حلو علينا .. الله يخليك ..
ـــ
البداية كانت في نهاية العام 1995م تقريباً ..
كنت حينها ـ يا دوب ـ قد ألتحقت بأحد مكاتب الإستشارات القانونية بجدة ..
حينها لم يكن نظام ( قانون ) المحاماة السعودي قد صدر بعد ..
بل و كان بعض خريجي المتوسط لا يتحرج في أن يضع
لافتة طويلة و عريضة يصف فيها نفسه بأنه محامي ..
محليا في المملكة يطلق على هولاء الأشخاص ( الدعوجية ) لتجنب الخلط
بينهم و المحامين المرخصين ..
و بعض مكاتب المحاماة و الإستشارات غالبا ما تستعين بهولاء ( الدعوجية ) للقيام بأعمال
المراجعات الإدارية و لحضور بعض الجلسات في بعض القضايا باعتبارهم وكلاء شرعيين ..
و نظام المحاماة الساري حالياً في المملكة ..
و إن حظر عمل الدعوجية لكنه لا يمنع ظهور الوكلاء الشرعيين أمام المحاكم ..
لكن بحيث لا يزيد عدد قضايا الوكيل في وقت واحد عن ثلاثة قضايا أمام كافة المحاكم ..
بينما المحامي ليس لديه حد أعلى لعدد قضاياه ..
هذه المقدمة بايخة لكنها ضرورية للعلم و الإفادة ..
|
Post: #20
Title: Re: مرشح رئاسي سوداني بتاع شعوذة و رتينزات ..
Author: Abu Baker Ahmed Abdel Rahman
Date: 01-13-2015, 04:55 PM
Parent: #19
دهب
تحياتى
هسة فى عربات فيها ريتينزه؟
قوقلتها كم مرة ومالقيته. والاسبلنق غلبنى بالانجليزى
فرتق الكلمة لو تكرمت.
ولا اصلا الرتينزه شنو؟
شكرى
|
Post: #21
Title: Re: مرشح رئاسي سوداني بتاع شعوذة و رتينزات ..
Author: انور التكينة
Date: 01-13-2015, 05:50 PM
Parent: #20
يا مولانا القصة دى طويلة ؟
كدى شوف موضوع السمانى و تعال
|
Post: #22
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-13-2015, 07:51 PM
Parent: #21
يا استاذ أنور
ازيك يا حبييب و مشتاق ليكم و شلة كاستاليا الراقين ..
خاصة العريس الكويس داك ..
اما بشأن أساسي فلعلك تفهم سر عدم عودته هنا منذ الأمس .
اما رأيته متجدعا بي هناك .
|
Post: #23
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-14-2015, 11:11 AM
Parent: #22
تحية و تقدير و أحترام ..
شوية مشغوليات و الله ..
شيلوا الصبر جاييكم ..
بالمثير و خطير ..
إن شاء الله ..
|
Post: #24
Title: Re: مرشح رئاسي سوداني بتاع شعوذة و رتينزات ..
Author: جعفر محي الدين
Date: 01-14-2015, 12:26 PM
Parent: #23
الأخ عصام دهب
سلام وتحايا
الشحتفة وقبلنا بيها والمقدمة الطويلة الما ليها داعي برضو قبلناها
اعتذارك مقبول وربنا ييسر مشغولياتك
أما حكاية نشيل الصبر دي فصعبة ياخ
فالحقنا بالحلقة الأولى والثانية سريع
والباقي على راحتك معاك الجمعة والسبت
|
Post: #25
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-14-2015, 02:26 PM
Parent: #24
من نافذة الفيس بووك ..
خالد ابودنيا · · Khartoum, Sudan
| Quote: المقدمة ما بايخة استاذ عصام بل كانت مهمه لاني قريت قبل فترة بان محامي سعودي عارض ابنة للبيع عشان حكاية التلاتة قضايا كده اتضح لي الامور شكرا جزيلا |
شكرا أخي خالد .. و تابع معنا ..
|
Post: #27
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-14-2015, 02:57 PM
Parent: #25
أخونا / جعفر ..
كيف حالك و إزيك ..
و يشهد الله ما قصدي شحتفة ..
في تلك الفترة كان هناك معقباً أو ( دعوجياً ) يتعامل مع المكتب الذي التحقت به ..
كان يتم تكليفه بحضور بعض الجلسات و مراجعة بعض الجهات الحكومية ..
و كان هو يقوم أحيانا بجلب بعض العملاء لغرض إنجاز أعمال لهم بواسطة المكتب ..
لأنه لا يمكنه القيام بها بنفسه وذلك لطبيعة تلك الأعمال المهنية ..
و في أحد الأيام ـ قبل إنضمامي للمكتب ـ قام بإحضار شخصين يريدان عمل إتفاقية ..
و توثيقها بشهادة الشهود لدى المكتب ..
كان الطرفان مواطن سعودي ـ و مكفوله الذي يعمل لديه ـ وهو مواطن سوداني ..
وموضوع التعاقد هو إستيراد أغنام من جمهورية السودان ..
و بالتحديد ( إناث أغنام ) لاحظوا ( إناث دي ) كويس ..
في المكتب و إلى جانب صاحبه المحامي السعودي ..
كان هناك مستشار قانوني سوري فاضل ..
و علمت أنه كان يوما ما نقيب المحامين في سوريا ..
المهم كان هو من قابل المتعاقدين بدءاً ..
و أتفق معهما على كافة تفاصيل الاتفاقية ..
و مضمونها أن يقوم الطرف السوداني ..
بتصدير إناث أغنام من السودان لمصلحة الطرف السعودي الذي هو كفيله ..
نسيت أن أقول أن مهنة الطرف السوداني كانت ( سائق ) حسب الإقامة ..
و على أن يدفع الطرف السعودي قيمة الأغنام و وهي مبلغ
من المبالغ ذوات الستة أصفار بالريال السعودي..
كان مبلغ ضخما ..
المهم تم عرض مسودة الاتفاقية على الطرفين ..
و قاما بالتعديل فيها حذفاً و إضافة ..
و أضحت جاهزة للتوقيع عليها ..
بعد إعتمادها من مدير المكتب ( المحامي السعودي ) ..
ــ
نواصل بعونه تعالى
|
Post: #28
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-15-2015, 08:56 AM
Parent: #12
سلام يا عمار ..
Quote:
ان شاء الله يفوز
واهو يبقى عندنا ريس عند شعبية من الجن .. |
من ناحية يفوز و طالما ما عمك مترشح ..
فلو اجتمعت معه الانس و الجن فلا يتعشم فوزا ..
|
Post: #29
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-15-2015, 10:40 AM
Parent: #28
بعد الإنتهاء من مراجعة العقد ..
تم التوقيع عليه من الطرفين أصالة ..
و بحضور شاهدين أحدهما سوداني و الآخر سعودي ..
و أستلم الطرف الثاني ( السوداني ) كامل المبلغ قيمة المواشي ..
التي ألتزم بتوريدها للطرف الأول ( السعودي ) ..
و هي إناث أغنام سواكنية ..
أي سودانية المنشأ يتم تصديرها عبر ميناء سواكن ..
المبلغ تم تسليمه نقدا للطرف الثاني بشهادة الشهود ..
و إقرار الطرف الثاني في العقد بإستلامه له ..
و في وجود المحامي ..
الذي قام بتوثيق الإتفاق و سلم كل طرف نسخة منه ..
لكن المفاجأة أنه ..
بعد فترة أقل من شهر ..
عاد الطرفان للمكتب مجدداً ..
و طلب الطرف السعودي تحديداً ..
إعداد صيغة قانونية جديدة ..
تؤكد على فسخ الإتفاق المبرم بينهما ..
وإبراء كل منهما لذمة الآخر ..
و بالفعل تم إعداد الصيغة المطلوبة ..
و لكن لم يتم التوقيع عليها ..
|
Post: #30
Title: Re: مرشح رئاسي سوداني بتاع شعوذة و رتينزات ..
Author: Kabar
Date: 01-15-2015, 12:53 PM
Parent: #29
عصام..حبابك يا صديق
كل سنة وانت طيب..
قلت لي بلدنا فيها جنس محن؟!!..وين يا عمك..
بلدنا بتاعة فنلتك على قول طيب الذكر صديقنا كيكي الله يطراهو بالخير..
قريت الخيط ده..وفي نفس اللحظة كنت بقرا كلام عجيب عن سيرلانكا..ولا اي كان اسمها..
اها عندهم رئيس هناك..قام دق الدلجة..وطوالي حاول يستدعى الجيش للتدخل..
ودقة الرئيس للدلجة..ما مهمة..
المهم الصحف اشتغلت بزول تاني.. عمك كجور (نظام منجم ، زيو زي بله الغايب.. الجماعة بتاعين الرتينزات اياهم)..الرئيس خاطي الكجور ده معاهو في القصر الرئاسي.. اها وكت الحالة ضاقت..قام استشاروا..والكجور ما صدق..طوالي قال ليهو ادعوا البلد لإنتخابات مبكرة (طبعا اهلنا ديلك نجاض ما عندهم تلكع بتاع نقاطع الإنتخابات وشنو كده ما عارف)..اها الرئيس سمع كلام عمك و اعلن الإنتخابات المبكرة..وخاضها ودق الدلجة زي السلامو عيلكم..!!
اللذيذة ..صحفنا بي هنا (ناس غرب الشمس من الكرة الآرضية) سابت ليك الرئيس الذي اخذ يلعق جراح الهزيمة وخشمو ملح ملح..واتلحت ليك صاحبنا الكجور (بتاع الرتينزات)..ولغاية كتابة هذا الخاطرة الجماعة متابعنو ليك..عمك مرق الشنطة الأولى من القصر الرئاسي..عمك مرق البراطيش..ياخي عالم حاقدة بي شكل..!!
ناس الرتينزات بقوا زي العولمة ، أو صنع في الصين..او كما قال..!!
كبر
|
Post: #31
Title: Re: مرشح رئاسي سوداني بتاع شعوذة و رتينزات ..
Author: سيف اليزل الماحي
Date: 01-15-2015, 01:51 PM
Parent: #30
.
| Quote: هذه المقدمة بايخة لكنها ضرورية للعلم و الإفادة .. |
عاد هي لكن داب بياخةا!! مجيهة عديل!
تحياتي استاذ عصام
ولضيوفك الكرام
.
|
Post: #32
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-18-2015, 10:36 AM
Parent: #31
شكرا لجميع الإخوة الأفاضل الذين مروا من هنا و نواصل بإذنه تعالى ..
|
Post: #33
Title: Re: مرشح رئاسي سوداني بتاع شعوذة و رتينزات ..
Author: جمال الباقر
Date: 01-18-2015, 01:11 PM
Parent: #32
| Quote: شكرا لجميع الإخوة الأفاضل الذين مروا من هنا و نواصل بإذنه تعالى . |
مولانا الناس دي منتظرة ليها كم يوم
كمل
|
Post: #34
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-18-2015, 03:05 PM
Parent: #33
شكرا دكتورنا الهمام جمال على المرور ..
و يشهد الله ما قصدي شلهتة ..
لكني و الله مزحوم .. مزحوم .. مزحوم ..
و قدر ما أقدر أضارف لي زمن بجي إن شاء الله و أكمل ..
|
Post: #35
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-31-2015, 05:44 AM
Parent: #34
تم إعنماد أسماء المرشحين لرئاسة الجمهورية و أرى إسم المترشح بتاع الرتينزات من ضمن المترشحين ..
|
Post: #36
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-31-2015, 06:04 AM
Parent: #35
لم تمض أيام قليلة حتى جاء الطرف السعودي إلى المكتب مهرولاً مذهولا ..
كنت حينها قد ألتحقت بالعمل لدى المكتب الذي كان حينها مكتبا صغيرا يافعا ..
و في المكتب سكرتير سوداني فاضل من قرية ود الضو العركيين ..
قام بمقابلة الطرف السعودي و أخبره بأن بالمكتب مستشار سوداني ( أنا ) ..
و إن بإمكانه مقابلتي بإعتباري من ينوب عن مدير المكتب في حالة غيابه ..
رفض الرجل مقابلتي وقال للسكرتير ( ما أبغى غير صاحب المكتب ) ..
ولاحقا قال لي الرجل الذي أضحى صديقي حتى اللحظة ..
( رفضت أن أقابلك لأن من نصبوا علي سودانيين لم اتوقع منهم ذلك ) ..
عاد الرجل للمكتب مساءاً و قابل مدير المكتب ..
إستدعاني المدير في حضرة الرجل فحييته و جلست ..
و أعاد الرجل ما حكاه للمدير على مسامعي ..
و قال ..
ببساطة نصبوا علي و أستولوا على كل ما أملك ..
و حتى ما تملكه زوجتي و ما ندخره و هربوا ..
|
Post: #37
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-31-2015, 06:29 AM
Parent: #36
قال الرجل ..
فلان ( و ذكر أسمه ) السوداني على كفالتي بمهنة سائق خاص ..
و أنا أعرفه منذ فترة و هو لا يعمل معي لكنه يعمل في مجال الأعمال الحرة ..
و لعلاقتي الطيبة بالسودانيين فعلى كفالتي أكثر من واحد لا يعملون عندي و بعضهم يعمل معي ..
و قد جاءني الرجل يوما و ذكر لي انه يريد ان يقدم لي خدمة وفاءا لخدمتي له في مواقف عدة ..
ذكر لي أن لديه بعض من يستعين بهم لمضاعفة الأموال و تنزيلها ..
و أقتعني بأنه صادق في قوله و أنه سيقدم لي ما يقنعني ..
أستغربت مما قال و تخوفت من حديثه عن عالم الجن و كيفية الإستعانة به في تنزيل الأموال ..
و شعرت بإني منقاد وراء رغبتي في الثراء و خاصة أن الرجل حكى لي عن مقدراته الخارقة ..
و ما دفعني لتصديقه أنني سمعت بكثير من مثل هذه القصص في مجتمعنا ..
طلب الرجل أن نجهز له غرفة منفصلة في المنزل ..
وقام بإحضار صندوق كبير ( شنطة حديد ) و أدخله بداخل الغرفة ..
و أطفأ النور و قرأ بعض التعاويذ ..
ثم قام بإطلاق بخور نفاذ الرائحة و أغلق الغرفة عليه ..
و طلب مني المغادرة على أن أعود إليه في منتصف الليل..
|
Post: #38
Title: Re: مرشح رئاسي سوداني بتاع شعوذة و رتينزات ..
Author: صلاح الدين موسى
Date: 01-31-2015, 09:33 AM
Parent: #37
وانا صاحى حتي بعد منتصف الليل
عشان نشوف حكاية المرشح الرئاسي بتاع الكواديك دا
تخريمه
سلام واحترام أستاذ عصام
|
Post: #39
Title: Re: مرشح رئاسي سوداني بتاع شعوذة و رتينزات ..
Author: عادل عبدالعزيز عبد الرحيم
Date: 01-31-2015, 09:46 AM
Parent: #38
معقولة يا دهب قصة تاخد كل الوكت ده
يلا ياخ ريح العالم دى
وانا زاتى معلق على فكره !!!!!
|
Post: #40
Title: Re: مرشح رئاسي سوداني بتاع شعوذة و رتينزات ..
Author: انور التكينة
Date: 01-31-2015, 02:45 PM
Parent: #39
سيادة المستشار ..
سليت روحنا ..
الغاز و لقيتو .. البحميك تتم القصة الليلة شنو ؟
عشنا و شفنا .. ازمة غاز فى جدة و ألغاز فى المنبر !!!!
|
Post: #41
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 01-31-2015, 08:54 PM
Parent: #40
يبدو أن رتينزة ما أصابت هذا البوست ..
فقد كتبت مداخلة طويلة و عريضة مواصلة للقصة ..
و لكني فقدتها في أقل من رمشة عين ..
و هانذا أتكاسل من إعادة كتابتها مرة أخرى ..
لكنى سأكتب بإذن الله حتى تنتهي القصة ..
سأكتب بعون الله متحديا أي شعور بالإحباط ..
و لتبقى الحقيقة ..
|
Post: #42
Title: Re: مرشح رئاسي سوداني بتاع شعوذة و رتينزات ..
Author: عرفات حسين
Date: 01-31-2015, 09:07 PM
Parent: #41
سيادة المستشار ..
لك الف تحيه
ليس هدا غريب عن سودان اليوم
والله
فيهم عميل للمساد و
مرشحون بشهادات مزوره
وفيها مرشحون كانو شغلين بدلكو الرجال ( والله)
وفيها مرشحون كانو عندهم طبلية سعوط ...
ارجو ان تواصل
|
Post: #43
Title: Re: مرشح رئاسي سوداني بتاع شعوذة و رتينزات ..
Author: sadig mirghani
Date: 02-01-2015, 10:33 AM
Parent: #1
سعادة المستشار شحتفته روحنا
|
Post: #44
Title: Re: مرشح رئاسي سوداني بتاع شعوذة و رتينزات ..
Author: جمال الباقر
Date: 02-01-2015, 11:21 AM
Parent: #43
Quote: يبدو أن رتينزة ما أصابت هذا البوست ..
فقد كتبت مداخلة طويلة و عريضة مواصلة للقصة ..
و لكني فقدتها في أقل من رمشة عين ..
و هانذا أتكاسل من إعادة كتابتها مرة أخرى ..
لكنى سأكتب بإذن الله حتى تنتهي القصة ..
سأكتب بعون الله متحديا أي شعور بالإحباط ..
و لتبقى الحقيقة .. |
ههههههههههههههههههههههههههههههههههههههه
اكتبها تاني انت ماشايف عادل ده قاعد ليك كيف
شكلو صبرو كمل
|
Post: #45
Title: Re: مرشح رئاسي سوداني بتاع شعوذة و رتينزات ..
Author: انور التكينة
Date: 02-04-2015, 08:43 AM
Parent: #44
01:43 م Feb 4,2015
سودانيز أون لاين
انور التكينة
الخرطوم
مكتبتي في سودانيزاونلاين
اصلو ما ممكن البوست ده يحتل و يغرق بدون نعرف باقى الحكاية ..
مولانا انت بتضجك علينا و لا شنو ؟
|
Post: #46
Title: Re: مرشح رئاسي سوداني بتاع شعوذة و رتينزات ..
Author: عصام دهب
Date: 02-04-2015, 09:03 AM
Parent: #45
02:03 ص Feb 4,2015
سودانيز أون لاين
عصام دهب
مكتبتي في سودانيزاونلاين
الأعزاء الأفاضل ..
أ. صديق / د. جمال / أستاذنا و صاحبنا / أنور التكينة و كافة المتابعين الأفاضل ..
و لعلك يأ صديقي أنور أنت من أكثر الناس علماً بتعاظم مشغولياتي هذه الأيام ..
اهو يا دوب الواحد يلقى فرقة للمتاوقة و الإعتذار ..
الواحد عشان يتذكر ما يكتبه عايز ليه أجواء صاااانة .. يا حليل الصنة ..
مع ذلك أعدكم ـ بعون الله تعالى ـ سوف أتذكر جيدا و أكتب ..
جدوا لي العذر و لكم العتبى ..
|
|