Post: #1 Title: بوست خاص للزواج Author: ASHRAF MUSTAFA Date: 10-10-2008, 09:49 AM Parent: #0
السودانيين معروفين بطبعهم الخجول المعقد فهم يختلفون عن جميع الجنسيات الاخري..ففي معظم المجتمعات اللي عايز اتزوج الموضوع سهل جدا بالنسبة له..اما في المجتمع السوداني فالزواج ليس بسهل ابدا..توجد تعقيدات لا داعي لها...ويوجد شباب كثيرين يريدون الزواج ولا يستطيعون حتي في هذا المنبر يوجد شباب كثيرين يريدون الزواج ولكن لا يدرون كيفية معرفة الطرف الاخرالراغب في الزواج .ولم اجد بوستات جادة لجمع راسين في الحلال..لذلك قررت فتح هذا البوست للشباب الراغبين في الزواج...........ان يضعوا معلوماتهم ومواصفاتهم عسي ولعل ان يساهم هذا البوست لفك ازمة الزواج التي هي مستشرية داخل وخارج السودان.....
Post: #2 Title: Re: بوست خاص للزواج Author: ASHRAF MUSTAFA Date: 10-10-2008, 10:00 AM Parent: #1
فهذا بوست خيري لحل مشكلة الزواج من الطرفين..واتمني من الجادين فقط وضع بياناتهم... واعرف ان الرجال سيشاركون اكثر لانهم جريئين اكثر من النساء...ولكل وضع ميزاته التي يريدها للفتاة...او اذا تداخلت فتاة جادة وضع الميزات التي تريدها في الرجل..وهل تقبل رجل متزوج ام لا...ونريد الحديث بدون خجل او تكلف مع بعضنا...وهدفنا في هذا البوست الخير للناس...والله من وراء القصد...ونرحب بآرائكم...استشاراتكم التي يمكن ان تكتب هنا او ترسل لي في الايميل...و نرحب بكل من يريد ان يجمع راسين في الحلال.
وفي انتظار مشاركاتكم واقتراحاتكم.
Post: #3 Title: Re: بوست خاص للزواج Author: ASHRAF MUSTAFA Date: 10-10-2008, 06:39 PM Parent: #2
***************************
Post: #4 Title: Re: بوست خاص للزواج Author: ASHRAF MUSTAFA Date: 10-12-2008, 01:28 PM Parent: #3
up
Post: #5 Title: Re: بوست خاص للزواج Author: أحمد الشايقي Date: 10-12-2008, 01:33 PM Parent: #4
أشرف,
شكرا للبوست الهام
أرجو أن يتسع المجال لمناقشة وسيلة فعالة لتسهيل الزواج بين أعضاء الموقع
بتصدق انا كنت بفكر في بوست زي دة من زمان لكن خفت من أعداء الإنسانية يشيلوا حالي وينقحوا طاري
عموما نتمنى الجدية ولو من خلف الكواليس .. المهم القصد شريف ونبيل ..
وزيتنا في بيتنا أحسن من يكون في بيت الجيران ..
Post: #7 Title: Re: بوست خاص للزواج Author: Faisal Mohammed Abdalla Date: 10-12-2008, 01:47 PM Parent: #5
أنا كنت متزوج و أنفصلنا وعندى ولد عمره 8 سنه والآن أنا ببحث عن شريكة متعلمة، حرة التفكير( غير مقيدة بالعادات)، وأن تكون خالية من أى تعديل بشرى. [email protected]
عارف عندنا واحدة زميلتنا عربية كان عاجبها واحد من الزملاء شديد جدا قامت يوم من الأيام اتجرأت
وقالت ليه ياخي إنت عاجبني عديل كدة رايك شنو أطلب يدك ؟ تصور قام ضحك وقال ليها لو جادة ما عندي
مانع وبالفعل اتزوجو وعايشين في منتهى السعادة ..
لكن تفتكر لو الواد دة سوداني حيكون رده كدة ؟
ما أظن ..
Post: #9 Title: Re: بوست خاص للزواج Author: حسن الجيلى سعيد Date: 10-12-2008, 02:22 PM Parent: #8
عواطف أختنا, كيف الحال و الأخبار ومشتاقين وكل سنة وإنتى وعايلتك بألف خير
Quote: لكن تفتكر لو الواد دة سوداني حيكون رده كدة ؟
ما أظن ..
اعتقد بأن هناك الكثير من شبابنا تستهويه مصارحة البت ليهو انا لا أرى اى مانع من مصارحة الجنس الناعم بحبها لشخص معين ,العادات والتقاليد محفوظة والدين والعرف محفوظ ,التوافق فى التفكير و طريقة المايشة بقو صعبيين الزمن دا,انا شخصيا أفضل العزوبية على مشروع زواج فاشل...... شكرا أشرف بوست موفق
وبقترح انو يكون فى بريد الكترونى لارسال الطلبات لغير الاعضاء فى المنبر ويتم عرضها فى البوست واشتراط الجديه فى الطلبات حتى يتمكن كل القراء من ارسال طلباتهم
Quote: السودانيين معروفين بطبعهم الخجول فهم يختلفون عن جميع الجنسيات الاخري.. ففي معظم المجتمعات اللي عايز اتزوج الموضوع سهل جدا بالنسبة له.. اما في المجتمع السوداني فالزواج ليس بسهل ابدا.. توجد تعقيدات لا داعي لها... ويوجد شباب كثيرين يريدون الزواج ولا يستطيعون
والله كلامك صاح 100 ال100
واحد خجول!
Post: #31 Title: Re: بوست خاص للزواج Author: ASHRAF MUSTAFA Date: 11-18-2008, 03:35 PM Parent: #29
ابراهيم قناوي
امبدة
معاوية محمد
العوض الطيب
حبابكم الف اخواني
وتشكروا علي المرور
Post: #32 Title: Re: بوست خاص للزواج Author: محمد عمر الفكي Date: 11-19-2008, 09:25 AM
الكترابة دي ما مفروض يسموه سودانيز اون لاين، دا مفروض يسموه بكائين اون لاين، شي سجيمان يجعر بهناك، وشي هاشم خلف الله يساعده بتجعر لمن ناس بكاء سجيمان يقولوا البكاء حق هاشم، وبوستك دا والل من ما انفتح لحدي هسي زاروه اكتر من 1400 نفر . غايتوا كدي النجرب حظنا عسي ولعل 35 سنة متزوج لدي ثلاثة ابناء، ابحث عن زوجة السن 18-23 ،تكون وارثة وياريت لو وحيدة عند ابوها وعلى استعداد لاعالتي انا والمرة والاولاد التلاتة، السكن في بيتها لانه ما عندنا بيت. يا جماعة بهظر والبوست بوست موفق جدا والفكرة رائعة، وربنا يتم بخير ويجعله في ميزان حسنات صاحبه وعليكم الله يا ناس الواحدة ما تفكروا في الزيادة. غايتو بوستك دا من ما يجوه ناس سجيمان وهاشم قوله ودعناك الله. دي ذكرتني مرة كنت في حفلة قاعد جنب جماعة وفي الفاصل والمكان صاني فجاءة سمعنا صوت ينادي على ناس الحفلة السلاااااااااااام عليكم ، الجنبي قال للتاني والله العظيم الحفلة خربت، وفعلا دقائق مافي اكان ما خارجت نفسي سريع اكان توكني كرسي. اها بالله فرق سجيمان وهاشم من ناس سلام ديل شنو؟
Post: #36 Title: Re: بوست خاص للزواج Author: Sabah Hussein Date: 12-28-2008, 00:38 AM Parent: #29
واحد خجول!
صاحبى الخجول عوض سلامات ومشتاقين.
اها يااخوى زى ماقالوا العرجاء لى مرحا.
تمت خطبتك.
يازول جيب الشيلة الخجول اول عريس.
Post: #33 Title: Re: بوست خاص للزواج Author: elfadl abdellatif Date: 11-19-2008, 11:36 AM Parent: #1
Quote: اما في المجتمع السوداني فالزواج ليس بسهل ابدا..توجد تعقيدات لا داعي لها...ويوجد شباب كثيرين يريدون الزواج ولا يستطيعون حتي في هذا المنبر يوجد شباب كثيرين يريدون الزواج ولكن لا يدرون كيفية معرفة الطرف الاخرالراغب في الزواج .
مسألة الزواج تحتاج الى اكثر من مجرد العرض والطلب .. فهي تحتاج الى بحث المشكلة لوضع الاسس التي تمكن الجميع من الزواج .. ليست المسألة في ايجاد شريك .. ولكن ماذا بعد ايجاد الشريك ?? وكيف يتم اختيار الشريك .. والوسائل الفعالة لاستمرار الحياة الزوجية .. ودور المجتمع في اتمامه ونجاحه.. يعني نحن محتاجين لبوستات للتخلص من التعقيدات التي ذكرتها .. تعقيدات المجتمع وتعقيدات الشباب .. والعادات والتقاليد التي اخترعناها وقلنا انها من الدين.. واخرى نعلم انها جاهلية ولكننا نتمادى فيها !!! اسسوا لزواج سهل وميسر .. انا اعرف كثير من الحالات التي قد يشعر فيها كلا من الطرفين بالميل نحو الاخر ولكن التعقيدات هي التي تمنع الاتفاق ..
Post: #34 Title: Re: بوست خاص للزواج Author: ASHRAF MUSTAFA Date: 12-26-2008, 08:11 PM Parent: #33
...
Post: #35 Title: Re: بوست خاص للزواج Author: ASHRAF MUSTAFA Date: 12-28-2008, 00:22 AM Parent: #34