Post: #1
Title: شدوا الهمه ... هلال الساحل في مواجهة مريخ العرضة جنوب
Author: عبود عبد الرحيم
Date: 11-01-2008, 06:11 PM
في يوم مباراة سيد البلد امام حي العرب بورتسودان
كتب صحفي مريخي في جريدة يومية ان كل المريخاب مع السوكرتا ... ومضي الصحفي في احلامه بان يعود (بركة) الذي اذاقهم المر للتسجيل في مرمي المعز ..
وقال الصحفي اياه ان مجتمع المريخ سمي مباراة الهلال مع حي العرب (ام المعارك )... وفي اليوم الثاني بعد الرباعية المجلجلة بحثت عن كلمة لذلك الصحفي حول المباراة ... فلم أجد شيئا !!!!
قال أم المعارك قال !!
|
Post: #2
Title: Re: شدوا الهمه ... هلال الساحل في مواجهة مريخ العرضة جنوب
Author: عبود عبد الرحيم
Date: 11-01-2008, 06:16 PM
Parent: #1
ويوم الاثنين يدخل مريخ العرضة جنوب ملعب استاد بورتسودان وهو يعاني من (رهاب بركة العرب) ...
ويواجه المريخ هلال الساحل الذي يدخل المباراة بحسابات معقدة ...
أمة الهلال تدعم أبنها الوفي هلال الساحل ... واذا كان المريخ سيواجه حي العرب او مريخ الثغر ما كان ذلك يعنينا في شيئ ولكنه الهـــــلال سيد البلد والبر والبحر والساحل كمـــان !!!!
|
Post: #3
Title: Re: شدوا الهمه ... هلال الساحل في مواجهة مريخ العرضة جنوب
Author: عبود عبد الرحيم
Date: 11-01-2008, 06:21 PM
Parent: #2
رغم ان سيد البلد يريدها مولعة نار ليحسم مغامرات مريخ العرضة جنوب في مقبرة الخصوم ... الا أن فوز هلال الساحل بهدف واحد في لقاء الأثنين يعني ان نرفع ايدينا للجماعة ونلوح لهم (باي باي) ...
وتنتهي مغامرات واحلام القبيلة الحمراء في الفوز ببطولة محببة في الديار الزرقاء المتألقة وبعيدة المنال عن الحفرة الحمراء ....
|
Post: #4
Title: Re: شدوا الهمه ... هلال الساحل في مواجهة مريخ العرضة جنوب
Author: haroon diyab
Date: 11-01-2008, 06:41 PM
Parent: #3
عبود
مساء الخير
والله ماعارف الهكر ده لحس الباسوورد ولا لحس حاجة تانية
شنو ياعمكــ شايفك بقيت تهضرب وتكتب ليك كلام ماعندو راس ولا قعر
Quote: رغم ان سيد البلد يريدها مولعة نار ليحسم مغامرات مريخ العرضة جنوب في مقبرة الخصوم ... الا أن فوز هلال الساحل بهدف واحد في لقاء الأثنين يعني ان نرفع ايدينا للجماعة ونلوح لهم (باي باي) ...
وتنتهي مغامرات واحلام القبيلة الحمراء في الفوز ببطولة محببة في الديار الزرقاء المتألقة وبعيدة المنال عن الحفرة الحمراء .... |
ساحل منوا وشاطي منوا وحاتك تعملوا من الهلالين اصحاب الاصفار الدولية الكبييييييرة
منتخب وتجوا ماشين في شارع العرضة سااااااااااكت تنغلبوا....!!!
بعدين في اقتراح بسيط ممكن تقدموا للجماعة في الزريبة
ايه رائكم تدعموا الرشاشة الصغير بجيش المدربين ديل.....يمكن يخففوا من الفضيحة المتوقعة.
يامزمل..... لكن مابالغت...حداشر مدرب ...لحداشر لاعب
بالمناسبة ......
والله العظيم مشتاق ليك
|
Post: #5
Title: Re: شدوا الهمه ... هلال الساحل في مواجهة مريخ العرضة جنوب
Author: عبود عبد الرحيم
Date: 11-02-2008, 04:47 PM
Parent: #4
الاخ الحبيب
هارون
سلام وتحية
Quote: ساحل منوا وشاطي منوا وحاتك تعملوا من الهلالين اصحاب الاصفار الدولية الكبييييييرة
منتخب وتجوا ماشين في شارع العرضة سااااااااااكت تنغلبوا....!!! |
والله يا عمكـ انت بتطمئن في نفسك سااااااااكت !!!
| Quote: ايه رائكم تدعموا الرشاشة الصغير بجيش المدربين ديل.....يمكن يخففوا من الفضيحة المتوقعة. |
تعرف يا عمكـ ... نحن الهــلال دا بنريدو في كل الأحــوال ... ورغم احترامنا وتقديرنا للديبة الا انه أقل قامة من تدريب الهلال ... والدبلوماسي الرائع قاقرين نحمد له استجابته لنداء الهلال لكنه ايضا يفرض عليه وضعه الدبلوماسي كثير من القيود التي لا تتناسب مع الكورة ...
لكن صدقني يا مان ... جالدنكم جالدنكم ... وين ما تقبلوا تلقوا قائد كتيبة أسياد البلد (سيدا) أي مش بتعرفوه ؟؟؟؟؟ تلقاهو (كالعادة) رافع كأس الممتاز ... تواليا سادسا (مع خليفة اغنية سيد البلد).... دي برضو هضربه ؟؟؟؟!!!!
بالمناسبة كماااان :
شوقنا بحر (ابيض متوسط) طبعا.... لأنو أصلو ما ممكن يكون بحر (أحمر) صغير كدا !!!!!
|
|