Post: #1
Title: بئر بترول بمنزل بالثورة الحارة 20
Author: حمد عبد الغفار عمر
Date: 12-08-2014, 04:50 PM
Parent: #0
كان كد النجهز عقالنا ساي
|
Post: #2
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-08-2014, 04:58 PM
Parent: #1
طبعا الكلام دا كلام واتساب
لكني باني عليهو أمل كبير عشان يطلع صاح
شكى أصحاب (منزل) بالثورة الحارة 20 بامدرمان من رائحة مزعجة وتصاعد غاز وأبخرة نفاذة ولأنهم لم يستطيعوا التعايش مع روائح الغاز القوية المنبعثة من البيت،
اتصلوا على خبير جيولوجي قام بالاتصال بفريق من المهندسين في وزارة النفط بالخرطوم الذين حضروا للمنزل صباح اليوم وقاموا بإجراء فحوصات واختبارات بواسطة أجهزة متطورة جدا تأكدوا بموجبها أن المنزل يسبح في بحيرة من النفط
أهل المنزل ما عرفواا يفرحوا ولا يزعلوا حتى الآن الخلعة كاتلاهم .
في صورة لكن عايزة ليها زمن هسة ما عندي طريقة ليها
اللهم أجعله خير وقريب مننا
|
Post: #3
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-08-2014, 05:00 PM
Parent: #2
بكري ياخ ما تأجل الأرشفة دي لي بكرة النشوف آخر البترول دا شنو 
|
Post: #4
Title: Re: بئر بترول بمنزل بالثورة الحارة 20
Author: معاوية الزبير
Date: 12-08-2014, 05:07 PM
Parent: #3
| Quote: اتصلوا على خبير جيولوجي |
خبير جيولوجي عديل كدا، لا نفايات لا محلية لا بسط أمن!
والله الناس اتطورت
كل أرشفة وأنت بخير يا حمد لبد
|
Post: #5
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-08-2014, 05:17 PM
Parent: #4
كيفك يا معاوية
ياخ ما تلاوز لينا والله هسة أنا خيالي مشى بعيد
التعويضات بالملايين
وهاجس الخوف الجماعة ديل ياكلونا ويرجعونا محل ما جينا سواء الجزيرة أو عندكم هناك
|
Post: #6
Title: Re: بئر بترول بمنزل بالثورة الحارة 20
Author: محمد إبراهيم علي
Date: 12-08-2014, 05:30 PM
Parent: #5
| Quote: المهندسين في وزارة النفط بالخرطوم الذين حضروا للمنزل صباح اليوم وقاموا بإجراء فحوصات واختبارات بواسطة أجهزة متطورة جدا تأكدوا بموجبها أن المنزل يسبح في بحيرة من النفط |
طوالي كده عملوها بحيرة اها حدها من وين ولا وين ؟
وهم وكت بعرفو قدر العرفة المقعدهم مع البجم الصينيين ديل شنو :)
|
Post: #7
Title: Re: بئر بترول بمنزل بالثورة الحارة 20
Author: حيدر حسن ميرغني
Date: 12-08-2014, 05:31 PM
Parent: #5
في البردانة ابت تطلع .... طلعت في الثورة
غايتو شيقوق حايموت عشان يعرف من الحفر تحت بيتو وغيَر اتجاه البئر 
-
حمدنا ازيك
|
Post: #8
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-08-2014, 05:39 PM
Parent: #7
يا محمد إبراهيم
تذكر قبل كم سنة كدا كانوا في ناس بيعملوا حفر في حيشان بصفوا فيها زيت الرجيع ويضيفوا ليهو مادة ترسيب ويعيدوا بيعه كزيت جديد
غالبا تكون في حاجة زي دي وإتردمت
لكن ما بنفقد الأمل مع الخبراء السودانيين ديل
اللهم أجعلو خير
|
Post: #9
Title: Re: بئر بترول بمنزل بالثورة الحارة 20
Author: حيدر حسن ميرغني
Date: 12-08-2014, 05:39 PM
Parent: #7
بكده الكيزان ديل حايقعدو لحدي البير ده ينشف
يازول قول حاجة تانية .... ما تكترو المحلبية
|
Post: #10
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-08-2014, 05:49 PM
Parent: #9
يا حيدر شيقوق قال ما ببيع ولا بتنازل
نستلم بعدين نشوف قصة الكيزان
|
Post: #11
Title: Re: بئر بترول بمنزل بالثورة الحارة 20
Author: محمد إبراهيم علي
Date: 12-08-2014, 07:58 PM
Parent: #10
دي الصورة وفي ظني انها حفرة دخان ستها بتحب التمسح :)
|
Post: #12
Title: Re: بئر بترول بمنزل بالثورة الحارة 20
Author: cantona_1
Date: 12-08-2014, 08:21 PM
Parent: #11
الكشف عن البترول لا يتم بالطريقة البدائية التي وردت في البوست.
تحديد أن المنزل يعوم في بحيرة من البترول مبالغة حديث لا معنى لها فنياً
أتمنى أن يكون من المنابرة من شاهد مسلسل اوتيل صح النوم للممثل المشهور دريد لحام المشهور بغوار الطوشي ومعه حسني البرظان وفطوم حيص بيص.. ففيه نفس قصة البيت وبدلاً عن البيت كان هوتيل وباع الهوتيل باغلى ثمن لاحد الطامعين وطلعت القصة برميل زيت راجع مربوط خلف الهوتيل.
هنالك معدات ضخمة وأجهزة حديثه هي التي تحدد كمية وموقع وعمق البترول. كما أن الغاز لا يتصاعد من تلقاء نفسه .. لن يتصاعد مالم يتم حفر بئر تسمي ال Wild Cat ولكننا متفائلون بقدرة الله
لكن خلوا تفاؤلكم في حدود المعقول.
زر قناتي في اليوتيوب من فضلك واشترك فيها
https://http://http://www.youtube.com/user/KabbashiSudanwww.youtube.com/user/KabbashiSudan
كبـّاشي الصافي
|
Post: #13
Title: Re: بئر بترول بمنزل بالثورة الحارة 20
Author: Frankly
Date: 12-08-2014, 08:28 PM
Parent: #12
سمسار شاطر جداً
|
Post: #14
Title: Re: بئر بترول بمنزل بالثورة الحارة 20
Author: الصادق اسماعيل
Date: 12-08-2014, 08:34 PM
Parent: #13
لايك
|
Post: #15
Title: Re: بئر بترول بمنزل بالثورة الحارة 20
Author: محمد المرتضى حامد
Date: 12-08-2014, 08:51 PM
Parent: #13
Quote:
بكري ياخ ما تأجل الأرشفة دي لي بكرة النشوف آخر البترول دا شنو |
| Quote: كل أرشفة وأنت بخير يا حمد لبد |
| Quote: غايتو شيقوق حايموت عشان يعرف من الحفر تحت بيتو وغيَر اتجاه البئر |
| Quote: لكن ما بنفقد الأمل مع الخبراء السودانيين ديل |
| Quote: دي الصورة وفي ظني انها حفرة دخان ستها بتحب التمسح :) |
حمد ومعاويه وحيدر ومحمد ، بالله أنقلوا البوست دا للربع الجاي ،، باصاتكم تكيف .. ياخ زمن ما ضحكنا..
|
Post: #16
Title: Re: بئر بترول بمنزل بالثورة الحارة 20
Author: معتصم سليمان
Date: 12-08-2014, 09:05 PM
Parent: #1
قبل اربعة او 3 سنوات كان برضو في حاجة زي دي
في قرية قدام رفاعة إسمها بانت ...ريحة غاز يتبعث
من أرضية غرفة محددة في البيت ولون الأرضية إتغير
وفي النهاية مافي أي حاجة .
أها دي ان شاء الله تكون صاح ..أصلو الواتساب أخبارو
كلها بقت مضروبة .
|
Post: #17
Title: Re: بئر بترول بمنزل بالثورة الحارة 20
Author: محمد حمزة الحسين
Date: 12-08-2014, 10:04 PM
Parent: #16
السودان بلد العجايب
يا حمد في منطقة الباوقة في فسحة بين الجول والباوقة المشروع
ظهر طفح اسود قتل الزرع وشرد الاهالي قالو بترول ولسع مافي حاجة
واحد حفر بير ظهر فيها مادة حجرية ملون ويظهر منها اشعاع في الظل او الظلام
كل زول يجيك بي نظرية ودفنت البير ولا جديد
في دا والله واحد شايقي ومناضل كبير عندو مشروع في منطقة شمال غرب البركل عايز يحفر ابار
طلعت معاهو مادة سوداء اوقف العمل وصار من مكتب جيلوجيا لي خبير تربة مرة بترول ومرة فحم
وعيييييك سالتا عليهو قال رجع يشتغل موظف مع إمراءة المال والاعمال كوثر النعيم حرم ابحمد صلاح بن إدريس
فياخي نصيحتي ليك البس عقال وخليك محلك ما تجهجه العيال ساااي
:
:
:
:
:
:
:
مع التحيات لله الزاكيات
|
Post: #19
Title: Re: بئر بترول بمنزل بالثورة الحارة 20
Author: dardiri satti
Date: 12-09-2014, 00:37 AM
Parent: #17
أنا شايف الناس ديل سووا قي المستشفيات أقسام قالوا
ل"لرغية" الشرعية، فيظهر كمان عملوا ليهم جيولوجيين شرعيين
وقعدو "يرغوا" في البترول والمعادن النفيسة وغير النفيسة
فلو طلعت الحكاية برميل راجع أو ست حفرة دخان بتحب التمسح
أو غير هذا أو ذاك ، الخبراء الجيولوجيين ، او الشرعيين ، ديل-
خليكم من ود الباوقة ، العامل كيتة في الموضوع بي غادي ،
الخبراء ديل حيودوا وشهم وييييييييييين!!!!!!!؟؟؟؟
تحياتي
|
Post: #18
Title: Re: بئر بترول بمنزل بالثورة الحارة 20
Author: ناذر محمد الخليفة
Date: 12-08-2014, 10:11 PM
Parent: #16
Quote: طوالي كده عملوها بحيرة اها حدها من وين ولا وين ؟
وهم وكت بعرفو قدر العرفة المقعدهم مع البجم الصينيين ديل شنو :) |
|
Post: #21
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-09-2014, 05:40 AM
Parent: #20
ياها الصورة ذاتا يا محمد
بس مالا غريقة كدا دي بتتدخن بالفحم الحجري ولا شنو ؟
ياخ دي قالو حفروها الخبراء، البترول إظنو بقى جمّام بس
بعد شوية يجي واحد يقول والله فجيت بيدي كدا مليت تنك العربية ومشيت
|
Post: #22
Title: Re: بئر بترول بمنزل بالثورة الحارة 20
Author: Dania Elmaki
Date: 12-09-2014, 05:44 AM
Parent: #21
وين في العشرين؟ عندنا بيت قديم هناك. كان كدي نشد الرحال للعشرين و نتخارج من امريكا طالما جابت ليها ابار نفط. و ايشلونكم.
|
Post: #23
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-09-2014, 06:04 AM
Parent: #22
كباشي كيفك
انت زول موحد ربك وعارف ممكن يقول كن فيكون
مالك صعبت الموضوع علينا كدا هل أنت خبير ؟
نحن عندنا خبراء بيكتشفوا بالنظر بس، أي حاجة بقت بالنظر في السودان أمسك عليك أجهزتك دي ياخي
بعدين تسمية بحيرة دي أنا بعتبرها الأصح في حالة البترول لأنو لا بد يكون في حوض جوفي كبير مستوعب البترول بعد داك بتتحفر فيهو عدة آبار
حاجة تانية هل البترول مادة راكدة ولا بيكون في حالة ضغط كبير بمعنى إنو لو لقى منفذ ممكن يجي مندفع للخارج؟
|
Post: #24
Title: Re: بئر بترول بمنزل بالثورة الحارة 20
Author: عبدالحفيظ ابوسن
Date: 12-09-2014, 06:04 AM
Parent: #22
الله قادر جا نابل براهو
غايتو ناس البيت فقرو تب .. !!!
|
Post: #25
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-09-2014, 06:29 AM
Parent: #24
مرحب فرانكلي
لو سمسار من بحري أو الخرطوم بيكون شاطر
لكن لو شغال في الثورة يكون أبلد سمسار لأنو ببساطة تاني قريب دا ما حيبيع ولا قطعة أو بيت
في ظروف زي دي منو الببيع ؟ أي زول حيكنكش في بيتو وينتظر مساومة الحكومة
|
Post: #26
Title: Re: بئر بترول بمنزل بالثورة الحارة 20
Author: Munir
Date: 12-09-2014, 06:46 AM
Parent: #25
Quote:
لعلي علي
اخونا كمال فرانكلي جاي جاري عشان يقول بحبك يا سودان لقي الحكاية حنك سمارة قال
Quote: سمسار شاطر جداً :
ومديها واحد لايك
رد · أعجبني · متابعة المنشور · منذ حوالي ساعة
|
|
Post: #27
Title: Re: بئر بترول بمنزل بالثورة الحارة 20
Author: محمد الهادى عبد الرحيم
Date: 12-09-2014, 07:01 AM
Parent: #26
الخوف تكون ريحه سفونات
او مويه سفونات تسرب وفاحت رائحتها
|
Post: #28
Title: Re: بئر بترول بمنزل بالثورة الحارة 20
Author: معاوية المدير
Date: 12-09-2014, 07:03 AM
Parent: #26
يا حمد في بيت ناس تانيين وعايز تلبس عقال‘
يعني كان في بيتكم كان لبست ليك خليجي.
يا بكري اجّل، خلينا نشوف آخرتا...
|
Post: #29
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-09-2014, 07:42 AM
Parent: #28
مرحب الصادق
نسأل الله أن يجعله بترول خير وبركة
|
Post: #30
Title: Re: بئر بترول بمنزل بالثورة الحارة 20
Author: ود الباوقة
Date: 12-09-2014, 07:48 AM
Parent: #29
اردم
يا
حمد
|
Post: #31
Title: Re: بئر بترول بمنزل بالثورة الحارة 20
Author: عمر عثمان عبد الوهاب
Date: 12-09-2014, 08:08 AM
Parent: #30
النجيضه:
جاني تلفون هسع ومباشره ومن موقع الحدث
لقوها ادبخانه قديمه ومعتته
|
Post: #32
Title: Re: بئر بترول بمنزل بالثورة الحارة 20
Author: محمد إبراهيم علي
Date: 12-09-2014, 09:18 AM
Parent: #31
| Quote: لقوها ادبخانه قديمه ومعتته |
وما البترول الحالي الا ابنا شرعيا للادبخانات القديمة والمعتتة ههههههههههه
|
Post: #33
Title: Re: بئر بترول بمنزل بالثورة الحارة 20
Author: معاوية المدير
Date: 12-09-2014, 09:27 AM
Parent: #32
| Quote: لقوها ادبخانه قديمه ومعتته |
أها يا ود الباوقة، تعال أُخُدلك غتسة، وإنت يا حمد
ألبس كمامة، بلا عقال بلا لخمة معاك...
|
Post: #34
Title: Re: بئر بترول بمنزل بالثورة الحارة 20
Author: عمر عثمان عبد الوهاب
Date: 12-09-2014, 09:31 AM
Parent: #33
Quote:
وما البترول الحالي الا ابنا شرعيا للادبخانات القديمة والمعتتة ههههههههههه |
كان كدي ياود ابراهيم النلحق ناخدلنا كم
فدان في حي النزهة(عشش فلاته سابقا) قبل المتر ماينفجر
|
Post: #36
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-09-2014, 09:45 AM
Parent: #34
مولانا المرتضى
جهز عقالك ساي واحجز محل تعويضك حقل أمدرمان النفطي دا بشملكم يعني الحفارات وأنابيب البترول ومعسكرات الصينيين والأمريكان دي تمش بي وين
غايتو داعش حتلقى لقيها ضحايا جاهزين خطف جد
أهو معاوية كتر خيرو نقلوا للربع الجاي نواصل التهديفات خصوصا بعد الظهور المفاجئ لهامورالبترول ود الباوقة
|
Post: #35
Title: Re: بئر بترول بمنزل بالثورة الحارة 20
Author: يوسف الطيب احمد إدريس
Date: 12-09-2014, 09:42 AM
Parent: #1
Quote: أها يا ود الباوقة، تعال أُخُدلك غتسة، وإنت يا حمد
ألبس كمامة، بلا عقال بلا لخمة معاك... |
يا مدير قنعت من ود الباوقة تب وداير تغطس حجرو
|
Post: #37
Title: Re: بئر بترول بمنزل بالثورة الحارة 20
Author: محمد المرتضى حامد
Date: 12-09-2014, 11:05 AM
Parent: #35
عارف يا حمد،
في أيام نميري كان عندنا معرفه بيتفرج في نشرة الأخبار في التلفزيون وشاهد الراحل مأمون عوض ابوزيد
في مؤتمر صحفي يحمل زجاجة بها سائل أسود ( وإحتمال يكون زيت راجع بالدرب التحت) وقال أن شيفرون
إكتشفت أن السودان يطفو على بحيرة بترول ، إي والله "يطفو" و( بالطبع لايوجد بترول في شكل بحيرة)
وكانت مايو تعاني الكثير في ذلك الوقت ، وعليه زولنا ما خلى زول ماشي عمره وحج وزوغه ما وصاهو
يجيب ليهو شماغ أو عقال أو قطره وقبل أن تصله (عدة الشغل) أصبح يخاطب ناس الحلـه إنو ولدو
حا يخطب في محرم وأنه البذوره بيرخصوهم في شعبان ، كما يفعل بعض المغتربين وتحديدا القادمين من...وهكذا..
مرت السبعينيات والثمانينيات والتسعينيات واللنغازيات والنيفاشيات ونميري مات ومامون مات وزولنا
مات ونحن ما زلنا نحلم ونغني مع عبدالدافع عثمان (يوم البحيرة) ..
هل تعتقد أننا شعب يحلم بالثروة السهلة لتغيير حياتنا البائسة؟
يا حمد الألمان واليابانيين ما عندهم بترول لكن موقفين اقتصاد العالم على فت كراع، لأنهم
بنوا بلادهم واقتصادهم على اسس يمكننا اتباعها ودون زيت أو غاز..
نحن عايزين حاجاتنا تتم بالنظر..
ومن زمان بنغني ل (نظره بتذوِّب حجر) فصدقها وزيرنا وتبناها، الله يديهو العافيه.. قول آمين....
ياخ والله لو (ميدوزا) بتاعت الميثولوجيا الإغريقيه قامت من قبرها المتخيل تخُت الخمسه في اللتنين..
|
Post: #38
Title: Re: بئر بترول بمنزل بالثورة الحارة 20
Author: عمر عثمان عبد الوهاب
Date: 12-09-2014, 12:33 PM
Parent: #37
اخر الانباء تفيد ان ارض الجزيره تعوم في اكبر بحيره نفطيه في العالم
ومركزها قريه اسمها فخاخيره
وطالما حلم هذا الشعب الآبي الطيب فانة موعود ان شاء الكريم لامحاله بمحيطات
تنفس بترولا وخيرا وفير ان خلصت النوايا والعمل وتصافت الانفس
بس لوكو الصبر ونقه كتيره في الموضوع ده
عمكم بتاع بير الثوره الانسختت لي ادبخانه ارجع نكسته لي كلام ونقة
الناس الكتير والحسد
|
Post: #39
Title: Re: بئر بترول بمنزل بالثورة الحارة 20
Author: الطيب شيقوق
Date: 12-09-2014, 03:35 PM
Parent: #38
يا حيدر ود الميرغني
في البردانة ابت تطلع .... طلعت في الثورة
غايتو شيقوق حايموت عشان يعرف من الحفر تحت بيتو وغيَر اتجاه البئر
والله بترولنا طلع شيح في ريح - الخواجات جوا قلعوا الطلح القدام بيتي كلووووووووووووو خلوا ليك محل الغابة .............. مواعدة
وفي النهاية لا لقينا بترول ولا طلح لكن البركة في الصقيعة البقت مدرسيب لبقيراتنا
|
Post: #40
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-09-2014, 07:40 PM
Parent: #39
هلا معتصم سليمان
Quote: قبل اربعة او 3 سنوات كان برضو في حاجة زي دي
في قرية قدام رفاعة إسمها بانت ...ريحة غاز يتبعث
من أرضية غرفة محددة في البيت ولون الأرضية إتغير
وفي النهاية مافي أي حاجة .
|
فعلا في حاجات بتحير الناس رغم إنو البروفايل بتاع التربة بيحمل الكثير في طياته البحصل تحت مافي زول بقدر يعرفوا بدون تقصي وكل شيء وارد
بس البترول حسب التجارب وما تم تدوينه عن مراحل تكوينه من الصعوبة إنو يكون في طبقات قريبة
ناسك ديل تكون كُشنة ملاح (وش ملاح) اندفقت في الغرفة وتراكمت وجات راجعة
|
Post: #41
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-09-2014, 07:49 PM
Parent: #40
محمد حمزة الحسين
مرحب
Quote: سودان بلد العجايب
يا حمد في منطقة الباوقة في فسحة بين الجول والباوقة المشروع
ظهر طفح اسود قتل الزرع وشرد الاهالي قالو بترول ولسع مافي حاجة
واحد حفر بير ظهر فيها مادة حجرية ملون ويظهر منها اشعاع في الظل او الظلام
كل زول يجيك بي نظرية ودفنت البير ولا جديد |
عشان تعرف إنو نحن شعب قاعد ساي
هسة ظواهر زي دي تمر ساي ويدفنوا البئر خوفا من الفتنة موش كدا؟
موش مفروض يتشكل فريق عمل من جيولوجيين والاستعانة بخبرات أجنبية ومؤسسات تمتلك معامل مخصصة للأشياء دي ويحللولها ويحللوا مناطق أخرى مجاورة كعينات عشان يصلوا لنتيجة ؟
بس نقول الحمد لله كانت صدق بترول الباوقة دا قريبك ود الباوقة كان فط سطر وفط بينا 5 سطور
|
Post: #42
Title: Re: بئر بترول بمنزل بالثورة الحارة 20
Author: اميرة السيد
Date: 12-09-2014, 08:50 PM
Parent: #41
. اولا الف مبروك يا حمد عبد الغفار. عشان موضوعك نزل اول موضوع في الربع الجديد
ويعني اذا عاوزين طلب من الباشمهندس ندخلك واسطة........
وبعدين ما تامل كثير في حكاية بير البترول. ..دي قصص سماسرة ساكت....
والله يديك الصحة والعافية
|
Post: #43
Title: Re: بئر بترول بمنزل بالثورة الحارة 20
Author: عبدالكريم أحمد الامين
Date: 12-09-2014, 08:55 PM
Parent: #41
** كلما يقترب أبريل تسمع الأهاويل ......
**مع بداية يناير :- مواطن سودانى يوزع زكاته على كل الشعب السودانى من دون تدخل الحيكومه وديوان الفساد **
|
Post: #44
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-10-2014, 06:37 AM
Parent: #43
مرحب درديري ساتي
Quote: فيظهر كمان عملوا ليهم جيولوجيين شرعيين
وقعدو "يرغوا" في البترول والمعادن النفيسة وغير النفيسة
فلو طلعت الحكاية برميل راجع أو ست حفرة دخان بتحب التمسح |
أنا بستغرب لكلمة خبير دي، زول يكون خبير كيف في السودان بالوضع الحالي دا ؟ وين الإمكانيات البترفع ليها زول لدرجة خبير
مداخلتك دي ذكرتني عمنا ود الكندو (القصّاص) كان مريح ناس الشرطة يقص درب الحرامي لحدي الإنداية
هسة ديل عايزين يقصوا درب البترول بالأثر غايتو شعب بقى منتظر المعجزات بس وحياتنا بقت مبنية على الأوهام
|
Post: #45
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-10-2014, 08:34 AM
Parent: #44
مرحب دانية المكي
| Quote: وين في العشرين؟ عندنا بيت قديم هناك |
شفتي محطة جامسكا ؟ الشارع البعدها جنوبا وتنزلي زي 700 متر فقط شرقا تلاقي الصينيين شغالين حفر
بعدين بيتكم دا لو بتبيعي بنشتري بس بالقديم (سعر ما قبل البترول ) بس جهزي النقاب مافي بترول بدون نقاب
لأنو حتكون عندنا هيئة الأمر بالمعروف والنهي عن المنكر برئاسة النائب حسبو دفع الله الشهير ب حسبو انفعالات
ويش لون البذورة
|
Post: #46
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-10-2014, 04:55 PM
Parent: #45
عبد الحفيظ أب سن مراحب
حاسب من الحفر خليك متلثم على طول
وناس البيت يمين موية وشاي ساي يكونوا فلسوا بيهم
أخوي الأكبر عندو مزرعة في الجزيرة قال عايز يبيعها
ولأن المزرعة موقعها ممتاز وأرضها شبه بكر جابت سعر ما كان متوقعوا وخلاااس في الاتفاق النهائي إنطلقت إشاعة قالوا الصينيين جايين ينقبوا عن البترول في منطقة المسلمية
وتحديدا في منطقة المزرعة - تعال شوف الفار نقز في عبو وقال ستين يمين ما يبيع دي بعد دا بتجيب مليارات
طبعا لا صينيين لا بترول وهسة بيعرض فيها بثلث السعر الزمان وما لاقي مشتري
|
Post: #47
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-10-2014, 06:20 PM
Parent: #46
مرحب منير
ياخ ناس الفيسبوك ديل قانصين دائما وما بفوتوا أي حاجة
وفيهم ناس ظريفين جدا وممكن يشكلو إضافة جيدة للمنبر بمشاركاتهم من النافذة التحت بس يختوا الكورة واطة
وما يتعرضوا للناس بسوء
|
Post: #48
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-10-2014, 06:36 PM
Parent: #47
ناذر الخليفة مرة واحدة
غايتو الغفلات قربت تلومني معاك
بس الله شافني قلت كدي النراجع من الأول لقيت نفسي مجلّي أحمد بامجلّي
تصور بحيرة مرة واحدة ومن البحيرات العظمى كمان
مستحملين الأوهامات دي كيف
|
Post: #49
Title: Re: بئر بترول بمنزل بالثورة الحارة 20
Author: مبارك النعمه النعيم
Date: 12-10-2014, 11:08 PM
Parent: #45
النجيضه في غرب الجزيره
تقرير
أخطر معلومات تم تسريبها عن طريق موقع ويكلكس
وتم مand#65276;حقتها وتدمير جميع روابط البحث التى توصل
اليها وشطبها خand#65276;ل 24 ساعه كانت تتعلق باكتشاف
أعظم بحيرة بترول فى العالم فى ارض افريقيا تقع
بين خطى عرض 13-32 درجة جنوبا 15-30
درجة شماand#65275; وخطى طول 32-22 درجة غربا
و 43-20 درجة شرقا وقد تبين ان هذه المنطقه
تقع دخل وand#65275;ية الجزيره وقد قامت بهذا اand#65275;كتشاف
شركة اوكسيدنتال بتروليوم اand#65275;مريكيه مستخدمه
تقنية المسح فوق الرادارى اand#65275;ختراقي وهو يعد
طريقة جيوفيزيائية سريعة، تعتمد على إرسال
موجات كهرومغناطيسية تنتقل خand#65276;ل طبقات اand#65271;رض
بسرعات عاليه ثم تنعكس إلى السطح بناءً على
التغير في ثابت العزل الكهربائي تحت السطح، مما
يدل على التغير في المواد الجيولوجية تحت السطح،
حيث يعد هذا المسح من أحدث الطرق فى اكتشاف
أماكن البترول وand#65275; يمتلك أى بلد او شركه طرق مثل
هذه ثم قامت شركة اوكسيدستال بتروليوم بالتفكير
فى كيقية السيطره على هذه البحيره وقد بدأت
الخطوات الفعليه من على البعد بعد ان اتضح لهم ان
هذه المنطقه تتبع لدولة السودان ويمتلك هذه اand#65275;رض
مجموعه من المزارعين وان هذه اand#65275;رض تتبع
لand#65276;نجليز حتى عام 1965 ولكى يستوثقوا من
المعلومات الدقيقه قامت الوand#65275;يات المتحده بالمفاهمه
واand#65275;ستفسار من تفاصيل هذه المنطقه بارسال وفد
للمملكه البريطانيه فى سريه تامه فى
يوم 17/4/2014 م فاستوثقوا من ملكية اand#65271;رض
وطبيعة السكان الموجودين وهل لبريطانيا حقوق
على هذه اand#65271;رض . and#65271;ن اand#65275;مريكان يخشون أطماع
بريطانيا ،فقالت لهم بريطانيا ان هذه المنطقه تسمى
مشروع الجزيره وهو أغنى أرض زراعيه بالعالم
وأنهم تركوها لحكومة السودان ثم رجع الوفد
بالبشرى and#65271;مريكا فقاموا بإعادة المسح فوق الرادارى
فكانت نفس النتائج وجود بحيرة بتروليه فى نفس
المكان فدققوا فى التجربه فاتضح لهم ان أعلى نقطه
تقع فى منطقه تسمى fakhakheer الفخاخير
غرب المناقل ،فكرت أمريكا بعجاله وسريه تامه
للسيطره على هذا المكان ولكن هناك عائق ان هذه
المنطقه تقع فى السودان الذى هو ضمن القائمه
السوداء ففاضلت بين رفعه من القائمه السوداء ومن
ثم استخراج البترول ولكن مجلس الشيوخ فى سريه
هداهم لثand#65276;ثه خيارات
/1 خيار سياسى حربى وهو الضغط عن طريق
الحركه الشعبيه حتى يتم فصل الجزيره ومن ثم
تتدخل امريكا وتقوم بضمها للوand#65275;يات المتحده
اand#65275;مريكيه فتصبح الوand#65275;يه اand#65275;مريكيه الغير مand#65276;صقه
تتبع اقتصاديا وحربيا وسياسيا and#65271;مريكا فتصبح مثل
وand#65275;ية فريجينيا وand#65275;ية تكساس وand#65275;ية الجزيره
/2 خيار ثانى وهو اand#65275;تفاق مع حكومة السودان
ورفعه من القائمه السوداء
/3 خيار ثالث وهو تقمص شركه صينيه واand#65275;بقاء على
السودان فى قائمته اand#65275;رهابيه
فاختاروا الثالث وهو ابقاء السودان فى القائمه
السوداء وسلك طريق اand#65275;ستفاده عن طريق شراكه من
الباطن مع شركه صينيه دون ان تظهر امريكا فى
الصوره فتم اand#65275;تفاق مع شركه صينيه بتمويل كامل
من امريكا بحيث تمتلك الشركه الصينيه %10 من
مخرجات البترول بحكم انها and#65275; تدفع او تخسر شئ
غير استخدام اسمها واجهه للدخول للسودان وقد
شهدت منطقة الفخاخير غرب المناقل فى شهر
نوفمبر 2014م زيارات من جهات غير معلومه
بصوره متكرره تقف داخل الحواشات ثم تقوم
بتشغيل اجهزه وعندما سألهم المزارعون عن ذلك
قالوا أنهم يتبعون لجامعه صينيه فقط يقومون
بتجميع معلومات تتعلق ببحوث دراسيه .
وسؤال الختام هو ... هل سبب تفكيك مشروع الجزيرة وامتداد المناقل راجع لهصه الاسباب ان الامر كة فحسب
|
Post: #50
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-11-2014, 06:44 AM
Parent: #49
مراحب محمد الهادي
Quote: الخوف تكون ريحه سفونات
او مويه سفونات تسرب وفاحت رائحتها |
هي كمان ريحة السايفونات الجابها شنو لريحة البترول
قلنا ليكم بترول السودان عائم في محيط بيترول شوف آخر مداخلة بتاعة مبارك النعيم
|
Post: #51
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-11-2014, 07:06 AM
Parent: #50
ود المدير
Quote: يا حمد في بيت ناس تانيين وعايز تلبس عقال‘
يعني كان في بيتكم كان لبست ليك خليجي. |
كان في بيتنا كان سرحت بالشوارع ما كان لقيتوني عديل
الكلام البيقولوا فيهو دا ما بعيد مننا
شوف المشكلة الجديدة قالوا ليك الجزيرة تعوم عوم في البترول أها نحن كدا منشار طالع يأكل نازل يأكل وأبو حمد فيها الدهب
هنا نبكيكم وهناك وهناك نبكيكم
هسة قروش قدر دي الواحد يوديها وين
الله يقلع الواتساب
|
Post: #52
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-11-2014, 07:44 AM
Parent: #51
هلا بالخبير النفطي ود الباوقة
أردم شنو ياخ هي ذاتا الحفرة قالوا ردموها لكن أبشرك
نحن ما بنفقد الأمل وتشرئب أعناقنا دوما للمجد والخير الوفير تحت القيادة الرشيدة لحادي الركب وقائد المسيرة سعادة المشير عمر حسن أحمد البشير
النبذنا في صمة خشمنا
بس قول ليهو حمد قال ليك ما أشوفك حائم في شارع جرير دا
|
Post: #53
Title: Re: بئر بترول بمنزل بالثورة الحارة 20
Author: aosman
Date: 12-11-2014, 07:46 AM
Parent: #45
ودارفور قاعدة في قمة جبل من اليروانيوم
|
Post: #54
Title: Re: بئر بترول بمنزل بالثورة الحارة 20
Author: بدرالدين بابكر مصطفى
Date: 12-11-2014, 07:51 AM
Parent: #53
يا زول ما عندكم التكتح
لا في جزيرة ولا في دارفور ولا في أب حمد
لا بترول ولا يورانيوم ولا دهب
إن بقى في ما قدر دا كمان
يلوحوا لينا بالثروات دي ونحن نصدق نقوم نتكاتل
|
Post: #55
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-11-2014, 04:47 PM
Parent: #54
هلا عمر عثمان عبد الوهاب
Quote: ما البترول الحالي الا ابنا شرعيا للادبخانات القديمة والمعتتة ههههههههههه
كان كدي ياود ابراهيم النلحق ناخدلنا كم
فدان في حي النزهة(عشش فلاته سابقا) قبل المتر ماينفجر |
عشش فلاتة ؟ أنت مشيت محل البترول الجد جد
ياخ دي أكتر حتة في فيها إدبخانات في العالم
بس موقعها من أجمل في العاصمة ودي ياها المنطقة الأتحكمت في أسعارها الإشاعات
تذكر كانوا بخوفوا الناس من الكواديك كيف
|
Post: #56
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-11-2014, 04:54 PM
Parent: #55
هلا يوسف الطيب أحمد إدريس
| Quote: يا مدير قنعت من ود الباوقة تب وداير تغطس حجرو |
معاوية تعبان ساي ود الباوقة عارف محل بغتس وين ، البجيبوا الثورة شنو وكافوري والمجاهدين بهناك تقول وا ناري
|
Post: #57
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-13-2014, 07:59 AM
Parent: #56
هلا مولانا
Quote: هل تعتقد أننا شعب يحلم بالثروة السهلة لتغيير حياتنا البائسة؟
يا حمد الألمان واليابانيين ما عندهم بترول لكن موقفين اقتصاد العالم على فت كراع، لأنهم
بنوا بلادهم واقتصادهم على اسس يمكننا اتباعها ودون زيت أو غاز..
نحن عايزين حاجاتنا تتم بالنظر..
ومن زمان بنغني ل (نظره بتذوِّب حجر) فصدقها وزيرنا وتبناها، الله يديهو العافيه.. قول آمين....
ياخ والله لو (ميدوزا) بتاعت الميثولوجيا الإغريقيه قامت من قبرها المتخيل تخُت الخمسه في اللتنين.. |
أعتقد شنو أنا متأكد عديل إنو نحن منتظرين معجزات تنزل علينا وتخلينا ملوك الأرض
الشعب السوداني الكتير منو بتطلع إلى ما هو أكبر من إمكانياتو على المستوى الشخصي وهنا المعضلة
لا بد من تطوير القدرات البشرية ولا بد من أي حد يعرف هو بنجح وين وبفشل وين وتقوية مناطق النجاح
والعمل من تحت
أول من اشتغلنا كان في الشركة قسم الصيانة للمعدات الزراعية
مدير القسم كان في إصرار دائم إنو أي مهندس جديد لازم يلبس أوفرول ويشيل مفاتيح ويدخل مع الميكانييكين داخل الحصادة
ناس كتيرين كانوا بزهجوا وبخلوا الشغل هو نظرتوا ما كانت إزلال لكن دائما بيقول إنت عشان تدير العمال لازم تكون عارف هم بيعملوا شنوا بالتفصيل (عشان ما تدقس)
في الوقت الراهن البنية التحتية المحتاجة لتطوير في السودان هم الناس نفسهم بكل أسف
|
Post: #58
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-13-2014, 08:07 AM
Parent: #57
هلا الطيب شيقوق
طبعا يا شيقوق أرض بكر مواعدة تذخر بالخير الوفير فقط تحتاج لمن يفلحها
|
Post: #59
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-13-2014, 09:54 AM
Parent: #58
مرحب أميرة السيد
Quote: اولا الف مبروك يا حمد عبد الغفار. عشان موضوعك نزل اول موضوع في الربع الجديد
ويعني اذا عاوزين طلب من الباشمهندس ندخلك واسطة. |
طبعا أنا ما كنت عارف الحكاية دي
والله دا تقدم ملحوظ ونبارك ليك كل ما يفرحك
انت ما محتاجة لواسطة ما تكتبينه تتقهقر أمامه كل العوائق
كوني بألف خير
|
Post: #60
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-14-2014, 06:48 PM
Parent: #59
هلا بالمستشار عبد الكريم أحمد الأمين
| Quote: كلما يقترب أبريل تسمع الأهاويل .. |
هسة دي كان قالوها يوم 1 أبريل بتصدق ؟
ثقافة الشعب بقت وهم إشاعات ونكات وفشخرات وانتظار رد الفعل نعمل شنو
المصريين مروا بنفس التدرج دا بس هم قدروا يفصلوا بين الأشياء حتى النكات مستثمرة كأداة تظهر ذكاؤهم وليس الغباء
لينا الله
|
Post: #61
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-14-2014, 07:04 PM
Parent: #60
هلا مبارك النعمة النعيم
حلم الجيعان عيش
و
حلم الحكومة المفلسة بترول
طبعا غني عن القول إنو الجزيرة أصلا ما محتاجة لبترول ولو خيروني بإزدهار المشروع زراعيا أو تدفق البترول فيه لأخترت الأولى
ياخ شكل المشروع دا في شهر أغسطس لا يوصف والزروع في قمة نضارها
|
Post: #62
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-15-2014, 08:11 AM
Parent: #61
هلا aosman
| Quote: ودارفور قاعدة في قمة جبل من اليروانيوم |
كردفان قالو خير قاعد برا
والشرق فيهو ميناء بورتسودان التي تشكو قلة فئران الصادر
|
Post: #63
Title: Re: بئر بترول بمنزل بالثورة الحارة 20
Author: حمد عبد الغفار عمر
Date: 12-15-2014, 08:35 AM
مرحب بدر الدين
| Quote: يلوحوا لينا بالثروات دي ونحن نصدق نقوم نتكاتل |
هل تصدق إنو الكتال الحاصل دا ما سببوا ثروات ؟
دا ضيق بالآخر وعدم قبول به فقط
ياخ ما عايزين ثروات عايزين ترجع محنة زمان بس وهي كافية عشان نعيش حياة سعيدة
|
|