Post: #1
Title: علي غرار حديث الحشرة....البشير بدردم في زوغة لي ناس الجزيرة
Author: Abdo Mustafa
Date: 12-03-2014, 07:56 AM
قال قديما
"أنا ما قلت الجنوبين حشرات.....أنا بس غيرت كلمة حركة لي حشرة"
لي ناس الجزيرة حا يقول
"..........أنا اهلي انتو قايلنهم من وين ....اكلو واتربو في الجزيرة دي
انا ما قلت حرامية.....وكضابين....أنا قلت بجدولو الدين .... والحكومة تعفي
أنا ما قلت تربية شيوعية.....أنا قلت الشيوعية غشوهم...ذمان...وأرجعو لي كلامي
هسه الناس إلتفت حول المشروع الحضاري وما بدو فرصة للشيعوعية ولا غيرا
ولما قلت عالة علي الدولة ..فسرت ليكم كيف
لأن الدولة بتمول وما بتشيل ديونا من المزارعين
ودي ما مشكلة المزارعين دي مشكلة سياسة المشروع
أنا عارف في ناس متفرغة للوقيعة بين الناس...بس انا اتعهدت لي ناس الجزيرة بإعادة سيرته الأولي
ونحن ماضين في الدرب ... رغم الصعوبات
لأنو نحن عارفين إنو ارض الجزيرة دي خيرا وافر
ولا ما كدا يا جماعة"
(تكبيرات تلاتة من الجماعة)
.................................
غاينو حسين خوجلي بكون اضاير
ولسان حالو يقول
"ياخ خجلتني والله
الكلام البتقول فيهو دا ما وكتو
عارفك ود مقنعة ...لكن ما بقولو كدا
يا سيدي الرئيس
نحن في حزب السودانين ما بنلتفت لي الصغاير الذ دي
والمزارعين ديل ياهم البشيلو حمل البلد دي...
ألتفتو ليهم"
ولسان حال ناس الجزيرة
"
الفيك اتعرفت يا الريس
إلا بتجينا بي ضهرك"
|
Post: #2
Title: Re: علي غرار حديث الحشرة....البشير بدردم في زوغة لي ناس الجزيرة
Author: مهدي صلاح
Date: 12-03-2014, 10:44 AM
Parent: #1
| Quote: .البشير بدردم في زوغة |
ونحن - معشر الشعب الفضل - وكدأبنا طوال الربع قرن المنصرم سنأخذ بتبريره
نحنا مررنا للكيزان كذبات واساءات لا تحصى فسهل استحمارنا
|
Post: #3
Title: Re: علي غرار حديث الحشرة....البشير بدردم في زوغة لي ناس الجزيرة
Author: Abdo Mustafa
Date: 12-03-2014, 12:57 PM
Parent: #2
مهدي صلاح
Quote: ونحن - معشر الشعب الفضل - وكدأبنا طوال الربع قرن المنصرم سنأخذ بتبريره
نحنا مررنا للكيزان كذبات واساءات لا تحصى فسهل استحمارنا |
نحن مررنا أسوأ من الكذب والإساءات
كتل أرواح عديييل
ولكن .....
http://www.sudaneseonline.com/news-action-show-id-173740.htmحالة من الغضب والتزمر والسخط تجتاح مواطني ولاية الجزيرة
ولك التحية دوما
|
|