زمانك كان و كان , صحى؟ البلوم فى فرعو غنى

السلام الرحمة ,
اتذكرت ونسة مع جدى الله يرحمو ,
كان بيحكى عن السيرة بتاعتو - سيرة بالقطر من شندى لى عطبرة . كانت وناسة و طرب . و اتذكرت حكاوى ابوى عن المدرسة و الداخلية و اللبن البيتكشح .
و مريت على حكاوى يحيى قبانى - سينما و حفلات . و لفت انتباهى محمد كبر عن السهرة اليوم .

انتو الكلام ده كان صحى و لا خيالات من الناس دى ساكت ؟
حاجة غريبة ...
يعنى ما كان فى كشة ؟
يعنى ما كان فى واسطة؟
الناس صحى كان بتتونس و لا بس قطيعة و نبز زى المنبر ؟
صحى الناس كانت بتقدر تنوم؟
صحى الفاشر و نيالا و كادقلى و حلفا و الدمازين كانو سمحات و الناس كانو مبسوطين ؟
طيب ده كلو ضيعتوه كيف ؟ و ليه ؟

خمو و صرو .........

أيوة يا وائل ,,
كل شي كان كويس ,,


الاذاعة السودانية كانت بتربي في الناس بمهنية وتمكن ,
العصر قبل الساعة خمسة تسمع صوت حاكم سلمان الجهوري وهو يقول :
جعلي ودنقلاوي وشايقي ايه فايداني
:
:
:
يكفي النيل أبونا والجنس سوداني


وفي الليل تسمع صوت عمك أحمد عمر الرباطابي :
في غربك عروس الرمال وفي شرقك اية جمال
جنوبك واسع مجال ويا حلاة رطبك في الشمال



وكان الهلال والمريخ بيلعبوا في جوبا





وكان كل زول في حلتو
ومافي زول بيفكر يجي الخرطوم .



شفتا كيف؟