**** يا ناس |الجزيرة الفاهم فيكم يفهم الناس****

ريلة دى حقت منو فى الحرامية !!!؟؟

وبرضوا بقولوا على حسب كلام عصابة الكيزان
مشيتوا ايتوا وقدمتوا فروض الطاعة للمطلوب للمحكمة الدولية بشة !!!

أبكيك كيف يا وطن
واقول شنو
حسبي الله ونعم الوكيل

اختنا وضاحه ازيك


انا والدي مفتش عمل في مشروع الجزيره طول عمره


وعارفين انو المزارع في الحساب الفردي وقبل الحساب الفردي الحكومه بتحصل كل القروش العاوزاها من المزارع وتصرف ليه باقي القروش حقتو وهي الكانت مسيطره علي بيع القطن وتصديره وحلجه وترحيله وبتحاسب المزارع علي جميع العمليات دي

ووبتقاسم المزارع في بيع البزره بتاعت القطن


الان اصبح المزارع مرهون بشركات وهميه تمص في دمه

وما بتقدم دعم حقيقي للمزارع الذي كان بتدين من الحكومه وبتخلص قروشها مع صرف الحساب


المهم في الموضوع انو الحكومه او الكيزان عندهم راي في مشروع الجزيره وان شاء الله يجيبو فيه المصريين عشان يعرفو حاجه الحكومه وهم

Quote: ريلة دى حقت منو فى الحرامية !!!؟؟

الدكتورة وضاحة
هذا الكلام في تفتيش كاب الجداد الذي لا يبعد عنا نحن في مكتبي الترابي وأم دقرسي كثيرا
لا أعلم علي وجه التحديد لمن تتبع هذه الريلة ولكن أغلب الظن ستكون إحدي أجسام جهاز الأمن القمعي الذي يتحكم في مفاصل الدولة من ألفها إلي يائها!!
أتمني أن يأتيك بعض الإخوة ممن يملكون الإجابة لشافية في هذا الصدد
فعلاً أمر عجيب هذه الريلة تخلص 500 وتورد 150 بمعني أنها تأخذ جنيهين وتلت قصاد كل جنيه يورّد للمشروع
وبرضو
سير سير يا البشير نحن جنودك للتعميير
_____
الحليلة

Quote: الان اصبح المزارع مرهون بشركات وهميه تمص في دمه وما بتقدم دعم حقيقي للمزارع الذي كان بتدين من الحكومه وبتخلص قروشها مع صرف الحساب

لماذ يسمحوا ليهم بذلك ؟؟!!
لي ما يعملوا نقابة منهم قوية تدافع عنهم لماذا يقبلون الهوان لماذا ؟
وكيف يمشوا يايدوا مجرم بحاربن فى قوتن وقوت عيالهم وازلهم وسمح لى عصابتوا تنتهك حقوقن وحقوق اولادن لمااااااذا ؟
لماذا يسمحوا لى حرامية تسرقن وهم ساكتين؟؟؟
الارض دى عرضهم لماذا يسمحون بسرق عروضهم وازلالهم !!!!!!!!!!!!

Quote: الدكتورة وضاحة هذا الكلام في تفتيش كاب الجداد الذي لا يبعد عنا نحن في مكتبي الترابي وأم دقرسي كثيرا لا أعلم علي وجه التحديد لمن تتبع هذه الريلة ولكن أغلب الظن ستكون إحدي أجسام جهاز الأمن القمعي الذي يتحكم في مفاصل الدولة من ألفها إلي يائها!! أتمني أن يأتيك بعض الإخوة ممن يملكون الإجابة لشافية في هذا الصدد فعلاً أمر عجيب هذه الريلة تخلص 500 وتورد 150 بمعني أنها تأخذ جنيهين وتلت قصاد كل جنيه يورّد للمشروع وبرضو

الغلط ما في الكيزان الغط من المزارعين السمحوا لهم بسرقتن وانتهاك عروضهم
والله انا متحيرة كثيرا
وينن الرجال مافى راجل واحد جاي من ظهر راجل واموا سودانية واكل وشرب من الارض والمشروع
و يقيف في وجه الظلم ويقول لا !!!

الحبيبة \ وضوحة ..

تحياتي الخاصة ..

Quote: ريلة دى حقت منو فى الحرامية !!!؟؟

يا وضاحة قال ليك ( ريلة ) ههههههه خلاس سابو اسامي مكة والمدينة وتبوك

تصدقي نزلت السودان لقيت ليك الاسامي كلها بمكة والمدينة وتبوك وام المعرك

حقيقة انا قلت يا ربي انا جيت السعودية بالغلط هههههههههههه ( ريلة ) احب

الريل انا هههههه . تسلم يا سكرة .

ولا قدام .

Quote: يا وضاحة قال ليك ( ريلة ) ههههههه خلاس سابو اسامي مكة والمدينة وتبوك تصدقي نزلت السودان لقيت ليك الاسامي كلها بمكة والمدينو وتبوك وام المعرك حقيقة انا قلت يا ربي انا جيت السعودية بالغلط هههههههههههه ( ريلة ) احب الريل انا هههههه . تسلم يا سكرة . ولا قدام .

حباب بت عمسيب
انتى بصدقى دينهم دا !!!
ديل مجرمين بالنهار يسبحوا وباليل يضبحوا
فاكرين نفسن بضحكوا على الناس
ورب العالمين عارفن وشايف الجواهم

شكرا لمروك الذي اسعدنا يا حبيبة

تحياتي دكتورة ..

لا أحد لا يعرف مشروع الجزيرة ولا أحد ينكر أهميته بالنسبة للوطن ..
لقد سعت هذه الحكومة منذ مجيئها المشؤوم لبيعه وضربها لعصفوريين بحجر البيع وتشريد أبناء الجزيرة وتفكيك هذه المؤسسة التي لا تنتمي لامثالهم من الفاسدين ..
هذه المؤسسة وهذا المشروع العظيم ضم جميع اهل السودان ويعيشون فيه في توادد وتراحم يحملون هم هذا الوطن على أكتافهم ..
أبناء الجزيرة موجودين ومستعدين لخوض النار ولتجرب الحكومة أن تمسهم في أرضهم ..
وانا لا أقول الكلام دا للإستهلاك فقد حرق المزارعين محصولهم قبل كده حتى لا تاخذه الحكومة ومات فيهم من مات دفاعاً عن أرضه ..
وأظنها حانت لحظة الخلاص ..

اما ما رأيتيه في قاعة الصداقة لا يخفى عليك بأن الحكومة تعرف تجييش منسوبيها لتجميل صورتها وزيادة كومها وأظنه سراب تحسبه الإنقاذ ماء ..
فأبناء الجزيرة الشرفاء لا ينتمون لهؤلاء الحرامية الفاسدين ..

تحياتي ياوضاحة
المشروع تم تقسيمه منذ أمد بعيد بعد تفكيك الري (عليه الرحمة) بموجب قانون المشروع لسنة 2005م ، آلت ملكية أقسام لشركات معروفة منها على سبيل المثال لا الحصر شركة (روينا) يقال أنها تتبع للشريف ود بدر ... شركات مملوكة لنافذين في النظام .. كل واحد أستورد (خردة) من آليات الحفر المستعملة وأخذ حصته من أقسام ري المشروع ... طبعا الحيكومة التعيسة أنتهى دورها بسن قانون 2005م والسماح لهؤلاء بالتغوّل والتب ول على رؤوس المزارعين ...والمؤلم هو تواجد أمني كثيف يحمي حقوق هؤلاء .. يعني نمرة القمح أو العيش قبل حصادها يكون موسم خصب لهؤلاء النظاميين وناس روابط المياه واللجان الشعبية وشركات الري أمثال (ريلة) ولا أحد يجرؤ على (دق) (قنقرة) وأكل حبوبها إلا بعد الدفع المقدم ... محصول فاشل ناجح كما قال هؤلاء الضحايا .... ورئيسهم يتحدث عن دعم . وعن أموال دخلت على المزارعين ولم يعيدوا سدادها ... ويهدد برفع التمويل عن المشروع ... وكأن الناس عايشة في بلد آخر غير بواقي السودان ... والله كمان ما فاهم شيء ...
كنت أتوقع من زميل المنبر بشير أحمد وهو حسب ظني (وإن بعض الظن إثم) وهو من قام بهذا العمل الرائع - أن يواصل جهده ليعرف أين هي الريلة حتما لها موقع بالجوار ... فمثلا شركة المتعافي المسماة (المزدانة) كانت في (البحوث مدني) والآن تمارس نشاطها من (مارنجان) المخازن العائدة للسكك حديد الجزيرة ... شرق كبري السوريبة مباشرة ...
الشفيع إبراهيم

Quote: تحياتي دكتورة .. لا أحد لا يعرف مشروع الجزيرة ولا أحد ينكر أهميته بالنسبة للوطن .. لقد سعت هذه الحكومة منذ مجيئها المشؤوم لبيعه وضربها لعصفوريين بحجر البيع وتشريد أبناء الجزيرة وتفكيك هذه المؤسسة التي لا تنتمي لامثالهم من الفاسدين .. هذه المؤسسة وهذا المشروع العظيم ضم جميع اهل السودان ويعيشون فيه في توادد وتراحم يحملون هم هذا الوطن على أكتافهم .. أبناء الجزيرة موجودين ومستعدين لخوض النار ولتجرب الحكومة أن تمسهم في أرضهم .. وانا لا أقول الكلام دا للإستهلاك فقد حرق المزارعين محصولهم قبل كده حتى لا تاخذه الحكومة ومات فيهم من مات دفاعاً عن أرضه .. وأظنها حانت لحظة الخلاص .. اما ما رأيتيه في قاعة الصداقة لا يخفى عليك بأن الحكومة تعرف تجييش منسوبيها لتجميل صورتها وزيادة كومها وأظنه سراب تحسبه الإنقاذ ماء .. فأبناء الجزيرة الشرفاء لا ينتمون لهؤلاء الحرامية الفاسدين ..

مرحب يا معتصم
حكومة سياستها عاجزة لا يحكمها دستور ولا قانون
زى ما بتقول جدتى الحكاية بقت طلقيبة سااااى اى واحد فيهم بسعى لى ملي بطنوا وحساباتوا فى البنوك خارج السودان
لكن يا معتصم ما يدهشنى اين هم نقابة المزارعين ومن هم مؤسسيها ولماذا يسمحون بتلك الفوضي ؟؟
اين اهل الجزيرة لماذ يحنون ظهورهم لى هولاء الشرزمة من الحرامية وفاقدين الضمير !!!؟؟

Quote: تحياتي ياوضاحة المشروع تم تقسيمه منذ أمد بعيد بعد تفكيك الري (عليه الرحمة) بموجب قانون المشروع لسنة 2005م ، آلت ملكية أقسام لشركات معروفة منها على سبيل المثال لا الحصر شركة (روينا) يقال أنها تتبع للشريف ود بدر ... شركات مملوكة لنافذين في النظام .. كل واحد أستورد (خردة) من آليات الحفر المستعملة وأخذ حصته من أقسام ري المشروع ... طبعا الحيكومة التعيسة أنتهى دورها بسن قانون 2005م والسماح لهؤلاء بالتغوّل والتب ول على رؤوس المزارعين ...والمؤلم هو تواجد أمني كثيف يحمي حقوق هؤلاء .. يعني نمرة القمح أو العيش قبل حصادها يكون موسم خصب لهؤلاء النظاميين وناس روابط المياه واللجان الشعبية وشركات الري أمثال (ريلة) ولا أحد يجرؤ على (دق) (قنقرة) وأكل حبوبها إلا بعد الدفع المقدم ... محصول فاشل ناجح كما قال هؤلاء الضحايا .... ورئيسهم يتحدث عن دعم . وعن أموال دخلت على المزارعين ولم يعيدوا سدادها ... ويهدد برفع التمويل عن المشروع ... وكأن الناس عايشة في بلد آخر غير بواقي السودان ... والله كمان ما فاهم شيء ... كنت أتوقع من زميل المنبر بشير أحمد وهو حسب ظني (وإن بعض الظن إثم) وهو من قام بهذا العمل الرائع - أن يواصل جهده ليعرف أين هي الريلة حتما لها موقع بالجوار ... فمثلا شركة المتعافي المسماة (المزدانة) كانت في (البحوث مدني) والآن تمارس نشاطها من (مارنجان) المخازن العائدة للسكك حديد الجزيرة ... شرق كبري السوريبة مباشرة ... الشفيع إبراهيم

ما عارفة ارد اقول ليك شنو يا الشفيع
غير ارجع اقول ليك اين اهل الجزيرة ؟؟؟
اين نقابة المزارعيين من اهل الجزيرة او اتحاد المزارعين من ابنا الجزيرة
لماذا يسمحوا لى الشريف ود بدر وغيرهوا بدخول فى مثل هذا المشروع القومي؟؟
لماذ يقبلون كل هذه الظلم على نفسهم وعلى ابنائهم وعلى اهل السودان ؟؟
حكاية عجيبة وغريبة
والاغرب منها نبيز الرئيس لى اهل الجزيرة

اول مرة في حياتى اشوف لى رئيس ينبز شعبوا !!!

انت يا وضاحة بتلفحي ساي


الفيديو دا في صفحة اليوتيوب بتاع عضو المنبر بشير أحمد
ما الجماعة العاجباهم الحيكومة دي (المعني كوز)

إمكن يكون خاتيو شرك

لأنو دا اكل عينيك عينك
والحشاش يملا شبكتو

دي ما دايرة ناس الجزيرة يفهمو....
كلام واضح ومساحة واسعة للمال السايب
وكان مافي ذول بسرق
بتعلم

وطن مؤلم

Quote: انت يا وضاحة بتلفحي ساي

يلفحك ان شاء الله ناس داعش يحلقوا ليك تفتك دى رقم 0

Quote: لفيديو دا في صفحة اليوتيوب بتاع عضو المنبر بشير أحمد ما الجماعة العاجباهم الحيكومة دي (المعني كوز)

بشير احمد دا منو والله العظيم ولا شفت صفحتوا ولا بعرفوا
كنت بفتش في فديوا بتاع خمسة سنين ازهري محمد علي ولقانى صدفة اتخلعت لما سمعتوا وجبتوا هنا
هم بياكلوا من اليوم ما بياكلوا من اول سنة في الحكم الجاير
ياكلوا فى بطونهم ناااار
كل اول لي اخر وعاوز تانى يترشح ومعه المجرمين والمنتفعية يودونه
ارحل خلاص كفاك

سلام وضاحة،
أرى أن قانون 2005 في المدى البعيد سوف يكون في صالح المزارع والمشروع.
أبوة الدول للمشاريع الزراعية عفى عليها الزمن، على المزارعين إغتنام فرصة التمليك وتكوين شركات زراعية بعيد عن الدولة.

Quote: يلفحك ان شاء الله ناس داعش يحلقوا ليك تفتك دى رقم 0

هسا ناس داعش كان جا يلفحو .....بلفحو منو فينا
عاملة ضفايرك دي.......

Quote: بشير احمد دا منو والله العظيم ولا شفت صفحتوا ولا بعرفوا

بشير أحمد دا من المتعاطفين مع الحكومة
وبالبرغم انو شايف دا اكل وفساد هو من عندنا (من الجزيرة يعني)
لكن برضو شايف دا كلو لله

ودا الفاقع مرارتنا

الجزيرة وانسان الجزيرة.....ضحية لعمل ممنهج قصد منه التدمير الكامل
لشي في نفس هؤلاء العصبة الحاكمة

ولك كل الود والإحترام

Quote: سلام وضاحة، أرى أن قانون 2005 في المدى البعيد سوف يكون في صالح المزارع والمشروع. أبوة الدول للمشاريع الزراعية عفى عليها الزمن، على المزارعين إغتنام فرصة التمليك وتكوين شركات زراعية بعيد عن الدولة.

وعليكم السلام
المدى البعيد !!!!
ولى الوقت داك يظلوا حانين ظهورهم للكيزان!!!

Quote: هسا ناس داعش كان جا يلفحو .....بلفحو منو فينا عاملة ضفايرك دي.......

يا ود انا امم متحدة ما بقدروا يمسوا فيني شعرة

Quote: بشير أحمد دا من المتعاطفين مع الحكومة وبالبرغم انو شايف دا اكل وفساد هو من عندنا (من الجزيرة يعني) لكن برضو شايف دا كلو لله

هكذا الكيزان اصحاب مصالح وملي بطون
بالمناسبة معظمهم عيون لى ناس الامن في هذا المنتدى
وخاصة محمد عطاء
اعرف الكثير عنهم
لذلك حاربونى فى المنبر وحاولوا النيل منى
بس وحاتك اختك زى الجبل الاشم
لا يهزون في ضفيرة واحدة من ضفاير شعرى الغجرى