Post: #1
Title: وطــن الجــدود !
Author: Asim Fageary
Date: 12-22-2014, 03:01 PM
Parent: #0
والله صحي !
|
Post: #2
Title: Re: وطــن الجــدود !
Author: Asim Fageary
Date: 12-23-2014, 06:09 AM
Parent: #1
طبعاً البوست دا من أمبارح هنا مافي جا زول قال كلمة
لأني ما عندي شلة !
المهم
وطن الجدود إسم على مسمى
|
Post: #3
Title: Re: وطــن الجــدود !
Author: نعمات عماد
Date: 12-23-2014, 04:00 PM
Parent: #2
سلام Asim Fageary
الشاعر قصد بوطن الجدود أن اجدادنا حافظوا على هذا الوطن و نحن بدورنا سنحافظ عليه من أجل الأبناء و الأحفاد .
و لكن الوطن الحالى هو نسخة كيزانية جارى تفكيكها و تركيبها من جديد زي الليغو Lego
>>>>>>>>>>>>>>
إقتراح
لو أضفت فيديو أغنية شعبية ح يجذب القراء .
|
Post: #4
Title: Re: وطــن الجــدود !
Author: وضاحة
Date: 12-23-2014, 04:33 PM
Parent: #3
Quote: طبعاً البوست دا من أمبارح هنا مافي جا زول قال كلمة
لأني ما عندي شلة ! . |
بعانخى سلام واشواقات
مالك ماعندك شلة وينن اهلك النوبة
| Quote: و لكن الوطن الحالى هو نسخة كيزانية جارى تفكيكها و تركيبها من جديد زي الليغو Lego |
يا نعمات هو كذلك شوفي بشة قال ليكم شنو
تقولى لى جدود
نحن نستاهل الضرب علشان خلينا البلد لي نوعية حقير زى دا وعصابتوا ينططوا لينا فى راوسينا
|
Post: #5
Title: Re: وطــن الجــدود !
Author: فرح الطاهر ابو روضة
Date: 12-23-2014, 05:02 PM
Parent: #4
عاصم فقيري
اعمل ليك كوم في الواتساب
غير كده
مش لو كتبت وطن الجدود
لو انت ذاتك شاعر القصيدة مافي زول بشتغل بيك
ابقى قائد
واتسابي ياخ
هههههههههههههههههههههه
|
Post: #6
Title: Re: وطــن الجــدود !
Author: Asim Fageary
Date: 12-25-2014, 06:07 AM
Parent: #5
سلام مربع لكل الأنيقين الذي مروا من هنا نعمات و وضاحة وابو رروضة
يا نعمات عندي رأي في وطن الجدود من زاوية تانية
وهو أن الشباب هاجر بأعداد مهولة ونحن أيضاً جزء من هذه الهجرة وهنالك من سبقونا عليها
وهنالك اللاحقين
فيبقى الوطن للجدود
والبيقدر يرجع برضو بيرجع وهو جد
أو وهي جدة
تعرفي المسألة دي رغم إنها بتتناقش يومياً
لكن بيمروا عليها مرور الكرام
أعتقد إنها سبب في جزء كبير من البلاوي الحاصلة في البلد
منو الحيقاوم الإنتهازيين بدون وجود شباب ودماء حارة وبأعداد كبيرة تسمح بالمقاومة
كيف تنتقل خبرات الأجيال إذا كان الواحد بقى يبني خبرته خارج السودان ويسوقها خارج السودان
الموضوع دا عاوز حفر عميق جداً !
|
Post: #7
Title: Re: وطــن الجــدود !
Author: علي عبدالوهاب عثمان
Date: 12-25-2014, 08:21 AM
Parent: #6
عاصم أننقا ..
التحية ..
صدقني الواحد بقى ما يعرف حدود الوطن وين ؟؟
أنا شخصياً بدأت ارى الوطن هي الجهة ارضاً والقبيلة نسباً ..
أقولها من تجربتي اليومية لمجالسنا وتضم كل الفئات ( النخبوية والخط المعرف العادي وأصحاب الميول السياسية ومن غيرهم .. )
داخل الجمعيات النوبية في جدة أو في مقاهي جدة التي تضم كل الفئات السودانية .. لا أحد يدافع عن الوطن إلا إذا كان المتحدث غير
سوداني .. وحيث كان المتحدث سوداني فالكل يدافع عن منطقته ولا تسمع عن السودان .. والأكثر جهوية هم الفئات المحددة بالجغرافيا
الموحدة واللغة وأهل الهوامش ، النوبيين في الشمال وجنوب كردفان ، أهلنا في الشرق ، ودارفور ( هذه هي المجموعة الأكثر وجوداً في المجالس بحدة )
لكن بصراحة أبناء الوسط والمدن ( المدينيين ) هم الأكثر ميلاً نحو السودان الموحد ..
دي دراسة عشوائية وإحصائية بالتجربة والممارسة اليومية والمعايشة والصداقات .. والسوداني في الغربة يعبر عن نفسه بكل تجرد ..
أكرر هذه تجربتي منذ عدة سنوات في دوائر والحاضنات الاجتماعية التي تجمع أبناء الوطن .. وتدور فيها نقاشات .. حتى جريدة
الحياة نشرت مقالة قبل سنة عن هذه المنتديات المفتوحة في مقاهي الاحياء الشعبية ..
لك التحية .. أخي عاصم .. أما عن البوست أنا شخصياً كنت مفتكره عن ( عيد الاستقلال )
نواصل معاك .. وسوف أورد لك قصة عن مفهوم السودان لدى أهلنا من الجيل السابق ..
|
|