Post: #1
Title: لو أنه نالها من الكاميرون لأستراح بشاشا..
Author: حاتم الياس
Date: 12-13-2014, 03:31 PM
Parent: #0
التحية للروائى حمور أولاً..
ثم بالذهاب للأرشيف وقالوا البوردابى لمن كتابتو تجلى برجع لدفاترو القديمة...كتبنا هنا
__
عشية أعلان استقلال السودان فى العام 1956 وانزال العلم المصرى والأنجليزى من سارية القصر لم يكن عين أفندية وسياسيي الحركة الوطنية أنذاك هو البحث عن الأستقلال بمفهومه الوطنى فحسب وأستبعاد خيار الوحدة للنزاعات الدامية التى تفجرت بين الحركة الأتحادية والحركة الأستقلالية وكان اشدها ماحدث فى أحداث مارس قبل الأستقلال وأنما كانت عينها على (مكاسب السودنة) الثمينة والتى تعنى أحلال هذه الطبقة محل المستعمر (بضم الياء) خوفاً من ترتيبات الوحدة المطروحة خيار من ضمن خيارات حق تقرير المصير ومشروع الوحدة كان فى تلك الأيام وهتاف عاشت وحدة وادى النيل كان مشروع تقدمى كبير تبنته الجماهير والطلائع المستنيرة ولكن الحركة الأستقلالية وحزب الأمة ومن خلفه المخابرات البريطانية اجهضوا هذا المشروع أى الوحدة بين شعبى وادى النيل قلت أن ألأزهرى ورفاقه تخلوا عن مشروع الوحدة وللأنفراد بحكم البلاد وبمكاسب السودنة التى لم تعيد سوى أنتاج الأنجليزى بملامح سودانية مخاوف نخبة ذلك الزمن من مشروع الوحدة كانت مخاوف حقيقية من أن (تكلفة الوحدة) قد تكون باهظة فى حالة الأندماج حيث أن خبرتهم ومقدراتهم كطبقة حديثة النشؤ ستوضع مقابل أمكانيات تاريخية طويلة لنخب مصرية وكوادر وقيادات بداءت مشروع نهضتها منذ عهد دولة محمد على الخديوية التى بداءت بوضع لبنات حركة تحديث وتطوير طويل لهذه النخب بينماأفنديتنا هنا لم يتجاوز عمر نشأتهم اقل من نصف قرن حينما بدؤا كصف خلفى ضئيل ومساعد فى الأدراة البريطانية...بالمناسبة (حق الوحدويين) ماضاع وهاهو حق تقرير المصير يعود فى ظروف مختلفة فى جنوب السودان ونخب جنوبية جديدة ايضا تريد أن تضع يدها على سلطتها وثروتها دون شراكة مع أحد حتى ولو كان السودان علمانى ديمقراطى أشتراكى ملحد فالقصة ثروة وسلطة فى النهاية لهذه النخب..
أها حالتنا المرضية هذه تجاه مصر تحتاج لأن نتلقى علاج نفسى يعيد لنا ثقتنا بنفسنا ورؤية العالم خارج علاقة الدونية المتوهمة وبما أن العالم ومنذ فترة يتحدث عن الأعتماد المتبادل وتعاون جنوب جنوب فمن الأفضل لنا فى دولة مازالت أراضيها (صي) وتنتظر من يحرثها وتقدر هذه الأراضى بمائتى مليون فدان أن نضع مشاريع التعاون هذه فى الأعتبار فى عالم موعود بأزمة غذاء وأزمات عديدة أن نشجع مثل هذه الأستثمارت وأن نطالب بشفافيتها ونسأل عن عائدها للشعب السودانى وأهله وان نرحب بأن تكون مصر شريكا لنا فى ذلك مصر الرسمية والشعبية واقعة تحت أبتزاز المعونات الغذائية الأمريكية ومصر الشعبية تضغط فى أتجاه فك هذا الأرتباط المهين لها..
لدى كلام كثير فى هذا الأمر لكن من المهم جدا أن تتحلى المعارضة بقدر من الوعى فى تفصيل الأمور لأنه من السذاجة أن نصدق مع صعوبات وتعقيدات عملية وقانونية أن حكومة السودان ستبيع مشروع الجزيرة لمصر وتفرغ مواطنى الجزيرة من قراهم وحلالهم بكل بساطة..ولكن الموقف من هذاالأتفاق وأعنى به الموقف العدائى تم لأن مصر طرف فيه والعداء لمصر وتسويق العداء لمصر وتغذية الشعور المعادى لمصر أيضاً هو عمل أستخباراتى قديم من لدن المخابرات البريطانية فى عهد بعيد ألى ألأسرائلية فى عهد جديد يقصد منه قطع أى طريق فى افق وحدة شعبية بين الدولتين فى المستقبل..بأستعمال الصراخ والتهديد بدلاً من الحوار
لماذا يجن جنون البعض كلما حدث تفارب بين مصر والسودان..حاجة عجيبة!!لماذا يجن جنون البعض كلما حدث تفارب بين مصر والسودان..حاجة عجيبة!!
|
Post: #2
Title: Re: لو أنه نالها من الكاميرون لأستراح بشاشا..
Author: حيدر حسن ميرغني
Date: 12-13-2014, 04:09 PM
Parent: #1
الكاميرون عدييل !
بشاشا زول " سنغال" بلد المؤرخ الدكتور شيخ انتا ديوب مؤلف كتاب الاصول "الزنجية للحضارة المصرية"
سعيد بعودتك
|
Post: #3
Title: Re: لو أنه نالها من الكاميرون لأستراح بشاشا..
Author: حاتم الياس
Date: 12-13-2014, 06:02 PM
Parent: #2
شكراً ياحيدر...والله أنا سعيد بان أعود لهذا المكان رغم تبدل الزمان والمكان
|
Post: #4
Title: Re: لو أنه نالها من الكاميرون لأستراح بشاشا..
Author: الفاضل يسن عثمان
Date: 12-13-2014, 10:11 PM
Parent: #3
صديقنا المستنير حاتم. الياس
اسعدتنا عودتك وطلتك ووصلة بوستك دي. طيب يا مستنير مشيت كويس جدا وبترتيب جميل . وبالخواتيم بقيت زي الزول الزعلان من مناسبة زواج بالحارة وقام جدع كرسي في وسط حلقة الراقصين والمبتهجين وعم الهرج
الموضوع الطرحتو دي. اكثر من رائع ويحتاج ان تبحث فيهو اكثر بعدين المنهجة دي انت احد صعاليقها بالقاضي عياض وسوح المحاكم . إها الشغل. دي واصل فيهو وخت الكورة واطا ودي فنغرة عشان نستمتع. يا مستنير
|
Post: #5
Title: Re: لو أنه نالها من الكاميرون لأستراح بشاشا..
Author: Bashasha
Date: 12-13-2014, 11:14 PM
Parent: #4
حاتم تحياتي،
ومن حيث لاتدري ما قتا الا الحق!
نعم لو كان للمستلب حمور وعي متحرر، متصالح مع زاتو، ساقو او وداهو الكاميرون، والوسام ده ادوهو ليهو في الكميرون، والله كان طربتا، مع انو اهلنا في الكمرون من حيث وعي الاستلاب لايختلفون عنا بما يذكر.
ولكن الرمزية لوحدها لكانت كافية، والسكة الودتو هناك لكانت ذات مدلول.
كده كنتا حافهم السواهو ده، كنقد من زول اثبت انو واعي بي نفسو، مش كما الميت بين يدي الغاسل المصري.
كلامك الفوق ده جاييوهو لانو بحق مخيف، وابشع من كلام حمور او طريقة تفكيرو!
قتا لي النظرة الدونية لنا من قبل مستعمرينا المصريين، متوهمة!
عيييييييييييك!
ما سبقك عليها زول قط!
...يتبع.....
|
Post: #6
Title: Re: لو أنه نالها من الكاميرون لأستراح بشاشا..
Author: Bashasha
Date: 12-13-2014, 11:15 PM
Parent: #5
اها العبدو، عبدن ولو طالت عمامته، الم تقال في واحد زيك؟
الزيك ده في اقصي الشمال ومنذ قرابة ال1,000 سنة مش كانو مماليك مصر بقبضو او بودو زي الجمال في عالم اليوم، بي درب الاربعين، او يبيعو في امبابة؟
|
Post: #7
Title: Re: لو أنه نالها من الكاميرون لأستراح بشاشا..
Author: Bashasha
Date: 12-13-2014, 11:16 PM
Parent: #6
اها الخلافة الراشدة ذات نفسها مش كانت بتستورد امثالك كاي قطع اثاث؟ الخلافة الثانية مش عديل كده اقتحمت ديارك بي جيشو خصيصا للقبض علي امثالك البشهدو ان لا اله الا الله، لبيعم حول العالم لتسديد ديون حفر قناة السويس؟
واللي ما باعوهم لانو مالقو ليهم مشترين مش حفرو بيهم القنوات والسياط تلهب ظهورم كاجر؟
مش بي عرق امثالك المملوكي محمد علي بنا مصر الحديثة؟
|
Post: #8
Title: Re: لو أنه نالها من الكاميرون لأستراح بشاشا..
Author: Bashasha
Date: 12-13-2014, 11:19 PM
Parent: #7
لاحظ ده كلو من يومين فقط!
اما لو ذهبنا للماضي البعيد، فمن قتل جد جدوك ABA في 3150 ق.م ولماذا؟
في القرن ال14 وال15 ق.م اي قبل اكثر من 3,000 سنة من تاريخ اليوم لماذا هاجر اجدادك للجهاد في كمت باعداد مهولة وضد من؟
نعم من استنجد بوالد بعانخي او طلب النجدة ومن من؟
هل تعلم انو بعانخي هو اول من قيل بحقه:
تسلم البطن الجابتك؟
هل تعلم حكامة بعانخي بي لغوة اليوم كانت بتغني او توسمو بي جاموس الخلا، وماشابه، ولماذا وما المناسبة؟
هل تعلم ان هذا الرجل كان فارس بمعني المفردة واسطورة كقائد عسكري، اشتهر بالورع والتقوي، نعم قبل ما المرتد ابن ابي السرح يكون نطفة في بطن امو؟
بتعرف ترهاقا مرقا لي اوربا زاتا ليه؟
عندك ادني فكرة باي خبث، خسة او غدر تعامل اجداد لجنة جائزة الجريقيس حمور مع ترهاقا، اللي بي هزيمتو، امثال حمور اصبحو فجاة سفرجية او بوابين للبهوات في اجدادم، الاضحو سادة الارض؟
اذن ماصدفة اطلاقا احداث جرت منذ اكثر من 5,000 سنة لاتختلف اطلاقا عن الجرت والجاري الان واللحظة؟
|
Post: #9
Title: Re: لو أنه نالها من الكاميرون لأستراح بشاشا..
Author: Bashasha
Date: 12-13-2014, 11:20 PM
Parent: #8
هل صدفة زي كلام الطير بتاع بشاشا ده، لايمكن تلقاهو منشور بحروف هكسوسية "عربية" داخل السودان الهكسوسي الحالي؟
هل ده صدفة؟
هل ما نجم عن غياب كلام الطير بتاع بشاشا ده، المتمثل في طريقة تفكيرك هذه، صدفة؟
|
Post: #10
Title: Re: لو أنه نالها من الكاميرون لأستراح بشاشا..
Author: عبدالمنعم الطيب حسن
Date: 12-14-2014, 05:58 AM
Parent: #9
بشاشا تحياتي وفقدناك،
لا تظول الغيبة ارجوك،
بعدين الموهوم دا شنو البتديهو راس وقعر،
وتتواضع وتجي ترد عليه،
دا مستلب من طراز فريد،
ياخ من شدة تواضعه وجهله؛ قال لي مرة في ما معناهو: ما تشوف قطامتي دي تعتبرني من العمارات، انا من وين ما عرف!!! وذكر منطقته...
الغربية في كلامه لم ارى اي قطامة بل رايت سمك تمر لبن عربي،
ومن امثلة بوستاته ان صلاح قوش ليس من الشايقية بل من اهلنا العبابدة!!!
يا دا مسيكين بدرجة قف تامل...
غايتو في ناس مغشوشة في نفسها غشة تاريخية؛
حكمة اليوم
بلدا ما فيها تمساح يقدل فيها الورل...
|
Post: #11
Title: Re: لو أنه نالها من الكاميرون لأستراح بشاشا..
Author: حاتم الياس
Date: 12-14-2014, 02:23 PM
Parent: #10
ياعبدالمنعم يأخ انت زول شتاااام خلاص اٍن كان هذا يسعدك
بالمناسبة الأخ كمال بشاشا ومجموعة كبيرة من المختلفين فى الأراء والتوجهات تجمعنا تقاليد حوار عريقة أرسيت هنا فى هذا المنبر ومحبة يصعب عليك ان تراها خلف حالة التشنج التى تنتابك , وبشاشا نختلف معه وبنستفيد منو جدا فالحوار ضد حالة السكون والركون لوجهة نظر واحده يعنى انا بفتح ليهو دروب فى العصف الذهنى وهو أيضاً يفعل , لذلك دعنى أهمس فى اذنك روق المنقا وأنا قبلان منك كل ماقلته فى حقى بس عشان خاطر البراءة اللطيفة التى فى برفايلك ربنا يخليها ويحفظها فهى ترياق يصد اى موجة غضب وزعل
|
Post: #12
Title: Re: لو أنه نالها من الكاميرون لأستراح بشاشا..
Author: سيف النصر محي الدين
Date: 12-14-2014, 05:11 PM
Parent: #11
يا عبد المنعم اي لعب خشن بعد كلام حاتم اللطيف ده بكون ما عندو مبرر ابدا ابدا.
|
Post: #13
Title: Re: لو أنه نالها من الكاميرون لأستراح بشاشا..
Author: Deng
Date: 12-14-2014, 07:21 PM
Parent: #12
هلا هلا ظهر حرس العروبة القديم حاتم الياس.
|
Post: #14
Title: Re: لو أنه نالها من الكاميرون لأستراح بشاشا..
Author: عبدالمنعم الطيب حسن
Date: 12-14-2014, 07:48 PM
Parent: #12
| Quote: عشان خاطر البراءة اللطيفة التى فى برفايلك ربنا يخليها ويحفظها فهى ترياق يصد اى موجة غضب وزعل |
يا حاتم جيتني في محل بيوجعني ياخ،
فاطمة بنتي الوحيدة، تودعني عند باب مدرستها بابتسامة، وعند باب منزلنا حين عودتها من المدرسة ببوسة وحضن، وبحبك يابابا...
يتردد صداها داخل المعصد، ولحين خروجي من البناية؛
وتنتظرني في باب المنزل حال عودتي من العمل، وتظل بجانبي حتى تنام،
اسف لمخاشنتك ياخ،
ولك ولفاطمة ولدكتور سيف كل الود والتقدير ووافر الاحترام....
|
Post: #15
Title: Re: لو أنه نالها من الكاميرون لأستراح بشاشا..
Author: Bashasha
Date: 12-14-2014, 08:06 PM
Parent: #14
| Quote: ولك ولفاطمة ولدكتور سيف كل الود والتقدير ووافر الاحترام.... |
التحية ليك ياعبدالمنعم.
فعلا اذا اكرمتا الكريم ملكته.
حاتم الياس زول نضيف، عفيف او مبدائي في خصومتو.
حقيقة هذا اهم من الموضوع المتصارعين حولو الناس، وسلوك كهذا يشبهنا كسودانيين.
البخاصم بي شرف والله احترمو لو يبقي ك.ل.ب امن لو ده اصلا ممكن.
|
Post: #16
Title: Re: لو أنه نالها من الكاميرون لأستراح بشاشا..
Author: عمر صديق
Date: 12-14-2014, 08:40 PM
Parent: #15
Quote:
حاتم الياس زول نضيف، عفيف او مبدائي في خصومتو.
. |
|
Post: #17
Title: Re: لو أنه نالها من الكاميرون لأستراح بشاشا..
Author: ناذر محمد الخليفة
Date: 12-14-2014, 08:54 PM
Parent: #15
سلام بشاشا ..
بس معليش في نقطة :
Quote: هل صدفة زي كلام الطير بتاع بشاشا ده، لايمكن تلقاهو منشور بحروف هكسوسية "عربية" داخل السودان الهكسوسي الحالي؟
هل ده صدفة؟
|
التاريخ البتقولو كلو دا عن ترهاقا والبطن الجابتو والكلام الكتييير المكتوب هنا وفي بوستك داك .. أنا داير اقراهو ..
القاهو وين ؟!
الكلام دا ما ادونا ليهو في المدارس بي السرد البتقول عليهو دا .. اغلب السودانيين عارفين انو بعنخي ملك من ملوك السودان بيحب الخيل
وسمع انو ملك مصر حابس الخيول وما بعاملا كويس وقام عشان كدا غزا مصر وافرج عن الخيول وحكم مصر ..
دا الكلام الادونا ليهو ...!!
وقبل ما تقول لي تاريخنا كتبوهو المصريين والمستلبين سوالي لسع قايم :
أنا لو داير اقرا التاريخ الانت بتتكلم عنو دا ألقاهو وين وفي ياتو مرجع ؟!
دا سؤال جادي جدا ما بالضرورة اجابتو تكون جافة وعامة وشتايم بالبارد ..!!
حاتم الياس مشتاقين ياخ ؟! وينك من ديك وعيك ؟!
|
Post: #18
Title: Re: لو أنه نالها من الكاميرون لأستراح بشاشا..
Author: Bashasha
Date: 12-14-2014, 09:17 PM
Parent: #17
ناذر الخليفة مشتاقين،
لو لقيت فرصة حاجيب النصوص دي. زيك كده راسي لفا لما قريت بالانجليزي تعبير تسلم البطن الجابتك في وصف بعانخي، ثم توصيفو بالعجل او التور الذي قاتل تيران!
الاورع من كده هو توصيفم لاعداءم اي اجداد مصريي اليوم ب"النسوان" زي ما بنقول!
عييييييييييييييك!
لاحظ الزمن داك الناس ديل ما كانو ذكوريين، والمراة كانت هي الساس بالذات في عصرهم اللي كان مقدمة لي عصر الكنداكات الفارسات بحق!
البشطب الراس الكلام ده بالانجليزي!
يعني المترجم ماعندو ادني فكرة عن الخلفية دي في ثقافاتنا مما يستدعي اننا بنحتاج بشدة نكتب الكلام ده بي ايادينا نحن ومن واقعنا نحن!
لذا هذا العصر يسمي بعصر الاستنارة النوبي تحديدا، لانو كان فريد بحق!
اطلاقا ما صدفة اننا نتغني بامجاد الناس ديل الي اليوم من دون ما نكون فاهمين اي شئ علي الاطلاق عنهم!
نعم في الزمن دااااك احنا مرقناها لي امريكا دي زاتا!
عيييييييك!
المهم في الامر الناس مشو هنا للمرة الالف زي ما بنقول للدفاع عن اهلهم الاستنجدو بيهم او ده مهم للغاية!
نفس الموقف ده حصل في الاسرة 17 و 18 الاسسوها سودانيين من السودان الحالي، الهاجرو باعداد ضخمة للتطوع كجنود في الجيش الحرر كمت اي مصر من اجداد ذات اعضاء لجنة حمور!!!
|
Post: #19
Title: Re: لو أنه نالها من الكاميرون لأستراح بشاشا..
Author: ناذر محمد الخليفة
Date: 12-14-2014, 09:47 PM
Parent: #18
| Quote: لو لقيت فرصة حاجيب النصوص دي |
|
Post: #20
Title: Re: لو أنه نالها من الكاميرون لأستراح بشاشا..
Author: أيمن محمود
Date: 12-14-2014, 10:53 PM
في انتظار نصوص بشاشا
ان شاء الله بس الظروف تسمح ليهو
|
Post: #21
Title: Re: لو أنه نالها من الكاميرون لأستراح بشاشا..
Author: Bashasha
Date: 12-15-2014, 02:43 AM
Parent: #20
| Quote: وسمع انو ملك مصر حابس الخيول وما بعاملا كويس وقام عشان كدا غزا مصر وافرج عن الخيول وحكم مصر .. |
ناذر شلوم تاني،
الفوق ده فات علي.
نعم ده القرونا ليهو في المدارس، او طبعا ما ممكن يقولو لينا بعانخي مشي "كمت" اي مصر والمفردة لغة "سودان"، ارض اجدادو للدفاع عن اهلو نوبة مصر الانتا شايفم اليوم في اسوان من هجمات اجداد ذات من صاغو الكلام بتاع الحصين ده!
ياعزيزي لازم تفهم من صاغو مقرر التاريخ الحالي بتاع الحصين كسبب لي "غزو" مصر، نعم خت بالك من مفردة "غزو"، كان رايم بعانخي ده كمثال "ود بيضا" زيهم او بالتالي جدهم هم او كده!!
اها الزول الوضع المقرر ده امريكي من اصل الماني، جا السودان بحثا عن تاريخ اجدادو هو!
الي هذا التاريخ كلام الزول ده هو البدرس لي اطفالنا كتاريخ للنوبة طبعا، تحديدا!
والنوبة طبعا ياهم المحس اولا ثم الحلفاويين، ثم وربما الدناقلة!!!
اها لما غلبتم الحيلة، قالو النوبيين وان كانو سود فهم اولاد "بيضا" اي خواجات زيهم!
عييييييييك!
صدقوني ده ما مزاح، وانما هذا في قاموسم يسمي صرامة علمية، صادرة من اعتي المؤسسات في امريكا واوربا!!
في اللاخر لما الموضوع اصبح نكتة، قالو خلاس قنا الروب يا جماعة، والله انتو فعلا عندكم حضارة كانت موازية لي "حضارتنا" في مصر!
وقع ليك شغل ملوص ده؟
الان ده الفلم الشغال عندنا رسميا، يسوق بواسطة دكتاترنا او جامعاتنا!
مع انو كل ملوك مصر وملكاتا وعلي مدي قرابة ال3,000 سنة كانو نوبة اي سودانيين صر!!
السؤال الوحيد هو كم منهم كان من نوبة مصر وكم منهم كانو من السودان الحالي!
كان عادي جدا تلك الام من السودان، ولكن الابن اي الملك مولود في اسوان!
ولكن ما حصل اطلاقا واحد من اجداد السيسي اصبح ملك او فرعون علي مصر كلها، اطلاقا ولو فرد مرة بالهظار فيما قبل انهيار عرش مصر واحتلالا بواسطة الاغاريق!!
|
Post: #22
Title: Re: لو أنه نالها من الكاميرون لأستراح بشاشا..
Author: Amani Sabir
Date: 12-15-2014, 03:34 AM
Parent: #1
سلام لصاحب البوست وضيوفه الكرام
الأخ بشاشا الرجاء مدنا بالنصوص والمراجع
ما كتبته مشوق جدا للقراءة بإسهاب وتمعن
ولَك الف شكر
|
Post: #23
Title: Re: لو أنه نالها من الكاميرون لأستراح بشاشا..
Author: Bashasha
Date: 12-15-2014, 04:29 AM
Parent: #22
العزيزة اماني تحياتي،
او عدكم بي بوست كارب عن افذاذ الاسرة 25، او العصر الذهبي الرابع.
هؤلاء الافذاذ هم من وضعو اساس العالم الحالي بي تركيبتو الحالية، حيث صيغ التوراة في عصرهم، واكتشف السودانيين الامريكتين في عصرهم، برز رواد وابا الحضارة الغربية في عصرهم، اللي كانو "حيران" في خلاويهم.
نعم الانطباع العام عن السود والسودانيين اي الاثيبوبيين بي لغة الزمن داك، المبجل لاجدادنا كاجمل واعدل الناس، حقية وضعت اساسو الاسرة 25، بالذات بعانخي وترهاقا الذي عرف بامبراطور العالم!!
ايضا لازلت عند وعدي بخصوص مرحاكة جدنا شبكة، المنقوش عليها نظرية انشتاين!
وهذا الرجل بفضلو الاسرة 25 عرفت بعصر الاستنارة النوبية، في المدرسة السودانية!
المدرسة السودانية في مجال تاريخ السودان الي اليوم مقيمة في الخارج ولم تصل السودان بعد!
المدرسة السودانية دي بين قوسين "الافريقية" عمرها ناهز قرابة ال200 سنة، ولكن لحدي ما مرقتا من السودان لي روحي ما سمعتا بيها او حالتي اهدرتا من عمري 5 سنوات ادرش تاريخ السودان افتراضا، اللي اتضح لي مؤخرا اني درشتا تاريخ العرب والخواجات في السودان!!!
|
Post: #24
Title: Re: لو أنه نالها من الكاميرون لأستراح بشاشا..
Author: مازن فيصل هلال
Date: 12-15-2014, 04:49 AM
Parent: #23
يا حاتم جيتني في محل بيوجعني ياخ،
فاطمة بنتي الوحيدة، تودعني عند باب مدرستها بابتسامة، وعند باب منزلنا حين عودتها من المدرسة ببوسة وحضن، وبحبك يابابا...
يتردد صداها داخل المعصد، ولحين خروجي من البناية؛
وتنتظرني في باب المنزل حال عودتي من العمل، وتظل بجانبي حتى تنام،
اسف لمخاشنتك ياخ،
ولك ولفاطمة ولدكتور سيف كل الود والتقدير ووافر الاحترام....
--------------------------------------
التحية لعبدالمنعم و حاتم ... و حبيب عزيزنا القارئ بشاشة زاتو ... والله يا بشاشة بيني و بينك اولاد بمبة يستاهلو .. فاديهم بالحتة الفيها الحديدة المصدية (: ... كما لا يفوتني مباركة الجائزة لاخونا حمور و عقبال (نوبيل ) زي ما قالو ناس الحقيبة ( ناس مصرية في السودان ... كارهي انفسهم .. جراقسة مصر الخديوية .. (:
|
|