Post: #1
Title: يا محمد فرح وجودك ضروري...لا للاستقالة.
Author: سيف النصر محي الدين محمد أحمد
Date: 05-11-2009, 09:07 PM
Parent: #0
يا خوي استغفر الله و خليك هنا..
ما في داعي للتهور..
و بعدين دي ما اول مرة تحصل معاك..
خلي روحك رياضية و واصل في حملة التبرعات..
اظن أن دوافعك لم تكن سياسية هذه المرة..
و ارجو أن اكون صادقا في ظني هذا..
للشهيدة نادية صابون الرحمة و ربنا يلطف بصغارها.
|
Post: #2
Title: Re: يا محمد فرح وجودك ضروري...لا للاستقالة.
Author: ibrahim alnimma
Date: 05-11-2009, 10:23 PM
Parent: #1
الأخ سيف النصر تحياتي :
هو الزول ده ناوي علي الحكاية دي ؟مستحيلة
ارجو ان تشير للمصدر حتي نعرف نشاركك التحانيس؟؟
سلامي
|
Post: #3
Title: Re: يا محمد فرح وجودك ضروري...لا للاستقالة.
Author: صديق الموج
Date: 05-11-2009, 10:41 PM
Parent: #2
Quote: يا خوي استغفر الله و خليك هنا..
ما في داعي للتهور.. |
سيف النصر يا اخوى..كيف حالك
خليه يمشى ما المنبر قيه اكثر من طبال
نسيت بتاع السمك وصلاح غريبه والدكتورة الناكرة واخرون،،،
|
Post: #4
Title: Re: يا محمد فرح وجودك ضروري...لا للاستقالة.
Author: سيف النصر محي الدين محمد أحمد
Date: 05-12-2009, 00:35 AM
صباح الخير يا عنكبة:
Quote: أدعو لتشكيل لجنه للتحقق
إن صح الخبر أعدكم بسحب عضويتي من المنبر
صحف الخرطوم عموماً لم تنشر اي شيء عن الخبر
كل من لديه رغبه في التحقق من الامر يسجل هنا |
Re: خبر ست الشاي التي توفيت اثناء كشه ليس سوى كذب رخيص
اها يا ابو العناكب حنس تحنيسك ساي يا اخوي.
|
Post: #5
Title: Re: يا محمد فرح وجودك ضروري...لا للاستقالة.
Author: سيف النصر محي الدين محمد أحمد
Date: 05-12-2009, 07:06 AM
Parent: #4
سلامات يا ود الموج
يمشي وين محمد فرح ده..ود فرح بيمثل الرأي التقليدي للانقاذيين بتاع ليس في الامكان احسن مما كان..
| Quote: خليه يمشى ما المنبر قيه اكثر من طبال |
بعدين الكلام ده عندك عليهو مستندات و لا فكيتو ساااكت كده .
|
Post: #6
Title: Re: يا محمد فرح وجودك ضروري...لا للاستقالة.
Author: عبدالكريم الامين احمد
Date: 05-12-2009, 07:20 AM
Parent: #5
شنو يا سيف
محمد فرح ده او يكون الشباب نزعو منو الكتاوت بتاعة الكهرباء الاسفيرية
واختار الذهاب...؟؟
يا محمد فرح خليك قاعد يا زول الاسافير دي
برضها خالي كتاوت بتشغل
|
Post: #7
Title: Re: يا محمد فرح وجودك ضروري...لا للاستقالة.
Author: عماد محمود علي
Date: 05-12-2009, 07:37 AM
Parent: #6
يامحمد فرح ياااااخي خليك قاعد .. أسمع كلام سيف ده ما بتجيك أي عوجة ...
أحياناً تكون المصادقية في الكلام على الراوي وليس على من نقل الخبر والعكس صحيح .. فما تمشي لحدي ما تتضح الحقيقة الغائبة ونرى الشمس يعد العتمه وتتضح رؤية الكلام المباح ...
كامل تضامني من الأخ سيف من أجل عودة ود فرح للمنبر .....
شكراً سيف اليزل ...
|
Post: #8
Title: Re: يا محمد فرح وجودك ضروري...لا للاستقالة.
Author: Mohammed Elhaj
Date: 05-12-2009, 07:42 AM
Parent: #7
ضد سياسة الطبطبة وعفا الله عما سلف
محمد فرح اذهب غير ماسوف عليك
|
Post: #9
Title: Re: يا محمد فرح وجودك ضروري...لا للاستقالة.
Author: عبد المنعم سليمان
Date: 05-12-2009, 07:49 AM
Parent: #8
متى قدم محمد فرج فكرة حتى ناسى لذهابه
الرجل كان يمارس عمله في التطفيش والكذب والعنصرية ضد اهل الجنوب
الحمد لله على انجلاء البلاء
|
Post: #10
Title: Re: يا محمد فرح وجودك ضروري...لا للاستقالة.
Author: وليد محمد المبارك
Date: 05-12-2009, 07:53 AM
Parent: #9
Quote: متى قدم محمد فرج فكرة حتى ناسى لذهابه
الرجل كان يمارس عمله في التطفيش والكذب والعنصرية ضد اهل الجنوب
الحمد لله على انجلاء البلاء |
اصدق مثال على انو لا فرق بين الكيزان ومعارضيهم
|
Post: #11
Title: Re: يا محمد فرح وجودك ضروري...لا للاستقالة.
Author: عبد المنعم سليمان
Date: 05-12-2009, 08:10 AM
Parent: #10
يقصد ان لا فرق بيننا وبينهم بما فيهم (هو) طبعا
والاخ يعمل جاهدا لخلق هذا التساوي منذ زمن بعيد
التساوي بين الضحية والجلاد ..
عجبي
|
Post: #12
Title: Re: يا محمد فرح وجودك ضروري...لا للاستقالة.
Author: وليد محمد المبارك
Date: 05-12-2009, 08:17 AM
Parent: #11
Quote: يقصد ان لا فرق بيننا وبينهم بما فيهم (هو) طبعا
والاخ يعمل جاهدا لخلق هذا التساوي منذ زمن بعيد
التساوي بين الضحية والجلاد ..
عجبي |
وانت في البوست ده جلاد
ومحمد هو ضحيتك
وبالمناسبة انت لا تفرق عنه كثيرا
اشتر زيو واحد
بس تاميها موية من عين ( خبز الفنادق والدوزنة) وما اليه
لكن شتارتك لا نفرق عن شتارتو
ده شنو ده
ليه دايما يمطتي واجهة السياسة الزيك انت ومحمد؟!
وده ياهو العجبي
|
Post: #13
Title: Re: يا محمد فرح وجودك ضروري...لا للاستقالة.
Author: عبد المنعم سليمان
Date: 05-12-2009, 08:24 AM
Parent: #12
Quote: وانت في البوست ده جلاد
ومحمد هو ضحيتك |
اذن ليست هواية وضعك لصورتك وهي مقلوبة دائما
|
Post: #14
Title: Re: يا محمد فرح وجودك ضروري...لا للاستقالة.
Author: وليد محمد المبارك
Date: 05-12-2009, 08:29 AM
Parent: #13
| Quote: اذن ليست هواية وضعك لصورتك وهي مقلوبة دائما |
مافي طريقة غير كده عشان اشوف الزيك ديل عديل
|
Post: #15
Title: Re: يا محمد فرح وجودك ضروري...لا للاستقالة.
Author: Badreldin Ahmed Musa
Date: 05-12-2009, 08:43 AM
Parent: #14
اتمنى ان يتراجع محمد فرح عن قرار المغادرة
ياخ عايزين ود و ظرافة مع حبة كوزنة!
ابقى يا محمد فرح
|
Post: #16
Title: Re: يا محمد فرح وجودك ضروري...لا للاستقالة.
Author: خضر حسين خليل
Date: 05-12-2009, 09:03 AM
Parent: #15
عزيزي سيف النصر
تحياتي الحارة لك ومثلها للأخ محمد فرح
أناشد عبر بوستك هذا الأخ محمد فرح بالعدول عن فكرته
جميعنا نخطئ ونصيب ، صحيح أن خطأ محمد كان كبيراً
بإعتباره تناول حالة إنسانية لا تمتلك حتي حق الردعلي
ما كتبه محمد فرح لكن إعتذاره عن خطئه في تقديري من
شأنه أن يزيل ما علق في النفوس ،
هذه التجربة من المفترض أن يستفيد منها الاخ محمد فرح
علي الأقل في التثبت والتأكد من المعلومة وعدم الاعتماد
علي حسن نيته في السلطة الحاكمة وأجهزتها التنفيذية
فمسائل الموت يا محمد أكبر من أي سلطة في كوكب الارض
وأكبر من بكثير من تناولها في الأسافير كمادة لا ثبات
كذب المعارضين وما الي ذلك من أساليب العمل السياسي .
أنا أتمني أن أقرؤك مرةً أخري هنا وبروح جديدة وأتمني
أن لا يفهم من كلامي هذا إني أدعوك للتخلي عن فكرتك فهذا
خيارك لكنني أناشد فيك الانسان يا محمد .
لك الشكر عزيزي سيف النصر
|
Post: #17
Title: Re: يا محمد فرح وجودك ضروري...لا للاستقالة.
Author: البشير دفع الله
Date: 05-12-2009, 09:14 AM
Parent: #16
الأخ محمد فرح
لك التحية والتقدير
أرجو الا تستجيب للاستفزازات التي تجعلك تتمسك بقرارك في الانسحاب
وهذا ما يريده البعض هنا , ليسرحوا ويمرحوا كيفما شاءوا
قد لا أوافقك في كل ما تكتب وتعتقد , ولكني قرأت لك حقائق مزهلة جعلت ألكثيرون يتمنون مغادرتك لهذا
المكان , وها أنت تمنحهم هذه الفرصة على طيق من ذهب .
أقول لك :
لا يوجد معصوم على ظهر البسيطة الآن , وجميعنا نخطي في تحليلنا وفي تقديرنا للأمور , هذا بافتراض أنك
أخطأت في شئ ما , أجمل ما في هذا المنبر هو التعدد والتنوع .
ولا بد من وجود الآخر ليشعر الأول بوجوده
ابقى بيننا , حتى لا يكون مكانك شاغرا
مؤنه أعوام من الود حتى تعود
|
Post: #18
Title: Re: يا محمد فرح وجودك ضروري...لا للاستقالة.
Author: وليد محمد المبارك
Date: 05-12-2009, 09:19 AM
Parent: #16
اهو ده الكلام يا خدر حسين
تصرف بفرق بين منسوب الحكومة ومنسوب المعارضة
وبفرق بالتالي عن طرح الحكومة وطرح المعارضة
والا يبقى الداعي شنو لتغير الحكومة بمعارضة تشبهها
تسلم يا خدر
واتعظ يا محمد
واعتذر
|
Post: #19
Title: Re: يا محمد فرح وجودك ضروري...لا للاستقالة.
Author: خدر
Date: 05-12-2009, 09:30 AM
Parent: #18
سيف سلامات
ده سهمي معاكم
Quote: يا محمد فرح
ما مهم تقعد او تمشي المهم هو طريقتكـ في التفكير دي و الدليل بوستكـ ده
انت عاوز تمشي إيفاء لنذر قطعتو امام الاخرين لو ثبت عدم صِحة كلامكـ
و المشكلة هنا , فكرة انكـ تراهن علي رأيكـ فقط بإعتبارو رأي لا يغشاه الباطل
فكرة مزعجة و اُحادية و اصراركـ علي المغادرة تأكيد للتفكير المتسلط ده.
التعصب لفكرة اي كانت ضار و غير مفيد, الصحيح انكـ تكون مرن في طرح افكاركـ
او حتي في ترويجكـ لبضاعة المؤتمر الوطني الكاسدة في سودانيزاونلاين.
اهو حتي المختلفين معاكـ في إستماتتكـ في تجميل وجة المؤتمر الوطني هنا
في المنبر جوكـ و قالوا ليكـ اقعد ما تمشي و يكفينا منكـ الإعتذار.
ياريت ده يكون علمكـ حاجة مهمة في قواعد التحاور او ترويج الافكار
لو قعدت اتمني انكـ تغير طريقة تفكيركـ دي و لو مشيت ودعتكـ الله |
|
Post: #20
Title: Re: يا محمد فرح وجودك ضروري...لا للاستقالة.
Author: سيف النصر محي الدين محمد أحمد
Date: 05-12-2009, 03:29 PM
Parent: #19
شكرا لكل الاصدقاء الذين مروا من هنا .
و يا محمد فرح لو اعتبرت البوست ده استفتاء فالنتيجة حتى الآن في صالح بقائك .
|
|