أعلن عن ترشحى لرئاسة الجمهورية تحت شعار(سواسية) والرمز(المشط)

من اجل الشعب ومن اجل الجماهير ومن اجل الفقراء والمسحوقين ومئات الالاف من الشباب العطالى الذين يقفون على الرصيف وقدطال بهم الانتظار ..انه قد أزفت لحظة التغيير الان نعلن عن بدء اجراءات ترشحى لرئاسة الجمهورية وفى غضون الايام القادمة سأطرح برنامجى الانتخابى ...

طيب يا عمار
لو المؤتمر الوطني فاوضك
رأيك شنو
؟؟
واذا فتح ليك وما هببوا ليك
مش حتكون دخلت نفسك في ورطة ومحرقة مجانية ؟؟؟
دور الكمومبارس لتذين شريعة الانتخابات التي يقوم بها البعض
ترى لمصلحة من ؟؟
هل يستحق المؤتمر الوطني ان يرضى شخص لنفسه ان يكتب التاريخ عنه بانه لعب دور الكومبارس
في انتخابات السلطة الشمولية ؟؟؟؟؟؟؟؟؟؟

شكرا لك الاخ فرح انا لا اقوم بدور الكومبارس ماهذا الذى تسمونه المؤتمر الوطنى انه نمر من ورق اننى اراهن على ارادة الشعب القوية المستمدة من ارادة الله القوى الجبار لا اجلس مكتوف الايدى واراقب ولكننى اتحرك فى اطار القانون من حقى ان اعطى الفرصة فى وسائل الاعلام لاناشد المواطنيين للوقوف معى ليس طلبا للشهرة او المجد الزائف ولكنها صرخة فى وادى الصمت من عمق معاناتى والالامى من اجل الامة والشعب المؤتمر الوطنى لايفاوضنى لانه يعرف من انا واعرفه ...المجد للشرفاء

Quote: شكرا لك الاخ فرح انا لا اقوم بدور الكومبارس ماهذا الذى تسمونه المؤتمر الوطنى انه نمر من ورق اننى اراهن على ارادة الشعب القوية المستمدة من ارادة الله القوى الجبار لا اجلس مكتوف الايدى واراقب ولكننى اتحرك فى اطار القانون من حقى ان اعطى الفرصة فى وسائل الاعلام لاناشد المواطنيين للوقوف معى ليس طلبا للشهرة او المجد الزائف ولكنها صرخة فى وادى الصمت من عمق معاناتى والالامى من اجل الامة والشعب المؤتمر الوطنى لايفاوضنى لانه يعرف من انا واعرفه ...المجد للشرفاء

Quote: من عمق معاناتى والالامى من اجل الامة والشعب

ممكن مثال

اطالب مرشح المؤتمر الوطنى مناظرة على الهواء مباشرة نفتح فيها الجرح ونضع الدواء(واذا ما الجرح رم على فساد....تبين فيه اهمال الطبيب) (أذن الأذان وحنصليك يا صبح الخلاص حاضر ...وبنفتح دفتر الاحزان من الأول ولى الأخر...ونتسأل منو الربحان منو الخاسر )

بطل هظار

من مبادىْ البرنامج

!/ توفير رغيف الخبز باقل الاسعار بحيث يكون فى متناول يد كل مواطن...(والقصة ما قصة رغيف ...القصة قصة شعب راكع دار يقيف)

Quote: بطل هظار

مش حيبطل هظار. خلاص فات فيهو الفوات!
الخوف يا ود الباوقة ما من عمار, الخوف من عبد الله علي إبراهيم البهلوان الأكبر

Quote: من اجل الشعب ومن اجل الجماهير ومن اجل الفقراء والمسحوقين ومئات الالاف من الشباب العطالى الذين يقفون على الرصيف وقدطال بهم الانتظار

ده شعار كل المرشحين...
ما في جديد...

العشرة مليون اولى بيها انت

اها توقيع ال 12 الف مواطن من كل الولايات دي تجمعها كيف

-------------
الان في ثلاثة مرشحين
1- البشير
2- واحد سلفي
3--الليبرالي الزميل عادل عبدالعاطي

هذه الشروط شروط تعجيزية الاصل هو ان يكون المرشح سودانى ودبلد لماذا توضع العراقيل بشروط مالية باهظة واعداد كبيرة من الولايات انا لا اعترف بهذا ومن حقى الترشح لرئاسة الجمهورية وفق الدستور والدستور فوق القوانين واللوائح.

لو بتضمن إنه الإنتخابات حرة نزيهة
بأييدك وبصوت ليك
غير كدا بتتحول لمحلل وبس

" توفير رغيف الخبز باقل الاسعار بحيث يكون فى متناول يد كل مواطن..."

طيب يا سيـد عمار، إذا إترشح لمعتمديـة الخرطوم.. مالك ومال السودان، قالوا ليك ناقصين رغيف واللا هم يعرفوا الرغيف زاتو.. ديل ياكلوا
عصايد وكسرات ولحوم و بلايل.. طوابين زاتها ما عندهم ولا دايرنها..
دائما أقول السياسيين يفتكروا السودان هو الخرطوم.. حتى أعضاء المنبر دا.. يقول ليك انا نزلت إجازة لقيت (السودان) ما فيه أنابيب غاز!!!
وتانى يقول ليك الصفوف في (السودان) ما ليها حد. والسودان إتملا فساد ورشاوى!!

ياأخوانا واللا أكبروا ابقوا قدر السودان، أو كل قرد يطلع شدرتو

المشاركه في انتخابات في ظل نظام فاشي ببساطة احد التفاصيل في مسرحية مكرره.

ومع هذا...

هل سيكون اول بند في برنامجك الانتخابي الحاق السودان بالمحكمة الجنائية وتسليم الرئيس الحالي عمر البشير الي المحكة الجنائية في حالة فوزك ؟

مع التحية.

L

Quote: توفير رغيف الخبز باقل الاسعار بحيث يكون فى متناول يد كل مواطن..." طيب يا سيـد عمار، إذا إترشح لمعتمديـة الخرطوم.. مالك ومال السودان، قالوا ليك ناقصين رغيف واللا هم يعرفوا الرغيف زاتو.. ديل ياكلوا عصايد وكسرات ولحوم و بلايل.. طوابين زاتها ما عندهم ولا دايرنها.. دائما أقول السياسيين يفتكروا السودان هو الخرطوم.. حتى أعضاء المنبر دا.. يقول ليك انا نزلت إجازة لقيت (السودان) ما فيه أنابيب غاز!!! وتانى يقول ليك الصفوف في (السودان) ما ليها حد. والسودان إتملا فساد ورشاوى!! ياأخوانا واللا أكبروا ابقوا قدر السودان، أو كل قرد يطلع شدرتو

ابوريش ضحكتني مرررة
زمان كان هناك رحلة لمصر لطلاب تالتة هندسة في الأجازة
اها الدكتور من ناس بحري قال للطلاب: امشو الأجازة وحانعمل ليكم اعلان في التلفزيون.
واحد من اولاد المناصير قال ليهو " يادكتور التلفزيون نشغلو ليك بالفحم

Quote: هل سيكون اول بند في برنامجك الانتخابي الحاق السودان بالمحكمة الجنائية وتسليم الرئيس الحالي عمر البشير الي المحكة الجنائية في حالة فوزك ؟

لن أسلم اى سودانى لمحكمة دولية القضاء السودانى النزيه هو مكان الفصل بين السودانيين.

يا عمار

Quote: لن أسلم اى سودانى لمحكمة دولية القضاء السودانى النزيه هو مكان الفصل بين السودانيين.

لا بتسلموا
كان بقيت رئيس بتسلموا
كمان معاه خاله
(حتي كان ما مطلوب)
لكن يا عمار
ياتو بلد في العالم
في عسكري إستولي علي السلطة في إنقلاب
عمل إنتخابات
وسقط فيها

ربما كان ود الباوقة محقا هذه المرة
إنت بتهزر؟؟؟؟

يا عمارغايتو كان بدل الموبايل الشايلو ده كان مفروض تكون ماسك مُشط

وفير رغيف الخبز باقل الاسعار بحيث يكون فى متناول يد كل مواطن..."
(طيب يا سيـد عمار، إذا إترشح لمعتمديـة الخرطوم.. مالك ومال السودان، قالوا ليك ناقصين رغيف واللا هم يعرفوا الرغيف زاتو.. ديل ياكلوا
عصايد وكسرات ولحوم و بلايل.. طوابين زاتها ما عندهم ولا دايرنها..
دائما أقول السياسيين يفتكروا السودان هو الخرطوم.. حتى أعضاء المنبر دا.. يقول ليك انا نزلت إجازة لقيت (السودان) ما فيه أنابيب غاز!!!
وتانى يقول ليك الصفوف في (السودان) ما ليها حد. والسودان إتملا فساد ورشاوى!!

ياأخوانا واللا أكبروا ابقوا قدر السودان، أو كل قرد يطلع شدرتو) كلمة رغيف اردفتا بالخبز وهو معنى يشمل العصيدة والقراصة

Quote: ربما كان ود الباوقة محقا هذه المرة إنت بتهزر؟؟؟؟

Quote: ربما كان ود الباوقة محقا هذه المرة إنت بتهزر؟؟؟؟

ود الباوقة

دائما على حق اخي ناصر

الحق ابلج والباطل لجلج

Quote: لن أسلم اى سودانى لمحكمة دولية القضاء السودانى النزيه هو مكان الفصل بين السودانيين

هسع البلد فضل فيها قاضي!
حليل زمن القضاء الماضي

القضاء السودانى ما يزال بحير

كيف ستنهي الحرب في دارفور يا ريس ؟

Quote: القضاء السودانى ما يزال بحير

والله يا عمار رمز المشط ده براءة إختراع .. إبداع ..

احتاج لتصميم (سواسية) بحيث يكون المشط فى السين الاولى والثانية

خطوة موفقة أخي عمار
التحية لك ولجميع المرشحين الذين اختاروا أن يستفيدوا من كل نفاج ديمقراطية لهز النظام

بالتوفيق

http://www.gulfup.com/?C2zCHi

http://www.gulfup.com/?u1Zael

http://www.gulfup.com/?PeGdXH


في مثل مجري بيقول الكارو الماحيشيلك ما تجري وراهو