زهرة حاج وصل اصلو ما حصل (بوست للرطّانة)

عوض وجدو

انا لله ياخ
فجررررا قودا
كاشا قوربجا
مفردات ليها ايقاع عجيب
عوض جدو زول مبدع وحكاي شديد
مشكور ياقريبي

قريبي حيدر حسن ميرغني
كلام صحى في نفسي الوجود
ورجع لعيوني النهار




يا وطن


أصالح روحي
تبرا جروحي
ابشر باسمك اهلل أغني
أقيف اتحدى

فيصل اننقا ..
مسكاقمي .. خليتنا نطلع من جدة نهائي ونمشي بدين ..
نور إلا بركا ووو فيسل اننقا ..
ما قصرت .. فيسل أننقا .. يا اخي شوف لينا حاجة لي أمجد صابر .. بالنوبية ..
امجد ده سيد الساحة النوبية ..
مليون تحية .. وووو أشري ..

قريبي علي عبدالوهاب عثمان
كاشا قوربا
وردي و أمجد صابر

مسكاقنا

فيصل أننقا .. يا أخي .. معارف اشكرك كيف .. خاصة لأن تسجيل قناة النيل الازرق صوت صورة هو الأفضل ..
يا سلام يا فصيل ..
صدقني أمجد ده مولود فنان فقط لاغير .. زي وردي .. يا أخي ديل ما بشر
لأن البشر فيهم قبح مهما كان .. كلمات ..ولحن .. ووردي الله يرحمه .. وأمجد .. نموذج للابداع ..
شوف يا فيصل أننقا .. أمجد ده يغني طبغ بدون ما يبذل أي مجهود .. يعني من طرف الشفتين .. وبكل بساطة وبإبتسامة كمان ..
فيصل اننقا صدقني .. دي واحدة أو هي أجمل أغنية نوبية .. أظن أنها من كلمات وألحان وردي .. وفيها عمق بلا حدود .. من ناحية الكلمات والرموز واللغة .. ( أيلني تيري ديني ) ( أعطني مفتاح قلبك ) .. الاغنية دي عايزة كتاب كامل كل عبارة فيها ما يكفي من الجمال وفوق هذا الجمال اضاف وردي الاجمل باللحن .. يا جماعة أمجد خلوا بالكم عليه ..

ومسونكيل .. أنا ترجمتها قبل كده بعبارة ( حد الزين ) لأن ( مسوو) بدنقلاوية الجمال والطيبة وفي المحسية ( نفس المعنى ولكن الغالب فيها الجمال السلوكي)
ولفظ (كيل) هو ( الحد ) آخر شيء او الحدود ( كيل ) معروف عندنا في السواقي والمساحات وكذلك في الوصف المعنوي ..
وأغرب مصادفة أن إسماعيل حسن والدته ( حد الزين ) ووردي يغني ( مسونكيل) توارد خواطر أغرب من الخيال ..
فيصل اننقا .. شوف البوست ده .. ما يتشفر .. حتى لو إشتفر رجعه لينا .. عشان أنا عندي اشياء كثيرة عن مسونكيل
لك التحية مليون ..

نواصل

صديقي علي عبدالوهاب عثمان يا مسونكيل
نحن في انتظار
ونقول لباقية النوبين



هَلْ غَادَرَ الشُّعَرَاءُ منْ مُتَرَدَّمِ

فيصل اننقا .. سوف آتي بمقالة كتبتها قبل سنة تقريباً ونشرت في جريدة الخرطوم ( الخليج)
عن هذه الاغنية : -

النوستالجيا النوبية .. مسونكيل


بمدينة جدة وفي ليلة خميسية شديدة الحرارة سئمنا معها الغرف المكيفة فكان الملاذ الوحيد هو مقاهي الهنداوية التي تتجسد فيها الوطن بكل معانيه ورغم ضيق المكان فإن بعض نسائم البحر الباردة تتسرب اليها من بين الشواهق وزحمة السيارات، وهذه النسمات تكون لها مفعول السحر على الجسد والمزاج وبينما كنت في هذه الدوامة تناهى الى مسمعي وعبر جوال احد الشباب صوت وردي وهو يردد اغنية ( مسونكيل) هنا استحضرت عبارة ( قسركا اوركير) ربما لأنها متوافقة مع واقع ذلك اليوم ، وقد سمعت هذه الاغنية لعشرات المرات وهي من أجمل ما تغنى بها وردي وهل تكون هي سر العلاقة بين وردي وإسماعيل حسن لأن والدة اسماعيل حدالزين مقابلها بالنوبية مسونكيل ، ورغم جمال الاغنية وثراءها إلا أنني لم أكن أتوقف عند بعض العبارات والرموز التي يتداولها اهلنا يومياً وخاصة عندما يقدم الشخص شيئاً ما ينال رضا الاخرين، وما اقصد به هنا عبارات مثل ( قسركا اوركير ) او (كييد أروككير) وكييد بالدنقلاوية بمعنى (عظم) وهذه الكلمات أتت نتيجة للتعمق والتأمل في جسد الانسان ، ( قسر) هنا لا يرمز للعظم بمعناه المعتاد ولكنه يستخدم كجزء من المكون العام للانسان ليجتمع مع الروح (شورتي) حتى تكتمل الصورة بتكامل الجسد والروح ، وهذه العبارات ربما تكون مأخوذة من العمق الايماني الذي يتصف به النوبيين والتي نتجت عن تعاقب الديانات السماوية عليهم، وكثير من هذه العبارات ترجمت حرفياً الى العربية واصبحت مستخدمة لدى اخواننا في الوطن الكبير، ومثال ذلك (قسركا اوركير) بالمحسية او (كييد اوروكيكر) بالدنقلاوية، وهي عبارة تأتي دائماً من الامهات او الحبوبات عندما يقوم الابن بعمل مميز ويكون باراً بأهله ومقابلها في العربية (يبرد الحشا) وفي بعض هذه العبارات تشعر أنها مبنية على معرفة بالطب والجسد ووظائفه وتشريحه، وقد عرف عن النوبة تفوقهم في الطب والعلم الانساني، وفي وقت متأخر إكتشف الطب ان الغضب يجلب مرض القولون العصبي، ولذا يقال في النوبية الدنقلاوية ( توو اودكري ) وبالمحسية ( تو اوديكيه ) و بالعامية (يوجع البطن او يمغص) ومن سياق اللفظ العربي تعرف انها جاءت نتيجة ترجمة حرفية للعبارة النوبية، بينما نجد في الدنقلاوية ( مس) بمعنى الجميل والطيب ولكن في المحسية ( مس) هو الطيب ذو السلوك الحميد ويطلق على الجمال ( أشري) والأجمل ( أشرينكيل) ولكن ضمناً ( مسونكيل ) يعبر عن الجميع ولان الدنقلاوية كانت لغة التراتيل الكنسية فجاءت معظم المصطلحات من خلالها وهنا يكمن جمال اللغة النوبية وعمق مفرداتها التي اضافت للواقع اجتماعي والفني السوداني الكثير من القيم الجمالية ، أما الرائع وردي رحمه الله فإن أجمل ما تغنى به هو ( مسونكيل ) وهي من كلماته وألحانه وتعتبر أجمل اغنية نوبية على الاطلاق من حيث الكلمات واللحن والصور الجمالية .

تحياتي إبن العم فيصل

اهلييييييين قريبي الباذخ ابوجهينة

فيصل انقى مسكاقمى
مشكور جدا وانت ترد لينا شوية روح مع كآبة الغربة ياخى

عوض وجدو انسان جميل جدا لا اذكر اسما قدم للعمل الثقافى والفنى فى المنطقة النوبية سوى هذا الرجل
له التحية والتقدير

مسكاقمى فيصل

نكورك ساى دى لغة ما رطانة

ونحنا ذاتنا
نقول على لغتنا الجميلة رطانة

هسا الارابرى يقولو علينا شنو

قريبي وصديقي هشام عباس
اهلاً يا زعيم

فيصل اننقا ...
موضوع البوست دسم خاصة ونحن في الغربة الجافة ..
أخونا جدو أمهر من ناس تيراب كثير وموهوب .. لو كان بالعربي كان أسهمه في العلالي

أمس لقيت وردي مسونكيل ضمن المجموعة أمجد كمان ..
يا أخي أنا في المكتب بسمع وردي وأمجد مرتين ..
لحد ما الواحد يدمع ..
صدقني نحن ناس عندما جمال باذخ ولحن مترف وكلمات ورموز ولكن نقول إيه ..

فيصل البوست ده لو إشفر بالله رجعوا لينا تاني .. نوركا ووو فيصل اننقا ..