أعمل حسابك!!! المهر ما بكقي انت حتزيد زيو مرتين

هكذا صدمتني ام ابنتي العزيزة مريم التي ستزف عروسا في الاسبوع الاول من يناير 2015،
فكان الحوار كالتالي:

أنا : ألوووووووو السلام عليكم
هم: عليكم السلام
انا: احباركم شنو يعني الا الواحد يتصل عليكم
هم: والله كويسين بس كنا عايزين نتصل عليك لكن قلنا نتأكد من الخبر في الاول
أنا: خبر شنو
هم: والله ولد جيراننا قال عايز يتقدم لبتنا مريم
أنا: سجمي!!! طيب وليه مريم والاكبر منها قاعدة؟
هم: والله ما عايزين نقيف نقيف في وشها زي الاكبر منها والولد طيب وابن حلال وجيراننا من زمان
انا: طبعا انا ما بعرف جيراننا من طول الغياب عن السودان
هم: اكيد حتعرف جدخم لو قبت ليك
انا: ايوا والله كويس وانتو قلتوا شنو واعمامها رايهم شنو
هم: والله من ناحيتي الولد اهلوا محترمين وهو ولد خلوق مؤدب
انا: طيب خليني استشير اخواني واقول على بركة الله
هم: طيب في انتظارك
انا: الووووووووووو ازيك يا اخوي ود امي
هو: اووووووو اخوي الصغير كيف احبارك مالك طولت انت ما ناوي تجينا؟
أنا: والله القدم ليهو رافع وانا بعد شهرين تلاثتة بكون كملت الحداشر سنة من مغادرتي الاخيرة السودان
هو: ياخي امبارح انا سمعت من ناس البيت انو البت الصغيرة جاها عريس وانا قلت اتصل عليك اليوم والود محترم وجده معروف لدينا كلنا
أنا: والله عشان كدا انا ضارب ليك واشوف رايك شنو وانت صاحب الرأي الآتم
هو: من ناحيتي مافي اي اعتراض والولد مؤدب وخلوق
انا: خلاص على بركة الله

وتتوالى الاتصالات والتهاني والتبريكات
وتحديد موعد الزواج وتقديم المهر والاتفاق على ترتيبات العرس والموافقة لكل الاطراف على تنفيذ المخطط.

وعندما حان وقت العرس تفاجئني ام العروس بهذا العنوان الصادم

يعني شنو الواحد عايز يتنازل عن تدليع الابوة لابنته برضو يدفع فلوس؟

لكيين حنعمل شنو
احنا لازم نخلف ونصرف ...... والصرف في حد زاتو مسؤولية
المسؤوليييييييييييييييييييييييييا المسؤولية....... يا سلام يا عركي

وكما قال خالي حمزاوي فان نسبة الصرف في السودان اعلى منه في طوكيو وتقل نسبة الخدمة المقدمة مقابل الصرف مما هو في تننناريف

وشكرا للذين لم يفكروا في الزواج

اول بالتبادي مبروك وجعله الله زواجا مباركا
اخيرا
والله تصرف صرف لامن تحتار وما تعرف المدير التنفيذي البصدر اوامر الصرف المالية زاتها

اول بالتبادي مبروك وجعله الله زواجا مباركا
اخيرا
والله تصرف صرف لامن تحتار وما تعرف المدير التنفيذي البصدر اوامر الصرف المالية زاتها

أخى زمراوى..السلام عليكم.....أركز بس وكمل الناقصة وأسترهم وساعدهم على الزواج تجد ألأجر العظيم إن شاء الله....وبعد ده عينوا عليهن....

انتو حتقول سجمي وياريت الليلة ديك كنت نمت من بدري

يا حمزاوي اكتب لي اسم الطباخ الشديد الذي استعنت به في عرس بتك والذي عجبك صحن الكوكتيل بتاعوا
ويكون في الخاص او في جوالي عشان ما بكون دعاية مجانية للطباخ

جدي شيخ زمراوي
مسكاقمي
اسمو اسماعيل عشيب
محلو بجوار مستوصف الشيخ بالجهة الشمالية بعد السوبر ماركت تلقى لوحة كبيرة مكتوب فيها عشيب للمناسبات
في شارع عبيد ختم
الله يتمه على خير

=

Quote: المهر ما بكفي حا تزيدو مرتين

الآباء في السودان مطلوب منهم أن يصرفوا على تزويج بناتهم مثلما يفعل أهلنا في بلاد البنغال حيث والد العروس لا العريس هو الذي يقوم بكل الأعباء.

والآباء في السودان مطلوب منهم أيضاً أن يصرفوا على تزويج أولادهم الذكور مثلما يفعل سادة قصور بكنجهام و مِهراجات الهند حيث والد العريس هو الذي يفتح خزائنه الغنية ليشتري أنفس أنواع المجوهرات.

إنه الاستهلاك يا رجل، فنحن الدولة الوحيدة التي يأكل فيها المنشار جيب أبو العريس وأبوالعروس في نفس الوقت.
وحكومتنا السنية لا تتأخر عن تقديم الدعم للمتزوجين بضرائبها وبمنشارها الطالع نازل.

مشكلتنا يا زمراوي أن أهلنا في السودان لا يلتفتون لصرخة بلدياتكم (زكي عبدالكريم) وهي يصيح بأعلى صوته (اصلو العرس بالفاتحة يا ناس ما حلال؟)
كما أنهم يضعون في إحدى أذنيهم الطين ويحشون الأخرى بالعجين، ولا يصغون لتغريد (بلابلكم) بنات طلسم في (عُـشة صغير .. كفاية علينا).

وإنما يتخذون من أغنية الكابلي التي يمضي فيها معدداً : (ثلاثة أرادب غداء، و أربعة قدور صندلية، ونسيبتك و "حكومتك" قالت شوية) دستوراً دائماً .


ألف مبروك لأميرة الشباب..

وتحية لكم وضيوفكم
...
..
.

شكرا يا حبيب اللون الاخدر الصادق عبدالله الحسن

شكرا على المرور والاضافة

وردي الله يرحمه كان يقول
في شندي العظيمة تلقى بنات جعل
واحدات في المتمة زي لون العسل

واحنا قلبنا الآية
عايزين ندي عجو المحس التقيل التقيل فدع العراجين
وود الجعل اللي اتقدم لبتنا المحسية وهو شايف بنات جعل
اصلو ما حنسأل أكان عندو نخل مروع في البساتين
لانومعرفتهم بينا ممتد من جده الذي جاورنا منذ بداية السبعينات
في الكلاكلة صنقعت ولا زال.