دعوة لجميع البورداب لتنظيم احتفال الذكرى 59 لاعياد الاستقلال بجدة ..

كل عام والجميع بألف خير
وكل عام والسودان عزيز معافى
مصانه حدودوه وحرماته ..
وكل عام وبلادنا ماضية فى معارج التحرر
من اغلال الفقر والجهل والمرض ..

البورداب بجدة
يمنون النفس بدعوة الجميع للاحتفال التاريخى لاعياد الذكرى 59 لاستقلال السودان المجيد
من نير استعمار بغيض
جثم على الصدور بعد مجزرة تخيروا لها أكثر شراسة
وبطشا وتعطشا للدماء ..

ففى مضابط مجلس اللورردات البريطانى
اشترطوا بأن يكون قائد حملة إستعادة السودان جنديا لايرحم
ROOTHLESS SOLDER
فوقع أختيارهم على سردار الجيش المصرى
اللورد كتشنر الذى سفك دماء زكية وغزيرة
بمدافع المكسيم التى استخدمت لاول مرة فى التاريخ
فسقط احد عشر ألفا من الشهداء ..

لقد ابيديت صفوف متراصة من أشجع الرجال
وأكثرهم إزدراء للموت بأسم الحضارة والتجارة والنصرانية
كان الاستقلال بغير نضالاتهم ممكنا ولامرجوا
وستظل ذكراهم نبراسا يهدى مسيرة الأمة القاصدة
نحو التحرر والانعتاق من التعصب الى التسامح
ومن الانانية الى نكران الذات
من التفرقة والشتات والتشرذم
الى الوحدة والانسجام
ومن الفوضى الى سيادة القانون والنظام ..

فالدعوة للجميع دون إستثناء فالوطن للكل

تاج السر

سلام مربع


طالما أن الدعوة للبورداب (بورداب جدة) نثني وفالنتفق على المكان والزمان ولتكن إستراحة كبيرة وجميلة ومناسبة لوجود الأطفال يعني من ناحية السيفتي وأحواض السباحة والخوف منها على الأطفال

مع تحياتي

سلام و أحترام الأعزاء / تاج السر / فقيري
ممكن أجئ أسمع غناء و أقضي وكت حلو مع الشباب ..
لكن شخصياً ما فرحان بالإستقلال ..
و ندمان سافي التراب إني فرحت بيهو يوم ..
الأيام دي قاعد أقرأ في كتاب إسمه ..
( حكايات كانتربري السودانية ) ..
قصص أنجليز عملوا في السودان ..
و كل ما أقرأ قصة ..
بتحسر على إنو الناس ديل مشوا بدري ..
و الله بدري شديد ..
هسة لو كان قعدوا لحدت 2000م بس مالو ؟؟
أنا معاكم يا تاج لكن و لا فرحان بالإستقلال و لا حاجتين ..
و الله يوفقكم ..

تعرف يا عصام دهب .. بعد التحية والذي منه

أنا بتفق معاك في الحتة دي لكن عاوزين نحتفل بيهو بإعتبار إننا عشمانين يكون في إستقلال في القريب العاجل ما من الإنجليز من الفينا والعلينا

بالتوفيق إن شاء الله
ولعلها مناسبة تجمع جميع بورداب جدة قاصيهم ودانيهم كبيرهم وصغيرهم ..
ويا مثبت العقل والدين ..

فلتدم انت ايها الوطن

يكفي ان نختفل بهويتنا الاسفيرية التي جمعتنا

الاسم : جمال السنوسي

الهوية : مواطن اسفيري

البلد : سودانيز اونلاين


حاشية ::

قد نختلف كثيرا .. ولكن يجمعنا وطن واحد .. سودان ... نيزاونلاين

لك التحية أخي تاج السر محمد حامد لرفع البوست وبه سوف ترتفع رايات كثيرة بعد نيل الاستقلال بأيادي وطنية خالصة
ما أنفكت تعمل بكل التجرد والوطنية السمحة حتي كان لهم ما ينشدون .. عاش السودان ديمقراطيا حرا أبيا ..

و أنشاء الله سوف يكون الحدث شبيه بهذه النخبة المتميزة من البورداب بالغربية كافة دون أقصاء لاحد ..
فاعتبروني جند من جنود حفلكم الكبير...
.............................................................. عامري

التحايا والود تاج السر محمد حامد

إستقلال شنو الجاي تقول عليه ......

أنا رأي أن هذه الكلمة إستغلال مفتري عليها .... لآنو الجواجات عندما كانوا عندنا سموهو إستعمار ..... وفي الحقيقة والشهادة لله همو نفر عمروا الأرض حيث ما سكنوا ..... سكة حديد ونقل نهري زي الساعة ..... تعليم وصحة ا
وحدمة مدينة كانت لنا فخر في قاارتنا والمنطقة العربية كما نهل علمائنا الذين نفاخر بهم من علومهم ومعارفهم ....... أن نفرح بغياب مشاعل النور والمعرفة ,,, لعمري هذا نكران للجميل .........

ما نريده الآن هو التحرر من الدولة الدينية التي أزلتنا ومرمقت أنوفنا في التراب وجعلتنا مضحكة بين الشعوب
الدولة التي لا تعرف حتي الآن :
- الغناء حلال ولا حرام
- تشريد الناس وقتلهم بدون ذنب حلال ولا حرام
- الإستيلاء علي المال العام حلال ولا حرام
- جلد النساء حلال ولا حرام
- دق التنك زاتووووو حلال ولا حرام

إذا كنتم مصرين علي الإحتفال ودق الدلوكة ... فلنحتفل بإكتوبر الأخضر ..... ومارس حارس سكة إبريل ...... وسبتمبر دين في أعنافنا الي أن يطل فجر الحرية ويتحقق الإستقلال الحقيقي

ومعاك يا عصام دهب الإستغلال الذي عنه تتحدثزن أنا ده شخصيا لا يعني لي شيئا ......

سلام للاخوه الكرام
الذين يتباكون
الاستعمار غير مقبول بأي شكل
ومرحب بالاستقلال
نحن في بدايه الطريق كشعب نقوم ونسقط الي ان نصل الي بر الامان

إلى أن يطل راعي البوست
الحضور إن شاء الله :
1. تاج السر محمد حامد
2. عاصم فقيري
3. عصام دهب
4. عبد الوهاب المليك
5. بكري الخير
6. جمال السنوسي
7. عثمان العامري
8. سامي عطا المنان

Quote: ومعاك يا عصام دهب الإستغلال الذي عنه تتحدثزن أنا ده شخصيا لا يعني لي شيئا

عصام دهب اسمه مكتوب أخي سامي عشان كدا كتبت اسمك ..

UP
لنعتبرها دعوة للم شمل بورداب جدة

Quote: لنعتبرها دعوة للم شمل بورداب جدة

عمنا المليك صباحك خير
لم الشمل ده عايز ليه قياده من قدامي المحاربين في البورد ذو حكمه ويمتاز (باللداحه)

ابعد من تسجيل الاسماء وتبني الموضوع افضل لك، تجربه الفطور السابق نتائدها ماثله امامنا وما صاحبها من ضعف وهشاشه ودتنا التوج
تحياتي،،،

Quote: عمنا المليك صباحك خير لم الشمل ده عايز ليه قياده من قدامي المحاربين في البورد ذو حكمه ويمتاز (باللداحه) ابعد من تسجيل الاسماء وتبني الموضوع افضل لك، تجربه الفطور السابق نتائدها ماثله امامنا وما صاحبها من ضعف وهشاشه ودتنا التوج تحياتي،،،

إبننا محمد هاشم أبو زيد
حز في نفسي أن ينزل البوست فرفعته وكتبت حتى يظهر الأخ تاج السر
لن أعيد الكرّة مرة أخرى ولا يلدغ المؤمن من جحر مرتين ..
ويا مثبت العقل والدين ..

حضور كامل الدسم باذن الله

وكذلك حضور ولأول مرة سوف أحضر بكامل أفراد الأسرة

الرجاء توفير حارس شخصي للأطفال .. عندي أطفال ربنا يحفظهم منهم اتنين صغار مزعجين وكثيري الحركة !

__________________
سوف أتحمل نفقات الخدمات الخاصة في حال التعاقد مع شركة رعاية للأطفال أو نيرسنق

يا أخوانا مجموعة الخمسين ما ظهروا كلهم مالهم .. ما يكونوا بيعملوا في واحدوة براهم كمان !

نرجو من جميع بورداب جدة أعضاء هذا المنبر التواجد في هذا البوست حتى تكون المناسبة جامعة للكل !

مبدأ خلق بيئة تكون فيها المعلومات المتعلقة بالمناسبة فكرة وتنظيما متاحة للكل ومنظورة ومفهومة ومتوفرة معلوماتها من خلال النشر وفي وقت مناسب وكافي وتوفر النية للانفتاح على كل الاطراف ذوي العلاقة بالمكان مؤشر جيد و دليل للنوايا الصادقة ،
حضور يا بورداب من اجل الاستقلال لكافة اشكال الاستغلال.

Quote: لن أعيد الكرّة مرة أخرى ولا يلدغ المؤمن من جحر مرتين ..

مشكــــــور عمنا المليك لتفهمك وسعه صدرك.اذا لابد من الاتفاق علي سطج هذا البوست علي اساسيات عقد اجتماع علي هامش الاحتفال بعيد الاستقلال لنخرج بنتائج طيبه تكون مقبوله للجميع.

اعتقد جوهر الخلاف كان بسببين: نوع النشاط المقام و الشفافيه في صرف الاموال

هنا برضواعتقد لازم نتفق عن طبيعه النشاطات المفروض تقام وكيفيه الصرف. (لابد من دستور مصغًر)
العفويه ما بتنفع والنظام سمح

انا رأي ان ما كل النشاطات تتم وفق نظام الشيرنغ واي برنامج ربحي يقام بعيد عن البورداب والبورد
نسمع الاراء المختلفه
تحياتي،،،

.
.

.

.


جاهزين وحضـور بإذن الله وأقترح أن يحدد له يوم الخميس الموافق 29 يناير 2015م



.

.
.

.

.


أبـــــــتاه ســـــلاماً وتحـــــية ،،
من جرح الأحزان اللاعق سهد الليل قضية ،، من أحدث أطفال السودان في أقصى الأركان الشرقية عاشوك حديثا في الحدقات شيئا أسطوريا تاريخاً يقرع جرس الحس مراراً يزرع في الآهات نشيداً أبديا حين الموت تولى حطب القمة... و انتحرت في ليل الخرطوم الحرية ،،،،

الوفاء للسودان والانتماء للسودان يعلو على كل وفاء وولاء التحية لأجيال حملت الراية وقاتلت في ظلها من أجل السودان مرادفاً لوحدة ترابه والتحية لجيل البطولات الذي مضى بعد أن سجل تاريخاً ناصعاً والتحية لجيل التضحيات الذي حمل العبء ينافح عن الوحدة ويبني المستقبل ويصون الاستقلال والتحية لكم جميعاً أبناء وبنات شعبنا العظيم..والسلام عليكم ورحمة الله وبركاته ،،،،



.

حضورا ان شاء الله ان مد الله فى الاجال

ما شفناالاسد بيلاعب الجاموس نركب صافنات نجيبه ضرعانيه هيييع من مناسبه سابقه

البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى

حضور بأذن الله

مودتي

الرحــــال

شنو الحاصل

؟؟؟

أولا لكم جميعا عذرى وأعتذارى
للتأخير ..
وكان خارجا عن أرادتى
فلكم العتبى ..

مؤيدون ومستنكرون
كلاهما لهم فى القلب أشياء وأشياء
مادمنا سودانيون نحمل الحب والاحترام والتقدير لبعضنا البعض

كما تعلمون تحتشد هذه الايام
اعياد تضفى على الوطن روعة الانتماء لهذا السودان
الممتد فى جغرافيا وجداننا وتاريخنا العامر
بالقيم الراسخة التى تؤكد مستقبلا زاهرا لاجيالنا القادمة
نريد أن نحتفل ونحن نفرش الامانى وردا لابنائنا الصغار
بالوعد الاخضر ونحلق فى سماء الاحلام
أن السودان قوى بأبنائه ..

ونحن البورداب جميعا دون أسنثناء نريد أن نحتفل لان الاستقلال
جزء من تاريخنا وتراثنا ..
ومن هنا تخرج قوافل الوطنية الى سوح بلادى
كل ما اريده أن يكون شعارنا لا للفرقة والشتات
يجب أن نوحد كلمتنا وأن نكون يدا واحده
نتكاتف فى السراء والضراء
دون أى ضغينة .. لآن الامور باتت تنحدر
من يوم الى آخر وكأنها تندفع بآلة تزلج
من قمة جبل جليدى الى سفحة
فقد تعددت النوائب والمصائب وتكاثرت وأختلطت عناصرها
وأمتزجت بحيث أصبح من العسير فصلها عن بعضها
أو حتى فهم مكنوناتها الاساسية
فأنعكس ذلك على مشاعرنا وأحاسيسنا ..

إذ تلاطمت وأختلط حابلها بنابلها
فأضحى ما كان يضحكنا يبكينا أو يبكينا ماكان يضحكنا
ويفرحنا ماكان يغضبنا ويغضبنا ماكان يفرحنا
وأمتزج طعم الاشياء ..
فلا نكاد نفرق بين حلو ومر .. ولايؤرقنا قيظ
ولايلسعنا برد .. ولنا العذر فى كل ذلك ..

لذلك أيها الاحبه .. أجتمعوا ولاتفرقوا
كونوا يدا واحده من أجل هذا الوطن الكبير
ولا أدرى هل سيكون أحتفائنا بالذكرى التاسعة والخمسين للاستقلال
هل نحس بذلك الفرح وذلك الفخر الذى كان طابعنا
قبل ذلك ..
أم أن احتفالنا المقبل ماهو إلا بكاء على اطلال عفت ؟!!!

تاج السر

حبيبنا وصديقنا تاج السر

انت صاحب البوست
اقترح وطلع الناس من المربع الواقفين فيهو ده !!!
افكارك ..اقتراحاتك.. وطبيعي لاغنى لنا عن باقى الاخوان باقتراحاتهم وآرائهم !! حتى نتقدم بصورة ايجابيه فى تنظيم الفعاليه

تقديري واحترامي

سلام للجميع مرة أخرى

أقترح الجمعة يوم 16ينايرأو الجمعة يوم 23 يناير

عشان أغلب الناس إجازتها بقت جمعة وسبت


أنا غايتو أي واحد في الإتنين أوافق عليه

بسم الله ابدأ وبه اختم وصل وسلام على الخاتم الامين سيدنا محمد وعلى آل بيته وصحابته ومن تبعه الى يوم الدين

ابدأ بنفسي مقترحا لانزال هذا الفعالية للتنفيذ وبالتالي لا بد من وجود فريق عمل يلقى على عاتقه التجهيز لهذه الفعالية وبالتالي ليبدا في الاستعداد والانطلاق في تحديد يوم الاحتفال والمكان وما يستلزم من معينات

من هم بورداب جدة ؟ هل هم فقط الحيز الجغرافي لمدينة جدة ام المنطقة الغربية بصورة عامة وبالتالي تشمل ما يعرف بالغربية

اعداد بطاقات دعوة للضيوف وضيوف الشرف لهذه الاحتفالية

تجهيز ورشة عمل للبرامج المصاحبة لهذه اليوم

وضع دارسة للمساهمة المالية لتكلفة هذا اليوم

عكســـة :- يلا البقية الباقية تكمل المقترحات لانو حقيقة ان شايت ليكم من الجوال وفي الطريق كمان عشان كده مشتت ومن غير تركيز

مودتي


الرحـــال

عن نفسي ارشح لهذه اللجنة وفريق عمل هذه االمناسبة كل من :-

1/ الاخ الرفاعي حجر ... رئيسا
2/ الاخ السماني _(اساسي ) ... مسؤولا ماليا
3/الاخ مجدي ابو قصي .. التنسيق والدعوة
4/الاخ عبدالوهب المليك .. عضوا
5/ الاخ سفيان قرضية ... عضوا

عكســـــة :- طالما هي اقتراحات وفي جو ديمقراطي هذا هو خياري تاكيدا للنوايا البيضاء بعيدا عن اي خبايا وخفايا ومؤامرة ، و في النهاية لمة حبية نطلع من الدنيا دي بقلوب بيضاء ممتلئة بالسلام ومحبة للجميع


مودتي


الرحــــال

Quote: عن نفسي ارشح لهذه اللجنة وفريق عمل هذه االمناسبة كل من :- 1/ الاخ الرفاعي حجر ... رئيسا 2/ الاخ السماني _(اساسي ) ... مسؤولا ماليا 3/الاخ مجدي ابو قصي .. التنسيق والدعوة 4/الاخ عبدالوهب المليك .. عضوا 5/ الاخ سفيان قرضية ... عضوا عكســـــة :- طالما هي اقتراحات وفي جو ديمقراطي هذا هو خياري تاكيدا للنوايا البيضاء بعيدا عن اي خبايا وخفايا ومؤامرة ، و في النهاية لمة حبية نطلع من الدنيا دي بقلوب بيضاء ممتلئة بالسلام ومحبة للجميع مودتي الرحــــال

ناسك ديل يا أشرف شايفين البوست وما عاوزين يدخلوا فيه !

دا إذا ما كانوا بيرتبوا لمناسبة مخصصة للمجموعة الواتسابية

الحقيقة طبعاً مرة لكن لا بد منها

Quote: ناسك ديل يا أشرف شايفين البوست وما عاوزين يدخلوا فيه ! دا إذا ما كانوا بيرتبوا لمناسبة مخصصة للمجموعة الواتسابية الحقيقة طبعاً مرة لكن لا بد منها

الاخ / عاصم ،،، تحياتي

نعم ولكن علينا ان نكون انفتاحيين على الجميع طالما يلمنا البورد وتحت اسمه فالنجتمع جميعنا بمختلف مذاهبنا الفكرية ومدارسها وانتماءاتنا الحزبية دون اقصاء واختزال لاحد ،، والله لم ارشحهم الا بسبب انني التمست المقاطعة منهم وبترشيحي هذا ما هو الا رسالة ان جسم البورداب جسم عام يلم الاصحاب والاضداد

مودتي


الرحـــال

شكرا اشرف الرحال على المبادره
هل الرفاعي حجر موجود بالمملكة ام بالسودان !! مجرد سؤال فاذا كان موجود فى جده ومن واقع التجربة فهو خير من يتولي امر هذه الفعاليه
ثانيا اثنى على قائمة الاخ رحال ولو تم اضافه الاخ تاج السر محمد حامد يكون افضل لما له من خبرات اعلامية وكده

تحياتى وفى انتظار راى الاخوان

(أساسي)
حبيبنا الغالي عليك الله (ماتتاوق) وتتخارج
ادخل وورينا مواهبك فى تنظيم الفعاليات وخلينا نحتفل وبرضو نقول (جده غير) باذن الله

للجميع تقديري وامتناني

أنا ما عندي غضاضة في ترشيحهم لكن أنا شايف هم متفقين على شيء واحد وهو أن يكون تمثيل البورداب في مجموعة الواتساب والتي أقروا هنا وبشهادة عدد من الأخوة وبعضهم معهم في القروب أن القروب له سقف محدد في عدد الأعضاء بل حددوا ذلك السقف بعدد 50 عضو وهذا يعني أنهم لا يستطيعون إضافة أكثر من 50 ونفس الوقت يقولوا ليك رقم الجوال ياهو دا لو عاوز تشترك، أرجعوا للمداخلات دون أن آتي بإقتباس لها هنالك من تم شطبه من القروب بحجة أن العدد إكتمل !

انا للان ما فارز حاجتين
الاولي هل بتتعاملوا مع الناس الما جو البوست دا كجسم قائم وكيان ليهو فعالياته ودايرين ممثلين منه يباركوا العمل دا ويشاركوا باسم المجموعة ؟ او
بتتعاملوا مع افراد بورداب جدة من داخل مجموعة الواتساب والما منضمين تحتها علي السواء ؟
الحاجة التانية هل الدعوة هي للاحتفال بالاستقلال ام لعمل صلح بين مجموعتين وتوحيدهم ؟

للاجابة علي تلك التساؤلات اعلاه ..هناك بعض التوضيحات التي لابد من وضعها في الاعتبار قبل الاجابة.. من قبل اي واحد من السائلين عن الذين لم يدخلوا الي البوست ويوقعوا بالحضور في الفعالية .
اولا اذا كان التعامل معنا كجسم قائم في مجموعة الواتساب فهذا امر لا يخص احدا بعينه فللمجموعة ان تتفق علي راي وتوجه احد بالتحدث باسمها وانا هنا اتحدث عن نفسي فقط
اذا كان التعامل معنا كافراد في بورداب جدة فاني اري ان الكثيريين جدا من بورداب جدة بل السواد الاعظم منهم في المجموعة وخارج المجموعة لم يوقعوا بالحضور ولكن التركيز كان فقط علي مجموعة الواتساب وافرادها الذين لم يوقعوا بالحضور او يعتذروا
لذا لا اري مبرر لتركيزكم علي عدد بسيط من بورداب جدة دون التركيز علي السواد الباقي فيه اجحاف علي البقية ممن هم ليسوا في مجموعة الواتساب
اما اذا كانت الدعوة للاحتفال بالاستقالال فهذا امر جامع وينطبق عليه القول اعلاه
اما اذا كان التركيز علي عمل صلح بين مجموعتين فانا لا اري ان هناك مجموعتين اصلا بل مجموعة واحدة قائمة والاخرين خارجها ولا اري ان هناك اي خلافات او مشاكل او ما يستدعي عقد جلسة صلح او خلافه فمثلا بيني وبين الرحال معاملات مالية قائمة ولا احمل له في نفسي ضغينة او لا اجد ما يستدعي ذلك وبالمقابل من خلال تعامله معي في غير المنبر لا اتوقع ان في نفسه ضغينة وهكذا هذا مجرد مثال فقط والكل الاخرين ايوب وجمال وغيرهم علاقتنا سمنة علي عسل ...فايوب قبل فترة قصيرة قدم لي دعوة غداء شخصية في مطعم ابل بيز وكانت لفتة جميلة اتمني ان تتكرر دائما وا تكون عادة ارجو ان لا ينقطع عنها ^_^
بالنسبة لمجموعة الواتساب فهي تسع عدد مائة فرد ومن خلال الواقع فبورداب جدة لا يزيدون عن ذلك العدد فمن شاء الانضمام الي المجموعة ففي الامر متسع للانضمام وهناك اماكن شاغرة تسع الجميع
وعن نفسي انا بحاجة لاجابة عن الاسئلة اعلاه لكتابة راي حول الدعوة بعد مراجعة برنامجي والتزاماتي خلال تاريخ الدعوة الذي يتم الاتفاق عليه
...
اقتراح الاخ الرحال بتعين لجنة برئاسة الرفاعي وامانتي للمال وعضوية سفيان فيه اظهار لنا كاننا طلاب قيادة وسلطة وهو امر مرفوض بالنسبة لي ... فانا لا اجد في نفسي توقا لاي منصب او تكليف هذا امر بالاضافة لان هذه الفترة من العام تشهد ضغط عمل ميزانيات وموازانات واقفال قوائم مالية مما يستدعي انشغالي وعدم تفرغي لاي امر جانبي هذا جانب اخر ..
كما واني ضد لجنة علي رئاستها الاخ الصديق الرفاعي حجر ليس لعدم ثقتي في مقدراته الادارية ولكن لاختلافنا الشاسع في الافكار والرؤي .. ولاني غير مقتنع اصلا بان لجان البورداب بحاجة الي رئيس .بل افراد يتم تكليفهم بانجاز عدد من الاعمال المحددة واي شخص تم تكليفه بعمل الاتصال يقوم بالتنسيق بين هؤلاء الاشخاص وخلاص

جناح القصر وجناح المنشئة ... :)
____
قسم الفضيل مضوي ... بورداب جناح ام جكو ... :)

. في انتظار اجوبة

الأخ تاج السر
بان عليك الأمان
وكل الأخوة المتداخلين
لكم التحية والتقدير
بورداب جدة كيان كبير شامل يضم كل أعضاء المنبر العام لسودانيزأونلاين دون فرز (سينيرهم وبرلومهم) ..
ومجموعات الواتساب لبورداب جدة قروبات يلتقي فيها البعض ببعض مثلها مثل أي قروبات أخرى يشترك فيها العضو .. وقد تكون فيها برامج ودعوات واحتفالات على مستوى القروب ولا ضير في ذلك ..
مناسبة تكريم الأخ الدكتور بشرى الفاضل أعادت إلى الأذهان ما حدث خلال فطور رمضان وما تلاه .. وفي تقديري أنه لو تم الاعلان عنها في المنبر العام ، لكان رد الفعل حولها أكثر من عادي وربما كانت فرصة لكل الأخوة المعاتبين واللائمين أن يشاركوا فيها دون التطرق لأي احتمالات أو تأويلات ..
أما الدعوة للاحتفال بعيد الاستقلال أعتقد أنها موجهة لكافة أعضاء المنبر دون فرز وهي مناسبة ليست بالصغيرة وتحتاج لاعداد وتحضيروبرنامج ضخم ومشاركة بالرأي والمال والجهد .
و اللجنة التي اقترحها أخي أشرف الرحال – والتي وضعني عضواً فيها - عددها قليل قياساً بما تحتاجه المناسبة من جهد وتحضير وعليه أقترح زيادتها بأعضاء آخرين من المنبر .. وسوف أفسح المجال لأحد غيري شاكراً ومقدراً ثقة أخي أشرف في شخصي.
هذا البوست يجمعنا نتناقش ونقترح ونقرر ونكلف ونصل بآرائنا إلى تكوين مجموعة العمل المقترحة ونكلفها بتنفيذ ما اتفقنا عليه وتعود لنا قبل الموعد المقترح وتطلعنا بسير العمل وما تم من ترتيبات.. ودعونا نعمل باسم بورداب جدة دون أي تصنيفات وكل حسب وقته وظروفه ونلتقي كبورداب ونفترق أخوة وأحبه وكل على هواه ..

ويا مثبت العقل والدين ..

الاخ اساسي ،،، تحياتي

طبعا اخوك يهتم بتفاصيل التفاصيل وطالما منتظر اجوبة سوف اجيبك فيما يخصني فقط

ولتأكيد معلومة مهمة جدا الغرض من الاحتفال بالنسبة لي باسم بورداب جدة ينطلق من ميزة نلتقي فيها كلنا كشركاء في الوطن واعضاء في المنبر دون اي مسميات اخرى او اي غرض غير الاحتفال ولم يتبادر لذهني غير هذا المقصد

نجي لما يخصني :-

Quote: الحاجة التانية هل الدعوة هي للاحتفال بالاستقلال ام لعمل صلح بين مجموعتين وتوحيدهم ؟

اكيد دعوة للاحتفال بالاستقلال بدليل انك شخصيا قلت العلاقة طيبة ما بينك وبين ايوب والرحال والسنوسي ونحن ذكرتنا في اكثر من مناسبة تتعلق باختلاف الاراء والمواقف فيما دار بخصوص الواتس وبعض الاحتفاليات وبالتالي ينتفي اصلا مبدأ ان هنالك تخاصم مما يستوجب صلحا

Quote: اما اذا كان التركيز علي عمل صلح بين مجموعتين فانا لا اري ان هناك مجموعتين اصلا بل مجموعة واحدة قائمة والاخرين خارجها ولا اري ان هناك اي خلافات او مشاكل او ما يستدعي عقد جلسة صلح او خلافه فمثلا بيني وبين الرحال معاملات مالية قائمة ولا احمل له في نفسي ضغينة او لا اجد ما يستدعي ذلك وبالمقابل من خلال تعامله معي في غير المنبر لا اتوقع ان في نفسه ضغينة

اكيد ليس ما بيني وبينك من ضغائن وان كان هنالك عتب عليك ان مشاكل الواتس واختلاف الاراء حول ادارة القروب التي اختلفت فيها مع حجر هو شأن بيني وبينه وفي ا\طار الواتس وليس المنبر وبالتالي نقل المشكلة هنا وعرضها مع بعض التفاصيل وربطها بنظرية المؤامرة في افطار بورداب جدة ده خلق حالة مش طيبة ولكن مهما حصل تأكد ليس هنالك ما اضمره لك او لحجر بدليل تواصلي مع الاخ حجر لم ينقطع ، اما التعامل المالي هو موضوع الصندوق الذي جمعني بكم من ضمن الشغل الجميل لقروب مجموعة المطار التي التقينا فيها بكل ود ومحبة واحترام

Quote: اقتراح الاخ الرحال بتعين لجنة برئاسة الرفاعي وامانتي للمال وعضوية سفيان فيه اظهار لنا كاننا طلاب قيادة وسلطة وهو امر مرفوض بالنسبة لي ...

الاقتراح ده هو نفي ما تم تسويقه عن طريقك في المنبر هنا على انني وجمال خططنا لابعاد الاخ حجر من قيادة امر البورداب في افطار الرمضان السابق والاستفادة من فرصة تواجده في السودان وهذه الخطوة مني فقط هي رسالة لك ولغيرك مهما كان اختلاف الرأي والمواقف لا يصل لشخصنة الامور.


عكســــة :- تحت الطلب لاي استفسار او اجوبة ترى انني لم اتطرق لها

مودتي

الرحــــال

ايضا في حالة اعتذار لجنة الاخ حجر حسب الايحاءات المقروءة من مداخلة الاخ اساسي ، ارشح لجنة اخرى تتكون من :-

الاخ / السماني عمارة ،،، رئيسا
الاخ / حافظ فتحي ،،،، للمالية
الاخ / ايوب خليل ،،، سكرتير اجتماعي
الاخ / تاج السر ،، للاعلام
الاخ / جمال السنوسي ،، عضوا
الاخ / عاصم فقيري ،،، عضوا


مودتي

الرحــــال

هو يا أخوانا صاحبي حجر دا لازم يكون قيادي يعني .. ما يشوف ليه شعلة تانية !

____________________
ويا أساسي سيبك من الكلام دا كله وما ترجعنا للمربع الأول

مجموعتكم تظل مجموعتكن وتظل منسجمة؛ السؤال هو يعني البورداب ما عندهم حق تكون ليهم مناسبات جامعة لا تقف عند حدود الـ 50 أو الـ 100 والتي واحدة منها على الأقل هي سقف عضوية الواتساب ؟

ارجو شاكرا ومقدرا من الاخوان :
أساسي + عاصم + الرحال
الخروج من مربع الجدل حول (المجموعتين) لانو الموضوع ده تركناهو فى بوست سابق للاخ عاصم !!! بحل او بدون حل ياشباب خليناهو ورانا
خلونا نحترم (البوست) ده وصاحب البوست اخونا تاج السر عشان مانفتل ليهو البوست عسى ولعل نطلع من البوست ده بفائدة


تحياتى وتقديري واحترامي للاخوان أساسي وعاصم واشرف الرحال ودمتم

....محمد الهادي ....

Quote: ارجو شاكرا ومقدرا من الاخوان : أساسي + عاصم + الرحال الخروج من مربع الجدل حول (المجموعتين) لانو الموضوع ده تركناهو فى بوست سابق للاخ عاصم !!! بحل او بدون حل ياشباب خليناهو ورانا خلونا نحترم (البوست) ده وصاحب البوست اخونا تاج السر عشان مانفتل ليهو البوست عسى ولعل نطلع من البوست ده بفائدة تحياتى وتقديري واحترامي للاخوان أساسي وعاصم واشرف الرحال ودمتم ....محمد الهادي ....

علم، وتم الإلتزام بما لفيه

مع تحياتي وتقديري

عاصم فقيري

يا عاصم انت الرجعتنا للمربع الاول

تركيزك علي اسماء والمطالبة الضارية بحضورها للبوست يرسخ لهذه العودة .. كلامي واضح جدا فوق ما دام الامر يخص كل بورداب جدة لا اري اي سببا يدعو الي انتظار افراد بعينهم لدخول البوست والملاحقة المستمرة لذلك .. لم يحجر احدا علي الجميع القيام بالفعالية والدليل اني قلت استجابتي مربوطة بتحديد اليوم والتزاماتي الشخصية في ذلك اليوم ..
العادة في هذه الفعاليات قيامها بمن حضر
اما انتظار موافقة فلان وعلان وربط الفعالية ونجاحها بحضورهم ترسيخ لفهم خاطئي انا لا استوعبه

ــــــــــــــ
الاخ الرحال شكرا للرد الضافي والذي لم يجب علي اي من اسئلتي اعلاه نشكر لك المحاولة

د. محمد الهادى عبد الرحيم
انت زاتك ادفر لي قدام.

مفروض يتم تحديد الزمان والمكان والفنان (اغنيه عيد الاستقلال)
دعوه بعض الرموز الوطنيه ان وجدت
كلمه بالمناسبه (اعتقد دي مافيها مشكله)
المناسبه بمن حضر وعلي نظام الشيرنغ

----------------------------------------------------
اساسي قبل الكراسي لكن اتعزز الليمون. ناس الواتسابات يمتنعون والمشاركه بصفه بوردابي فقط

يا محمد ابو زيد .. اسع كان في سبب حيمنعني من الحضور حيكون خوفا علي نوم فنانا محمود مصطفي من النفخ الكتير وتبوظ لينا الحفلة
لانه في اخر فعالية شديتا لينا الاتنين لمن عرفنا حاجة ..

تاني كان اسالك من تنس الطاولة اضحك علي

كثير تلج ................

أساسي ده ملح بورداب جدة والواتساب ..... يا عاصم وجمال السنوسني شوفو ليكم طريقة لإستعابه وليست لتتجينة لأنه صعب المراس

وكااااااااااااااااااااااااااااااك بتصرف من محمود مصطفي

Quote: خلونا نحترم (البوست) ده وصاحب البوست اخونا تاج السر عشان مانفتل ليهو البوست عسى ولعل نطلع من البوست ده بفائدة

شكرا .. شكرا محمد الهادي ، ولك ما تريد ان شاء الله



مودتي

الرحال

سودانيين من سنة حفروا البحر او قول من سنة الإسغلال والإستقلال ما قادرين يتفقوا على شئ...

مناقرات وخلافات وعوك وعاك...
المستقليين ليها شنو؟


لكن برضو حضور إن شاء الله ...في الزمان والمكان...
واقول لاخونا عبدالوهاب المليك ...ماتاخد في خاطرك ...ارضاء السودانيين غاية لا تّدرك...

_____

تحياتي اخي تاج السر...

الأستاذ تاج السر محمد حامد وضيوفه الكرام تحية طيبة

Quote: مجموعتكم تظل مجموعتكن وتظل منسجمة؛ السؤال هو يعني البورداب ما عندهم حق تكون ليهم مناسبات جامعة لا تقف عند حدود الـ 50 أو الـ 100 والتي واحدة منها على الأقل هي سقف عضوية الواتساب ؟

الأخ عاصم فقيري ومن الذي قال أن لا حق للبورداب بجدة من إقامة مناسبات جامعة من خارج قروب الواتساب والذي تسميه مجموعة الخمسين وهم لتصحيح المعلومة عددهم 64 وليس 50 .
وأكبر دليل على كلامي هذا البوست المفتوح من قبل الأستاذ تاج السر وهو لا ينتمي لمجموعة ال64 وهو بمثابة دعوة عامة لجميع بورداب جدة للإحتفال بذكرى الإستقلال وفي هذا البوست
إذن لا حجر على أحد وليس هنالك ما يمنع أي بوردابي بالقيام بمبادرة هنا عبر المنبر .

Quote: يا أخوانا مجموعة الخمسين ما ظهروا كلهم مالهم .. ما يكونوا بيعملوا في واحدوة براهم كمان !

وهل بالضرورة ظهور كل أعضاء المجموعة لتأكيد حضورهم ومشاركتهم ؟؟؟ وهل في حالة عدم ظهورهم هذا يعني أنهم بيعملوا في واحدة براهم ؟؟؟
على كل حال هنالك خمسة من المجموعة أكدوا حضورهم في هذا البوست وهم عصام دهب ، المليك ، بكري الخير ، سامي ، نور الدين الفحل . وهذا يبرهن
أن كل شخص له كامل الحرية في المشاركة في أي فعالية وفقاً لظروفه ومدى إقتناعه بالفكرة . وعلى الصعيد الآخر فإن الذين أكدو حضورهم ومشاركتهم
في هذا الإحتفال موضوع البوست من خارج القروب المفترى عليه عددهم 9 أشخاص وهذا يدل على أن الموضوع ماشي كويس ومزيداً من التشاورات ووضع
رؤى واضحة إن شاء الله الموضوع سوف يرى النور

ملاحظة : أما عن نفسي فتجدني غير متحمس للحضور والمشاركة نسبة لعدم إحساسي الحقيقي بطعم ومعنى الإستقلال عندما أرى واقعنا المزري اليوم وهذا
الإحساس ناتج من إحتفلات سابقة بعيد الإستقلال حضرتها ورأيت مظاهر الفرح المصطنع إذ لا توجد فرحة حقيقية نسبة للإحباط العام الذي نعيشه ، وأنا أتساءل
عن ماذا نحتفل هل بخيباتنا المستمرة وتوهاننا ؟؟ أم نحتفل والوطن جزء عزيز منه ذهب أدراج الرياح والبقية في الإنتظار ؟؟

كنت أود لو كانت فكرة الأحتفال مختلفة كأن يكون اليوم عبارة عن ورشة عمل أو ندوة نستعرض من خلالها مجاهدات الحركة الوطنية في نيل الإستقلال
ومآلات الوضع الراهن الآن وأن يتم إختيار متحدثين من داخل جسم البورداب أو الإستعانة بمتحدث خارجي حال إتفق الناس على ذلك ففي رأي المتواضع
هذا سيكون أجدى نفعاً بدلاً عن الإحتفالات التقليدية الروتينية ( هذا مجرد رأي وليس ملزماً )

Quote: نرجو من جميع بورداب جدة أعضاء هذا المنبر التواجد في هذا البوست حتى تكون المناسبة جامعة للكل !

أضم صوتي إلى صوتك وأدعو معك جميع بورداب جدة للتفاعل وتلبية الدعوة والمشاركة

تم تعديل الرقم من 63 إلى 64 بعد إنضمام الدكتور محمد الهادي عبد الرحيم قبل قليل بعد إبداء رغبته في الإنضمام للقروب

Quote: أضم صوتي إلى صوتك وأدعو معك جميع بورداب جدة للتفاعل وتلبية الدعوة والمشاركة

شكرا كثيرا سفيان
امتناني وتقديري
برضو خلينا قريبين والمشوار ماطويل
ارجو عدم مناقشة موضوع المجموعات داخل البوست ده .. رجاء خاص مع تقديري لتفهمكم
واتمنى كذلك من الاخوان
جمال السنوسي وأساسي المشاركة باقتراحاتهم حول شكل الاحتفاليه المتوقعه
مقترح اخونا (قرضية) بان يكون الاحتفال فى شكل ورشة عمل او ندوة تقدم فيها بعض الاوراق ده مقترح جدير بالالتفات نحوه وان يحاول الاخوه البورداب مناقشته ومعرفه امكانية تنفيذه حيث انني اعتقد انه الاقتراح الافضل على الاطلاق بحسبان تقليدية الاحتفال باستقلاق السودان خلال السنوات الماضية ويمكن ده نفس فهم اخونا سعادة المستشار عصام دهب !!
وبرضو اقول جاهزين فى اى زمان ومكان يتفق عليه الجميع مع التزامنا بالمساهمة الماليه المحددة والتى تقررها اللجنه
اكرر شكرى وتقديرى لتفهم الجميع وجهه نظرى المتواضعه

تقديرى واحترامي

Quote: وتبوظ لينا الحفلة

حبيبنا اساسي
ما عليك ، انت تعال نجًح الفعاليه
لانو واظاهر والله اعلم فعلا اساسي قبل الكراسي ما من فراع

وليك علي ابعد بعيد،

------------------------------------------------------------
الفنان مصطفي محمود ده حاسد ساي

ياخ بالمناسبة دي يا محمد ابو زيد

دايرك في تحدي بتاع تنس .. اخوك يعشق اللعبة ولي منها بالميت 17 سنة داير اشوف بغلبك كم مرة ..حدد لي المكان والزمان وبكون معاك الليلة لو حبيت

Quote: داير اشوف بغلبك كم مرة

انا كبير الجماعه في الصوره الـعلي يمينك دي عشان كده التحدي صعب، الموضوع ده ممكن نشوفو ننزل ليك اقل واقصر واحد فيهم ثيدور ليلو اذا طلعت من ايدو تكون ما قصرت ممكن اقابلك علي الطاوله ههههه.

مرحب بيك اساسي واكيد يكون في تنسيق بينا
شوف لينا موضوع الاستقلال ده الله يخليك.
تحياتي،،،

Quote: مفروض يتم تحديد الزمان والمكان والفنان (اغنيه عيد الاستقلال) دعوه بعض الرموز الوطنيه ان وجدت كلمه بالمناسبه (اعتقد دي مافيها مشكله) المناسبه بمن حضر وعلي نظام الشيرنغ

فوق

و بينكم شاعر و شاعرة و معكم شعراء .. يا ناس جدة فانتهزوا الفرصة بقيام ليلة شعرية اولا ... اتلموا فيها ولو الجمعة المساء

بينكم ازهرى محمد على
و نضال

و معكم البرير و بلة و نصار و كثيرون ..


للاتصال بازهرى دونكم الطيب برير .

Quote: ازهرى محمد على

انسان راقي ياريت يتكرم ويعطر احتفالنا بعيد الاستقلال بالكلام الجميل

تحياتي للجميع

ناس التنظير بالخصوص

هذا البوست ليس له علاقة باي مجموعة بوردابية ( منسجمة أم غير منسجمة .. كبييرة ام صغيرة)

ولا نستجدى زول بوردابي عشان يجي او يخش يكتب

البوست مفتوح من كم يوم بخصوص حفل الاستقلال

كل بوردابي مخير في الحضور والمساهمة في انجاح الحفل

بحكم انه عضو في سودانيز اونلاين

العندو رأي في الناس الجايين والعندو راي في الحفل نفسه وما عايز يجي نحترم رايه


لكن نحن جايين ومحتفلين ودعوتنا هنا بررررررررررة في الشمس زي كل دعوات البورداب من سنين مضت

وكل زول مشارك هو رئيس عندنا وقائد ونحن جنود الخدمة كما كنا في كل مرة

يا أخوانا يلا ورونا القائمة بالعدد وبعدها فاليبادر واحد لجمع المساهمات

نبدأ القائمة

1- عاصم فقيري

2-

3-

4-


وهكذا

جمال السنوسي كيفك يا حبيب ،
شويه شويه نفسك وما تستعجل المناسبه ان شاء الله قائمه ونحن ننشد الاغلبيه ليس الا.
تذكر فطور السنه الفاتت نفس الطريقه شويه شويه لمن العمليه زبطت ، في ناس عايزه لكيز. لدرجه انو في واحد قلت ليه ياخي تعال الفطور وبنخليك تقابل معاويه عبيد وجها لوجه وتتصور معاه. شفت كيف. طول بألك
--------------------
يا عاصم تسجيل الاسماء ملحوق ، اهم شئ القائمين علي المناسبه من اهل الخبره ايجار الصاله او الفندق، التعاقد مع الفنانين بسعر مقوووول عشان المصاريف ما تسرح.

محمد هاشم

سلامات ياخ

نفسي هادي جدا جدا

ولمة محضورة وكبيرة باذن الله


تسلم يا غالي

فوق

الاخوة الاعزاء دون إسنثناء
لكم جميعا محبتى وتقديرى وأحترامى .

ليعلم الجميع بأن هذا البوست
مفتوح للجميع ..
والكل أخوة أعزاء نحبهم ونقدرهم ونحترمهم
لذلك تعالوا للمه الجميلة
وليكون شعاركم لا للفرقة والشتات
أها ده صعبه يا الحبان
الكرة فى ملعبكم
حددوا اليوم والتاريخ
ليكون يوما يجمع كل الاحبه .
وبشتى ألوانهم ..
فقط يكون الشعار كما ذكرت أعلاه ..
سمح ..

تاج السر

استاذنا الفاضل تاج السر

مداخلاتك وادارتك للبوست (خجوله) جدا
مطلوب منك اكتر من كده فانت صاحب البوست والفكره

مودتى وتقديري

الوطن كلمة يحسن التغني بها ويجمل الوقوف عندها ، وأقل ما يُمثل ذلك أن يحتفل أهله بيوم استقلاله " الذكرى التاسعة والخمسين لاستقلال السودان " فذاك جهد المُقل ، وعليه إيمانا منا في رابطة المعلمين السودانيين بمنطقة مكة المكرمة بالتعاون مع المجموعات السودانية لتدريس المنهج السوداني فقد عقدنا العزم أن يأتي احتفالنا هذه المرة بصورة مُختلفة وذلك عن طريق أبنائنا الطلاب وبناتنا الطالبات (وذلك في يوم الأربعاء الموافق 21/01/2015م – المكان : حدائق جدة كيلو 10) (مسرح ،إنشاد وطني ، وإلقاء ، معارض ، مُلصقات ) تحت شعار الطلاب حماة الاستقلال لتعميق الارتباط بالوطن في أنفس الطلاب وربط الطلاب بثقافة وطنهم وإبراز دورهم في حماية الاستقلال . وعليه نُهيب بالجميع لحضور هذه المناسبة ونسأل الله ان يعيدها على بلادنا وهي تنعم بالأمن والعزة والسؤدد.
وكــــــل عـــــــام وأنتـــــــم بخـــــــير ،،، والدعوة عامــــــــــــة لكل البورداب



كما أقترح عليكم أن يكون يوم إحتفال البورداب بالاستقلال يوم الخميس القادم 22 / يناير أو الجمعه القادمة يوم 23 / يناير

لدينا مشاركة بسيطة نأمل إعتمادها في إحتفال البورداب وهي مشاركة من 5 اناشيد وطنية من 5 مدارس سودانية وكل مدرسة بمشاركة نشيد واحد عن الاستقلال وهي عبارة عن كورال من الطلاب والطالبات
وشكراً

أول الغيث قطرة

اقتراح شان نمشى ل قدام

لجنة الاحتفال الانتقالية

1 تاج السر
2 المليك
3 لنجا
4 جمال السنوسى
5 عاصم فقيرى
6 حجر
7 محمود مصطفى محمود
8رحال
9.سامى عطا المنان
10.وسفيـــــــــــــــــــــان قرضية


انتهى....قصدى الاقتراح ..

فقره اناشيد في حب الوطن ومشاركه الطلاب فكره جميله تربطنا بالوطن الغالي اتمني ان تجد الدعم من الاخوه بورداب الغربيه

مالي اراها لا ترد سلامي .. هل حرمت عند اللقاء كلامــي
ام ذاك شأن الغيد يبدين الجفا .. وفؤادهن من الصبابة دامي

ومالي أرى وكأنها دعوة لتشكيل الجالية ؟؟؟؟؟؟؟؟؟؟؟
ويا مثبت العقل والدين .......

الأستاذ/ تاج الســر حامد المحترم،
وضيوفك الكرام،
السلام عليكم ورحمة الله وبركاته،

إحتفلنا بالإستقلال مع إخواننا برابطة شندي فكان الإحتفال رائعا كروعة أهلنا الطيبين في بلادنا الحبيبة،
ولا مانع أن نحتفل مرات ومرات لكن بصورة أخرى وتناول مواضيع مختلفة تساعد في النهوض ببلادنا،
كالشورى والديمقراطية الحقيقية والعدل والمساواة والتعليم والصحة ، والأداب والفنون شعراٍ ونثراً ،
وبيننا أدباء وشعراء كثر بالمنطقة،
المطلوب تحديد المكان والتاريخ ،
جاهزين لأي تكليف وحاضرين إن شاء الله ،
ذكرى الإستقلال هذا العام تأتي وبلادنا أكثر حاجة لأبنائها وأحزابها حكومة ومعارضة،
الإختلاف والتمسك بالمصالح الشخصية والحزبية لن يؤدي إلا الى مزيداً من الحروب
والإنقسامات وهدر وضياع لثروات بلادنا البشرية والطبيعية:

مع تقديري

صلاح حمد

اللهم كفنا شر المواسير والبجيبو المواسير وحبايب المواسير والفرحانين بالمواسير والبغنوا للمواسير

يا رب آمين

سلام مربع

يا ناس حددوا لينا التاريخ ؟

29 او 30 /2015/01
وياريت قصر المدينه

يا محمد هاشم قصر المدينة دا فندق تعبان

يا ريت إستراحة إذا مافي إمكانية لفندق فخم

والإستراحة ما يكون فيها حوض سباحة عشان أطفالنا (سكيورتي آند سيفتي)

سلام مربع

عندك اقتراح لااستراحه كويسه.

لازم مداخلاته بها حلول يا جماعه

السلام كلمة كبيرة تحمل في ثناياها السلم في المقصد والسلم في الأقلام والسلم في عدم الوصايا علي حق الغير في التعبير

هنا كل المداخلات مغلفه تحتاج الاستقلال حتي نصل الي احتفالنا بالاستغلال والكل يستغل عندما يكون المقصد هو استغلال النفوس من الوساوس والضغائن وهلمجرا

نحن هنا لا نتفق من اجل عمل تحت مسمي يراه البعض وانا منهم ان الاستغلال لم يأتي بأحلام من ضحوا من الرعيل الأول بل مجرد مرحله خلفت أجيال منفصله تمام عن الوطنية

والواقع الحالي لا يبشر باتفاق ولا انعتاق من فوهة الشحن الزائد وكل فريق يلمح بإنو صاحب الشيء ذاتا واتمني ان تتصافي النفوس حتي نصل لاحتفال لنا وللأجيال قادمة من أطفالنا

انا عن نفسي لا يحقق لي أي احتفال بالاستغلال النفسي والروحي ،

رغم ذلك حضور متي ما تصالحوا الجميع علي الحضور .

،،،،أبوقصي،،،،

بعد السلام وكثير الاحترام لكم

عاوزين واحد يلخص لينا البوست ده في صفحه واحده
عشان نعرف الحاصل شنو ..

واقترح عمل مكتب تحضيري من 4 اشخاص
حتي نصل لافكار مرتبه ومعقوله ..

وبس سلام