كمال ترباس .. كل أول ليهو آخر ......

في حفل على فضائية النيل الزرق مساء امس الخميس ( منقول ) تسجيلا من دبي استمعت للمطرب كمال ترباس

وفي صوته ( حشرجة ) مصحوبة ( بزنة ) خفيفة مما يدلل بان حباله الصوتية قد اصيبت بالشيخوخة

للغناء المستمر وعامل السن ...

رغم ان فقرات الحفل كانت مناوبة بينه وبين الاميرة نانسي عجاج والفنان المهذب مصطفى السني

وفي ظني لو غنا ترباس وحيدا في تلك السهرة ( لانبرش ) صوته قبل ان يكمل اغنية جنى الباباي

وودع معها قبل ان يختم بترديده الباباي يا جنا الباباي .. باباي .. بايباي ...

مع ذلك يظل ترباس من يحتلون مساحة واسعة في نفسي بفنه الاصيل وادائه الرائع

حيث ياتي في المرتبة الثالثة بعد الاميرة نانسي عجاج وقيقم

من الاغاني الترباسية المحببة جدا الى نفسي اغنية

هبة ثورة الانقاذ وقتها كان صوت ترباس ممتلئا حيوية

وتريانا .....

يا سلاااام

يا سلاااام

سمعت ترباس قبل اسبوع في إحتفالية أسرة النفيدي بمرور 80 سنة على بدء نشاطهم التجاري
أغلب الحضور هرب قبل أن يكمل ترباس غنيتين
زمن ترباس ولى والناس البجيبوهو بوبار فقط ليس إلا
لكن أداء وصوت الراجل ده جلس عديل
وعلى العليهو إفترا مبالغ فيهو ماعارف على شنو

اخي عمر صدقني كلما خفت بريق ترباس وافل نجمه وحشرج صوته ازداد عنطزة وبرجسة .. انا لو كنت مكانه لحسمت امري ونويت الحج المقبل باذن الله وبعد ادائه للفريضة من مطار الخرطوم لمسيد الشيخ اب شلوت على طول

Quote: فتح النيران على مهرجان البركل السياحي.. فتح الفنان "كمال ترباس" النيران في مواجهة منظمي مهرجان البركل السياحي، وقال إن رئيس اللجنة "عبد الرحمن حطبة" اختار الفنانين المشاركين في ليالي المهرجان بطريقة (شيلني وأشيلك)، في إشارة منه إلى أن الاختيار كان على أسس الصداقة والمعرفة، مبدياً في ذات الوقت استغرابه الشديد من تجاوزه في المشاركة، وأضاف: كثير من الناس سألوني عن سبب عدم مشاركتي في المهرجان وأنا اعتذر لأهلي في "البركل" و"نوري" و"مروي" و"كريمة" لعدم مشاركتي، لافتاً إلى أنه جاهز لتلبية أية دعوة تصله من أهالي المنطقة للغناء لهم، إلا أنه لن يلبيها إذا كانت من الفريق "حطبة". وأرسل "ترباس" كعادته عدة تعليقات ساخرة بقوله: هناك مليون ضابط برتبة فريق ولكن لا يوجد سوى "ترباس" واحد، وأردف: مع احترامي لجميع المطربين الذين شاركوا في المهرجان لكن أنا بقول ليك الناصية ما زي التاني ناصية وأنا فنان رقم. وأنكر "ترباس" معرفته برئيس اللجنة المنظمة الفريق "حطبة"، مستنكراً في ذات الوقت تجاوز المهرجان لتكريم عدد من رموز المنطقة منهم الشاعر الراحل "محمد الحسن سالم حميد" والفنان "محمد جبارة". المجهر السياسي

الكبير كبير صديقى الاستاذ كمال ترباس، ياخى انت اكبر من الانقاذ كلها بلا حطبة بلا فحمة
هو كان ما الانقاذ دى نوع حطبة ده امباشى كتيره عليه، قال الفريق حطبة قال!!!!

الكلمة الشاذة ...

. قيقم ......


.. معقولة ياخي ...


. انت بتهظر والا جادي

والله يا ود الباوقة البتدورو بتسوي لي البجقلي هناي داك ركبوا انسهقن ولليلة بدبك ما قلت ليهو كفاك سيدي ليه

موج .. صدقني حركات ترباس دي تاني ما بتاكل .. خلاص ترباس صوتو رقد خل

ترباس كصوت انتهى.....

ترباس كصوت انتهى.....

ياربي كمال ترباس بيكون شتم الانقاذ بي شنو

غايتو يا ود الباوقة المرة دي أتفقت معاك تب

و لو ما كلامك بتاع مريم دروق بتاعة بربر ديك كنت ختيتك مع ناس الموصلي في سرج واحد

يشهد الله أنا اليوم كنت بدور لتسجيلات لحفلة ترباس في دبي القدمتا النيل الأزرق يوم الخميس عشان أجي أنزل بوست عن الزول دا

يا والباوقة أنت عبرتا عن رائك في صوت ترباس بالسليقة وقلت صوتو أصبحت فيهو حشرجة

لكن دي ناس المزيقا بقولوا عنها صوتو فَرَق (بفتح الفا والرا ) يعني في لحظة واحدة بتشغل في أكثر من سلم موسيقي مختلف عن السلم الأساسي بتاع الأغنية نتيجة مشكلة في الحبال الصوتية
أنا من فترة طويلة لاحظت إنو ترباس فعلاً صوتو أصبح لا يؤهله لاداء فاصل كامل
المشكلة أنو ماف المزيقاتية الكبار ما أنتبهت للمسالة دي ، وسبحان الله يجي يكتب عنها ود الباوقة بالسليقة ودون مصطلحات موسيقية صحيحة
وهناك من يكتب وهو أكثر دراية مننا الأثنين
ولكن يظل التعاطي مع الموسيقي فطرياً أكثر منه أكاديمياً ـ
ولو كان الأمر كذلك لتطلب إدخال كل الناس معاهد الموسيقي حتى يؤهلوا لسماع الموسيقى

وحتماً لي عودة

ود الباوقة مساك خير
في رايي الشخصي، مع احترام من يخالفونني الرأي، أن أغاني كمال ترباس أقرب إلى الأناشيد والمنلوجات المموسقة، وهي أغاني يمكن تأديتها بدون آلات موسيقية (أغاني شعبية).
فهي ليست أغاني خالدة مثل: قلت أرحل أو جميلة ومستحيلة أو هوج الرياح أو بتتعلم من الأيام. أغاني ترباس ممكن تسمعها وترميها وتمشي وبالتالي ليست خالدة. ويمكن تصنيفها كأغاني ظواهر
تظهر ثم تزول بزوال المؤثر، والمؤثر هنا هو الحفلة. كمستمتع جيد، لا تشعر بأن هناك جهداً في تلحينها أو معالجة موسيقية متعوب عليها.
أما بخصوص شيخوخة الصوت، فأقول: أم جُركُم ما بتاكل خريفين. بس كيف يقتنع ترباس أنه ليس أم جركماً؟
تحياتي
ببــــــــــــــــــــــــو

يا ود الباوقة يبدو إنّو في خلل في هندسة الصوت ...

ودا بتلاحظ ليهو في صوت الموسيقى .. هي في وادي وصوت ترباس في وادٍ آخر !!

ثمّ ما معقول تحكم على نهاية فنّان من خلال حفلة واحدة بس .. ياخي مُش ممكن تكون عندو نزلة برد أو أيّ حاجة عرضية أثّرت على صوتو ؟!

لحين عودة

Quote: لحين عودة

في كتاب المدرسة داك يا عُمر، ال مُسمّى (ولعلّك ال مُسِمْ ! ) على عُمَرْ ..!

ذكرتني جُملة آخر إيدك دي! ( لحين عودة) ..! ذاك الفصل الذي تأتي وتعود فيه البنت "بتول" .. ويذبح الخروف مسعود، ثم مسعود ذبح الخروف..

كانت عبارات منهج التعليم التربوي ببخت الرِّضا، في كتاب المطالعة تلك:

بتول تعود من المدرسة عند الغروب
بتول تعود من المدرسة عند الشروق
مسعود ذبح الخروف
الخروف ذبح مسعود
.......................
..................
........
ثم تتكرر الجُمَل..

كتكرار "عدم رضائك" بأداء ترباس ..!

فماذا بقيَ حتى تعود له ..؟!

والله يا عُمر، (وماليكش عليّ حِلفان) لو لم يكُن من غناء ترباس، إلّا " هَبّتْ ثورة الإنقاذ" يوم الجيش للشعب انحاز

من " كذبة" بلقاء وعوراء ومشهورة، وما خايلا فوكو وكدا! ثم أنه قد صدَف بعدها ..! واعتذر وأبدى عُذره بأن "الهواليق ال عواليق" ديل غشّاشين!

غــشّوني ساي! ياخي ديل غشّو الــ" شربيني" ما يغشّوا كمال ترباس!!!!!

لو لم يكُن لترباس الفنان السـوداني الّمّاح وفوّاح وجحجاح، له التحايا، هذه المُراجعة الحميدة، لما تكبّدتَّ انتا كل هذا الهجوم ال بلا طائل!

في أداء ترباس ..


.....................

يا عُمر، حالكم بعد نقدكم البايخ لترباس، يضعك بوقار! في خانة: بي مويّة وكِمْلَتْ!!

يتهيأ لي، أن الفنان كمال ترباس، في كلمته البليغة تلك، ترنّم قائلاً: الـ عــ واليق ديل ما بعرفو حديث!

" مَنْ غَــشــَّــنا فليسَ مِــنــّا ..!" ..



.............................

ظريف بحري و الشعبية حيدر الجقدلي..عندما كبر الفنان احمد المصطفى و نتيجة طبيعية لعامل السن ظهر ذلك في ادائه و يوم أحمد المصطفى بغني..علق حيدر الجقدلي: الاستاذ بقى يفضي (جنزير العجلة مع الاستعمال بحصل فيهو تغيير و التبديل ما بيكون تمام في الحالة دي بيقولوا العجلة بقت تفضي)..فعلا ترباس بقى يفضي.

يعني حا يغني لي متين

الحبال الصوتية لها صلاحية شانها شان كل المرتكزات

العضلية والعظمية