Post: #1
Title: الشــــريــعـــــة ....... تاااااااااني !!!!!!!!
Author: د.محمد حسن
Date: 12-10-2014, 10:15 AM
Parent: #0
تطالعنا الصحف هذه الايام بان الحركة الشعبية ترفض الشريعة !!
طيب ما علي كيفهم يرفضو يقبلوا المسالة خيار ديمقراطي اذا كل الشعب قبل هم يقبلوا بالخيار الديمقراطي
الجقلبة لزومها شنو
نجي للمؤتمر الوثني
وانتو زعلانين ليه ما اهو انتو حاكمين 25 سنة يوم واحد ما حكمتو بالشريعة
الجديد شنو
بل بالعكس
انتو اسوأ من أسوا علماني على وجه الارض
لان فسادكم اخجل ابليس
اما المضحك جدا
هو ان تطلعنا الصحف بان الامة والاتحادي يرفضان موقف الحركة من الشريعة
عليكم الله الاحزاب دي ما عندها خال يهديها؟
|
Post: #2
Title: Re: الشــــريــعـــــة ....... تاااااااااني !!!!!!!!
Author: د.محمد حسن
Date: 12-10-2014, 11:25 AM
وكأنما هنالك تبادل ادوار بين الحركة الشعبية
وبين المؤتمر الوطني
لانه من الملاحظ
كلما تازمت الامور في الداخل
تغطي الساحة والاعلام مفاوضات اللاشيء
ماذا تعني مفاوضات المنطقتين ولاي شي تهدف؟
بجد انا عايز افهم
هل التي تحتاج مفاوضات المنطقتين
ام حلايب التي تمصرت؟
|
Post: #3
Title: Re: الشــــريــعـــــة ....... تاااااااااني !!!!!!!!
Author: عادل عبدالعزيز عبد الرحيم
Date: 12-10-2014, 11:37 AM
Parent: #2
هو فى نغمة اليومين دى ماشة لورا لبدايات الانقاذ
يظهر انه نداء السودان عمل هستيريا وفوبيا
تحياتى ياود العمدة
|
Post: #4
Title: Re: الشــــريــعـــــة ....... تاااااااااني !!!!!!!!
Author: د.محمد حسن
Date: 12-10-2014, 11:16 PM
Parent: #3
| Quote: هو فى نغمة اليومين دى ماشة لورا لبدايات الانقاذ |
نحن في مرحلة الارتداد والنكوص
شكرا لمرورك اخي عادل
|
|