***** نداء الى ابناء الحسانية فى كل الاقطار حول العالم واهل الخير*****

صورة حديثة تم التقاطها امس
لمواطني وادي اب دوم بمنطقة الحسانية وهم ينشلون الماء يدوي من ابار سطحية !!!
وللعلم هذه المنطقة صرفت عليها مفوضية انتخابات عشرات الملايين في تسجيل الناخبين .
فايهما اولى التسجيل للانتخابات ام طلمبة ماء وصهريج يوفر على هؤلاء المساكين مجهود سحب الماء من عمق 50 متر ويوفر لهم مياه جوفية صالحة للشرب
سكان هذه المنكقة اناس في غاية الطيبة وبساطة التطلعات رغم انهم يحتاجون للكثير لكنهم فقط يطالبون بطلمبة مياه وصهريج
نسوا وتنازلو عن المدارس والمستشفيات وكل ما يمت للقرن 21 بصلة .. لكنهم فقط لم يستطيعوا نسيان شرب الماء والذي ربما تذكرهم به اغنامهم وابلهم .
اين الحكومة من هؤلاء !!!!!
ا يستحق هؤلاء ان يصرف لتوفير اساسيات الحياة لهم بدل الصرف على انتخبات صورية

الرجاء ان نضع ايدينا فى ايدى بعض ومحاولة مساعدة اهلنا
فاهل من مجيب ؟؟

المنتدى دا ما فيه حسانية
يا جماعة تعالوا نساعد اهلنا ديل

(.) انا ماني حساني لكن كاهلي وديل اهلي و فيني دم الحسانية القشقشاب و قريبي هشام هباني ده ود نظارهم في نعيمة ،شكراً يابت الأصول على التوبيك والحسانية من اكبر بُطُون الكواهلة ، اعتقد ديل حسانية نهر النيل لأنو حسانية النيل الأبيض اوفر حظت من التنمية ...معاك من اجلهم

وضاحة يا وضاحة محسوبك ودهارون من اهلك الهبانية ويهمني أمر هؤلاء النفر من الحسانية الغلابة.. لذلك اضم صوتي إلى صوتك وصوت أخونا الكاهلي الأصيل كمال علي الزين...

وفي انتظار العمدة هشام هباني

تحياتي

حالهم ينطبق عليه المثل البقول:

الحسّانية في شنو وناس الإنقاذ في شنو...

عشرة مليون جنية صرف الإنقاذ علي الإنتخابات في المنطقة...

وكل هذه السنين وأهلنا الغلابة لا يجدون حتى ماء للشرب...

شكرا يا وضاحة علي عرض الحال....

يا وضاحة
غايتو انا رفعت البوست في الله والوطن والانسانية
لما يجو
اهل الجلد والراس
وليك تيييييييييييييييية

اختنا العزيزة وضاحة

تحياتي

شكلك طلعتي قريبتنا كحساني سابقا ولكني ساتداخل معك بصفتي الحالية والدائمة كسوداني والدوام لله ههههههههههههههههههه!
هذه الصورة المحزنة التي تعرضينها لهؤلاء السودانيين البؤساء الصابرين ماعادت تخص محلا بعينه او اثنية بعينها بل هي العنوان الدائم لكل بؤساء الوطن غض النظر عن الوانهم او قبائلهم او جهاتهم او اديانهم وهم المنتشرون في كل بواديه شرقا وغربا وجنوبا وشمالا وقد وزع الطغيان الظلم بينهم بالتساوي و لذلك فهو وضع عام يعبر عن ماسي كل الوطن والمتسبب الاساسي فيه كما تعلمين اختي وضاحة هذه الطغمة المجرمة التي فشلت في ادارة هذه البلاد بل اجرمت في حقها وبالتالي هي المسئولة عن كل هذه الماسي وينبغي مواجهتها بضمير انساني( سوداني) موحد لا يقبل التبعيض لان مثل هذا الخطاب الذي بكل عفوية تناشدين به فئة اجتماعية سودانية بعينها فهو للاسف خطاب سلبي تشطيري يتسق تماما مع اجندات هذه الطغمة المجرمة و الهادفة لضرب وحدتنا الوطنية لتسود من خلال تفرقنا الي قبائل وجهات...ولذلك لا زلت ارفض مصطلح ناشط دارفوري او نوبي او(حساني) فكلنا سودانيون ينبغي تحمل مسئوليتنا الوطنية بهذه الصفة و بحس انساني سليم يرفض مثل هذا الخطاب التشطيري المتسق مع اجندات الطغيان.
مودتي واحترامي

شكرا وضاحة
نرفع البوست وهذا أقل الإيمان
لحين ميسرة
المفوضية تدفع الميارات للتسجيل وإعداد كشوف الناخبين والمرشحين وخلافه
لا يهم المواطن وحاله وصحته وأهليته وعيشته وتعليمه ووووو
فقط الأرقام للكيزان التعساء
الشفيع ابراهيم

(.)العزيز هشام...بختلف معاك تماماً ...كلامك على المستوى النظري وطني و مقدر اما على المستوى الإنساني و الواقعي فهو شعار جميل في غير موضعه ..القبيلة و النظام الأهلي الاداري قبيل الإنقاذ كان امراً إيجابياً ... و القبيلة مكون وطني هام و واجتماعي هام ... الحياد الوطني الذي تتحدث عنه يجب ام يتحلى به من يتولى منصباً دستورياً ... و قد كان آباءنا هكذا ... اما المواطن العادي الزيك وزي وزي وضاحة ده من واجبه مؤازرة أهله وعشيرته و الدعوة و المشاركة في حل مشكلاتهم .. لذلك وانت من أسرة الناظر هباني يجب عليك دفع هذا العمل ...النظارة ما وجاهة اجتماعية ولا منصب ...الناظر ناظر لانه ينظر قضايا أهله وعشيرته ويطالب بحقوقهم كممثل لمجموعة بشرية ومجتمع بحاجة الى كبير يتحدث بلسانه و يوصل همومه و مشاكله الى السلطة المركزية ...هذا واقع مجتمع عَلِينا التعامل معه بواقعية حتى تسوء دولة مواطنة حقيقية دولة مدنية حسب المعيار الغربي على الأقل ...اما الواقع الذي نعيشه الان فهو بعيد كل البعد عن شعار وطني جميل ... كانك تقول لهم انتظروا ذهاب الإنقاذ حتى تنعموا بجرعة ماء عذب ونقي ...

معك قلبا وفالبا

يا أختي أنسي حاجة إسمها حكومة

كان زمان وجبر

Quote: حالهم ينطبق عليه المثل البقول: الحسّانية في شنو وناس الإنقاذ في شنو... عشرة مليون جنية صرف الإنقاذ علي الإنتخابات في المنطقة... وكل هذه السنين وأهلنا الغلابة لا يجدون حتى ماء للشرب... شكرا يا وضاحة علي عرض الحال....

حباب سيف
يا ريت نقدر نساعدن بعيد عن الانقاذ والسياسة لانوا اصلا الحكومة لو فيها فايدة ما كان وصل الحال بي اهلنا في السودان لي هذا الدرك من فقر وجوع وتشريد وامراض
تحياتى يا مك

Quote: وضاحة يا وضاحة محسوبك ودهارون من اهلك الهبانية ويهمني أمر هؤلاء النفر من الحسانية الغلابة.. لذلك اضم صوتي إلى صوتك وصوت أخونا الكاهلي الأصيل كمال علي الزين... وفي انتظار العمدة هشام هباني تحياتي

يا ود هارون ود هارون
حبابك الف وحباب صوتك وحباب اهلنا الهبانية معاك
يلا كلنا من اجل اهلنا فى السودان وتابع معنا
وفي ميزان حسناتك
تحياتى يا زوق

Quote: (.) انا ماني حساني لكن كاهلي وديل اهلي و فيني دم الحسانية القشقشاب و قريبي هشام هباني ده ود نظارهم في نعيمة ،شكراً يابت الأصول على التوبيك والحسانية من اكبر بُطُون الكواهلة اعتقد ديل حسانية نهر النيل لأنو حسانية النيل الأبيض اوفر حظت من التنمية ...معاك من اجلهم

أوووووووووووو اخونا كمال الزين وين يا عمك من زمن عصابة حمادة وتوتو ما شفناك
شوفت ربنا دا كريم كيف وما بظلم حد
وبياخد لى كل حد حقوا كيييييف الحمد لله رب العرش العظيم

نرجع لموضوعنا

مشكور للمشاركة التى اسعدتنى كثيرا
انا طرحت الموضوع باسم الحسانية لانى ابحث عن خيط لتوصيلى لى هولاء لكى نساعدهم
فانا كما تعلم بعيدة كل البعد عن مناطق كثيرة في السودان ولا اعرف عنها كثيرا
فا ياريت تجتهد معنا واذا عرفت اى خيط محاولة توصيلنا بهم
التحية لك يا ود الكرام

Quote: يا وضاحة غايتو انا رفعت البوست في الله والوطن والانسانية لما يجو اهل الجلد والراس وليك تيييييييييييييييية]

شكرا اخونا الغالي ابو روضة
مشتااااقين هاهاهاها
تسلم يا كل الزوق ومشاركت دى زاتها فيها اجر
تحياتى

Quote: اختنا العزيزة وضاحة تحياتي شكلك طلعتي قريبتنا كحساني سابقا ولكني ساتداخل معك بصفتي الحالية والدائمة كسوداني والدوام لله ههههههههههههههههههه! هذه الصورة المحزنة التي تعرضينها لهؤلاء السودانيين البؤساء الصابرين ماعادت تخص محلا بعينه او اثنية بعينها بل هي العنوان الدائم لكل بؤساء الوطن غض النظر عن الوانهم او قبائلهم او جهاتهم او اديانهم وهم المنتشرون في كل بواديه شرقا وغربا وجنوبا وشمالا وقد وزع الطغيان الظلم بينهم بالتساوي و لذلك فهو وضع عام يعبر عن ماسي كل الوطن والمتسبب الاساسي فيه كما تعلمين اختي وضاحة هذه الطغمة المجرمة التي فشلت في ادارة هذه البلاد بل اجرمت في حقها وبالتالي هي المسئولة عن كل هذه الماسي وينبغي مواجهتها بضمير انساني( سوداني) موحد لا يقبل التبعيض لان مثل هذا الخطاب الذي بكل عفوية تناشدين به فئة اجتماعية سودانية بعينها فهو للاسف خطاب سلبي تشطيري يتسق تماما مع اجندات هذه الطغمة المجرمة و الهادفة لضرب وحدتنا الوطنية لتسود من خلال تفرقنا الي قبائل وجهات ...ولذلك لا زلت ارفض مصطلح ناشط دارفوري او نوبي او(حساني) فكلنا سودانيون ينبغي تحمل مسئوليتنا الوطنية بهذه الصفة و بحس انساني سليم يرفض مثل هذا الخطاب التشطيري المتسق مع اجندات الطغيان. مودتي واحترامي

هلا وغلا باخونا الناظر هشام حبابك مليون
لا والله انا ما حسانية انا سودانية على قولة جدو وافتخر بسودانتي واتباها بيها منذ طفولتى واتباها بها اين ماحلت قدمى حول العالم
نحمل اعراق واجناس مختلفة فى السودان كما حالى جعلية اهلى عالياب عمراب ولكن في النهاية ننتمى لى وطن اسموا السودان
مهمها فرقتنا الدروب وبعدنا عنو فهو فى القلب
دمنا سودانى والهوية الضايعة بين سودانى كندى قطرى
وكما حالك سودانى امريكى ولكن نجتمع فى محبة الوطن الغالي السودان واهلنا المغلوبين على امرهم المكتوين بنار الانقاذ التى دمتر البلاد وشتت جمعنا
اخى هشام
فالنترك السياسة جانبا ويا ريت تجتهد معنا لتوصلينا باى خيط يثق فيه وانا على الاستعداد للبدا فورا للمساعدة وانتم معاى تشدون من ازرى
والله لا يضع اجر من عمل خير في امة ناهيك عن بلدك واهلك
فا والله ليس فينا خير اذ نحن ننعم بالعيش الرقد والفرش الناعم والماء النقي الصحى واهلنا الحسانية لا يجدون قطرة ماء نقي وصحى ليرتوا منه
فايدك معنا وعشمنا فيك كبير
تحياتى
اختك وضاحة

Quote: شكرا وضاحة نرفع البوست وهذا أقل الإيمان لحين ميسرة المفوضية تدفع الميارات للتسجيل وإعداد كشوف الناخبين والمرشحين وخلافه لا يهم المواطن وحاله وصحته وأهليته وعيشته وتعليمه ووووو فقط الأرقام للكيزان التعساء الشفيع ابراهيم

شكرا كتير اخونا الشفيع
ربنا كريم ويسهل امر اخوانا الحسانية واهل السودان ويفرج كربهم
لا بد لى اليل ان ينجلى
ولو بدوم كانت دامت لغيرن
تحياتى يا غالي

Quote: معك قلبا وفالبا يا أختي أنسي حاجة إسمها حكومة كان زمان وجبر

عطوووووف شوق الشوق
تشكري يا غالية
حكومة شنو !!!
الحكومة عاوزة تفضى البلد من الشباب علشان تنفرد بيها ما شايف كمية الشباب فى السفارة القطرية فى الخرطوم
بالله دى بشر ربنا ينتقم منهم

ولا أنا حساني يا وضاحة نوبي كمان رتاني بالتاء .. وبرضو الحسانية أهلنا ما دمنا سودانيين

-----------

أتاري نحن بنكورك برانا فى قضايانا النوبية وانتو عاملين لينا شخيط ههههههههه

Quote: ولا أنا حساني يا وضاحة نوبي كمان رتاني بالتاء .. وبرضو الحسانية أهلنا ما دمنا سودانيين

حباب الرتانى

Quote: أتاري نحن بنكورك برانا فى قضايانا النوبية وانتو عاملين لينا شخيط ههههههههه

وين كوركتوا ؟؟؟
زى ما بتقول جدتى يعمينى ويطرشنى ما شفتى شي

نتمنى المشاركة والخدمة ورينى الدرب وتلقي اختك حاضر
تحياتى

Up

توصلت لى معلومات سوف تساعدنا فى مساعدة اهلنا فى منطقة الحسانية
ود اخو العمدة فى المنطقة بتاعت الحسانية الاخ احمد المروه
وسوف اوافيكم باذن الله بكل المعلومات بعد ترسل لى الدراسة التى تمت فىإ نشاء طلمبة او مضخة بتاعت مياة وصهريج
انا ما بفهم فى الحاجات دى محتاجة مساعدتكم واقتراحاتكم

ممكن تساعدونى؟؟

(.)

أختي وضاحة لك تحياتي

وشكرا لمبادرتك الخيرة لمساعدة أهلنا الحسانية ..

اليك بعض الاجراءات التي ستفيدك في مسعاك الطيب :

اولا : اطلبي من ابن العمدة ارسال كل الاوراق والمستندات والتكاليف ..
ثانيا : ان تكون هذه الاوراق والمستندات معتمدة ..
ثالثا : تواصلوا مع الجهات الخيرية هنا في قطر سواءا افراد او مؤسسات..
رابعا : لو اردتم الدعم من السودان .. ساعطيكم رقم اخ عزيز في السودان وهم حفروا عشرات الابار للمحتاجين وقطعا سيساعد..


مع التمنيات لكم بالتوفيق .. فسقيا الماء من اعظم القربات لله تعالى ..

شكرا الاخ كمال للاهتمام ورفع البوست

Quote: أختي وضاحة لك تحياتي وشكرا لمبادرتك الخيرة لمساعدة أهلنا الحسانية .. اليك بعض الاجراءات التي ستفيدك في مسعاك الطيب : اولا : اطلبي من ابن العمدة ارسال كل الاوراق والمستندات والتكاليف .. ثانيا : ان تكون هذه الاوراق والمستندات معتمدة .. ثالثا : تواصلوا مع الجهات الخيرية هنا في قطر سواءا افراد او مؤسسات.. رابعا : لو اردتم الدعم من السودان .. ساعطيكم رقم اخ عزيز في السودان وهم حفروا عشرات الابار للمحتاجين وقطعا سيساعد.. مع التمنيات لكم بالتوفيق .. فسقيا الماء من اعظم القربات لله تعالى ..

المك عادل
مشكور ياخى على الاهتمام
اكيد راح اتاكد من كل النقاط الزكرتها
يا ريت ترسل لى رقم الاخ القلت في السودان والذين لديهم خبرة فى حفر الابار
راح اخلى احد اقرباي والذي يقوم بمساعدتى فى اعمال الخير في السودان
الاتصال بهم والاستفادة منهم لو امكن المساعدة كذلك والتنفيذ

تحياتى

السلام عليكم يا شباب
المنطقة دى قالوا اسمها المروة في منطقة اسمها الطويله قرب عطبرة هل فيكم شخص بعرف مهندسين هناك يتافهم معاى او يساعدنا ؟؟

UP

يا جماعة مافى حد بساعد بمعلومات !!!
انا ماعاوزة اى حد يساهم باى مبلغ سوف امول هذا العمل الخير لوحدى ارجو المساااعدة

اولا يا وضاحة عيب عليك تنادي باسم قبيلة معينة ..الحسانية وغيرهم سودانيون يسكنون سواء في اي بقعة من السودان وتخصيص قبيلة منك كلام ما مقبول .. تاني شئ السودان كله محتاج للمساعدة وحفر ابار والكثير الغير مثير طبعا .. خلي موضوعك عام وبعدين كلنا بنخدم السودان ولا شنو ؟!

يا وضاحة سلام ، بداية إن كنتى تقصدى المروة فهى قريبة جدا من قرية العقيدة موطنى فى خلاء الوادى ابوسليم بها مدارس و اعتقد صهريج ماء

لا يمنع ان ارجع اليك بمزيد من المعلومات عنها .

كنت اتمنى ان تكون معلوماتك متوفرة عن المنطقة

و اهلها عشان الناس تقدر تتحرك معاك بدون الاشارة

الى قبيلة الحسانية و هم جيران كرام لنا.

Quote: اولا يا وضاحة عيب عليك تنادي باسم قبيلة معينة ..الحسانية وغيرهم سودانيون يسكنون سواء في اي بقعة من السودان وتخصيص قبيلة منك كلام ما مقبول ..

حباب ود المسلمي
الحمد لله رب العالمين لم ارباء على العيب ولا عرفته يوما قط فى بيت ابي الذى ربانى فاحسن تربيتى وتاديبي
انا ناديت باسم قبيلة الحسانية لانهم ادرى بالمنطقة فالقصد انى اجد شخص منهم يساعدنى ويدلنى باى معلومات للصول للمنطقة فانا خصيتهم لانها فى منطقتهم

Quote: تاني شئ السودان كله محتاج للمساعدة وحفر ابار والكثير الغير مثير طبعا

وانا اسعى واحاول جاهدة مساعدة اهلى في السودان لانهم دمى الذي يسري في عروقي هذا ما اكتبسته من تربيتى وتعليم والدى الذي خرج من السودان مجبر
ولكنه لم ينس اهلة طرف غرة عين

Quote: خلي موضوعك عام وبعدين كلنا بنخدم السودان ولا شنو ؟!

يشهدا الله انى جعلته عام عندما ناديت باهل الخير جميعا من اهل وطنى السودان
ولكن نظرتك المحدودة لم ترى الا الجزء الفاضي من الكوب

ليتك اتيت لمساعدتى و الشد من ازرى وتشجيعى في المواصلة والسعي للوصول وتحقيق هدفي في مساعدة اهلى

تعرف
رايت اسمك فى البوست قبل الدخول فانتابني احساس بالفرح قلت بارك الله في اخوى ود المسلمي جاء لى مساعدتى
لكنك خزلتنى
فانت اتيت لكى تلؤمنى على شي لا مر على بالى ولا على خاطرى ويشهد الله على ذلك
فاليغفر الله لك ولى

Quote: يا وضاحة سلام ، بداية إن كنتى تقصدى المروة فهى قريبة جدا من قرية العقيدة موطنى فى خلاء الوادى ابوسليم بها مدارس و اعتقد صهريج ماء لا يمنع ان ارجع اليك بمزيد من المعلومات عنها . كنت اتمنى ان تكون معلوماتك متوفرة عن المنطقة و اهلها عشان الناس تقدر تتحرك معاك بدون الاشارة الى قبيلة الحسانية و هم جيران كرام لنا.

حبابك عمو هجو
اسفة والله عمو هجو ما فهمت قولك

Quote: بداية إن كنتى تقصدى المروة فهى قريبة جدا من قرية العقيدة موطنى فى خلاء الوادى ابوسليم بها مدارس و اعتقد صهريج ماء

انت تقصد اهل العقيدة محتاجين مساعدة فى مدارسن والله ما فهمت ايش تقصد ؟

للاسفلم تتوفر لدى معلومات كاملة لذلك ناديت باسم المنطقة عسي احد الاعضاء يكون منها فيدلنا بمعلومات للوصول ويساعدنا
اهل الحسانية وكل اهل السودان كرماء وانا احترمهم واعزهم يشهد الله بذلك

تحياتى لك عمو هجو

Quote: ولكن نظرتك المحدودة لم ترى الا الجزء الفاضي من الكوب ليتك اتيت لمساعدتى و الشد من ازرى وتشجيعى في المواصلة والسعي للوصول وتحقيق هدفي في مساعدة اهلى تعرف  رايت اسمك فى البوست قبل الدخول فانتابني احساس بالفرح قلت بارك الله في اخوى ود المسلمي جاء لى مساعدتى لكنك خزلتنى

شكرا وضاحة

مرحبا يا وضاحة قصدى قرية المروة هى فى خلاء او فى منطقة وادى ابو سلم

قريبه من قرية العقيدة ، بها مدارس و اعتقد صهريح ، لكن المنطقة عامة فقيرة

و خلويه ، هذا ما قصدته يعنى قريبه من منطقة اهلك المسلماب ، الحسانيه فى

كل مناطق الجعليين و خاصة فى المروة.

سلام يا وضاحة وكل المتداخلين

ويا هشام هباني .. بعد التحية أنا كمان بختلف معاك زي ما إختلف معاك كمال الزين

وهنا تحضرني مقولة للأديب الراحل الدكتور خالد الكد فهو يقول:

(أنا أحب بيتنا "منزلنا" لأن منزلنا يضم أمي وأبي وأخوتي، وبحب فريقنا "الحي الساكنين فيه" لأنه يضم بيتنا، وبحب أمد درمان لأنها تضم فريقنا وبحب السودان لأن السودان يضم أم درمان)

وملخص المقولة هو أن الحب يبدأ صغيراً ويكبر ويكبر حتى يملأ الأرض حبا

فكل الحب لكل السودان من حبنا الصغير لمجتمعاتنا الصغيرة والتي ولدت حبنا الكبير

التحية مرة أخرى

Quote: مرحبا يا وضاحة قصدى قرية المروة هى فى خلاء او فى منطقة وادى ابو سلم قريبه من قرية العقيدة ، بها مدارس و اعتقد صهريح ، لكن المنطقة عامة فقيرة و خلويه ، هذا ما قصدته يعنى قريبه من منطقة اهلك المسلماب ، الحسانيه فى كل مناطق الجعليين و خاصة فى المروة.

حباب عمو هجو
كلامك سليم امس جريت سلك لى واحد جدنا فى السودان من اهلنا المسلماب
ادانى معلومات وطلع في مهندس بشتغل في منطقة قريبة من المنطقة حا يمشي يشوف الحاصل بالظبط ويشوف امكانية كيف المساعدة
الف شكر ليك
ما عدمناك

Quote: سلام يا وضاحة وكل المتداخلين ويا هشام هباني .. بعد التحية أنا كمان بختلف معاك زي ما إختلف معاك كمال الزين وهنا تحضرني مقولة للأديب الراحل الدكتور خالد الكد فهو يقول: (أنا أحب بيتنا "منزلنا" لأن منزلنا يضم أمي وأبي وأخوتي، وبحب فريقنا "الحي الساكنين فيه" لأنه يضم بيتنا، وبحب أمد درمان لأنها تضم فريقنا وبحب السودان لأن السودان يضم أم درمان) وملخص المقولة هو أن الحب يبدأ صغيراً ويكبر ويكبر حتى يملأ الأرض حبا فكل الحب لكل السودان من حبنا الصغير لمجتمعاتنا الصغيرة والتي ولدت حبنا الكبير التحية مرة أخرى

حباب عاصم
حبنا لى السودان فى دمنا ما بفارقنا كلو كلو
لما اسافر اى دولة حول العالم واشوف كيف الدول مطورة وبحترم شعوبها والله االغظيم ببكى
وبحس بحوشة وشوق لي السودان بصورة غريبة
واقول متين نحن نصل لو جزء بسيط من الدول دى
الله يكون فى العون بس

Quote: Khali Khalil L Khalil · الأكثر تعليقا والله يا أخت وضاحة إنتي أرجل من رجال كتار مالين الدنيا زعيق وصياح بالقيم والأخلاق والعيب الذي لا يتجاوز حناجرهم الواسعة. خليل

كتر خيرك اخوى
ربنا يجزيك كل خير

انا بيكم اكون

Quote: وانا اسعى واحاول جاهدة مساعدة اهلى في السودان لانهم دمى الذي يسري في عروقي هذا ما اكتبسته من تربيتى وتعليم والدى الذي خرج من السودان مجبر ولكنه لم ينس اهلة طرف غرة عين

الاخت وضاحة تعودنا منك الكثير ومواقفك تشهد بذلك......اعرف جيدا حبك للسودان ومساعدة الناس

ربنا يوفقك لعمل الخير......اتمنى ان تجدي المعلومة الكافية لمساعدة اهل هذه المنطقة