السودان يطلب من روسيا قمحا بالدين - ناكل من ما نشحد

طلبت وزارة التجارة السودانية من روسيا فتح خط ائتماني تجاري لتمويل واردات مليوني طن من القمح الروسي إلى السودان، ولإنشاء صوامع لتخزين الحبوب.
ويعقد في موسكو الجمعة 12 ديسمبر/كانون الأول اللقاء الثاني للجنة الحكومية الروسية السودانية للشؤون التجارية والاقتصادية والعلمية والتعاون التقني، برئاسة وزير الموارد الطبيعية والبيئة الروسي سيرغي دونسكوي، ووزير المعادن السوداني أحمد محمد الصادق الكاروري.
ويعتبر السودان أحد أكبر ثلاثة بلدان إفريقية مساحة وأحد أهم بلدان العالم التي تتوفر فيها المياه والأراضي الصالحة للزراعة، إلا أن زراعة القمح فيها لا تزال غير كافية لتغطية الاستهلاك المحلي الذي يتجاوز مليوني طن من القمح سنويا، في حين ينتج السودان حوالي 12 إلى 17% من هذا الاستهلاك السنوي، ولسد هذه الفجوة في الاستهلاك يجب أن تنفق الدولة أكثر من ملياري دولار سنويا لاستيراد كميات كافية من القمح.

http://ar.rt.com/ggelhttp://ar.rt.com/ggelhttp://ar.rt.com/ggelhttp://ar.rt.com/ggel

-
منقول من مداخلة تحت لاهمية ما ورد فيها :
عندما جاءت حكومة الإنقاذ في بدايتها تحدثت عن شعار نأكل مما نزرع وكان استيرادنا من الغذاء يساوي 72 مليون دولار في 1989 وقد وضعت الإنقاذ الخطة العشرية الأولى وكان من ضمن أهدافها أن نأكل مما نزرع ونوفر فاتورة الغذاء لكن الذي حدث أن فاتورة الغذاء ارتفعت إلى 420 مليون دولار أي 6 أضعاف مما كان عليه في 1990.

ولم يتوقع الارتفاع حتى وصلت الفاتورة في 2008م إلى 1.4 مليار دولار أي 20 ضعفاً ثم 22 ضعفاً في 2009 و36 ضعفاً 2011م حيث وصلت إلى 2.6 مليار دولار.. وأشار كبج إلى أن الخطة العشرية 92ـ2002 تضمنت إنتاج 20 مليون طن من الذرة الرقيقة لكنها حققت 2.8 مليون طن .

وهذا يساوي أقل من 15% من هدف الخطة العشرية. كما هدفت إلى إنتاج 2.4 مليون طن من القمح لكن الذي أنتج فعلاً 247 ألف طن أي 11% من هدف الخطة العشرية وأيضاً إنتاج مليون طن من الدخن لكن الإنتاج في عام 2002 كان 550 ألف طن وهذا يساوي ربع الإنتاج المتوقع.

وكان السودان يستورد 250 ألف طن من القمح قبل 1989 وارتفع حجم الاستيراد حالياً إلى 1.8 مليون طن. وأضاف: بلغ إنتاج السودان من الحبوب في عام 88ـ89 آخر أعوام الديمقراطية 4.425 ملايين طن أي أن إنتاج حكومة الإنقاذ من الذرة في نهاية خطتها العشرية في 2002م يساوي 65% من إنتاج آخر سنوات الحكم الديمقراطي.

الخبر من موقع " روسيا اليوم"
-
يعني منتدى التعاون الروسي العربي الهدف منه كان الشحدة

يا حيدر جمعة مباركة

لو الحكومة وفرت للمواطن رغيف الخبز وووب ولو ما وفرته ووبين

هو السودان بس البياكل مما يشحد؟ أمريكا كيف؟

ما دام عندنا عجز في الإكتفاء الداتي لابد من شراء القمح من الخارج

خير الشحدة أن تشحد لمواطني بلدك


السودان أولاً
أحبك يا سودان

سلامات كمال

Quote: تشير معلومات أن من أهم الأسباب التي أدت إلي تقلص المساحات للقمح التالي : 1- ضعف التمويل وقلته عن الاحتياج الفعلي الأمر الذي أدي عزوف معظم المزارعين من تطبيق الحزم التقنية مما أدي إلي تدني معدلات الإنتاج وكما هو معلوم حالياً فان تمويل القمح يتم في صور عديدة منها 2- السلف و المرابحة من البنوك الحكومية ثم بعد ذلك يمول من البنوك الخاصة (محفظة البنوك) وبعض السلفيات الزراعية. 3- مشاكل الحصاد التي تتمثل في عدم توافر العدد الكافي من الحاصدات وعدم إيجاد قطع الغيار والعمالة المدربة ثم عدم الالتزام بالمواقيت الزراعية الموصي عليها من قبل هيئة البحوث و التقانة الزراعية . 4- مشكلة الآفات الضارة وانتشار الحشائش ومشاكل التسويق المختلفة وضعف البنية التحتية بالبلاد. 5- مشكلة الجودة والمعايير المطلوبة حسب المواصفات والمقاييس. تلك هي مشاكل القمح بين الإنتاجية والاستيراد ولماذا حدث الفشل . انظروا و تمعنوا بعمق وستدركون الحقيقة المجردة

ده كلام وزارة الزراعة والغابات والثروة الحيوانية بكسلا
http://kassalaextension.sudanagri.net/posts/506771http://kassalaextension.sudanagri.net/posts/506771
ضعف التمويل ده الكارثة الحقيقية

Quote: اليوم حدث بالفعل في السودان تقلص في المساحات التي كانت تزرع خاصة بالمشاريع المروية القومية الأربعة وهي مشاريع الجزيرة – الرهد الزراعي – حلفا الجديدة – السوكي، وكان مشروع الجزيرة لوحده يزرع نحو أربعمائة ألف فدان قمح

من نفس الموقع
يعني العلة في الادارة الرشيدة

وجمعتك مباركة ياكمال

http://slabnews.com/article/143197/http://slabnews.com/article/143197/

-
شطب ديون وقمح بالدين
الظاهر دنو العذاب جاب نتيجة
يا الكيزان قلبو

عشان كده الرئيس المزعوم شات ناس الجزيرة ... وقرّب يقول ليهم (ط ز) فيكم وفي مشروعكم ...
روسيا دنى عذابها هههه ... الغريبة شيوعيين الخارج مرّحب فيهم ... وشيوعيين الداخل (منكّل) بهم ... يا ربي لشنو ؟؟
شكرا حيدر
الشفيع إبراهيم

Quote: موسكو تشطب ديون بـ 17 مليون دولار مستحقة على الخرطوم

تعرف يا قريبي جحا كان فاتح دكان
جاهو واحد عاوز يديّن منو خمسة جنية
جحا قال ليهو في الرف داك في صندوق فيهو خمسة جنية خدها
بعد يومين الراجل جاب الخمسة جنية لجحا . جحا قال ليهو ختها في الصندوق .الرجل ختّ القروش في الصندوق و مشى . بعد يومين جاء
تاني يتديْن . جحا قال ليهو القروش في الصندوق . الراجل اخد الفلوس
وما رجعها فيالزمن المحدد . بعد فترة جاء لجحا يطلب منو يدينو خمسة جنيهات جحا قال ليهو خدها من الصندوق . الراجل فتح الصندوق ما لقى فيهو
حاجة قال لجحا يا جحا الصندوق فاضي مافيهو قروش . جحا
قال ليهو لو كنت رجعت القروش التدينتها في الصندوق كنت لقيت في الصندوق قروش . لا ادري ماذا سيقول جحا روسيا

------
بالله موش عيب نديّن قمح
ونحن عندنا اطول نهر في العالم واكبر مشروع زراعي
من ناحية المساحة !!!!

وبعد دا كلو يقول ليك بكرة في نفرة كبرى من المزارعين للبشير لدوره الكبير في دعم القطاع الزراعي بالبلاد

Quote: الظاهر دنو العذاب جاب نتيجة

مبالغه..

إنت يا حيدر الجماعه ديل مش في مستوزر منهم قال عندما جاءت اللنغاز وجدت شعب من الشحادين؟

صحي الإختشو ماتو..

Quote: إنت يا حيدر الجماعه ديل مش في مستوزر منهم قال عندما جاءت اللنغاز وجدت شعب من الشحادين؟

نعم محمد المرتضي إنه الطفل المعجزة كما تعلم ويعلم القراء
ويا حيدر من شوفتي للبوست جات في راسي
أمريكا روسيا قد دنا عذابها عليّ إن لاقيتها ضرابها
قادر يا سيدي
وياربي ناكل مما نزرع راحت في حق الله ؟
مشروع الجزيرة كان يكفي حاجة السودان وافريقيا والشرق الأوسط قمحا حتي جاء يوما سلطت عليه الحكومة
الْجَرَادَ وَالْقُمَّلَ وَالضَّفَادِعَ وَالدَّم حتي صار من الخاسرين
____
الحليلة

سلامات يا امة الامجاد
تخيلوا هذا ما جاء في بيان الانقاذ عشية الانقلاب المشؤوم :
(لا يختلف اثنان حول الامكانيات الطبيعية الهائلة التي تنعم بها بلادنا في مجالات الزراعة والانتاج الحيواني مما دفع كثير من الهيئات والمنظمات والشركات لإجراء الدراسات وإعداد المشروعات الصالحة للاستثمار والتنمية في بلادنا. ورغم ذلك فقد ظلت الأزمة الاقتصادية والمعاشية تنمو وتزداد يوماً بعد يوم حتى ضاق الحال بكل فرد وكل أسرة وضرب الفقر والبؤس قطاعات واسعة من أهل السودان ممن كانوا يجدون كفايتهم وانهار مستوى كثير من الأفراد والأسر إلى درجة العوز والحاجة التامة. وتدنت مرافق الخدمات الضرورية من تعليم وصحة، كل ذلك بسبب إضطراب السياسات وتخبطها وعدم استقرارها. وبسبب الصراع السياسي الذي شغل أهل الأحزاب من مراعاة الفقير والمسكين وعن التخطيط السليم للاصلاح والنهضة، وبسبب الفساد الذي خاض فيه الكبار قبل الصغار والرؤساء قبل المرؤسين فصار المنكر من محسوبية ورشوة استغلال نفوذ عرفاً ومنهجاً وأضحى الالتجاء للقانون والمساواة بين الناس دون تمييز حزبي أو اجتماعي منكراً يحارب أهله وتسد في وجوههم الأبواب.

لقد تراكمت ديوننا الخارجية حتى بلغت أرقاماً هائلة وتنامت الفجوة بين ما نستورد ز ما نصدر وتوقفت المصانع والمزارع بسبب نقص المواد الأولية والضرورية وإعراض الناس عن الانتاج والبذل والعرق واشتغلوا بعاجل الربح الوفير من الأعمال الهامشية الضارة من تهريب وتجارة للعملة وسمسرة في مواد التموين والأراضي ورخص الاستيراد والتصدير. وهكذا وقد كان لذلك النهج المعوج أثره السيء في إشعال التطلعات غير الموضوعية مما قاد كثير من الأفراد إلى الانحراف والوقوع في الجريمة والجري الكاذب وراء المظاهر الخادعة، وبرزت في المدينة شرائح يزداد غناها وتنمو ثروتها كل صبح دون جهد أو عرق وشرائح أخرى يقتلها الفقر أو يكاد رغم الجهد والعرق. وزاد الأمر كآبة تدفق أعداد النازحين وأطمارهم البالية وأيديهم الخالية من كل كل شيء إلا الأمل والرجاء.

إن ثورة إنقاذ السودان قد عقدت العزم على اتخاذ الإجراءات الآتية:
1
إيلاء أسبقية أولى لتأمين معاش المواطنين وكفالة الحاجات الأساسية وضبط السوق ومكافحة التهريب والضرب على أيدي المحتكرين والمتاجرين في السوق الأسود وسارقي قوت الشعب.
2
تحسين الخدمات في الريف والحضر من تعليم وصحة واتصال وطرق وموارد مائية.
3
ضبط الفساد في الخدمة العامة ومكافحة الاختلاسات ومحاربة الرشوة ومحاسبة المفسدين ومحاكمتهم بصورة جادة وناجزة وستخصص لذلك لجان تحقيق ومحاكم خاصة. ولن يستثنى منها أحد مهما كان موقعه أو مكانه.
4
دفع التنمية والانتاج وفق خطة علمية واقعية والعويل على النهضة الذاتية والموارد المحلية (إنتهى)

ودي نتيجة الفنجطة الفارغة - فساد وتراكم ديون وفشل في كل شيء:
عندما جاءت حكومة الإنقاذ في بدايتها تحدثت عن شعار نأكل مما نزرع وكان استيرادنا من الغذاء يساوي 72 مليون دولار في 1989 وقد وضعت الإنقاذ الخطة العشرية الأولى وكان من ضمن أهدافها أن نأكل مما نزرع ونوفر فاتورة الغذاء لكن الذي حدث أن فاتورة الغذاء ارتفعت إلى 420 مليون دولار أي 6 أضعاف مما كان عليه في 1990.

ولم يتوقع الارتفاع حتى وصلت الفاتورة في 2008م إلى 1.4 مليار دولار أي 20 ضعفاً ثم 22 ضعفاً في 2009 و36 ضعفاً 2011م حيث وصلت إلى 2.6 مليار دولار.. وأشار كبج إلى أن الخطة العشرية 92ـ2002 تضمنت إنتاج 20 مليون طن من الذرة الرقيقة لكنها حققت 2.8 مليون طن .

وهذا يساوي أقل من 15% من هدف الخطة العشرية. كما هدفت إلى إنتاج 2.4 مليون طن من القمح لكن الذي أنتج فعلاً 247 ألف طن أي 11% من هدف الخطة العشرية وأيضاً إنتاج مليون طن من الدخن لكن الإنتاج في عام 2002 كان 550 ألف طن وهذا يساوي ربع الإنتاج المتوقع.

وكان السودان يستورد 250 ألف طن من القمح قبل 1989 وارتفع حجم الاستيراد حالياً إلى 1.8 مليون طن. وأضاف: بلغ إنتاج السودان من الحبوب في عام 88ـ89 آخر أعوام الديمقراطية 4.425 ملايين طن أي أن إنتاج حكومة الإنقاذ من الذرة في نهاية خطتها العشرية في 2002م يساوي 65% من إنتاج آخر سنوات الحكم الديمقراطي.
الفوق ده تحلل الخبير الاقتصادي محمد ابراهيم كبج عام 2012 مع خبراء اخرين في تصريحات لصحيفة البيان الاماراتية
http://www.albayan.ae/economy/the-world-today/2012-06-15-1.1669565http://www.albayan.ae/economy/the-world-today/2012-06-15-1.1669565

Quote: خير الشحدة أن تشحد لمواطني بلدك

يا حيدر خلاصة موضوعك دا شنو؟

أهلنا في السودان ياكلوا رغيف ولا يكتفوا بالأيسكريم؟

يا زول نشحد قمح ونشحد زيت ونشحد بترول ونشحد سكر ما دام ما عندنا اكتفاء ذاتي

الأهم من ساس يسوس أهلنا ديل ما يقيفوا في صف من ديل عشان شح

الحكومة شحدت بارك الله فيها وأكلت أهل السودان عيش لسنة كاملة ممكن في خلال السنة دي تجي حكومة جديدة عبر الإنتخابات وأقول ليك حاجة برضو ح تشحد.

أنا شخصياً بنظر للأمور من مصلحة المواطن السوداني الآنية

العايز يسقط الحكومة دي يسقطها لكن ما ممكن يمنع الخير لأهلنا كمان خمسة وعشرين سنة عشان هو قاعد يجهز في وصفة اسقاط الحكومة, ولا مو كدي؟؟؟

غايتو أغرب حاجة في السوداني المسمي نفسه "معارض" أنّه شغال "عارض" على أهله يتمنى لهم كل صنوف الشر على يد هذه الحكومة فقط ليثبت لنفسه أنّ الحكومة "كعبة" خاصّة إذا ضمن أسرته الصغيرة في مأمنه


والسودان أولاً
أحبّك يا سودان

ياكيمو مثلك اتمنى كل الخير لاهل بلدي برضو
السجال هنا حول عدم تطابق الافعال بالاقوال
الشعب لايعيش على الشعارات والكلام المعسول
شوف كلام الانقاذيين لما قلبوا الحكومة الشرعية وعدوا بي شنو ..
وتذكر انهم كانوا بيلعنوا في الحكومة اللي ما ادوها فرصة تشيل نفسها - بينما هم جلسوا ما جلسوا وما حققوا ربع وعودهم
والامر من كده انهم تحدثوا عن فساد حكومة الصادق الوليدة
مشكور على المدافرة دي ياحبيب

شتم الرئيس لمواطني الجزيرة دليل على الزنقة الحاصلة في زراعة القمح
اكيد مستشارنو ما لقو شماعة يعلقوا عليها فشلهم ، قاموا نجروا ليهو موضوع الجزيرة

تحياتي يا حيدر

يا أخي خلينا نكون واقعيين ياتوا حزب في العالم وخت مليون خط تحت في العالم دي بتتطابق أقواله مع أفعاله

ما يبشر له الحزب في حملته الإنتخابية شيء والعمل على أرض الواقع شيء أخر

هذا ليس تبرير للحكومة الحالية بل حتى القائمون عليها يشهدون بإخفاقاتهم في كثير من السياسات والتصرفات وردود الفعل

الحكومة مهما طال امد حكمها فهي عرض طارئ وحتماً إلى زوال وهذه سنّة الله في الأرض لا بقاء لحكم ولا حاكم كل إلى أجل مسمى

أهل الإنقاذ هم سودانيون

وهم يتعاطون السياسة بنفس القدر الذي يتعاطاه غرمائهم فالكل يلعن الكل والكل يسفه عمل الأخر والكل يخوّن الأخر ويشيطنه

ولو جاء اليسار لحكم السودان لرأيت منهم قهراً ودكتاتورية وإقصاءاً (وهم هسّع دي ما مقصرين كان اختلفت معاهم طوالي يطلعوا من الصندوق) يكون معها حكم الإنقاذ حلماً ببعيد المنال للمقهورين

المهم

ما أحاول أن أقوله أنا أننا يجب أن نضع هم المواطن في المرتبة الأولى ونترك أهل الخصومات السياسية يشتموا بعض وينبذوا بعض بس ما على ظهر المواطن السوداني

أي حاجة بتسهّل على المواطن ألف مرحب بيها ودا ما بعني أننا نوافق هذا الحزب أو ذاك في مواقفه إجمالاً ولكن إعمالاً بالقصد والعدل نقول لمن أحسن أحسنت ولمن أساء أسأت (والعنده من الصندوق يطلع ما بنهببه ليه)

خليهم يشحدوا فخير الشحدة ما كانت من أجل المواطن السوداني

تحياتي وتقديري

والسودان أولاً
أحبّك يا سودان

سلام أستاذ حيدر حسن

القمح الروسى و فوائد ديونه سيدفعها ابناؤنا و أحفادنا حتى لو قررت الحكومة أن تبيع

القمح بالكسر و هو فى عرض البحر .

الإنقاذ قد دنا عذابها .... آمين يارب يا كريم .

تحياتى .

Quote: وتعهد رئيس الجهورية بتنفيذ مضامين مبادرة خادم الحرمين الشريفين بخصوص توفير السودان للأمن الغذائي العربي وذلك من خلال إصلاح المشروعات الكبرى في الجزيرة والسوكي والرهد وكهربة المشاريع الزراعية وإدخال التقانات الحديثة. وقال في هذا الخصوص إن السودان سيصدر القمح للعالم قريبا

أعلاه هو تصريح للبشير اليوم في نفرة كبرى جمعوا فيها مطبلاتية من الجزيرة في لقاء (رد الوفاء لأهل العطاء)...يبذلون لنا الوعود سخية من ربع قرن والمحصلة على ارض الواقع فشل وفقر وجوع
بس والله نحن معشر الشعب الفضل نستاهل نظام زي نظام الكيزان فبعد ان راينا فشلهم متجسدا وعشنا على اياديهم أحلك السنين ما زال يحدونا امل كبير بان (الحداية بتحدف كتاكيت)

الروس أقل شيوعية من مزارعي مشروع الجزيرة وأكثر إنتاجية منهم..

فلنشهد للإنقاذ بدخول القمح الروسي بعد أن ضربنا الإسترالي وعيوش ريجان سابقا..

شايف دي سموها شحدة وطنية ..

تعرف يا فرانكلي..
أسوأ حاجة إنو الواحد يدافع عن أسياده بالحق والباطل عشان مصالحه الشخصية...وليس دفاعا عن الفكرة..
ما في زول نصيح و بكامل قواه العقلية شايف حال البلد يقدر يدافع عن الإنقاذ اقتناعا بيهم..إلا لو كان مكابر بيدافع عن مصالحه..
حالتكم يا ناس المؤتمر الوطني عبارة عن مرض نفسي...بتدافعو عن حكومتكم في كل حاجة حتى لو الغلط واضح وضوح الشمس..
حتى لو حكومتكم أصدرت قرار بإعدام أي زول يمشي في الشارع متأكد حتدافعو عنها وتلقوا تبرير..
فعلا الاختشو ماتو..
انت والشفيع وراق وود الباوقة شغلتكم بس النفي والإنكار في أي بوست يهبش أسيادكم...ما بتخجلو إنو تكونو ناس بدون شخصية وماشين بالريموت كونترول بتعليمات غيركم؟
ملعون أبو المصالح البتعمل كده
ملعون أبو المصالح البتعمل كده
ملعون أبو المصالح البتعمل كده

Quote: أسوأ حاجة إنو الواحد يدافع عن أسياده بالحق والباطل عشان مصالحه الشخصية...وليس دفاعا عن الفكرة.. ما في زول نصيح و بكامل قواه العقلية شايف حال البلد يقدر يدافع عن الإنقاذ اقتناعا بيهم..إلا لو كان مكابر بيدافع عن مصالحه.. حالتكم يا ناس المؤتمر الوطني عبارة عن مرض نفسي...بتدافعو عن حكومتكم في كل حاجة حتى لو الغلط واضح وضوح الشمس.. حتى لو حكومتكم أصدرت قرار بإعدام أي زول يمشي في الشارع متأكد حتدافعو عنها وتلقوا تبرير.. فعلا الاختشو ماتو.. انت والشفيع وراق وود الباوقة شغلتكم بس النفي والإنكار في أي بوست يهبش أسيادكم...ما بتخجلو إنو تكونو ناس بدون شخصية وماشين بالريموت كونترول بتعليمات غيركم؟ ملعون أبو المصالح البتعمل كده ملعون أبو المصالح البتعمل كده ملعون أبو المصالح البتعمل كده

شكرا احمد عمر

عيب

الاخ حيدر، تحياتي ، استفزني الخبر وفتحت بوست بنفس الموضوع قبل ان اشوف البوست بتاعك وكتبت فيه : من سلة غذاء العالم لدين القمح من روسيا. شكرا حيدر.

ههههههه ..

ما يشحدوا ما فوقها حاجه .. أو كما قال فرانكلي :)
هم يعني بشحدو عشان منو ..
ما عشان ياكلونا "ناكل السم انشالا" ..
اومال عاوزين تاكلو كيف ؟!!
دي ابتلاءااات, ابتلاءاااات يا أخوانا ..
دول الاستكبار دي قايلنهاسترضى عنكم ساي ..
اها لا ترضى عنكم لا نشحدها ليكم ..
نجيب ليكم رغيف من وين ؟!
وبعدين انتو دايرين تاكلو ملح ..
لا تدفعو انتو لا صغاركم القادمين ..

جنس ابتلاءااات :)

-------
السودان اولا ..
أحبك يا سودان ..

سلامات
حيدر حسن ميرغني
الجماعة من روسيا دنا عذابها
بقو لشحدة القمح من روسيا
ناس حكومة المؤتمر الوطني شحادين وعينهم قوية

Quote: والي الجزيرة يعلن اكتمال زراعة 400 ألف فدان قمح التاريخ : 15-12-2014 - 07:27:00 مساءً مدني في 15-12-2014م (سونا) - انطلقت اليوم بولاية الجزيرة حملة الوفاء لأهل العطاء، والتى أعلنتها الولاية منتصف ديسمبر من كل عام كإجازة رسمية، وهي حملة مقصود بها عمل جهد طوعي من كل فعاليات الولاية ومكوناتها لنظافة المشروع من شجرة المسكيت. وقال والي الجزيرة د. محمد يوسف علي الذي شهد ضربة البداية بمنطقة ود بلال بمحلية الحصاحيصا على الطريق القومي مدني الخرطوم، إن المسكيت أصبح مهدداً كبيراً لمشروع الجزيرة المشروع القومي الذي يضم 2.2 مليون فدان، مشيراً إلي أن إعلان هذه الحملة قد جاء من أجل تحريك كل أهل الولاية على المستوى الرسمي، وكل وحداتها، ووزاراتها، والمنظمات، والدفاع الشعبي، والشرطة الشعبية، والخدمة الوطنية، واتحاد الشباب، والطلاب، والدفع بهم في اتجاه إصلاح حال المشروع، مبيناً أن تدشين الحملة تم بالاتفاق مع إدارة مشروع الجزيرة، واتحاد المزارعين. وأعلن بدء الحملة في كل محليات الولاية الثمان، ومشروعات الجزيرة، والرهد، والجنيد. يذكر أن الحملة قد شهدت تحرك الجهاز التنفيذي مع المعتمدين في كل المحليات للمشاركة في النفرة والتي شهدها الوالي بمحلية الحصاحيصا منطقة ود بلال، بمشاركة الشركات الخاصة المالكة لآليات نظافة القنوات، والشركات العاملة في مجال المبيدات والحشائش. وكان والي الجزيرة قد وقف بمحلية المناقل على افتتاح العمل في طريق الهدى الفريجاب، واطلع في ثنايا هذه الجولة على مستوى الإنبات والزراعة والعمل في نفرة القمح، والتعرف على أي إشكالات طارئة. وأعلن والي الجزيرة اكتمال زراعة ما يقارب (400) ألف فدان قمح بمستوى إنبات يفوق 90% في الحواشات، بجانب انسياب الري بصورة وصفها بالممتازة، فضلاً عن اكتمال جرعات السماد المختلفة. وعبر والي الجزيرة عن قناعته بنهضة مشروع الجزيرة وتعافيه من كل العقبات التي واجهته في الفترة الماضية بجهد أبنائه، وبفضل المشاركة الكبيرة لمكونات الولاية على المستوى التنفيذي والسياسي، وإدارة المشروع والمزارعين . ط . ف

Quote: وقال والي الجزيرة د. محمد يوسف علي الذي شهد ضربة البداية بمنطقة ود بلال بمحلية الحصاحيصا على الطريق القومي مدني الخرطوم، إن المسكيت أصبح مهدداً كبيراً لمشروع الجزيرة المشروع القومي الذي يضم 2.2 مليون فدان

ههههه ههههه

يا فرانكلي ده حملة قمح ولا حملة مسكيت

ناس الجزيرة ديل بدل ما يأكلوا نيم بقوا بيأكلوا مسكيت
سبحااااااان الله

يا سيف

الجزء الأول من الخبر يتحدث عن حملة لمكافحة المسكيت
والجزء الثاني من الخبر يتحدث عن نفرة القمح

حيدر سلاماتي ليك وللجميع...

ويا آخوانا الشحدة في النظام العالمي ماهي عيب...
وهي لن تقلل من شأن الدول في شيئ آو ترفع من قدر بعضها... لأن العالم شغال بمبدأ أنصر
وأعين آخاك. العيب التبجح الآرعن لهذا النظام الفاسد وقوة عينه.

العيب هنا أن تطلق الشعارات الزائفة وتآتي بآفعال لا تتماشى معها. العيب هو صنع الفاقة
والمتاجرة بها. وإشعال الحرب والترزق بحممها من صفقات السلاح المريبة والمشبوهة.

والسؤال: هل سيتم توزيع هذا القمح آو عجينه كخبز مجاني أم سيتم بيعه للعالمين؟
نعم هو سيآتي بالدين... لكن الناس ديل شهيتهم فاتحة للعفو والعافية خاصة بعدما
أعفتهم روسيا في مبلغ 17 مليون دولار من الديون المتآخرة قبل يومين!

حيدر امبس .. مشكلتنا في الادارة والتمويل ..
المداخلة هذه كتبتها في بوست مشابه ..
ما أسهل حل مشكلتنا وبقليل من الاهتمام ..

السودان كنز طبيعي .. لكن المشكلة في من يدير هذا الكنز ..

سوف أعطيك مثال ..( عملي ) الحكاية ما عايزة لامؤتمرات ولا خبراء ولا إقتصاديين ..
مثال عندنا في الشمال .. محلية البرقيق .. مشروع الدفوفة .. اهلنا بمجهوداتهم الخاصة ..
يستصلحوا الارض عشرة أفدنة وأكثر .. من حر مالهم يأتون بالبوابير لرفع المياه والمياه متوفرة حتى إن ( النز ) هدم البيوت
من قلة سحب المياه الجوفية .. يمكن لمزارع لا يمتلك أي خبرة يمكنه ان يجني من الفدان الواحد ( 30 جوال قمح ) فصل شتاء
مثالي ( درجة الحرارة ايام النمو ما بين 4 الى 5 درجات في الليل والصباح ) في شهر أمشير ونحن أبناء مزارعين ونعرف
هذه الحقيقة تماماً ..
المشكلة الاساسية في الجازولين والتمويل .. نسمع عن مشروع كهربة المشاريع ولكن لا شيء .. أنا لدي حواشة عشرة أفدنة
ممكن ان انتج من اربعة خمسة أفدنة ما يفوق المائة شوال قمح ( 3 شوالات ) يمكن ان يكفي البيت الواحد .. والباقي الى السوق
نحن هنا في جدة ما يصرفه الدستوريين في عمرة صفر ممكن ان يكفي زراعة آلاف أفدنة في الشمالية .. بقليل من التمويل والجهد المالي
لأن الارض مسطحة هبة من الله .. ومستوية تماماً ا.. لتقاوي متوفرة لدى بعض .. حرفة الزراعة موروثة من الالاف السنين
فقط الجازولين والسماد وإرتفاع سعرها وقليل من التمويل لايجار المعدات الزراعية ..
تعال شوف عمرة الدستوريين في شهر صفر وربيع الأول .. اخي محمد تعال شوف الريالات كيف تناطح بعضها ( فنادق وسيارات الى مكة )
يا اخي منهم واحد قريبي .. كنت أريد أن كرم مثواه وأدفعه شيء .. ولكن أقسم علي وعندما أخرج رزمة من الريالات اصابتني الدهشة ..
أؤكد لك ان نثربات هؤلاء القوم كان يكفي زراعة عدة مشاريع ( فول وقمح ) ..

وقد وصف الشاعر حميد هذا المنظر ( حج الدستوريين) لأنه اقام فترة في مكة (رحمه الله ) ولدي قراءة في هذه القصيدة .. وخاصة بعد عايشت
الوضع عن قرب .. سوف أبحث عن المقالة وانزلها هنا ..

كمان البوست بتاعك ده جاء مع مكالماتنا اليومية بين جدة والبلد لترتيب الموسم الشتوي .. كل التمويل على حسابنا والحكومة فقط تجمع الضرائب

يا حيدر يا خوي أشكرك لامن تعتذر من فتح الموضوع ده
ياخي أول مرة أفهم (أمريكا روسيا قد دنى عذابها)
أتاريهم عايزين يدينو منهم وما يرجعو ليهم الدين
وكل يوم روسيا تدق الباب ويجو الوليدات يقولو ليهم (أبوي مافي) التلفونات مابترد رسائل مسجلة بس
(هذا المشترك لا يمكن الوصول إليه حالياً) وتقوم روسيا تدخل الواسطات
وناس باركوها ياخ والمال تلتو ولا كتلتو ... وووو
ده في زمتكم عذاب ولا ما عذاب يا متعلمين يا بتوع المدارس؟
(علي إن لاقيتها ضرابها) ما ياهو دا ذاتو يضربو قمحهم وما يرجعو ليهم حقو
دا برضو (ضرب) ولا ما ضرب؟
وتيييب
(السماسرة يمتنعون)

Quote: كما رحب المجلس بالاتفاقية التي وقعها وزير الصناعة والاستثمار بولاية الخرطوم المهندس عبد الله احمد حمد مع شركة روسية لتوريد خط إنتاج جديد بطاقة 336 ألف قطعة خبز يومياً واعتبر المجلس هذا التوقيع البداية العملية للتعاون التجاري الروسي السوداني

Quote: Quote: والي الجزيرة يعلن اكتمال زراعة 400 ألف فدان قمح

ما علاقة والى الجزيرة بمشروع الجزيرة حتى يعلن؟
اين مدير المشروع ؟
اين وزير الزراعة الاتحادى ؟
مشروع الجزيرة مؤسسة مركزية مثله مثل بنك الخرطوم وبنك السودان حتى لو وقع فى ولاية الجزيرة , بالاضافة لذلك له ادارة هى المعنية بالاعلان والتصريحات التى تخص المشروع وليس والى الجزيرة ؟
تداخل الاختصاصات مشكلة من المشاكل الكبيرة التى ظهرت فى ظل هذا النظام !