أخمشوا مناديل الورق بس و ............... ( فديو)

خاصة لو راكب عربيتك الفارهة وعندك فلاش او سي دي

حاسب على نفسك من حوادث الطريق

و خلى بالك قدام مش مع ست الريد

لو ما مطمئن من مهارتك القيادية ممكن تبركن بطرف الطريق لحدي ست الريد تكمل ومن ثم تواصل في رحلتك الميمونة


تصحبك السلامة يا العشاء اب لبن

ياسلام ياشيقا ياخ
بالجد مؤثرة جدا
وكما تفضلت ... مناحة تستدعي كراتين مناديل

Quote: وكما تفضلت ... مناحة تستدعي كراتين مناديل

نعم يا حيدر اخوي الله يخليك

دائما مركز .... و ذواق

بحق هذه الأيام المباركة ندعو الله سبحانه وتعالى أن يشفي هذا البلبل الغريد
ويعيد إليه صوته الذي طالما أطرب وأشجى ملايين البشر

تشكرات عزيزنا شيقوق

اخي عاطف

Quote: بحق هذه الأيام المباركة ندعو الله سبحانه وتعالى أن يشفي هذا البلبل الغريد ويعيد إليه صوته الذي طالما أطرب وأشجى ملايين البشر

الله يخليك يا العزيز انت دائما على نياتك الطيبة يا العشاء

في السودان تجد منها المعطر

و Fine كمان

دي غنيه عجيبه وغريبه ومن أيام عجيبه وحميمه فلازم يكونوا معاك في الحضرة حيدر وعاطف يا الطيب
غناء في هذا الارتفاع الشاهق لايعرفه ولا يستشعره إلا من يعرف ما عناه سند بقوله:
شمس بعمق الجرح ترقص في عيون الحس تزحف تحت أنسجة الشعور.

طدى

Quote: دي غنيه عجيبه وغريبه ومن أيام عجيبه وحميمه فلازم يكونوا معاك في الحضرة حيدر وعاطف يا الطيب غناء في هذا الارتفاع الشاهق لايعرفه ولا يستشعره إلا من يعرف ما عناه سند بقوله: شمس بعمق الجرح ترقص في عيون الحس تزحف تحت أنسجة الشعور.

صحيح - الله يخليك ويحفظ لينا حيدر ولد ميرغني وعاطف ابن عمر

جميعكم ربنا انعم عليكم بنقاء السريرة

استطاع عبد الوهاب الصادق ان يتفرد بمدرسة فنية ذات لونية خاصة

تحايا يا شيقوق
وكل اصحاب الحس العالي المعاك

ست الريد وعبد الوهاب ديل حكاية
الأغنية من عيون الغناء كلمة ولحنا
أداء وصوت عبد الوهاب الصادق دا كوم براه
بتحس جواهو أوركسترا مصاحبة ليهو

سلامات شيقا

ما يبكي حقا هو مبلغنا بأن يكون ما وصل إليه هذا الرجل الرقيق بفعل فاعل..

الله ينعل الحسد والبغض..


تحياتي

اخي ح عبد الغفار

سلامي

Quote: ست الريد وعبد الوهاب ديل حكاية الأغنية من عيون الغناء كلمة ولحنا أداء وصوت عبد الوهاب الصادق دا كوم براه بتحس جواهو أوركسترا مصاحبة ليهو

نعم يا الحبيب - لقد استطاع ع الصادق ان يصنع لونيته الغنائية المتميزة

اغانيه تلهب احاسيس جيل عاصر بداياته هو و أبو عبيدة حسن وحسين شندى و مجذوب اونسة و كبوشية يا استاذي حمد

عزو

Quote: ما يبكي حقا هو مبلغنا بأن يكون ما وصل إليه هذا الرجل الرقيق بفعل فاعل.. الله ينعل الحسد والبغض..

معقوووووووووول يا عبد العزيز؟ هل ثمة اشاعات من هذا القبيل - اول مرة اسمع الكلام دا والله

Quote: معقوووووووووول يا عبد العزيز؟ هل ثمة اشاعات من هذا القبيل - اول مرة اسمع الكلام دا والله

كضاااااااب سمعت وفات اضانك
ولو ما سمعت هسي سمعت فماذا انت فاعل؟؟؟؟

Quote: كضاااااااب سمعت وفات اضانك ولو ما سمعت هسي سمعت فماذا انت فاعل؟؟؟؟

بالجد ما سمعت - وبعد اسمع لكل حادثة حديث حتك

شيقوق الفنان ...ازيك
هذه القصيدة لصديقى وجارى الشاعر المرهف مكاوى الشيخ الامين وللقصيدة قصة مؤثرة وحزينه
واخونا مكاوى من قرية الشبيك الخوالدة واحده من قرى الجزيرة الوادعه ، فبينما كان الحبيب مكاوى
يجلس متاملاً النيل فاذا باحد اللصوص يحاول ان ينتزع ساعته من يده ،فيلقى به بين صخرتين فى النيل
ويظل الاخ مكاوى فى هذا المكان الى اليوم الثانى حتى تصادف ان وجده صيادى اسماك واخرجوه
وذهبوا به الى المستشفى ولكنه اصيب بشلل دايم اقعده الى الان فى كرسيه المتحرك يعانى هذا الشلل
وكان للشاعر محبوبة تباطأت فى زيارته وهو طريح السرير الابيض زمن طويل، فظن انها تنكرت
لوده جراء ما ال اليه حاله، فكتب مكاوى هذه البكائية النائحة.
ولكن زارته اخيرا وبكت بكاء مرا وافادته انها صعب عليها ان ترى مكاوى ذلك الشاب الوسيم على
هذه الحاله وهو مقعد.
مازال مكاوى ببسمته الطفلة والله ما رايته ولا حادثته واللا هو ضاحك بسمة يحسده عليها كل
الناس، مع انه مرت عليه اكثر من ثلاثون عاما وهو على هذه الحاله الا اننا نسأل الله ان يشفى
اخونا مكاوى وان يرينا فيه عظمة حكمته وسلطانه وان يجعل محنته ومرضه كفارة له،،،

الى كلمات القصيدة:

((ست الريد))
كلمات ولحن..
مكاوي الشيخ الأمين
أداء...عبد الوهاب الصادق

زى ما الدنيا لي قسايا ست الريد بقت نسايا
جار زماني و رماني برايا بي كل الخطوب وبلايا
سلبني شباب
تركني يباب
نسوني أحباب
نديمي الليل سميري مناي ..طوح زهري في مغنايا
قايل الحب مجاري دماي .. كُت رايد الحبيب بي دناي
زماني غدر
حبيبي هجر
نساني دهر
وآخر الريده هذا جزاي ... احمل هم كل هموم واذايا
طول يا ليل وهاك حكاية .. هاك دم عهدي هاك شكواي
حزين يا ليل
حزين بالحيل
وفاقد الحيل
وعارف كل شي لي نهاية بس يا ليلي طول لنهاية

صورة صديقى الشاعر مكاوى الشيخ الامين شفاه الله:

Quote: سلامات شيقا ما يبكي حقا هو مبلغنا بأن يكون ما وصل إليه هذا الرجل الرقيق بفعل فاعل.. الله ينعل الحسد والبغض..

Quote: كضاااااااب سمعت وفات اضانك ولو ما سمعت هسي سمعت فماذا انت فاعل؟؟؟؟

Quote: بالجد ما سمعت - وبعد اسمع لكل حادثة حديث

إن كان أصحاب المخابز يلجأون ( للكادوك) لإبعاد المنافسين، فما بالك ود شيقوق بصاحب حنجرة
شخصيا لا أستبعد...

ود الموج

سلام

الله يخليك على هذه المداخلة المفيدة جدا - لقد ظللت ابحث عن هذه المعلومة منذ فترة الى ان انعم الله على بكم كشخص عالم بكل تفاصيل واحداثيات الاغنية


نسأل الله ان يشفى اخانا مكاوى وان يرينا فيه عظمة حكمته وسلطانه وان يجعل محنته ومرضه كفارة له،،،

اخي عبد العزيز ابن عمر

Quote: إن كان أصحاب المخابز يلجأون ( للكادوك) لإبعاد المنافسين، فما بالك ود شيقوق بصاحب حنجرة شخصيا لا أستبعد...

بل ذهب بعضهم لعرض لحوم الحمير على البشر

كل حاجة واردة لكنها المرة الأولى التي اسمع فيها هذه التسريبات

شكلك كده
الليلة جاي تعتذر وترجع ايامنا القديمة
وممكن تمر على بياع الخواتيم وين , ويختار كل زول خاتم
يمكن بالفرح نكتب حرفين ,,

وخاتما الجرح جرحك براك (براي) منو البقاسي معاك (غير ود الموج)


والله يكتر لينا العنكوليب

شكلك كده
الليلة جاي تعتذر وترجع ايامنا القديمة
وممكن تمر على بياع الخواتيم وين , ويختار كل زول خاتم
يمكن بالفرح نكتب حرفين ,,

وخاتما الجرح جرحك براك (براي) منو البقاسي معاك (غير ود الموج)


والله يكتر لينا العنكوليب

هلا هلا ود المـــــــــــــــــــــــــــــــــــــوج رهيب

مناديل شنو ضرا ع دمورية ما فى احلى ................. قال مناديل والعراقى الوسخان كموووووووو مشى وين والرادى المربوط بالحبل فى الكتف

عالم تجنن

عبد الرحمن العزيز ..سلام بطول النيل او يزيد
غالى والطلب رخيص سوف افترع بوست لهذا الرائع مكاوى الشيخ الامين فهو حقيق بذلك
الله يصرف ساس يسوسو دى والله سوست مخنا ده وما مديانا فرقه زاتو نغنى مع نوع مكاوى ده،،،

سهر المنام لي وحّـدي ... يا قسيم الريـد فوقك النبي