وباسمكم جميعآ ايها الشرفاء ... وبما يختص بعلاج البطل محمد بوشي ( صور فيديوهات )..

اخوتي واخواتي الشرفاء والرفاق ...

لكم التحية والتقدير والاحترام ...

( وكنت اتمني ان اكون جندية مجهولة ) ولكن اجبرتني مناشدتكم .

بالنسبة للمناضل محمد بوشي كلنا اهتمام ومتابعة لظروفه الصحية ولكن لم اكن اريد

البوح بما يجري وراء الكواليس لانه ليست ( بالبطولة ) ..الذي نريد عمله هو الواجب تجاه

ابناء الوطن الباريين بابيهم الوطن واسرهم الصابرة . لقد قمنا بكل ما هو واجب تجاه المناضل

رمز العزة والشموخ .. وسوف اغادر الي جمهورية مصر العربية بعد وصول الابن البار البوشي للمتابعة

والوقف معه في محنته الصحية . واكرر هذا ليست بالبطولة بل هو الواجب وتمنيت ان اكون الجندية المجهولة

للوقوف مع شرفاء بلادي واوفيائه . ولكن اجبرتني بوستاتكم المناشدة بمساعدة المناضل البار محمد البوشي .

ومن هنا اريد ان اطمئنكم واتمني من العلي القدير ان يفك اسره لكي الحق به في مكان علاجه لمساعدته المطلقة

ومن كل النواحي الذي يتطلبها علاجه .. ودمتم ايها الشرفاء ودام وطننا الحبيب الذي نحلم به حرآ ووطنآ للجميييييع .

مني بت نفسية .

ولالالالاقداااااام .

لك التحية والتقدير بت عمسيب

البوشي وكلمة حق في وجه سلطان جائر .

ما اعظمك ايها البطل .

حبابك اخوي ود الارباب ..

Quote: لك التحية والتقدير بت عمسيب

ولكم كل الحب والتقدير ..

تمنياتى للبوشى بكمال الصحه والعافيه والعافيه ...

ووافر احترامى لك ياسيدة النخوه والخوه الرائعه

انحناءة تقدير لسيده تعرف كيف تؤدى واجبها الوطنى كماينبغى...

شكرا منى

الأخ العزيز \ ملهم ..

لك التحية والشكر النبيل ..

Quote: تمنياتى للبوشى بكمال الصحه والعافيه والعافيه

امييييييييييييييين .. وبالله كتروا لينا منها .

ولا قدام .

الكلس النشمي \ البوشي ( فارس الحديد ان حمي )

الكلس النشمي البوشي اريتو ولدي .

الشهيد البطل \ محمد عبد السلام صديق البوشي ورفيقه .

اللهم ارحم شهدائنا واجعل مثواهم جنتك .





الكلس البوشي . رنا يحفظه .

ماك الوليد العاااااااق لاخنتة لا سراق ..

الكلس البوشي .. لك منا كل ما تستحقه ..

وهنئيآ لك ايها الأم الروؤم وسلمت بطنك الجابتو ( حاجة كوثر ) ..

التحية لكل الأخوة الذين اتوا الي في الخاص للتنبيه علي

اضافة كلمة ( علاج ) لكي يكون تنبيه للجميع ...


لكم تحياتي وتقديري .. ودمتم دومآ ..


ولالالاقداام .

بت عمسيب ياصديقة

التحية لكي وانت تقومين بعمل يساوي الكثير
فالبوشي من الوطنيين الصدق القلائل في بلادي
له التحية وللوالدة كوثرتلك الام الرؤم التي مافتأت
تستقبل رفقاء ابنها في بيتها العامر وكأنهم ابنائها
من رحمهما تمنحهم المودة والرحمة لها التحية
ولكل نساء بلادي الشريفات



مودتي
ولي قدااااااااااام
تلبو

العزيزة بت عمسيب
لله درك من فتاة مليئة بالشموخ والوطنية والمروءة..وكيف لا وانتي التي رضعت من تقاليدنا وعاداتنا
السودانية السمحة ..ودائما شايلة هموم الوطن وهموم الشعب السوداني الطيب بطبعه والذي لا يستحق
ابدا ما يكابده من معاناة وشقاء الا من باب كل ما لا يقتلني يقويني....
ونحن دائما تحت الخدمة للمساعدة في علاج محمد بوشي سواء كان ماديا او معنويا ..
بس يا ريت كمان يا بت عمسيب تورينا ظروف اعتقاله ..وكيف ولماذا .. لانه لم يسبق ان قرات
شيئا عن تفاصيل هذه المسالة....
والله يديكي الصحة والعافية

الصديق \ دهب ..

لك التحية التقدير .. ومشكور علي الكلام المن ( دهب ) ..

Quote: فالبوشي من الوطنيين الصدق القلائل في بلادي له التحية وللوالدة كوثرتلك الام الرؤم التي مافتأت تستقبل رفقاء ابنها في بيتها العامر وكأنهم ابنائها من رحمهما تمنحهم المودة والرحمة لها التحية ولكل نساء بلادي الشريفات

انت قايل شنو ؟ عشان كدا انا ماشه ليهم ههههه . تسلم يادهب وما عدمناكم يا شبابنا

المستنير . وما نشوف فيكم شر .. ودمتم ..

بت نفيسه

ولاقدااام .

الحبيبة \ الاميرة ..

تحياتي وحبي .. ومشكورة علي الكلام الجميل .

Quote: ونحن دائما تحت الخدمة للمساعدة في علاج محمد بوشي سواء كان ماديا او معنويا .. بس يا ريت كمان يا بت عمسيب تورينا ظروف اعتقاله ..وكيف ولماذا .. لانه لم يسبق ان قرات شيئا عن تفاصيل هذه المسالة....

اما بخصوص تفاصيل الاعتقال لسه ما عارفنها هو اسه في اللحظة البتكلم معاك دي عندو محكمة

ربنا ينصرو يا ناصر الحق بالحق تنصر البوشي وتسهل ليهو السفر للعلاج . المهم يا الاميرة زي

ما قلت ليك الموضوع لسه ما عارفين الاسباب شنو لكن اكيد حا تعرفي بس شيل الصبر . ودمتي يا حبيبة

وربنا يدي البوشي الصحة والعافية وللجميع .

ولي قدام .

مستعدة للمساعدة ورينى الدرب وين ؟

السودان بخير..
مافى ذلك شك..
والانقاذ الى زوال..
طالما أن هؤلاء هم ابنائنا..
اللهم فك أسره..
واسر البلد..

التحية والاحترام والانحناءة للمناضل الشرس بوشي
والتحية لك ايضا الراكزة بت عمسيب

من حيطة المناضل الكلس البوشي .

Quote: من المناضل بوشي الحمد لله من قبل ومن بعد .. الان وقبل ساعه تقريبه طلعتا من قسم الشقله 30 متوجها للمنزل بعد ان وضحت الصوره ورسي الامر علي الاتي البلاغات المفتوحه في مواجهتي بلاغين الاول تحت الماده 77 من القانون الجنائي ودي نقلو ورقا لمحكمة النظام العام بمجمع محاكم الحاج يوسف بالوحده وبدون تحري والمحكمه بعد بكره التلاتاء 16 ديسمبر الساعه 9 صباحا اما التاني ففيهو تلاته مواد 25 و 44 و160 من القانون الجنائي وده ياداب الليله اتحرو معاي فيهو وما معروف حيمشي المحكمه متين !! عموما انا اسي مفرج عني في البلاغين بالضمان الشخصي .. اخيرا اكرر شكري للجميع خاصة الاستاذين المحاميين الاستاذ عثمان العاقب والاستاذ محمد صديق لتكبدهم المشاق( والتلتله وامشي وتعال ) مع العلم انو ده كلو بالمجان بل كمان يدفعو من جيبم فلهم الف تحيه

اللهم يقبل حمدك ويرنا حقك وحق الشعب الغلبان علي امره اللهم يا ناصر
الحق بالحق انصر المناضل البوشي الذي قال ( كلمة حق في وجهة سلطان جائر )
وانصرنا علي اعداء الانسانية والطبيعة !!!

وتسلم البطن الجابتك ..

البوشي وكلمة ( الحق ) في وجه سلطان جائر .

الحبيبة \ الوااااضحة ..

تحياتي وحبي ..

Quote: مستعدة للمساعدة ورينى الدرب وين ؟

عارفاااااااك مو بتقصري يا الهميمة .. لكن لو دايرة تفاصيل تعالي لي
في الخاص في الفيسبوك عشان اوضح ليك يا حبيبة وما عدمناك .

لي قدام .

حبيبة قلبي \ نوارة ..

سلام معطر يغشاك نأمن يفضل .

Quote: السودان بخير.. مافى ذلك شك.. والانقاذ الى زوال.. طالما أن هؤلاء هم ابنائنا.. اللهم فك أسره.. واسر البلد..

السودان بخير يا اهل الخير .. ونتمني ونسأل الله العلي القدير ان يزيل
لينا حكم الظلم وننعم بحياة كريمة مع شبابنا شموع الوطن امثال بوشي
ورفاقه .. وهولاء ابنائنا هم شعار تكاتفنا ووحدتنا وتراحمنا وربنا يخليهم
لينا ويحفظهم وما نشوف فيهم مكروه .. وتسلمي يا حبيبة ...

ولاقدام .

حبابك ابو علوة ..

ومشكور علي المرور ..

Quote: التحية والاحترام والانحناءة للمناضل الشرس بوشي

بدون شك .

التحية للأخ البطل
البوشي ونتمني له الشفاء العاجل
والتحية لكي أختي مني وأنتي تقومي بهذا العمل الرائع
مودتي

منى بت نفيسة التحية و القومة ليك

التحية للبطل البوشى خالص الدعوات بالشفاء و العودة الظافرة .

نيابة عنى يامنى قالدى أم البطل الصامدة الصابرة و بلغيها التحايا

امنياتنا ان نحتفل بالبطل قريبا فى وطن حر و خير ومعافى .

ربنا يكتب سلامتكم .

الأخت مني
كتبت في بوست مجاور

Quote: الأخ محمد علي عثمان شكراً علي الخبر فعلاً أمر مؤسف وأتمني من كل الإخوة كل في مكانه السعي الحثيث من أجل فك أسر الأخ محمد حسن عالم (بوشي) إنه زمن حكم أب تكو، ولنتذكر جميعاً أن الحقوق تؤخذ ولا تعطي أتمني أن يخرج الأخ بوشي ليستشفي في القاهرة بعد أن وصل به الحال درجة أستعصي معها القدرة علي المشي أرجو أن نلتفت جميعاً لوحيد أمه وأتمني ألا نتركه وحيداً وسط الوحوش المفترسة تحياتي مرة أخري الأخ محمد ____ الحليلة

ومعكم قلباً وقالباً
____
الحليلة

الأخت الحبيبة .. والكلسة ..
منى عمسيب ..

قد أرجعتينا الى سودانا الحبيب .. سودانا القديم ..
بنخوة أبنائه وبناته ..

أولاً ندعو الله لشفاء البطل المقدام والصريح جداً ..
والذى لايخاف الشاب .. محمد بوشى .. الله قادر أن يكتب له
الشفاء العاجل ..
و أنت يا أخت منى .. كم هو جميل منك أن تقومى بهذا
العمل الجبار .. الرب قادر أن يكافئك يا منى .. ويقف
معك ويساندك .. لأن الله يريدنا أن نقوم بمثل هذه
الأعمال .. لأنها أساس المحبة الطاهرة والصادقة ..

الرب يبارك حياتك .. ويكون معك فى كل خطوة
من خطواتك .. يا رب ..

أخوك وعمك العجوز ..
ارنست
+++

جزاك الله كل الخير يا بت عمسيب

ودا ما غريب عليك يا بت ملوك النيل

رنا يفك اسر البوشي ويوصلو القاهرة سالماً

ويتم الشفاء باذنه تعالى.

الكلس النشمي المناضل \ البوشي ..

يخاطب اهالي المناصير ..

الصديق العزيز \ عودو ..

تحياتي وتقديري ..

Quote: التحية للأخ البطل البوشي ونتمني له الشفاء العاجل

امييييييييين .

زهرة الصديقات \ نعمات بت عماد ..

سلام يغشاك يا حبيبة .. ومشكورة علي المشاركة المباركة والدعوات

الصادقة .. وان شاء الله كلو انفذو ليك ربنا يوصلنا جميعآ بالسلامة لابلغ

ما اوصيتي به .. وبالله يا نعومي كترن لينا من الدعوات الصادقات .. ودمتي .

Quote: التحية للبطل البوشى خالص الدعوات بالشفاء و العودة الظافرة . نيابة عنى يامنى قالدى أم البطل الصامدة الصابرة و بلغيها التحايا امنياتنا ان نحتفل بالبطل قريبا فى وطن حر و خير ومعافى . ربنا يكتب سلامتكم .

حبيبنا \ الحليلة ..

لك تحياتي وتقديري .. والشكر الكتير .

Quote: الأخت مني كتبت في بوست مجاور Quote: الأخ محمد علي عثمان شكراً علي الخبر فعلاً أمر مؤسف وأتمني من كل الإخوة كل في مكانه السعي الحثيث من أجل فك أسر الأخ محمد حسن عالم (بوشي) إنه زمن حكم أب تكو، ولنتذكر جميعاً أن الحقوق تؤخذ ولا تعطي أتمني أن يخرج الأخ بوشي ليستشفي في القاهرة بعد أن وصل به الحال درجة أستعصي معها القدرة علي المشي أرجو أن نلتفت جميعاً لوحيد أمه وأتمني ألا نتركه وحيداً وسط الوحوش المفترسة تحياتي مرة أخري الأخ محمد ____ الحليلة ومعكم قلباً وقالباً ____ الحليلة

Quote: الحليلة ومعكم قلباً وقالباً

تسلم قلوبكم يا الحبيب ومتابعة خطوات في البوستات وعارقاك قدر المواقف واكبر

منها .. تسلم يا رجل المواقف والنخوة والشهامة وان شاء الله ما عدمناك ..

ولالالا قدام .

اخي الحبيب \ سوداني الجوووووة وجداني ..

لك مني كل التحية والحب والتقدير .. وشكر محبة ..

Quote: قد أرجعتينا الى سودانا الحبيب .. سودانا القديم .. بنخوة أبنائه وبناته .. أولاً ندعو الله لشفاء البطل المقدام والصريح جداً .. والذى لايخاف الشاب .. محمد بوشى .. الله قادر أن يكتب له الشفاء العاجل

اخي الحبيب سوداني الاحب سودانا القديم انتم وابنائنا الباريين بوطنهم الاب
اذا اختطف سوداننا منا فاننا نحتل مكانته لحين رجوعه الينا عاجلآ غير اجلآ ..
واتمني منك يا سوداني الحبيب دعوات المباركة تضرعآ للرب للشفاء العاجل لابننا
الكلس البوشي .. مع خالص تقديري وشكري النبيل لك . ودمت .

ولالالاقدام .

الأخ العزيز \ ود الغالي ..

لك التحية والتقدير ..

Quote: رنا يفك اسر البوشي ويوصلو القاهرة سالماً ويتم الشفاء باذنه تعالى

اميييييييين .. ولو سمحتوا كتروا لينا منها .

من الحيطة الفيسبوكية .. للمناضل الكلس البوشي ..

Quote: بكره الساعه تسعه صباحا انا حكون امام محكمة الحاج يوسف مواجهه بواحد من البلاغات الموجهه لي تحت الماده 77 من القانون الجنائي

ربنا ينصرك .. وغدآ سوق تشرق شمس الحرية والحق ..

وغدآ لناظره قريب .

التحية للبوشي ونتمنى له عاجل الشفاء

والتحية لبت عمسيب وهذا منها معتاد ومألوف

معكم يا بت عمسيب قلباً وقالباً

حبيبنا \ عصوم ..

لك التحية والشكر ..

Quote: التحية للبوشي ونتمنى له عاجل الشفاء

اميييييييييين .. وبالله كتروا لينا منها ايها الاحبة . ودمتم ..

ولاقدام .

نسأل الله له الشفاء والصحة ولك التحية والتقدير..

اخي الحبيب \ اسماعيل ود عباس ..

لك التحية والتقدير ..والشكر علي كرم المرور ..

Quote: نسأل الله له الشفاء والصحة

اميييييييييين اميييييييييين اميييييين .
والرجاء التكتير منها في كل صلواتكم لابنكم البار البوشي ..

سلمت اخي وما عدمناكم ..

ولي قدام .

معآ لانقاذ البوشي ورفاقه من تحت ايادي الفاشية الانقاذوية .

صباح الخير الحبيبة منى

شكرا لكى و للمتضامنين مع البطل البوشى . أمنياتى له بالشفاء العاجل .


التيار

الجريدة

http://www.sudaneseonline.com/news-action-show-id-175734.htmhttp://www.sudaneseonline.com/news-action-show-id-175734.htm

حملة علاج بوشي.... منقول من الراكوبة... لتنسيق الجهود

تحياتي منى

الحبيبة \ نعومي ..

تحياتي وتقديري .. ومشكورة علي الاهتمام ..

الأخ الحبيب \ ود ارباب ..

لك التحية والتقدير ..

ايوة الحملة بدأت بدري وربنا يبلغهم مقصودهم اصحبه ورفاقه مت مقصريين بعملوا

في البقدروا علي وانا عملت البقدر عليه لاني ما قريبة منهم اكيد كت قدته معاهم الحملة

كل البعمل فيهو زي ما وضحت ليك واسه ازيدك ايضاح يومي بتصل بالمناضل الكلس وحجزته باذن

الله حا اتوجه الي مصر يو 27 \ 12 والجميل اني بصل في نفس اليوم ربنا يجمعني بيهو في سااعة

خير ويسهل عليه محل ما يقبل .

هذا نداء الحملة منقول من الراكوبة ... واتمني من جميع الذين تسمح لهم ظروفهم المساهمة ولو

بالقليل هذا نداء الوطن قبل المناضلين .

Quote: استجابة لموضوع نشر في الراكوبة حول معاناة المناضل محمد حسن عالم بوشي، يقود بعض الشباب حراكاً في الخرطوم للإسهام في علاجه بعد ان ألمت به اوجاع المعتقلات والتعذيب وتفاقمت في الفترة الاخيرة .. وتسعى بعض الجهات لعرقلة سفره نسبة لاحقاد معروفة تبناها ملازم بالشرطه وانكشف ذلك في اليوم الاول من القبض على بوشي وحبسه في قسم الشرطة بالحاج يوسف بعد احتجاجه على حملة استهدفت تكسير السوق. ومن خلال سلوك هذا الملازم اتضح انه مدفوعاً دفعا. واثبتت الاجراءات الطويلة المتعمدة لاذلال بوشي وأمه ذلك وقد كان شهوداً على تلك الاجراءات المحامي عثمان العاقب والصحفي شبونه وآخرين ظلوا في قسم الشرطه حتى الثالثة والربع صباحاً للافراج عن بوشي بالضمانه. وافرج عنه بعد الاحتجاجات القويه التي شهدها قسم الشرطه بواسطه المحامي العاقب. واستجابة لنداء الضمير اعلنت احدى كريمات السودان مع مجموعة شباب، اعلنوا التحرك الفوري من أجل التسريع في سفره إلى مصر للعلاج.. وتستهدف هذه الحملة اصدقاء بوشي ومن يعرفونه داخل السودان وخارجه.. رقم الحساب ( 1099473 ) بنك (الخرطوم - فرع السجانه) باسم المهندسة لبنى أحمد عبدالرحمن ( ت: 0915538212 ). وتشكر أسرة بوشي كل رواد موقع الراكوبة الذين تفاعلوا مع ما نشرته الصحيفة التي اصبحت منتدى لكل السودانيين. حملة علاج بوشي