إزدحام بماكينات الصرافات الآلية بعد تطبيق قرار صرف المرتبات آلياً

شهدت منافذ الصرافات الآلية بولاية الخرطوم نهار امس ازدحاماً للعملاء مع بدء تنفيذ اول تجربة لسحب المرتبات بالبنوك آلياً في وقت شكا فيه مواطنون من توقف الخدمة بعدد من الصرافات.
واوضحت مسؤولة بقسم محول القيود ببنك السودان لـ «اس ام سي» ان الصرافات التي تم نصبها أخيراً تعمل بكفاءة وتنساب عبرها الخدمة للزبون بشكل راتب لكنها اشارت الى ان الاخطاء الفردية في الممارسة قد تؤدي الى الازدحام. واكدت ان المؤسسات الحكومية ولأول مرة ادخلت نظام السحب للمرتبات عبر الصرافات مضيفة ان الموظفين بدأوا في سحب مرتباتهم عبر المنافذ المختلفة والمنتشرة على نطاق واسع، وقالت ان حالة الزحام التي تشهدها الصرافات طبيعية نسبة لحداثة التجربة وان مثل هذه المعوقات ستتلاشى مستقبلاً بمزيد من الورش والسمنارات وحملات التوعية التي ينظمها بنك السودان لاحقاً.

الرأي العام

يعني تاني صرافين وسلفيات واستقطاعات ومحاججات مافي ..

معتصم محمد صالح
ســـــلام . .
سؤال: يعني بتاع اللبن والجزار وبتاع ( الخدار) وبتاع (الشنو ما بعرفوا داك ) زي ما بقول استاذنا الكبير . . الرائع . . الفاتح جبرا . . كوووووولهم يمشو ينتظرو قدام ماكينات الصرف الألي ؟

والله يا عبدر الرحيم الشغلة كلها بقت ماشة على الآلية دي .. الايام دي كمان ناس البنوك ماشين في حاجة اسمها نقاط البيع وجابو لينا واحدة في المحل وما عليك الا تدخل البطاقة وتسحب منها المبلغ العايزو وبدأت تنتشر في البقالات ومحطات الوقود وشوية وشوية بتصل الجزارين وبتاعين اللبن وستات الشاي ذاتم ...




الذ حاجة امبارح في واحد صاحبي اتصل علي من السعودية قال لي خلاص بديتو تهضربوا من الصباح .. متخيل انو البوست عبارة عن ( وهمة ) لكن تطور التقنية المصرفية في السودا يسير بخطوات كبيرة وسريعة ..