Post: #1 Title: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 11:26 AM
عكنيبة في الخرتوم. عكنيبة في الولايات. عكنيبة في دار فور. عكنيبة وسط الأحزاب،
دا كوووووولو كوم، وعكنيبة المنبر كوم ...
Post: #2 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 11:28 AM Parent: #1
من أجل وطن إنضموا إلينا ...
Post: #3 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 11:29 AM Parent: #2
حتي تكسب عضوية الحزب، خليك فرايحي ...
Post: #4 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 11:31 AM Parent: #3
الإنتخابات قرّبت، وحلول مشاكل الوطن عندنا.
أهلنا السودانيين ديل أحلى ناس ومعاهم ما بنختلف. والله صحي ...
Post: #5 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 11:33 AM Parent: #4
مُش قتلكم ما بنختلف :
Post: #6 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 12:23 PM Parent: #5
Post: #7 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 12:29 PM Parent: #6
أُقسم بالله العظيم، وإنه لقسمٌ لو تعلمون عظيم، ما في ولا حزب وآحد مؤهل ليحكم هذا الشعب...
Post: #8 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: قصي محمد عبدالله Date: 04-13-2014, 12:42 PM Parent: #1
ود السيالة الجديدة سلام، رؤية مستقبلية تفاؤلية جميلة،
Quote: من أجل وطن إنضموا إلينا ...
وين نسجل؟ تحياتي وتقديري
Post: #9 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 12:51 PM Parent: #8
هذا الشيخ وآحد من الكانوا مؤهلين لحكم الشعب السوداني ...
Post: #10 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 12:55 PM Parent: #9
ر
هذا الفنان وآحد من الكانوا مؤهلين لحكم الشعب السوداني ...
Post: #11 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 12:58 PM Parent: #10
هذا الشاعر وآحد من الكانوا مؤهلين لحكم الشعب السوداني ...
Post: #12 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 01:02 PM Parent: #11
الشعب السوداني دا داير زول يقنّب معاهو في بطن الوآطة دي عشان يسمعوا. أكان زول وقف فوق منصة طولا شبر فرِد وحيّد ما مستعد يسمع. يا ناس كان بتدوروا تمشو البلد لآ قدام اقعدوا مع الناس ديل في طن الوآطة ...
Post: #13 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 01:15 PM Parent: #12
ولا سياسي وآحد مؤهل كي يسير بهذا الشعب إلي بر الأمان، وكذلك ولا حزب من الأحزاب الموجودة في الساحة...
Post: #14 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 01:25 PM Parent: #13
اما سودانيز اون لآين وناسها مؤيدين ومعارضين فهم في وهمة كبيرة جداً غارقين. والله صحي...
Post: #16 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: الطاهر الطاهر Date: 04-13-2014, 02:08 PM Parent: #14
معاوية المدير وحيات رب البيت امبارح طليت على المنبر قلت انوم واصحى الصباح اكتب لي بوست بنفس الفكرة لكن لقيت القلوب عند بعضيها ولقيتك سابقني فدحين يا اخوي خليني اتوهط ليك في بوصك دا اولا بالتبادي مافي زول ياكل لي تيرا ..عشان انفنونزاتور عارف ياخوي من خلال طلتي بتاعت امبارح دي لقيت ليك كل الناس اتنين اتنين شكل ودوشمان يتكلم بلغتين في الحلبة الاولى عادل عبد العاطي مقبقب بشاشا .. ماسكو كربون والمسكين بشاشا يرفس مارق لسانو يمد في يدو مالاقي زول يضرب كفو عشان يبدلو .. والغريبه عدد المشاهدين في الحلبه دي ماشي في زيادة رهيبه في الحلبة التانية الجمبها بالسروال الاخدر بريمه على يمين الساده المشاهدين وبالسروال الكاروهات دينق على يسار الساده المشاهدين بريمه يرجع ورا ويجي ناطي في دينق جوز .. دينق يقع يدردق هناك بعيد ويقوم يتنفض ويجي يتشعبط في رقبة بريمة وبرضو عدد المشاهدين ماشي في تزايد اما الز حاجه ياسر طيفور زاري امنة مختار في زقاق والمسكينه دايره تقوم جاريه مالاقية فردة شبطا ..!! بهناك جني مقبقب ليك ناس شحوتاي والتكنابة بتاعتم في السماء بعيد منهم شوية امين بشاري خانق ابو حسين بالعمة بتاعتو وابو حسين يمد يدو يضرب كف لود عمو نسيبو دواش والحكاية جارة اسي انا خايف واحد يجي يتعكلت فيني ونفتح لينا حلبة تانية وبوستك دا ذاتو بعد شوية بقلب حلبة اصلو بوستات المنبر دا بقت زي الحفلات السودانية الاغنية الاولى هادية الاغنية التانية هجيج وطرب نهاية الحفلة الكراسي فوق في الهوا الغريب انو الفنانين ذاتم بقو عارفين الشغلانية الواحد فيهم ما يكلف نفسو يحفظ ليهو اربعه اغاني مرة كنت معزوم حفلة جيرانا الفنان غنا الاغنية الاولى والتانية التالته لما قربت تنتهي اتورط بقى يتلفت زي السمبرية .. منتظر شكلة تقوم .. لما ماحصل شي زاغ خلى بتاع الاورغن يتم ليهم باقي الحفلة صولة ..!! كمان ما تقول الايام دي طالعة صولة جديدة اسما الجزيره مدني .. ودي كمان تشوف فيها العجب العجاب العازف يعزف الجزيره مدني تيرم تيرررم والشرامة ورا يقولو للبنات ورينا ... ورينا ... وتيرم تيرررم والغريبة في بنات مطرطشات بورن ..! اسي انت مش قلت تنشي حزب الفرايحين وقعدنا في البوصط دا اتفارحنا واخدنا راحتنا اسي يجينا واحد ينكدا علينا انا شخصيا مارق مخليك براك اخوك جاي اجازة من السودان وعقاب ملاريا مافينا حيل لدواس ماخد سبعة حقن كلوروكين الحقنة السابعة الا مديت لساني عشان يطعنوني فيهو ..! عضل ذاتو بقى ماعندنا ننطعن فيهو اها يا اخوي ودعناك الله
Post: #17 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: Osman Dongos Date: 04-13-2014, 03:29 PM Parent: #12
الأخ الكريم الفرايحي/ معاوية ود المدير، السلام عليكم،
Quote: الشعب السوداني دا داير زول يقنّب معاهو في بطن الوآطة دي عشان يسمعوا. أكان زول وقف فوق منصة طولا شبر فرِد وحيّد ما مستعد يسمع
دا السهل الممتَنِع. الحل واضح زي الشمس ولكن يا أخي هنالك من يريد أن يغطِّي ضوء الشمس بالغربال. بالله سجِّلني في صدر قائمة الأعضاء المؤسسين.
لك الود والأحترام عثمان دُنقس
Post: #15 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: نعمات عماد Date: 04-13-2014, 01:56 PM Parent: #1
ايوريكا...
و لا bingo !! لي كم يوم بفكر والحمدلله واحد شجاع قدم نفس فكرتي
سلام يا ناثر الفرح .سجلني في الفريق ولو ما سجلتني برضو
متابعة...... احترامي
Post: #18 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: ياسر بيناوي Date: 04-13-2014, 03:57 PM Parent: #15
ابو النسب يا حبيبنا سجلني فورن
خالص الود
Post: #19 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: اخلاص عبدالرحمن المشرف Date: 04-13-2014, 05:19 PM Parent: #18
ربنا يفرحك زي ما بوستك فرحنا
Post: #20 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: علاء سيداحمد Date: 04-13-2014, 05:23 PM Parent: #19
Quote: ما في ولا حزب وآحد مؤهل ليحكم هذا الشعب...
صدقت والله .. ود المدير كيفنك .. اكتبنى فى اللستة ..
Post: #21 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: باسط المكي Date: 04-13-2014, 05:26 PM Parent: #19
ود المدير دي زهجة سااااااكت اركز يازول الحل انت عارفو
Post: #22 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: نعمات عماد Date: 04-13-2014, 05:53 PM Parent: #1
المحترم اخونا ود المدير
سلام تانى يبدو ان باسوردى سرقت او مزود خدمة
الانترنت عندنا فى السودان يكرر ارسال ردودى بعد
ساعات من ارسالها .
يا زول ما عارفة الحاصل لكن اعذرنا و شكرا
Post: #23 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: نعمات عماد Date: 04-13-2014, 05:53 PM Parent: #1
زين السودان
قاطعين يحننوا
و كونكتد يجننوا
Post: #24 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 08:09 PM Parent: #23
Post: #25 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-13-2014, 08:52 PM Parent: #24
يا سلالالالالالالالالالام يا اخ، الناس بتاعين التسجيلات الجديدة دي الظاهر عليهم كولهم فرايحيين. والله صحي.
طيّب هاكم الوصية دي: وآحد مسطول مشى البقالة إشتري لبن وطلع. قام في باب البقالة شاف ليهو قشرة موز، طوالي رجع ختّ اللبن في البقالة وطلع !!!. بتاع البقالة قال ليهو، يا ابن العم ماشي وين ؟؟؟، تعال شيل لبنك. المسطول قال ليهو، اخير امشي آخد زلقتي واجي اشيل اللبن عشان ما يِدفّق .
في خشم الحوش دا في قشرة موز، دحين أُخدوا زلقتكم في ايّ مزلقان من المزلقانات المالية الحوش دا قبل تبدو .
خليكم معنا هنا وما بنختلف، واتمني ليكم التوفيق...
Post: #26 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: عفاف الصادق بابكر Date: 04-14-2014, 08:22 AM Parent: #25
ههههههههه هههههه هههههه ود المدير ... والله ده أحلى حلم وسط الرجرجه الحاصلة دي ........... الله يفرحك فرحتنا ....
اسمع .... سجلنى معاكم ...... والله صحى
Post: #27 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-14-2014, 11:12 PM Parent: #26
Quote: ود السيالة الجديدة سلام، رؤية مستقبلية تفاؤلية جميلة،
وين نسجل؟ تحياتي وتقديري
قصي يا كرت, سلآمات يا اخ.
إنت بس خليك فرايحي، وتخس الفورمة. اقولك شي، أنا من السيالة القديمة كمان. والله يا قصي عندنا زول في السيالة دي شيوعي صر لكن قسم يمسكوهو زمام البلد دي يقودا زي العجب، وهذا الشخص هو محمد عيدروس، زول وحات الله زي النسمة وأكيد كلّ السودان سيوافق عليه وبالإجماع. يا قصي السودانيين ديل جيبلهم زول بسيط ومتواضع وبس. دا كلّ الدايرنو. الحاكمننا ومعارضين الحاكمننا، والبيكاتلوا كلهم سجم ورماد. والله صحي...
Post: #28 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: قصي محمد عبدالله Date: 04-15-2014, 00:33 AM Parent: #27
سلام ناس السيالة والداخلة والموردة والخارجة،
Quote: أنا من السيالة القديمة
إنت عارف يا ود المدير أنا عطبرة دي أبدا ما بنساها، أواخر 92 وبدايات 93 (جزء من شهر 12 - وشهر 1 و جزء من شهر 2)يعني عز البرد صادف معسكر الجامعات (تمشي بعد ظهور نتيجة القبول)،أها مشينا... أيام الموقف عند سكة بحري، والسفر باللواري المستفة لآخر سيخة والمسافة 10 ساعات، كنا حوالي 2000 طالب( الجامعة الإسلامية وجامعة وادي النيل)، طبعا بلاشك معسكر د. صيدلي أحمد البشير الحسن بخليوة، أخوك كان عندو شوية "هواء صدر"يعني ما حالة متأزمة، بس سنويا ، ومن قبل دخول المدرسة، كان بنطعن 4 ابر بنسلين(وطبعا بلا شك في فصل الشتاء) المهم أخوك كان جنو وجن تمام الإدارة، ونادرا ما يكملها للآخر، بسبب ملاصقة الخيم لساحة الإدارة، يعني الزوغة تتم في لمحة بصر ، لكن أهم شئ عندو جرية الصباح! والجماعة كان فاتو بحاول ألحقهم، المهم شهرين جري بين أحياء عطبرة وخارجها الواحد بقى زي الحصان، و الشعب الهوائية اتفتحت للآخر... أها ولله الحمد من 92 إلى اليوم أخوك لم يدخل جسمه ولا ملم من البنسلين. ************ لذلك أنصح جميع المصابون بضيق في التنفس بالجري حتى تتفتح شعبهم الهوائية. تحياتي وتقديري لجميع أهل عطبرة
Post: #29 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-15-2014, 01:45 AM Parent: #28
Quote: اسي انت مش قلت تنشي حزب الفرايحين وقعدنا في البوصط دا اتفارحنا واخدنا راحتنا اسي يجينا واحد ينكدا علينا انا شخصيا مارق مخليك براك اخوك جاي اجازة من السودان وعقاب ملاريا مافينا حيل لدواس ماخد سبعة حقن كلوروكين الحقنة السابعة الا مديت لساني عشان يطعنوني فيهو ..! عضل ذاتو بقى ماعندنا ننطعن فيهو اها يا اخوي ودعناك الله
هههههههههههههههه،
الطاهر يا كرت، سلآمات، ومرحب بيك في بحر الظلمات. يا اخي العكنيبة دي كووووولها كوم، والشعور الحاينتابك بعد إنضمامك لشلة الوهمة دا كوم. صدقني بعد شوية حا تشعر إنك إنت الوحيد المسئول عن العبث الحاصل في البلد، وإنك إنت الوحيد الفي يدك مفتاح الحل، وإنت الوحيد المهدي المنتظر الذي سيكون علي يده الخلاص. وبعد شوية حا تشعر إنّك مشهور جداً وكلّ الناس في السودان وخارج السودان بيعرفوك ويتمنو يقابلوك عشان يتصوروا معاك، ولمان تمشي في الشوارع تقعد تتلفت علي اساس إنو الناس كلهم يشيرون لك بالبنان، وفي المطارات العالمية برضو تتلفت ويجيك إحساس إنك شخصية عالمية، دا كوووووولو بسبب الباسويرد المنحك ليهو سيد المحل. البسويرد دا يا الطاهر عيّش العالم دي في وهم كبير جداً، لكن واقع الحال ما في زول في السودان بيعرف سودانير واللآ حوش بكري، ولا الشي الحاصل هنا ليهو علآقة بالمواطن السوداني أو الشعب، بس صدقني الوهمة راكباك، راكباك. دحين يا اخوي اخير تاخد زلقتك في اللوّل، وخليك فرايحي، وقطعاً ما بنختلف.
لك مودتي...
Post: #30 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: عبدالعزيز عثمان Date: 04-15-2014, 03:54 AM Parent: #29
ود المدير ياقريبي حسبك ده اكان عندو علاقة بي سياسة انا ده طرفي منو...علا اكان لو درنا نفير حش وله دق عيش،لياس بيت،حيطة واقعة ،عد،دونكي، فزع رايحة،،،انا ده الشاي واللقيمات بتاعت لمتكم علي،،،اخوي البرلم الاسمو الطاهر ده ،،شكلو،،والعالم الله زولنا ،،حكايا مصرم،،دحين ما اطفشو منك،،امسك في..
Post: #31 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-15-2014, 12:34 PM Parent: #30
Quote: دا السهل الممتَنِع. الحل واضح زي الشمس ولكن يا أخي هنالك من يريد أن يغطِّي ضوء الشمس بالغربال. بالله سجِّلني في صدر قائمة الأعضاء المؤسسين.
لك الود والأحترام عثمان دُنقس
عثمان يا برلوم، سلآمات. ابادلك الوُد والإحترام يا زول يا سمح. مرحب بيك عضو في حزبنا الفرايحي.
بل يا عثمان أوضح من الشمس زاتا. يا اخي الزول السوداني دا زول بكل ما تحمل كلمة زول من معانٍ رفيعة، وبسيط يحب البساطة ويتجاوب مع البسطاء، ولكن تسيطر عليه حكومة معقدة، وتتربص به احزاب اكثر تعقيداً وبينهما معارضة اظرط من كليهما. لذلك ستظل مشاكله قائمة حتي تنقشع من فوق راسه هذه السحابة. في حزبنا دا إخترنا الإنحياز التام للشعب، بكل اريحية وبكل فرايحية. الشعب هو القادر علي حل المعضلة، والبقية لا تعدوا كونها دهماء وطفيليات. والله صحي.
دُم فرايحي يا عثمان، وإنجوي اجندة الحزب...
Post: #32 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: ياسر منصور عثمان Date: 04-15-2014, 12:38 PM Parent: #1
ود المدير
لو سمحت نزل لينا النظام الاساسي والهيكلية والمرجعية الفكرية الانتكارية المنبثقة من الفرايحنية المعدومة في نفوس ابناء الشعب السوداني الفضل....
وطريقة التسجيل المحتمية والمكتوية بي نيران الكماين ديلا..
والمصدر يا حلو..
ههههههههههههههه
Post: #33 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-15-2014, 01:05 PM Parent: #32
Quote: ايوريكا...
و لا bingo !! لي كم يوم بفكر والحمدلله واحد شجاع قدم نفس فكرتي
سلام يا ناثر الفرح .سجلني في الفريق ولو ما سجلتني برضو
متابعة...... احترامي
نعمات يا برلومة، سلآمات.
أها، سجلناكِ واديناك امين خزينة كمان. يا نعمات بُكان بكري دا داير صبر طويييييييل، يعني بالتقدير كدا زي رسمة المسطول. المسطول قالوا دخل مسابقة اسرع رسمة، قام بسرعة شديدة جداً رسم نقطة وسلّم الورقة. قالولوا، دا شنو ؟؟؟. قالهم دا فيل جاي من بعييييييييييييييييييييييييييييد. دحين اعصري علي الصبر، واعلمي انّ عكنيبة المنبر دي لا تعدوا كونها اذآن في مالطة، يعني لا بتجيب لا بتودي. الشعب السوداني دا بكل طوائفة وجنسياته عايش مع بعض زي الطلقة، طاقي حنك وضارب بوش، ولو سُئل أحدهم، ما هي العنصرية ؟؟؟، يقول يطرشني قبل الليله ما سمعت الكلمة دي. يعني الجماعة الهنا ديل شغالين دواس في الفارغة ساكت، والشعب السوداني دا صدقيني ما بيختلف.
Post: #34 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: Osman Dongos Date: 04-15-2014, 04:11 PM Parent: #33
سلام يا ود المدير يا سنيَّر،
هنالك من يفطر بالكَوَل وهنالك من يتغدى بالمِلوحة وآخر يتعشى بالقُوقُر المعطون في مرقة سمك القرموط أب شنبات. النقاقير والدلاليك والطنابير مدورة بعد كل حصاد وهاك يا عِرِس وهاك يا طَهَار. البار شبعان والضان تريان والسخلان بتنطط لا هاميها أكان فوق عنقريب ولاَّ فوق راس زول. والجداد مُنشر في الفضايه والصقُر بيخَتِف نصيبو من السواسيو والحمير بتهنِّك. والكل سعيد بما لديه وحامد شاكر، لكن جاهم الجبَّاي بعصاتو الغليدة وشبك شِعبَتو في حلاقيمم ودفَّعم دم قلبم من دون ما يديهم حاجه. يا ريت يخليهم في حالم، هم ما سألينو ولا دايرين منو حاجه. يا ريت يخليهم في جوَّهم الفرايحي من غير ما يعكنن عليهم.
وخليك دايماً فرايحي رغم ظلم الحاكم الباش.
Post: #35 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: علي محمد الفكي Date: 04-15-2014, 05:15 PM Parent: #34
الحزب دا فيهو دولارات ومليونيرات ولا برا ضحاكات يا مسعود في خشمك عود فهمنا عشان نكون على بينة ننضم ولا نعارض
Post: #36 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-15-2014, 11:38 PM Parent: #35
Quote: Faisal Hamza · Dammam, Saudi Arabia ناس البدروم ديل ممكن يسجلو ولا يتاوقوا من الشباك وهم ساكتين .. تحياتى يا ود المدير
حيك الغمام يا فيصلون.
يا اخي نحن ناس الحِلة التِحِت ديل بقينا ما بنبقى بلاهُن، تصدق . يظلوا ناس الحِلة التِحِت جزء من الوطن الفرايحي ونرحب بكل من يود الإنضمام للحزب منهم. حزبنا يمثل المواطن السوداني بنقاوتة وحلآوته، وروحه الفرايحية الخالية من العنصرية التي يريد أن يصبغها عليه الحاكمين والمعارضين ومن نحى نحوهم وسلك منهجهم في هذا الحوش وجخانينه.
خليك فرايحي يا فيصل، ومبروك العضوية.
فلنعمل معاً من أجل شعب فرايحي يسعى الحاقدين لطمس هويته...
Post: #37 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-16-2014, 11:09 AM Parent: #36
Quote: Awad H. Abdalla يا ود المدير سلام -- ياخي أنا داير أنضم للحزب ده ، هل أحتاج لتزكية؟ ما أظن لأنو أنا قرّبت أكون صاحبك عشان في سنة 89 كنت ساكن مع ناس شرف وجمال ومعتصم الأقرع والمرحوم يوسف قريب الله في كيندي ستريت وعرفت من خلال كتاباتك هنا أنك مررت بنفس النواحي بعد ذهابي -- يعني نحن أصحاب باعتبار ما كان سيكون .
سلآمات يا عوض، ليك وحشة يا رجل. والله صحي.
قطعاً لا تحتاج لتذكية، واظن حتي سنة 90 يا عوض إنت كنت في كندي، وكان ما خانتني الذاكرة أقول إتقابلنا في كندي، وما زلت اذكر إبتسامتك الفرايحية المفعمة بالأريحية يا عوض. أها، اللقولك وصف اهلنا، يا عوض هسّع انا ما عارف شكلك إتغير واللآ ياهو الزمان ؟؟؟، بس لآمن لآقيتك إنت زول اخدر وشوية مليان، ودايماً مبتسم. صُح واللآ ما صُح ؟؟؟.
عموماً حبابك ألف، والحزب حزبك وحزب جميع الناس الفرايحيين ...
Post: #38 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: الصادق عبدالله الحسن Date: 04-16-2014, 11:49 AM Parent: #37
= منعتم البُـن بـان .. فهل البـُن ورائحته ممنوع أيضاً هنا يا مدير؟
هربنا من هناك حيث دخان البُنبان يغطي كل أرجاء المنبر و يخنق ويسيل الدموع، وجئنا إلى هنا في (استراحة محارب "كيبوردي") نحتمي من دخان البنبان بدخان البـُـن (بدون بان) ولولا أنني استندت إلى الضلفة غير المقفولة من البوست لانزلقت أمامه بقشرة الموز ولاندلق فنجان الجبنة الذي يسوى الدنيا بي حالو، المفروض يا معاوية أن يقوم بكري بفتح البوست ضلفتين حتى لا ننزلق ونندلق ونسقط من الضحك..
((افتحوا الليلة أبواب المدينة. - “بدوىُّ أنتَ ؟” “لا –” - ” من بلاد الزَّنج ؟” ” لا –” أنا منكم. تائه’’ عاد يغنِّى بلسانٍ ويصلَّى بلسانٍ من بحارٍ نائياتٍ لم تنرْ فى صمتها الأخضرِ أحلامُ المواني. كافراً تهتُ سنيناً وسنينا مستعيراً لى لساناً وعيونا باحثاً بين قصور الماء عن ساحرةِ الماء الغريبه))
سلام ناس الفرح ... .. .
Post: #39 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-16-2014, 12:56 PM Parent: #38
Post: #40 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-17-2014, 00:02 AM Parent: #39
Quote: ابو النسب يا حبيبنا سجلني فورن
خالص الود
هسّع الواحد يقولك يا ابو النسب، واللآ يا ابو الدهب ؟؟؟. حيرتنا يا اخ !!!.
تمّ التسجيل، والبطاقة عن عمّك بتاع القراش. يا اخي عليك الله شوف الشعب المغلوب علي امرو دا فرايحي كيف !!!، طبعاً عمّك دا في قراشو تلآقي جميع الوان الطيف السوداني من غير فوارق، وجمبهم بتاعت شاي يلتف حولها عقد منضوم من جميع قبايل السودان، وعمّك يضرب الكمنجة ويغني ما بنختلف. لمان يجيهو زبون يوري الزبون العُطُل، ولمان الزبون يسألوا من التكلفة تأتي الإجابة بكل فرايحية، ما بنختلف. هكذا نحن ما بنختلف. الله يلعن السياسة هذه الداعرة التي أفسدت اخلآقنا وفرّقت ذات بيننا.
خليك فرايحي يا فردة، وتأكّد ما بنختلف.
مودتي...
Post: #41 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-17-2014, 02:32 AM Parent: #40
Quote: ربنا يفرحك زي ما بوستك فرحنا
إخلاص يا برلمة، ألف مرحب بيكي، ونقولك، إن شاء الله ديّمة مبسوطة وفرحانة والفرايحية تبراك.
عارفة، منبر بكري دا بيدور الصبر وطولة البال عشان كدا نوصي بالإنحياز لجانب الشعب جاعلين الفرايحية التي هي ديدن شعبنا شعارنا، وهنا في زاويتنا دي تب ما بنختلف.
عايني جاي، عندنا قشرة موزة في خشم الباب أعملي حسابك، واللآ كمان أُخدي زلقتك حتي تبدي. نتمني ليك إقامة طيبة بيننا، وألف شكر علي الطلة...
Post: #42 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: almulaomar Date: 04-17-2014, 07:40 AM Parent: #41
الفرح شعور جميل في حياتنا يتمدد وينزوي شأن كل الأشياء وهو أكثر من مجرد شعور بالسعادة. فالموضوع صعب شوية
الإعلان أعلاه يشخص الوضع الحاصل في السودان - أكتب كما تشاء وأعلن عن ما تشاء وبيع ما تبيع ولا في واحد بجيب خبرك والمغالط يمشي ميدان جاكسون
Post: #43 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: ولياب Date: 04-17-2014, 07:47 AM Parent: #42
والله يا ود المدير الفكرة (مش ولا بد) ، بس تعرف كل الأحزاب لمن تلقى الثروة والسلطة (الخضراء) بينسوا كل التبش والطماطم والجرجير والليمون الكانوا مكوناتهم الأساسية ، بس بيخلوا الشطة (الحراقة) في خشم الزول وكان عجبك بيخلوك تفرك عينك وتظل تعاني من الحرقة وبعد داك الفرقة ، مادام الثروة والسلطة في إيديهم . فخلينا فرايحيين بدون حزب .
Post: #44 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: almulaomar Date: 04-17-2014, 08:05 AM Parent: #42
غايتو يا كابتن حسام بي إسمك ده والتجاره دي إلا تكون إنت الصانع
Post: #45 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-17-2014, 11:41 AM Parent: #44
Quote: صدقت والله .. ود المدير كيفنك .. اكتبنى فى اللستة ..
سلامات يا علاء، نعلّك طيّب ؟؟؟.
كتبناك تب. سيظل حزب الفرايحيين هو الوطن. منو الدقالوا طُنُب في الوآطة عشان يرفعبوا فسطاط البلد الوقعت دي ؟؟؟،. مافي. ايّ والله. تبقى الجعجعة لازمتا شنو ؟؟؟. الجعجعة صادرة من خشوم مفتوحة للبلع. والله صحي. ما بقدر أقول مصلحة البلد آخر حاجة يفكروا فيها، لأنهم أصلاً ما جايبين للبلد خبر.
اهنيك بإنضمامك للفرايحيين يا علاء، هنا لو مشيت مشوار مع بتاع امجاد، تقولوا، بتوديني بكم ؟؟؟. يقولك، يا ابن العم أركب ما بنختلف، والإمور تمشي زي الترتيب. مُش كدي عليك الله ؟؟؟...
Post: #46 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: almulaomar Date: 04-17-2014, 12:44 PM Parent: #45
Post: #47 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-17-2014, 10:27 PM Parent: #46
Post: #55 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: almulaomar Date: 04-20-2014, 07:34 AM Parent: #45
يا ود المدير الطيرة الفي بروقايلك دي من الإيستر ولا من الإشلاق يا أخي دي ود أبرق نص مكنه Happy Easter
Post: #48 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: نعمات عماد Date: 04-18-2014, 06:10 AM Parent: #1
راكزين يا باسط عِلا الحكاية ما زهجة، الحالة وحات الله ما بتسُر البال. عِلا كدي اسمع كلآم حميد دا :
غلابا وأمان مو الطيابا ضكارى بصارى وكرام حباب الحبان في بابا وتدخلوا عليّ الحرام فقارى ولكن غنايا غنايا بهذا الغمام بهذا النيل كم تغايا وتيرابا نرميهو قام.
هُم كذلك ما زالوا صامدين، لكن البحصل هنا دا لا يمِت لهم بصلة. الناس كان قلبهم عليهم اليرتقوا لمقامهم، وكان الله يحب المحسنين. ناس البلد يا باسط فرايحيين رغم المِحن، وخليك فرايحي حتي تستشعر همهم ...
Post: #50 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-18-2014, 11:39 AM Parent: #49
Quote: Ummoayad Moayad · الأكثر تعليقا ما عارفة بس بعد سفرتك ورجعتك وش البامية ما ياهو . هههههههههههه
هههههههههههههههههه،
الله يقطع وش البامية، شِدة ماني مكجِنو !!!.
يا أُم مؤيّد، نعلِك طيبة ؟؟؟.
عارفة، القطر تاني اشتغل، وسافرت بين اتبرا والخرتوم اكتر من مرّة علي متنه (متنه ـ شفت السغافة دي كيف ؟؟؟)، بصراحة البيحصل في المنبر دا من ممثلي الحيكومة والمعارضة لا يمِت لحال الشعب بصِلة. والله في كل رحلآتي بالقطر غير الونسة والقرقراب ما سمعت شي، الناس بكافة مِللهم ونِحلهم مبسوطين مع بعض لا يعكر صفوهم غير وجود البشير والشِرزِمة المطروشة الملتفة حوله. فرايحيين رغم الظروف، ويحلفو علي بعض في محطة شندي عِن ستات السندوتشات والشاي. والله صحي.
Post: #51 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-20-2014, 00:31 AM Parent: #50
Quote: بهاءالدين برعي الصاحب · Omdurman اوووه شيخ معاويه الف حمدلله علي السلامه. ياخي سجلني معاكم, بيني بينك ناسك الفوق ديل كلهم الله يرحمهم كانو ممكن يقودو البلد الا محمود عبدالعزيز اصلو ما استوعبته
بهاء الدين يا صاحب، أخبارك والوِليدات وناس إدمنتون ؟؟؟.
تمّ التسجيل، محمود يا بهاء كان إنساني بكل ما تحمل الكلمة من معاني، والسودانيين يحتاجوا لزول يطا معاهم الجمر لآمن يمرقوا من وادي النيران. صدقني الهرجلة فوق المنصات الشعب السوداني ما فايق ليها. يعني لا تتوقع الشعب يمرق لندوة عن بكرة ابيه، وبعد الندوة ينتشروا في الشوارع وتحصل ابريل تانية. أهو زعيم العصابة قال إطلاق حريات، والحصيلة نضمي ساكت. والله صحي...
Post: #52 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: اسماء الجنيد Date: 04-20-2014, 01:20 AM Parent: #51
اووووووووووه قريبي الحنين ، ويا دفعة الزمن السمح وندي مالك ما بتناغمني وتقولي عندكم لمة ونسة تحت ضل النيمة وقتلي سافرت البلد ؟؟ يا حليلك والله والبركة الإتمردغت سمممممح في ريحة الطيبين وحات الله حوش بكري وعلالتو نفرتنا تب من اللمة الحنينة علا عجبتني لمتكم دي بالحيل دحيب يا يابا سجلني تــــــــــــــــــــــب وانا خيتك ولله صحي
Post: #53 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-20-2014, 02:23 AM Parent: #52
Quote: اووووووووووه قريبي الحنين ، ويا دفعة الزمن السمح وندي مالك ما بتناغمني وتقولي عندكم لمة ونسة تحت ضل النيمة وقتلي سافرت البلد ؟؟ يا حليلك والله والبركة الإتمردغت سمممممح في ريحة الطيبين وحات الله حوش بكري وعلالتو نفرتنا تب من اللمة الحنينة علا عجبتني لمتكم دي بالحيل دحيب يا يابا سجلني تــــــــــــــــــــــب وانا خيتك ولله صحي
معقولة بس !!!، بت ابوي الجنيد بدمها ولحما !؟؟؟. وحات الله يا اسماء أنا زغلان مِنِّك، وكمان زعلان من رويحتي دي. زعلان مِنِّك في غيبتك الغبتيها دي، وزعلان من رويحتي نعمني ما نشدت من خبرك. لوم السيّح والريّح. والله صحي. الختوة ودتني طايبت الزينين، عِلا يا خيتي والله حالتن ما بتسر البال، غايتو بس نقول، الله غالب. حوش بكري دا عكنيبتو اصلا ما بتقيف، عِلا ترانا ندرّق منها ومحل نلقالنا ونسة نتفّن فيها. أها، سجلناك تب، بس لا تطولي غيبتك.
الوِليدات وابوهُن نعلهم طيبين ؟؟؟.
والله يا بت الجنيد. اخير نسكت بس ...
Post: #54 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-20-2014, 02:32 AM Parent: #53
ههههههههههههههههههه،
قالوا رئيس العصابة أطلق الحريات. إذاً تكثر الثعالب. والله صحي.
Post: #56 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: يوسف محمود Date: 04-20-2014, 04:57 PM Parent: #1
Post: #57 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: يوسف محمود Date: 04-20-2014, 04:59 PM Parent: #1
Post: #58 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-20-2014, 10:57 PM Parent: #57
الله يخدّر ضراعكم. دا الكلآم البيعشر ويلد.
احزاب السجم والرماد دي ما بتقضالا غرد. والله صحي...
Post: #59 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: يوسف محمود Date: 04-21-2014, 03:14 PM Parent: #1
*
Post: #60 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 04-21-2014, 10:08 PM Parent: #59
Quote: المهم شهرين جري بين أحياء عطبرة وخارجها الواحد بقى زي الحصان، و الشعب الهوائية اتفتحت للآخر... أها ولله الحمد من 92 إلى اليوم أخوك لم يدخل جسمه ولا ملم من البنسلين. ************ لذلك أنصح جميع المصابون بضيق في التنفس بالجري حتى تتفتح شعبهم الهوائية. تحياتي وتقديري لجميع أهل عطبرة *
،،،،،،،
ولك عاطر التحايا يا قصي نيابة عن أهل عاصمة الحديد والنار.
يا قصي السر في نسايم عطبرة الحلوة بلا جري بلا لخمة معاك، الواحد فيكم همبريب بلدنا يخليهو زي الحصان ، يقولك الجري !!!، جري في عينك...
Post: #61 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 05-05-2014, 09:50 AM Parent: #60
Post: #62 Title: حتي نطبع بسمة علي ثغر الوطن، إنضموا إلينا. حزب الفرايحيين ... Author: جلالدونا Date: 05-08-2014, 10:19 PM Parent: #1
دايرين الدخلة لا داخل الا قشر موزط ده باقيلى عراضة فى الدرب كدى هاك الرشوة دى كان تفتحلنا الباب الورانى مسطول بتامل في علم النحو والإعراب اسئله محيرة شديد... هسي الضمير الغائب ناوي يرجع متين .. والضمير المتصل في زول رد عليهو ولا لسه.. طيب حروف النصب ناويه تتوب متين.. والتاء المربوطه في زول فكاها ولا لسه مربوطه.. وان واخواتها اتزوجوا ولا لسه بايرات.. وحروف الجر خلو لعب الكتشينه ولا لسه .. الحروف الساكنه ساكنة بالايجار ولا ساكنه ملك و ساكنين وين ؟؟؟
Post: #63 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 07-21-2014, 10:29 AM Parent: #62
اللِنتخابات فضلها كم ؟؟؟
...
Post: #64 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 07-21-2014, 10:45 AM Parent: #63
خليكم فرايحيين، وما بنختلف...
Post: #65 Title: Re: حتي نطبع بسمة علي ثغر الوطن، إنضموا إلينا. حزب الفرايحيين ... Author: معاوية المدير Date: 12-17-2014, 10:32 AM Parent: #64
] السادة والسيدات الفرايحيين أعضاء حزبنا العريق العتيق سيكون شعارنا للمرحلة الحاسمة هو (المكنسة) حيث سنقوم بكنس الوطن من القمامة الحسيّة والقمامة المعنوية معاً. دُمتُم ذخراً للوطن المكلوم، ومعاً من أجل وطن نضيف وعفيف...
Post: #66 Title: Re: حتي نطبع بسمة علي ثغر الوطن، إنضموا إلينا. Author: معاوية المدير Date: 04-14-2015, 03:13 AM Parent: #65
إنتخبونا ثم إنتخبونا، ثم إنتخبونا، وإلا فالندآمة ثم الندآمة، ثم الندآمة، وكان ما إنتخبتونا الترابة دي في خشمكم . أقول قولي هذا واستغفر الله لي ولكم، قوموا إلي صندوكنا فوراً ...
Post: #67 Title: Re: حتي نطبع بسمة علي ثغر الوطن، إنضموا إلينا. Author: Haytham Ghaly Date: 04-14-2015, 06:19 AM Parent: #66
Quote: دا الكلآم البيعشر ويلد.
وين البرنامج ومنهج الحزب
ما بنوافق سااااي كدا لازمن نقرا البرنامج ونشوف ايدلوجياتك وتوجهات الحزب
Quote: وإلا فالندآمة ثم الندآمة، ثم الندآمة،
اما بخصوص هذه الندامات فاليك هذه الهدية
Post: #68 Title: Re: حتي نطبع بسمة علي ثغر الوطن، إنضموا إلينا. Author: نادر النور آدم Date: 04-14-2015, 07:15 AM Parent: #67
يا ود المدير دائما في النقاشات السياسية بقول ليهم انا حزب البهجة والمسرة .. اها احكي ليك دي عندنا عما لينا عندو بقرات مهمات معاهو خلااااااااااس وعندو الرادي 24 ساعة ما بفارقو مثقف ثقافة تحيرك .. بالرغم من انو ما دخل مدرسة ف حياتو مرة كنت قاعد معاهو في عصرية من عصريات حلتنا الحنينة ديك والراعي كان ما في اليوم داك .. غايب قال لي قوم ارمي العليقة للبقر وكان وقتها عبد المنعم الخالدي عليه رحمة الله بغني في الرادي اتعلمنا منا ريدا قلت ليهو كويس بس تنتهي الاغنية دي قال لي ياخوي زولك البقول لما لقينا عينيها مشينا نكوس لي إضنيها دا مو ماشي يفك جوعة البهايم ديل .. دحين قوم ساي
اها دي لو عجبتكم اعتبروها رسوم تسجيلي في الحزب ونقعد في الواطاة تاني نحكي ليكم عن السختة والمساخيت في الجزيرة
Post: #69 Title: Re: حتي نطبع بسمة علي ثغر الوطن، إنضموا إلينا. Author: Abureesh Date: 04-14-2015, 07:53 AM Parent: #68
ود المدير، سلام..
لو عملتم اى ليلة سياسيـة الرتاين على انا دا.. وعشان تعرف انا مصغف والا ما مصغف أقول ليك: هلا قبلتم عضويتى؟
Post: #70 Title: Re: حتي نطبع بسمة علي ثغر الوطن، إنضموا إلينا. Author: نادر النور آدم Date: 04-16-2015, 05:56 AM Parent: #69
حتى لا تموت الفكرة
Post: #71 Title: Re: حتي نطبع بسمة علي ثغر الوطن، إنضموا إلينا. Author: معاوية المدير Date: 04-16-2015, 06:39 AM Parent: #70
Quote: حتى لا تموت الفكرة
القالك مِنو حا تموت ؟، دا نابعة من الأعماق يا حبيبي يا غالي .
لكن عمّك فرك مصاريني بالضحك . والله صحي ...
Post: #72 Title: Re: حتي نطبع بسمة علي ثغر الوطن، إنضموا إلينا. Author: اسامه العريفي Date: 04-16-2015, 07:00 AM Parent: #71
Quote: دُمتُم ذخراً للوطن المكلوم، ومعاً من أجل وطن نضيف وعفيف..
وطن نضيف يا ود المدير والله امبارح داخل لي في مناقشة لا ناقة لي فيها ولأجمل عندنا صاحبنا مكوجي يمني في السكن علأقة امتدت حوالي 7 سنوات قمت الصباح لقيتو ليك مركب وش عجيب قلت ليه انشاء الله خير مسكني ليك عاصفة الحزم شنو ما عارف وانتو الشعب السوداني متوقعنكم تقيفوا معانا تقوموا تخزلونا يا زول اداني ليك درس في الأخلأق عجيب قلت ليه دي حكومتنا رئيسنا حرامي ووزير دفاعنا عوير والله طقطقني ليك حساب المكوة دبل لمن راسي سخن ، الله لأكسبك يالبشير
Post: #73 Title: Re: حتي نطبع بسمة علي ثغر الوطن، إنضموا إلينا. Author: معاوية المدير Date: 04-16-2015, 07:14 AM Parent: #72
Quote: وين البرنامج ومنهج الحزب
ما بنوافق سااااي كدا لازمن نقرا البرنامج ونشوف ايدلوجياتك وتوجهات الحزب
لا حولا، غايتو مرمي الله اصلو ما بترفع . يا زول برنامج شنو ؟، نحن دايرين ننتقل بيكم لمراحل متقدمة جداً، مراحل حيث لا أُمنياتٍ تخيبُ ولا كائِناتٍ تمُر .
عليك الله من زمن الخُطة الخمسية شُفت ليك برنامج إتحقق ؟ . نحن ما دايرين نمشي بالبركة، دايرين نمشي بالفرايحية، يدكُم معانا و كان البشير فاز بنرجعلكم قروشكم ...
إنضموا إلينا ...
]
