Post: #1
Title: انطلاق قطار المواصلات بولاية الخرطوم.....
Author: ود الباوقة
Date: 09-10-2014, 06:19 PM
Parent: #0
ولاية الخرطوم : انطلاق قطار المواصلات قبل نهاية العام
أعلن والي الخرطوم د. عبد الرحمن الخضر عن شحن أول دفعة من قطار المواصلات قادم من الصين في الخامس من أكتوبر القادم وسيصل الخرطوم خلال شهر علي ان ينطلق القطار في نقل الركاب قبل نهاية العام الحالي وقال الوالي خلال تنويره لمجلس وزراء الولايه حول نتائج زيارته والوفد الفني من وزارة البني التحتيه وهيئة السكه حديد ان أهداف الزياره الوقوف ميدانياً علي المرحلة النهائيه لتصنيع قطار الخرطوم المحلي وإقامة شراكة مع الشركات الصينيه المصنعة للقطار للاستفادة من خبراتها في تشغيل القطار وخدمات ما بعد التشغيل بالإضافة الي توفير حلول اضافيه لتحسين أداء المواصلات بالولاية بتوريد المزيد من مواعين النقل الكبيرة وأوضح ان الزيارة أسفرت عن توفير معينات إضافيه لتجويد النظافه وإصحاح البيئه بالولايه وتوريد آليات حديثه واكمال التفاهمات السابقة مع عدد من الشركات الصينية بغرض الحصول علي تمويل كبير يحدث اختراق وطفره في مشاريع البني التحتية .
وفيما يتعلق بالقطار أكد الوالي ان المشروع يتم تنفيذه بشراكه بين هيئة السكة حديد ومجموعة نوفلز الوطنية ذات الخبرة الواسعة في مجال السكة حديد مشيراً الي ان المرحلة الاولي تبدأ بـ(6) قطارات بعدد (18) عربة كل قطار به (3) عربات مكيفه بمواصفات عالية ويتم التخطيط لتشغيلها بواقع قطار علي رأس كل ساعة كما جري خلال الزيارة الاتفاق مع الشركة المصنعة بإنشاء الاحتياجات اللوجستية للقطار وتشمل الأرصفة والمحطات وحماية مسار القطار لمنع وقوع الحوادث كما يصل خبراء من الصين للمساعدة في بداية التشغيل وتدريب الكوادر السودانية و
|
Post: #2
Title: Re: انطلاق قطار المواصلات بولاية الخرطوم.....
Author: ود الباوقة
Date: 09-10-2014, 06:27 PM
Parent: #1
توفير الحياة الكريمة
توفير المواصلات
توفير التعليم والعلاج
|
Post: #3
Title: Re: انطلاق قطار المواصلات بولاية الخرطوم.....
Author: معاوية المدير
Date: 09-10-2014, 06:31 PM
Parent: #2
يكون جميل إن بقى صُح.
والله صحي...
|
Post: #4
Title: Re: انطلاق قطار المواصلات بولاية الخرطوم.....
Author: Mustafa Mahmoud
Date: 09-10-2014, 06:41 PM
Parent: #3
|
Post: #5
Title: Re: انطلاق قطار المواصلات بولاية الخرطوم.....
Author: MOHAMMED ELSHEIKH
Date: 09-10-2014, 06:41 PM
Parent: #3
يا عمر قطر الحرمين شغالين فيهو خمسة سنين لاربعتاشر كيلو
انتو دايرين تشغلوه في شهرين؟
تكونو مسوين لو تعديلات جينية؟
|
Post: #6
Title: Re: انطلاق قطار المواصلات بولاية الخرطوم.....
Author: Mustafa Mahmoud
Date: 09-10-2014, 06:53 PM
Parent: #5
ارجو من الجميع نشر التداء و الدعوة
الدعوة للغصيان المدني المفتوح
كان العصيان المدني احد ابداعات الشعب السوداني في العصر الحديث في اكتوبر وفي ابريل. ذلك لان ذلك المجتمع كان راقيا بالمقاييس الحضارية وكان لابد ان ينتصر حسب منطق الاشياء. اما الان فقد استطاعت عصابة الانقاذ ان تجر السودان من المعاصرة الى عصور الظلام ، علية لايمكن الان في عصر الظلام هذا استعمال ادوات نضال ازمنة التحضر و المعاصرة.
تم تحويل المجتمع بالكامل الى عصور الظلام الدامس باسم الاسلام بواسطة عصابة مافيا الانقاذ المكونة اساسا من شواذ المجتمع.
الشعـــــــــب يريد اسقاط الفساد
الشعب يريد اسقاط المحسوبية
الشعب يريد اسقاط التسلط
الشعب يريد اسقاط العنصرية
الشعب يريد اسقاط القبلية
الشعب يريد انقاذ البلاد والعباد من جور وظلم الانقاذ
مهما طال ليلك يا ظالم
سيغرد فينا صبح النور
شمسنا طالعة..
والحرية للشرفاء.
فليخرج للشارع
من اجل ان نكون احرار لا رعاع
سوف تنهض جماهير الشعب السوداني بكافة فئاته
علي سبيل المثال لا الحصر:
ضد
* تجار الدين و آكلي السحت
* كبت الحريات
* الغلاء
* الفساد
* القهر و الظلم
* استغلال الدين في السياسة
* ضد مليشيات الامن و مليشيات النظام
* ضد الابادة الجماعية في درافور
* ضد الجوع و السل في الشرق
* ضد الجهل و المرض
* ضد نظام الامن العام
* ضد المحسوبيه
* ضد السدود التي تبني في الشمال لمصلحة مصر
* ضد احتلال حلايب و الفشقة
* ضد تدمير مشروع الجزيرة
* ضد سرقة اموال البترول و الذهب
http://www.facebook.com/groups/BDFSudanhttp://www.facebook.com/groups/BDFSudan
الجبهة الديموقراطية العريضة (سودان)
الجبهة الديموقراطية العريضة (سودان)
|
Post: #7
Title: Re: انطلاق قطار المواصلات بولاية الخرطوم.....
Author: سفيان عثمان قرضيه
Date: 09-10-2014, 07:47 PM
Parent: #6
| Quote: أعلن والي الخرطوم د. عبد الرحمن الخضر عن شحن أول دفعة من قطار المواصلات قادم من الصين في الخامس من أكتوبر القادم وسيصل الخرطوم خلال شهر علي ان ينطلق القطار في نقل الركاب قبل نهاية العام الحالي |
ود الباوقة سلام
القطار سوف يصل الشهر الجاي وهو أكتوبر ويكون باقي لنهاية العام شهرين ( حسب الخبر )
سؤال قبل القطار مايصل مش مفروض تكون قضبان السكة حديد جاهزة بمحطاتها وتقاطعاتها وكباريها ؟
وهل فترة الشهرين كافية لإنجاز مثل هذا العمل الضخم ؟؟
سؤال أخير إنت يا ود الباوقة عبد الرحمن الخضر دا قاعد يضرب حاجة ؟؟؟
لأنو الظاهر الصنف بتاعو قوي شديد
دمت بخير
|
Post: #8
Title: Re: انطلاق قطار المواصلات بولاية الخرطوم.....
Author: الصادق اسماعيل
Date: 09-10-2014, 09:49 PM
Parent: #7
يا جماعة سنة الفين وحداشر ود الباوقة دا كتب بوست بعنوان
تنفيذ مشروع «الترام والمترو» بالخرطوم خلال أسبوعين ....
فود الباوقة اليوم عند بألف سنة مم تعدون
وصاحبه الوالي دا ذاتو قال في الوكت داك
Quote: أعلن والي الخرطوم د.عبدالرحمن الخضر
عن حصول الولاية على أول عرض لتمويل وتنفيذ مشروع
الترام والمترو بالخرطوم عن طريق نظام البوت من شركة سامسونج الكورية.
ورحب الخضر بهذه الخطوة باعتبارها فتحاً للعلاقات
السودانية الكورية متوقعاً أن تحدث نقلة كبيرة في مجال
النقل بالولاية خاصة مع وصول وفد شركة سامسونج خلال
أسبوعين للبدء في تنفيذ المشروع.
وكانت الولاية قد كلفت بيت خبرة ألماني لإستكمال دراسة الترام
والمترو |
|
Post: #10
Title: Re: انطلاق قطار المواصلات بولاية الخرطوم.....
Author: جمال خضر
Date: 09-10-2014, 11:36 PM
Parent: #9
|
Post: #11
Title: Re: انطلاق قطار المواصلات بولاية الخرطوم.....
Author: ود الباوقة
Date: 09-11-2014, 05:29 AM
Parent: #10
مالك يا جمال بقيت تخرمج... مسحت شنو
|
Post: #12
Title: Re: انطلاق قطار المواصلات بولاية الخرطوم.....
Author: نادر
Date: 09-11-2014, 05:48 AM
Parent: #11
أنت يا ود الباوقة ليه عاوز ترسم للناس صورة وردية غير موجودة إلا في مخيلتك عن الأوضاع في السودان، مخيلتك المحاطة في كل صوب بسيدك الرئيس وصقريتك المتوهمة تلك!!
مشاكل السودان ليست بمثل هذه السطحية والبساطة واللاعقلانية، فرضنا أن الإمداد الكهربائي استقر، وقطار مواصلاتك أطلق صافرة الإنطلاق، وبترولك المتوهم انفجرت عنه أرض السودان مليارات،
هل سيصلح الحال؟؟
ياخي ما ممكن تخاطبنا بي عقلية طفل في التمهيدي!!
مشكلة السودان ليست في عدم وجود موارد أو معينات، المشكلة في إدارة الموجود وخلق توليفة إدارية وسياسية تصلح لإدارة البلد، وترمي في المقام الأول لرفع الضرر الواقع على الشعب،
المشكلة الواحد ما بقدر يخلي ليكم الموقع ده لأنو هو النافذة الوحيدة البنتلقى منها أخبار البلد، فإرتقي لينا شوية بحاجاتك دي يااخ
|
Post: #13
Title: Re: انطلاق قطار المواصلات بولاية الخرطوم.....
Author: جمال خضر
Date: 09-11-2014, 04:19 PM
Parent: #12
| Quote: مالك يا جمال بقيت تخرمج... مسحت شنو |
الظاهر يا ود الباوقة عملت لى عمل مشيت نزلت رابط بوست عنده علاقة بالموضوع
نزل بوست ما عنده علاقة بموضوع البوست لا من قريب أو بعيد حصل الكلام ده
كيف ما عارف .
|
Post: #14
Title: Re: انطلاق قطار المواصلات بولاية الخرطوم.....
Author: Nagat Sid Ahmed Elshiekh
Date: 09-11-2014, 04:46 PM
Parent: #13
ود الباوقة سلام،،
البصات بتاعت الوالي الحصل عليها شنو؟؟
واليخت مشي وين؟
والسودان ذاتو وينو؟
قطر الوالي دا بعرف يعوم في الخريف؟
كدي خلي الوالي يمشي يطلع القعونج الدخل صالة المغادره في مطار الخرطوم الدولي بعدين يجيب قطارات مكيفه
|
Post: #15
Title: Re: انطلاق قطار المواصلات بولاية الخرطوم.....
Author: Alshafea Ibrahim
Date: 09-11-2014, 05:34 PM
Parent: #14
Quote: توفير الحياة الكريمة
توفير المواصلات
توفير التعليم والعلاج |
======
صدقت وصدق الوالي ولا أكرم من هذه حياة ...
والميتة والدم ولحم الخنزير والحمير كلو متاح ومباح
ما قصرتوا
شكرا
تحياتي
الشفيع
|
Post: #16
Title: Re: انطلاق قطار المواصلات بولاية الخرطوم.....
Author: الهادي ابوبكر
Date: 09-11-2014, 06:01 PM
Parent: #15
http://www.sudaneseonline.com/board/470/msg/1410426704.html
Quote: شحن أول دفعة من قطار المواصلات قادمة من الصين مطلع أكتوبر القادم، وتصل الخرطوم خلال شهر
وسوف يدشن القطار لنقل الركاب قبل نهاية العام الحالي
الاتفاق مع الشركة المصنعة للقطارات بإنشاء الاحتياجات اللوجستية للقطار، التي تشمل الأرصفة والمحطات، وحماية مسار القطار لمنع وقوع الحوادث.
---------------------
القطار يتم شحنه من الصين في اكتوبر وبياخد شهر يعني ح يوصل بورسودان في نهاية نوفمبر 2014
وح يشتغل قبل نهاية العام يعني في شهر ديسمبر 2014
واللوجستيات يعني السكك والمحطات واللذي منه ده كله ح يتم تركيبه في نفس الشهر
امكن يكون قاصد قطار مدينة الألعاب ؟
غايتو قطار الرياض المعلن عنه وتكلفته 21 مليار دولار رغم ان الاعلان كان قبل شهور، يا دوبك شايف بيعملو في الحواجز وركبوا لوحات ارشادية تقول (مشروع قطار الرياض). |
|
Post: #17
Title: Re: انطلاق قطار المواصلات بولاية الخرطوم.....
Author: FAKHER ELDEEN AHMED
Date: 09-11-2014, 06:19 PM
Parent: #15
مرات الواحد بجيه طمام
لما يقرأ شاكله البوست ده
بالله عليك احترم عقول الناس الهنا
انت بتخاطب في ناس فاهمة الوضع وقارياهو كويس
ما بتخاطب في ناس قريه أبسط مقومات التواصل ماعندها
ده استخفاف بالعقول ، بنقص من قيمة حزبك أكتر من ما يضيف ليه
ولي زمن الغش والاستخفاف
|
Post: #18
Title: Re: انطلاق قطار المواصلات بولاية الخرطوم.....
Author: ود الباوقة
Date: 09-11-2014, 08:14 PM
Parent: #17
عندكم كميات من الاحباط والعياذ بالله
|
Post: #25
Title: Re: انطلاق قطار المواصلات بولاية الخرطوم.....
Author: قاسم الامين عبود
Date: 12-07-2014, 06:52 PM
Parent: #2
ود البواقة السلام عليكم ورحمة الله وبعد
اخي الحبيب اتاحت لي الصدفة الجميلة ان اسافر واجوب السودان من شرقه الي غربه ومن شماله وحتي كوستي بالقطار في الزمن الجميل كنت اركت نوم من سريرين فقط واشاهد من خلال نافذة العربة وانا مستلقي علي سريرى جمال السودان وبضغت زر اطلب اللمونادة واطلب وجبة الفطور والغداء ثم العشاء دون ان اكلف نفسي المشوار حتي الي البوفيه او الاستناطورالشاى القهوة والمياة الغازية والتحلية بعد الوجبة كنت استقل القطار اكسبرس حلفا من محطة شندى متوجه الي الخرطوم حضور الساعة واحده ظهرا مغادرة جدول الوصول في المحطة وصول مغادرة خلال ربع ساعة الماء الخاص بشراب الركات والحمامات نظيفة والناس نظيفة والنفوس نظيفة وكل شئ كان كما ينبغي ولكن حكومتك دى ما خلت شئ في البلد والا دمرته ولحقتوا امات طه قطار شنو الانت منتظروا من ديل انت بتصدق كل كلام ينقال ارحم نفسك والله يا ود البواقة الناس ديل ما بشبهوك مالك ومالهم توب واستغفر وارجع الي ربك انت انسان عندك قبول عند الاخريين وهذه نعمة لاتفقدها لك التحية والتقدير
|
Post: #19
Title: Re: انطلاق قطار المواصلات بولاية الخرطوم.....
Author: Othman Al-Hasan Babikir
Date: 09-12-2014, 12:35 PM
Parent: #1
ياخي الزول ده بارد جداً ... بالله عليكم هسي ده رد واحد بحترم عقول الناس المتداخله معاه في البوست ده ؟؟؟
أعوذ بالله
|
Post: #20
Title: Re: انطلاق قطار المواصلات بولاية الخرطوم.....
Author: جمال خضر
Date: 09-12-2014, 05:22 PM
Parent: #19
| Quote: عندكم كميات من الاحباط والعياذ بالله |
ود الباوقة 25 سنة من الشعارات الزائفة والمشاريع الوهمية
وتدمير ما هو متاح مشروع الجزيرة الخطوط الجوية والبحرية
النقل الميكانيكى التعليم الصناعة التجارة الزراعة . الديون
فاقت ال 40 مليار دولار والمطارات ملأى بالهاربين من
جحيم الإنقاذ ووصل الحال بجماعتكم إنهم يستوردوا مخدرات
عديل كده عشان يدعموا بيه مؤسساتهم وبعد ده يا ود الباوقة
بتجعوا الناس للتفاؤل على شنو ما عارف .
ود الباوقة أركز وسيب اللولوة
|
Post: #21
Title: Re: انطلاق قطار المواصلات بولاية الخرطوم.....
Author: الهادي ابوبكر
Date: 12-06-2014, 08:35 AM
Parent: #20
Worlds fastest Train: 574.8kmph.
أسعر قطار في العالم 574 كيلومتر/ساعة
|
Post: #22
Title: Re: انطلاق قطار المواصلات بولاية الخرطوم.....
Author: Alshafea Ibrahim
Date: 12-06-2014, 10:07 AM
Parent: #21
نرفع ليك البوست قبل السفر ماليزيا
أها قطاركم وصل وين ؟
غايتو ياعمر بقيت ( ملطشة) عديل بين سيدك الرئيس ووالي أمر المسلمين الخضر
لكن على الأقل على الجانب الشخصي مشيت كثير وفت من سبقوك تطبيلا وتهليلا لهؤلاء يالله
الشفيع
|
Post: #23
Title: Re: انطلاق قطار المواصلات بولاية الخرطوم.....
Author: الهادي ابوبكر
Date: 12-06-2014, 10:46 AM
Parent: #22
Quote: نرفع ليك البوست قبل السفر ماليزيا
أها قطاركم وصل وين ؟
غايتو ياعمر بقيت ( ملطشة) عديل بين سيدك الرئيس ووالي أمر المسلمين الخضر
لكن على الأقل على الجانب الشخصي مشيت كثير وفت من سبقوك تطبيلا وتهليلا لهؤلاء يالله
الشفيع |
بس يا ريت منشور باسعار التذاكر
الخرطوم ---------- الكلاكلة ----- الخرطوم
الخرطوم ---------- ام بدات ----- الخرطوم
الخرطوم --------- الدروشاب ----- الخرطوم
الخرطوم -------- الحاج يوسف /الوادي الخضر ----- الخرطوم
الخرطوم --------- سوبا ---- الخرطوم
وما بينهما ،،،
|
Post: #24
Title: Re: انطلاق قطار المواصلات بولاية الخرطوم.....
Author: خالد العبيد
Date: 12-06-2014, 10:51 AM
Parent: #23
أها قطاركم وصل وين ؟
---------------------------------
القطر وبس ؟
مشاريع ودالباوقة كلها احلام منسوجة بي اوهام
|
Post: #26
Title: Re: انطلاق قطار المواصلات بولاية الخرطوم.....
Author: ياسر منصور عثمان
Date: 12-08-2014, 12:18 PM
Parent: #1
القطر قالوا شحنوا من الصين...
بس المحيرني القطر ده بمشي في ياتو سكة؟؟
اوعى يكون بمشي في السكة البطالة برضو..
هههههههههههههههههههه
|
Post: #27
Title: Re: انطلاق قطار المواصلات بولاية الخرطوم.....
Author: الهادي ابوبكر
Date: 12-09-2014, 04:22 PM
Parent: #26
Quote: اوعى يكون بمشي في السكة البطالة برضو..
هههههههههههههههههههه |
هههههههها
قطار الشوق متين توصل ..
|
Post: #28
Title: Re: انطلاق قطار المواصلات بولاية الخرطوم.....
Author: ولياب
Date: 12-09-2014, 05:01 PM
Parent: #27
الأخ العزيز / ود الباوقة
مع التحية
المسألة ليست إحباطات ولا تفاؤلات ، ونحن نؤمن بالله دون أن نراه لأن دلائل هذا الكون ومخلوقاته يقودنا الى التفكير بأن هناك اله واحد قوي يسيطر على كل هذا الكون ، ومن هذا المنطلق يا ريت لو كان هناك توضيح أكثر عن الانشاءات التي سوف تصاحب المشروع من تأثيث للسكك ومحطات الانطلاق والتوقفات ، والمسار الذي سيتبع القطار ، ولا يخفى عليك أن هذه المشاريع تحتاج للوقت وأنت ترى الان ما يجري بشأن قطار الرياض هنا في العاصمة السعودية .
والله من وراء القصد .
|
Post: #29
Title: Re: انطلاق قطار المواصلات بولاية الخرطوم.....
Author: احمد محمد بشير
Date: 12-09-2014, 11:24 PM
Parent: #28
اها إشتغل ولاّ لسع , يا ماسورة!
قوم قِد , يا دجال
|
Post: #30
Title: Re: انطلاق قطار المواصلات بولاية الخرطوم.....
Author: ود الباوقة
Date: 12-10-2014, 02:59 PM
Parent: #29
في حياتي ما شفت ناس شفقانين زيكم
|
Post: #31
Title: Re: انطلاق قطار المواصلات بولاية الخرطوم.....
Author: ود الباوقة
Date: 12-10-2014, 02:59 PM
Parent: #29
في حياتي ما شفت ناس شفقانين زيكم
|
Post: #32
Title: Re: انطلاق قطار المواصلات بولاية الخرطوم.....
Author: Asim Fageary
Date: 12-10-2014, 03:06 PM
Parent: #31
القطر الجابك انت .. يتكسر حتة حتة .. ومعاهو ناسك إنت
القطر الجايي من الصين .. يتقسم صاجات عجين .. وتسلم بلاد التنين
______________________________________
ود الباوقا دا آخر أغنية دلوكة في الخرطوم
|
Post: #33
Title: Re: انطلاق قطار المواصلات بولاية الخرطوم.....
Author: سيف اليزل الماحي
Date: 12-10-2014, 03:58 PM
Parent: #32
.
شوف العقلية الخربة، قطار مواصلات بولاية الخرطوم!
يلوي رقبتك ان شاء الله
ويقولك بمواصفات حديثة وبه مكيف!
لايدخرون لهذا الشعب إلا الخراب!
.
|
Post: #34
Title: Re: انطلاق قطار المواصلات بولاية الخرطوم.....
Author: ود الباوقة
Date: 12-11-2014, 05:04 AM
Parent: #33
Quote:
يلوي رقبتك ان شاء الله |
لاوي لي رقبتي في شنو ياااخ
هس لو القطر دا ما جاء نهائيا انا مالي ومالو
الله يسامحك بس
|
Post: #35
Title: Re: انطلاق قطار المواصلات بولاية الخرطوم.....
Author: عزالدين عباس الفحل
Date: 12-11-2014, 05:12 AM
علي قدر أهل العزم ،
تأتي العزائم ،
سر أيها الوالي ،
وعين الله ترعاك ،
،،،،،،،
...
عزالدين عباس الفحل
ابوظبي
...
|
Post: #36
Title: Re: انطلاق قطار المواصلات بولاية الخرطوم.....
Author: ود الباوقة
Date: 12-11-2014, 06:58 AM
Parent: #35
شكرا الارباب
عز الدين الفحل
فعلا على قدر اهل العزم تاتي العزائم
بارك الله فيك
|
Post: #37
Title: Re: انطلاق قطار المواصلات بولاية الخرطوم.....
Author: صديق الموج
Date: 12-11-2014, 07:29 AM
Parent: #36
ود الباوقة..ان شاء الله يلاقيك وهو نازل من كوبرى الحرية
سلقت جنا جدادنا الله يسلق جنا جدادك بركة شيخك سعد،،،
|
Post: #38
Title: Re: انطلاق قطار المواصلات بولاية الخرطوم.....
Author: الحاج حمد الحاج
Date: 12-11-2014, 08:12 AM
Parent: #37
| Quote: في حياتي ما شفت ناس شفقانين زيكم |
يا ود الباوقة ذكرتني قصة النجار: واحد اشترى ليهو خشب اداهو النجار يعمل ليهو مشاية لي ولدو البدأ خطوات المشي المهم لما الولد مشى النجار ما عمل المشاية..الولد كبر و اتزوج و جاب ليهو ولد و الولد بدا خطوات المشي الجد قال لي ولدو امشي لي عمك عثمان النجار عندو خشب كان مفروض يعمل ليك مشاية و انت صغير و ما عملها و الخشب عندو امشي خليهو يعمل ليك مشاية لي ولدك ..الولد مشى لي عمك عثمان النجار قال ليهو ابوي قال في خشب عندك داير لي مشاية لي وليد (الحفيد) عمك عثمان رد عليهو: انت و ابوك اصلو ما عندكم صبر.
|
Post: #39
Title: Re: انطلاق قطار المواصلات بولاية الخرطوم.....
Author: ود الباوقة
Date: 12-12-2014, 07:00 PM
Parent: #38
كتمت
|
Post: #40
Title: Re: انطلاق قطار المواصلات بولاية الخرطوم.....
Author: ود الباوقة
Date: 12-12-2014, 07:00 PM
Parent: #38
كتمت
|
Post: #41
Title: Re: انطلاق قطار المواصلات بولاية الخرطوم.....
Author: Alshafea Ibrahim
Date: 12-12-2014, 07:36 PM
Parent: #40
أها أنت وين وقطرك وين ؟
نرفع البوست
الشفيع
|
Post: #42
Title: Re: انطلاق قطار المواصلات بولاية الخرطوم.....
Author: جمال خضر
Date: 12-12-2014, 09:36 PM
Parent: #41
http://www.0zz0.com
نرفع البوست إنتظارا لوصول قطارات ود الباوقة فى القريب العاجل
|
|