|
Re: غايتو انا استمتعت .... انتوا بي جازكم ( فيديوهات ) (Re: haroon diyab)
|
أبو دياب يا حبيب سلام وتحية وشوق (طولنا منك)
أنا غايتو مستمتع معاك خاصة في أغنية القطار بتاعت أحمد الصادق
قبل فترة كان في بوست للشاعرة عبير خيري بنفس الأغاني المحبشنة دي
أخوك برلوم لسه ما بقدر بجيب ليك روابط وكده فتش براك
بس بيني وبينك رقيصهم أشتر عديل في أغانينا ومخارج الكلمات خليها ساكت وسمح القول من خشم سيده زي ما بيقولو ... نحنا الناس ديل بنحبهم لله في لله حتي لو شهقو بس
أها ترحب بي ولا أكلم ليك الهلالابي الكبير ودالقاضي
| |
|
|
|
|
|
|
Re: غايتو انا استمتعت .... انتوا بي جازكم ( فيديوهات ) (Re: محمد محمد قاضي)
|
Quote: أبو دياب يا حبيب سلام وتحية وشوق (طولنا منك)
أنا غايتو مستمتع معاك خاصة في أغنية القطار بتاعت أحمد الصادق
قبل فترة كان في بوست للشاعرة عبير خيري بنفس الأغاني المحبشنة دي
أخوك برلوم لسه ما بقدر بجيب ليك روابط وكده فتش براك
بس بيني وبينك رقيصهم أشتر عديل في أغانينا ومخارج الكلمات خليها ساكت وسمح القول من خشم سيده زي ما بيقولو ... نحنا الناس ديل بنحبهم لله في لله حتي لو شهقو بس |
سلامات يا ود دياب عليك الله كلام محمد القاضي اقراهو براحة رغم انو بوست متعة وما حتة نقاش ونقد فني للأداء والرقص الإثيوبي لأغانينا بس غير القطار وفي رأي زول يادوب ما بوزن في رأسو بي قهوة تركية مسيخة إنو الأداء والرقص فيهو استعرض وهز ساي كدا
القطار حلوة
| |
|
|
|
|
|
|
Re: غايتو انا استمتعت .... انتوا بي جازكم ( فيديوهات ) (Re: haroon diyab)
|
هلا ياتبلدي
واسعد الله صباحك بكل الخير
Quote: سلامات يا ود دياب عليك الله كلام محمد القاضي اقراهو براحة رغم انو بوست متعة وما حتة نقاش ونقد فني للأداء والرقص الإثيوبي لأغانينا بس غير القطار وفي رأي زول يادوب ما بوزن في رأسو بي قهوة تركية مسيخة إنو الأداء والرقص فيهو استعرض وهز ساي كدا
القطار حلوة |
وياخي مرحب بالنقاش مادام بيخدم
المهم
البت تقستي دي قاعدة تجضم
غنا
عثمان حسين جضيم صااااااااااح
كدي اجيب ليك واحدة مخصوص واجيك
فتك عافية
| |
|
|
|
|
|
|
Re: غايتو انا استمتعت .... انتوا بي جازكم ( فيديوهات ) (Re: Mohamed Foto7li)
|
سلام يا هارون مع إنو بوستيك للأغانى السودانية بأداء أثيوبي لكن أسمح لي أشارك بأغنية أثيوبية إسمها يا سلام للفنان الإثيوبي هيلي تاديسي والفنان السودانى أبوبكر سيد أحمد. الأغنية مصورة أسفل الهضبة علي الحدود الإثيوبية السودانية بجانب نهر الأباي (النيل الأزرق).. ممكن بسهولة تسمع الخرطوم (كارتوم) والقضارف (قداريف) وأديس وقندار في الأغنية..يا سلام..
الفنان أبوبكر سيدأحمد في الدقيقة 5.17 والدقيقة 5.46 تقريبا..
| |
|
|
|
|
|
|
Re: غايتو انا استمتعت .... انتوا بي جازكم ( فيديوهات ) (Re: haroon diyab)
|
شكرا يا هارون
يا أخوانا أكسنت و مخارج حروف و الحاجات دي طبيعية لأنو دي ما لغتهم
موضوع اللبس دا ما عندو علاقة بالغناء نهائي إن شاء الله يجوا أم فكوا ( إنتوا ناس الإذاعة الزمان ديك كنتوا شايفنهم لابسين شنو )
الناس تعترف الناس ديل شغلهم مقنع مزيكا و أداء
هم ماشين لقدام و نحن ماشين لي وراء
ناسنا الجداد بصراحة ما مقنعين و يكاد يكون ما عندهم حاجة عدا قلة
كل مناحي الحياة عندنا ماشة متردية و الغناء لسي بإستثناء
غايتو لو ما لحقنا روحنا الرماد كال حماد
نبقي بس مقرضين علي القديم و نعبش الزكريات
قبل شهرين دخلت حفلة لي تيدي أفروا ( أول مرة أشوفوه لايف )
مزيكا .. الحان.. حركة.. تفاعل..تراث.. غناء وطني.. ريقي...
و الله إنبهرت و عرفت إنو نحن قاعدين في السهلة
| |
|
|
|
|
|
|
Re: غايتو انا استمتعت .... انتوا بي جازكم ( فيديوهات ) (Re: Moawia Mohammed)
|
اسعد الله صباحك يامعاوية
وبالتوفيق للتمهيدي الجديد هههههههههههههه
Quote: الناس تعترف الناس ديل شغلهم مقنع مزيكا و أداء
هم ماشين لقدام و نحن ماشين لي وراء
ناسنا الجداد بصراحة ما مقنعين و يكاد يكون ما عندهم حاجة عدا قلة
كل مناحي الحياة عندنا ماشة متردية و الغناء لسي بإستثناء
غايتو لو ما لحقنا روحنا الرماد كال حماد
نبقي بس مقرضين علي القديم و نعبش الزكريات
|
ودي الحقيقة يامعاوية
قاعدين في السهلة وفاضين للفلسفة
والتنظير الفطير .
اعتقد بان مرحلة الانتشار للاغنية السودانية ستاتي
من ارض النجاشي
تحياتي
| |
|
|
|
|
|
|
Re: غايتو انا استمتعت .... انتوا بي جازكم ( فيديوهات ) (Re: عماد كرار)
|
هلا وغلا بريحة الحبايب
واهلا بالحبيب عماد كرار
Quote: ودحلتنا اقصد مدينتنا البورت هارون دياب يارائع بروعة جلسة علي احدي قهاوي سوق ديم سواكن وصوت محمود عبدالعزيز وسكت الرباب تنبعث من الستريو
* اعزرني ياخ ده كلام زول مشتاق للبورت وبالذات في الايام دي هههههه |
والله ياعمده اهم حاجة عندي لامن امشي البورت
ازور ديم سواكن واقعد في قهوة ميرغني ابو شنب
( ساني سابقا ) واعيد الماضي من اول .
الايام دي البورت تشع جمالا وطربا وبهجة
الحق استمتع واتخارج قبل السخانة والباعوض .
تحياتي
| |
|
|
|
|
|
|
|