Post: #1
Title: بوسه أبرد بيها جوفي #
Author: زهير عثمان حمد
Date: 11-29-2014, 11:33 AM
Parent: #0
نحن بالجد في بلد خارج نطاق الزمن والتاريخ صح عندنا أنترنت وتلفزيون بنشوف قنوات فضائية ومننا ناس بتسافر أخر واحد شاظلي بتاع اللحام دا كمان قال مهندس لحام غايتو وكمان في جماعات مسلحة
وناس معارضة وحكومة وبوليس وجيش لكين والله قرية في تخوم القطب الشمال المتجدة أخير من هنا تمشي البنك دولار مافي وكمان تحويل لخارج البقعة المباركة المحكومه بكبير أخوانو البشير المهم المستشفي
تمشي ليهو ترجع عندك أكتئاب ناس نايمه في الواطه ديل ما مرافقين ولازوار ديل عيانين تقيف للمواصلات لحدي ما تصدق أنو المواصلات دي أكبر وهم وقصة أنتظارك ما ح تنتهي وما تكضب علي روحك ساي
أضرب المشوار كعبي وشوفوا السوق والله تجارة و ما في !! الناس ديل بسرقوا بعض ! كل واحد عامل تاجر وسمسار ورجل أعمال بالراجالة ساي لا عندو بضاعة ولا راسمال كل قصتو ركاب عربيه أخر موديل
بعرف كم سمسار كدا كمان لبس جلابيه ملونه وقاعد في برندا في السوق العربي والافرنجي وأمدرمان ولابحري أو زقة قريب من السوق المهم حتي سوق سته اللي حصل عليهو كان متوقع هجمة من المتعمد ببحري
المجاهد الكبير وكأن أهل سوق سته من الخوارج قال ( أصبح هذا السوق مرتع للجريمة )في جريمة أكبر من طريقة أدارة ولاية الخرطوم ياخي قوم لف كدا قرفتونا بالجد
المهم الاكل في البلد كعب جدا وكمان مستوي الخدمات متدهور لدرجة أنك تترحم علي الزمن الجميل في مطاعم الخرتوم زمان يا حليل الشريفية والكمونية والباسم وكبدة الابل حقت سوق أمدرمان كل شيء بقي ماضي
لكين في ظاهرة بالمناسبة تعالوا نفكر فيها في مجموعة من مطاعم السمك الجديدة الكتيره أظن دا أستثمار مضمون جماعتك وقعوا بغزاره هل نحن أهل السودان المعاصر عندنا عقدة سمك وفي سمكة قاعدة في راس كل
واحد منا والامر متروك لاهل الاختصاص !
طبعا أنا مابمشي المطاعم الغالية زي ذاد الخلا وأولاد أمدرمان قندهار لانها غالية جدا ومستحيله علي العبد لله ممكن زيارة واحدة أكون سنة باكل بوش اللهم أجعل كلامي خفيف علي رواد البوش أصحاب الازمة الغذائية في العاصمة
من طلاب وعمال وصغار محامين وصحفيين وأصحاب مهن هامشية غير كدا يعني ممكن أنت تمشي مشوار بتاع عشرين دقيقة بعربية خاصة وساعة بالمواصلات ما في داعي بس أصبر وأحتساب وفي هذا الشتاء يتزوج السودانيين
بكثرة غير السميات التي منتشرة في كافة الاحياء وأرجاء العاصمة ربي لا تحرم عبدك الصابر أبو الزهراء من لحمة الضمان أنه لها عاشق بجنون تعرفوا أن مشيت بعيد دي أثار عيد الشكر كان أحتفال رهيب كنا من كل ألوان الطيف
بالله حتي الكيزان معنا ألله يقلعم أنشالله
أرجع لموضوعي قبل ثلاثة شهور أتعرفت علي أنثي سودانية راشدة بالغة جميلة عصرية في السلوك والملامح تشبهنا كدا قالت بشتغل في شركة ضخمة لرجل أعمال ما مشهور من أثرياء الانقاذ الجدد ما عريق يعني ولا راسمالية وطنية
نبت شيطاني المهم هي خريجة الاحفاد أدارة أعمال من مواليد الخليج المهم عرفتها وقدمت نفسي أبو الزهراء عاطل من نهاية العام الفين سته وناشط أسفيري ومر شح لمنصب رئيس الجمهورية في الانتخابات القادمة منتظر تمويل للحملة الانتخابية حقتي
من أسرة أمدرمانية عريقة أتقن ثلاثة لغات لدي رغبة في الهجرة بس ناس الامن قالوا خليك معنا ما عندك مشكلة ممكن تاكل عيش هنا و أعزب أرغب في الارتباط ما في بحياتي أي جكس ولكن متطلع لصفوة جكس العاصمة بكافة الوسائل والسبل ليس لدي
مواصفات محددة لشريكة حياتي غير الرومانسية الشديدة وتكون بتحب الدخان وبترسم الحنه بطريقة تشكيلية متفرده ورقاصة طرحت نفسي زول صاحب مقدارت مميزة وأخر أفك وخزعبلات حتي أنبهرت الجكسوية بقي بييننا تواصل منقطع النظير
عوازيم والحنكوشه دي مهووسه بالمطاعم الراقية في الرياض والامتداد وشارع الستين مرة قعدة بيرقر ومرة بيتزا ومرة كشري ومرات كتيره بطاطس بالكاتشب ونحبس بعدها بالايسكريم ظليت صابر وتحملت كل العذاب دا والبذل والعطاء المالي
كدي أوصف ليكم هذه الانثي الفارهة هي ذات تقاطيع دقيقة ووجه قمرة وقوام منسق بس سيف أندلوسي مؤخرة عامرة تنافس في مسابقات الجمال العالمية وسمرة عسل قصب والكلام كلو دلع خرطومي مع مزيج من اللجهة الخليجية ودا بخلي الكلام
يشبه كلام عراقيات الموصل غير الرقة والعطور اللي بتعمل في العبدلله عمل السحر ذات شفايف زي شفايف ليلي علوي وصدر ممكن يتقاتل حتي النصر في اي معركة كبيرة بالاسلحة الثقيلة ووب هي ما موت بس هي
أخوكم أستخدم كل أدوات الاغواء والاغراء وأساليب السيطرة الذكورية علي الاناث ونجح في تأثيث علاقة قوية جدا وماشي علي مشروع أستقرار ممكن يكون زواج علاقة دايمة وملك وسلك ولكن أبو طبيع ما بغير طبعو ؟ بالمناسبة المثل حقها هي
حدثت حادثة أخوك كان تحت تأثير الاغراء قضيت ليلة عيد الشكر مع الاصدقاء في الحفر وقلت تاني يوم أختم الاحتفل مع الجكس حقي وبعد عشاء فاخر في برج الفاتح ومشاهدة الخرطوم من أعلي سطح قررت أتوج ليلتي بقبلة عاشق
وطوالي قلت ليها يا خي عليك ألله بوسه أبرد بيها جوفي !
وردت بكل صلف (جوفك أنا عارفهو بالبوس مابرد وأنت طماع أمشي أعمل ليك ورق رسمي عشان كنا جوفنا يبرد كمان )
والله أنا طماع بس الحالة الرومانسية حقتي دايما بتحرجني كدا
أللهم أرزقني الزوجة والاسقرار الحياتي من بهدلة الجكس والنفس الصغيرة حقتي دي !
أنك سميع مجيب .
|
Post: #2
Title: Re: بوسه أبرد بيها جوفي #
Author: عادل الباهي عبدالرازق
Date: 11-29-2014, 11:52 AM
شكلو جوفك نار منقد يا ابو الزهراء
يأخ ربنا يبرد ليك جوفك ويبرد لينا جوفنا قول آمين
|
Post: #3
Title: Re: بوسه أبرد بيها جوفي #
Author: مني عمسيب
Date: 11-29-2014, 12:27 PM
Parent: #2
الاعزاء \ ابو الزهور ,, وود الباهي .
تحياتي ..
يا ابو الزهور يعني اسه الجرسة دي كلها عشان ما لاقي ليك في بلد
المليون ميل مربع شريكة حياة ؟ !!!! هو اسه غير النساء الوفرة في
شنو ؟ كدي اسمع كلامي وفتش برواقة ههههههه .
وانت يا ود الباهي يا جااااحد ههههههه عرفنا ابو الزهور في المناطق الحارة
انت جوفك شنو البتبردو في المناطق الباردة ..وعشان كلامك دا هدو الشتاء جاء وعقبال الجليد
ههههههههههههههههه .
Quote:
شكلو جوفك نار منقد يا ابو الزهراء
يأخ ربنا يبرد ليك جوفك ويبرد لينا جوفنا قول آمين |
|
Post: #4
Title: Re: بوسه أبرد بيها جوفي #
Author: زهير عثمان حمد
Date: 11-29-2014, 12:46 PM
Parent: #3
[B
الاخت بت عمسيب والاخ ودالباهي
تحياتي وشكرا علي المرور
بت عمسيب دي ما جرسه لكين الحالة العامة كدا بقت المهم صح كلامك بس كل شيء رغبة وأمنية عزيزة أنشالله ربك ييسر
أخي عادل
تحياتي
حرقة الجوف شديدة من كل شيء والعافية درجات ربك يطفيء بس الحريق
لكم كل الود
|
Post: #5
Title: Re: بوسه أبرد بيها جوفي #
Author: مزمل خيرى
Date: 11-29-2014, 01:13 PM
Parent: #4
ابو الزهراء يا ابداااع
هههههههههههههههههههههههههه
|
Post: #16
Title: Re: بوسه أبرد بيها جوفي #
Author: عبد الله شم
Date: 11-30-2014, 06:55 AM
Parent: #3
Quote: هو اسه غير النساء الوفرة في
شنو ؟ |
وحات شيخي اب سلكا عريان الكلام دا يقولو ولد الا يشوف النجوم عز الضهر
والشباش فوق راسو يتلخمن
بس اليد قصيرة والعين بصيرة يا منى يا اخيه
|
Post: #6
Title: Re: بوسه أبرد بيها جوفي #
Author: انور التكينة
Date: 11-29-2014, 01:50 PM
Quote: (جوفك أنا عارفهو بالبوس مابرد وأنت طماع أمشي أعمل ليك ورق رسمي عشان كنا جوفنا يبرد كمان )
|
المشكلة محلولة يا زوزو .. قالت ليك اعمل ليك ورق رسمى .. يعنى تمشى عدل على المأذون
هى زاتا فايتاك بالصبر .
|
Post: #7
Title: Re: بوسه أبرد بيها جوفي #
Author: محمد البشرى الخضر
Date: 11-29-2014, 02:21 PM
Parent: #6
دي بت جدعة يا ابو الزهور أبقى عليها عشرة ما تفرط فيها
|
Post: #8
Title: Re: بوسه أبرد بيها جوفي #
Author: Hani Arabi Mohamed
Date: 11-29-2014, 02:33 PM
Parent: #7
البوسة سكتها تمر عبر المأذون
|
Post: #9
Title: Re: بوسه أبرد بيها جوفي #
Author: معتصم الطاهر
Date: 11-29-2014, 03:16 PM
Parent: #8
زهير
سلامات
حكي طاعم زى ما بقول المرحوم باذن الله ( خالد الحاج) ..
و بعدين سؤال بريء .. انت البوسة بتبرد الجوف و لا بتسخنو ؟ ا
|
Post: #10
Title: Re: بوسه أبرد بيها جوفي #
Author: عبدالحفيظ ابوسن
Date: 11-29-2014, 03:34 PM
Parent: #9
هههه
اها وبعدين
غايتو عرفت ليك
|
Post: #11
Title: Re: بوسه أبرد بيها جوفي #
Author: عوض محمد احمد
Date: 11-29-2014, 04:32 PM
Parent: #10
دي بت جدعة يا ابو الزهور أبقى عليها عشرة ما تفرط فيها
|
Post: #12
Title: Re: بوسه أبرد بيها جوفي #
Author: وضاحة
Date: 11-29-2014, 04:41 PM
Parent: #11
Quote: وطوالي قلت ليها يا خي عليك ألله بوسه أبرد بيها جوفي !
وردت بكل صلف (جوفك أنا عارفهو بالبوس مابرد وأنت طماع أمشي أعمل ليك ورق رسمي عشان كنا جوفنا يبرد كمان ) |
طلعت ولد خلبوص يا ابو الزوز عاوز تعضي فري
دى بت رجال عفيت منها كان دى جعلية كان ناولتك شبشب هاهاهاهاهاها
يا زول عرس بعد كده بقيت في عمر الشيخوخة والله الا يطلعوك بعد فى كرتلة
|
Post: #13
Title: Re: بوسه أبرد بيها جوفي #
Author: Mohammed Haroun
Date: 11-29-2014, 05:21 PM
Parent: #12
احسن ليك تتخارج عشان تصلح أوضاعك ..
بعدين العرس ملحوق والبوس بالكوم😊😊
يا أخي انت لسه سغيروني وما شفتش حاجة خاااالص..
تحياتي
|
Post: #14
Title: Re: بوسه أبرد بيها جوفي #
Author: ذواليد سليمان مصطفى
Date: 11-29-2014, 10:03 PM
Parent: #13
جوه الجوف حاجات كتيرة تتحكر
حاجات تانية تتكبر
|
Post: #15
Title: Re: بوسه أبرد بيها جوفي #
Author: عزالدين عباس الفحل
Date: 11-30-2014, 05:24 AM
Parent: #14
زهير عثمان حمد ،
...
صديقي العزيز أبو الزهور ،
يسعد صباحك بالورد و الرياحين ،
ما قدرت أقرأ المقال كلو ،
للإنشغال المبرح ،
رغم أن المقال طعمو حلو ،
لكن يا أبو الزهور ،
مطاعم قندهار في أُم درمان ،
و محلات الأسماك ،
في شارع الكورنيش بالموردة ،
أسماك عوضية بالموردة مثال ،
دي براها أُسكار ،
بعدين كونو السودانيين ،
عندهم عقدة السمك ،
العبارة دي صحيحة ،
أنت إتقطعت فيها ،
قال ،
كل واحد عندو سمكة في راسو ،
يعني مش ريشه في راسو ؟
إبداع يا أبو الزهور ،
برجع ليك ،
،،،،،،،
...
Quote:
المهم الاكل في البلد كعب جدا وكمان مستوي الخدمات متدهور لدرجة أنك تترحم علي الزمن الجميل في مطاعم الخرتوم زمان يا حليل الشريفية والكمونية والباسم وكبدة الابل حقت سوق أمدرمان كل شيء بقي ماضي
لكين في ظاهرة بالمناسبة تعالوا نفكر فيها في مجموعة من مطاعم السمك الجديدة الكتيره أظن دا أستثمار مضمون جماعتك وقعوا بغزاره هل نحن أهل السودان المعاصر عندنا عقدة سمك وفي سمكة قاعدة في راس كل
واحد منا والامر متروك لاهل الاختصاص !
طبعا أنا مابمشي المطاعم الغالية زي ذاد الخلا وأولاد أمدرمان قندهار لانها غالية جدا ومستحيله علي العبد لله ممكن زيارة واحدة أكون سنة باكل بوش اللهم أجعل كلامي خفيف علي رواد البوش أصحاب الازمة الغذائية في العاصمة
زهير عثمان حمد
،،،،،،،
...
|
عزالدين عباس الفحل
ابوظبي
...
|
Post: #17
Title: Re: بوسه أبرد بيها جوفي #
Author: الشاذلى خيرى عبد الله
Date: 11-30-2014, 08:02 AM
Parent: #15
| Quote: بتحب الدخان وبترسم الحنه |
| Quote: شفايف زي شفايف ليلي علوي |
| Quote: يا خي عليك ألله بوسه أبرد بيها جوفي |
| Quote: (جوفك أنا عارفهو بالبوس مابرد وأنت طماع أمشي أعمل ليك ورق رسمي عشان كنا جوفنا يبرد كمان) |
هههههههههههههههه ... هههههههههههههههههههه ...
أسع فى زمتك أتذكرتنى كيف وانتا فى حالتك دى يا ابو الزوز ..
|
Post: #18
Title: Re: بوسه أبرد بيها جوفي #
Author: علاء سيداحمد
Date: 11-30-2014, 09:58 AM
Parent: #17
| Quote: وطوالي قلت ليها يا خي عليك ألله بوسه أبرد بيها جوفي ! |
تحياتى زوزو
تعرف كلامك المقتبس اعلاه ذكرنى فيلم لاسماعيل ياسين ( للاسف ناسى اسمو ) لطول المدة
فى الفيلم سمعة كان بيحب واحدة رقاصة وطلب زيك بالضبط بوسة منها يبرد بيها جوفو ووعدته
وسمعه كان رجلا ثريا وجاءه ذات يوم احد المخرجين ليقوم بانتاج وتمويل فيلم ووافق اسماعيل
على ذلك .. وعندما بدأوا فى اجراءات اخراج الفيلم سأل سمعه المخرج فى الفيلم مش البطل يبوس
البطلة قال له المخرج نعم قال له اسماعيل طيب مين البطل قال له المخرج انا ..
قال له سمعه لا مش انت انا البطل وبعد موافقة المخرج قال اسماعيل كدا ضمنا البوسة ..
ولغاية نهاية الفيلم سمعه لا لقى بوسه ولا حتى ابتسامة من البطلة ..
غايتو سمعه كان فايتك بالصبر بس ...
|
Post: #19
Title: Re: بوسه أبرد بيها جوفي #
Author: زهير عثمان حمد
Date: 11-30-2014, 04:06 PM
Parent: #18
أخواني والأخوات وكذذلك العابرين
أحبائي الكرام
لكم مني كل الاجلال علي المرور والمشاركة لقد جعلتم لهذا البوست المتواضع لغة وطرح قيمة وهذا عهدي بكم
متعكم ربي بالعافية
|
Post: #20
Title: Re: بوسه أبرد بيها جوفي #
Author: محمد حيدر المشرف
Date: 11-30-2014, 04:38 PM
ورق رسمي ؟!!
زولتك دي رامية لي بعيييييد يا زهير .. شكلها عاوزه عرس عديل كده, أعمل حسابك آ زول
|
Post: #21
Title: Re: بوسه أبرد بيها جوفي #
Author: قسم الفضيل مضوي محمد
Date: 11-30-2014, 07:06 PM
Parent: #20
زي دي يا ابو الزهور ؟؟؟
|
Post: #22
Title: Re: بوسه أبرد بيها جوفي #
Author: سيف النصر محي الدين
Date: 11-30-2014, 09:42 PM
Parent: #21
يعني يا ابو الزهرة برج الفاتح ده البوس فيهو عااادي
ثم الحفر دي وين كمان؟
|
Post: #23
Title: Re: بوسه أبرد بيها جوفي #
Author: يحي قباني
Date: 11-30-2014, 09:47 PM
Parent: #22
Quote:
ثم الحفر دي وين كمان؟ |
الحفر في ابروف يا دكتور ...
بعدين أبو الزهراء ده رجل دكشنري ...
و دفعته الان معاشات الا شوية كده ...هههه
|
Post: #24
Title: Re: بوسه أبرد بيها جوفي #
Author: سيف النصر محي الدين
Date: 11-30-2014, 10:17 PM
Parent: #23
يعني حفر في قلب امدرمان يا هندسة ؟
ابروف دي مش حقت سوق الشجرة؟
|
Post: #25
Title: Re: بوسه أبرد بيها جوفي #
Author: Elhadi
Date: 11-30-2014, 11:59 PM
Parent: #24
أبو الزهور ياخ انت ألذَّ زول في منبر بكري ده..
قلتا لي كلام الزولة دي ولا هو لهجتها ما عارف بتشبه عراقيات الموصل ؟؟
هو عراقيات الموصل الجد جد شن طعمهن عليك الله
|
Post: #26
Title: Re: بوسه أبرد بيها جوفي #
Author: الخير محمد عوض
Date: 12-01-2014, 07:28 AM
Parent: #25
ابو الزهور يتجلى ههههههههههههه
يا ابو الزهور والله انت زول نقى ونضيف وانا بحبك للدين
حا نخصص ليك جمعة نسميها جمعة الدعاء لابو الزهراء . ندعوا فيها الله ان يخفف عليك النيران دي شوية بي منقار منقارين هههههههههههه
غايتو يا ابو الزوز مافي زول زيك بقدر يطلعنا من طورنا يا زوزو يا لذيذ انت :)
|
Post: #27
Title: Re: بوسه أبرد بيها جوفي #
Author: جمال الباقر
Date: 12-01-2014, 09:07 AM
Parent: #26
تعرف يا ابو الزهور زولتك الوصفتها دي
Quote: كدي أوصف ليكم هذه الانثي الفارهة هي ذات تقاطيع دقيقة ووجه قمرة وقوام منسق بس سيف أندلوسي مؤخرة عامرة تنافس في مسابقات الجمال العالمية وسمرة عسل قصب والكلام كلو دلع خرطومي مع مزيج من اللجهة الخليجية ودا بخلي الكلام
يشبه كلام عراقيات الموصل غير الرقة والعطور اللي بتعمل في العبدلله عمل السحر ذات شفايف زي شفايف ليلي علوي وصدر ممكن يتقاتل حتي النصر في اي معركة كبيرة بالاسلحة الثقيلة ووب هي ما موت بس هي |
كان طاوعتك وادتك البوسة دي كان انطلقت فيكم نار ماتنطفي الا الاتنين تنطو من برج الفاتح جمبلق جوة النيل
| Quote: للهم أرزقني الزوجة والاسقرار الحياتي |
ان شاء الله يرزقك وتبرد جوفك حلالا بلالا
|
Post: #28
Title: Re: بوسه أبرد بيها جوفي #
Author: سفيان عثمان قرضيه
Date: 12-01-2014, 11:11 AM
Parent: #27
أبو الزهور يا صاحب سلام
ياخ والله إنت ألذ زول في منبر بكري دا
ربنا يديك الفي مرادك
|
Post: #29
Title: Re: بوسه أبرد بيها جوفي #
Author: عادل خياري
Date: 12-01-2014, 12:50 PM
Parent: #28
سلام ابو الزهور
ياخوي عليك بالصبر
مشكلة الورق دي عامة معظم المغتربين فيي الخليج او امريكا او اوروببا مشكلتهم الورق
دييل عندهم ورق اقامة وانت عندك ورق بوسة
|
Post: #31
Title: Re: بوسه أبرد بيها جوفي #
Author: Asim Fageary
Date: 12-01-2014, 01:05 PM
Parent: #29
يا ابو الزهور ... البت لو مقتنع بيها أمشي أعقد من غير تكاليف
لكن قصة تبريد الدوف دا ما أظن يحلها ليك العرس
لأنه العرس حدو شهر شهرين وبيبقى حراق جوف
إنت جوفك تبريده زي تبريد جوف التور .. تعرف التور جوفه بيبرد ليه ؟
عشان التور بيغير البقر !!!!!!!!!!!!!!
|
Post: #30
Title: Re: بوسه أبرد بيها جوفي #
Author: إدريس البدري
Date: 12-01-2014, 01:05 PM
Parent: #28
في دينك يا أبو الزهور هسي قدوم بعمل ليك شنو بعد وصفك لي حالتك دي؟
|
Post: #33
Title: Re: بوسه أبرد بيها جوفي #
Author: عمر عثمان عبد الوهاب
Date: 12-01-2014, 01:59 PM
Parent: #30
سبحان الله
شحدة البوسه بقت بالسهوله دي؟
ويازهير الناس فكت حريم المغتربين ومسكت في بناتوم؟؟
ماعندكم بقت شغله غير المغترب ومايملك؟
الظاهر نحن يالمغتربين متأخرين خالس خالس
ومامواكبين ا لموضات والتقليعات البتطفح كل يوم
علي كافة المستويات
علي زمنا الواحد عشان يقول للبت ارتحت ليك اولن يمرق السفه وعرقو يصبصب
وحالتو تبقي حالة وواقف علي حيلو ويكون طابق سفنجاتو تحت عباطو
يبوسك قردياشين ياسنيح
|
Post: #34
Title: Re: بوسه أبرد بيها جوفي #
Author: ismeil abbas
Date: 12-01-2014, 02:30 PM
Parent: #33
السلام عليكم زهير العريس.....
والسلام على الجميع..كجى خلونا من كلام زهير أهو دق سدره وطلب طلبه المهبب ده...وخرب العلاقة...شوف بالله أخونا فقيرى مثبط للهمم كيف؟؟؟
Quote: لأنه العرس حدو شهر شهرين وبيبقى حراق جوف
|
منو القال ليك يا أخى..كان هزار قبلناه لكن كان جد تعال أثبت كلامك ده.......
الليلة يمرقق الله....مع تحياتى وتقديرى..
|
Post: #35
Title: Re: بوسه أبرد بيها جوفي #
Author: Asim Fageary
Date: 12-01-2014, 02:35 PM
Parent: #34
Quote:
منو القال ليك يا أخى..كان هزار قبلناه لكن كان جد تعال أثبت كلامك ده.......
الليلة يمرقق الله....مع تحياتى وتقديرى.. |
يا إسمعيل ..بعد السلام المربع والذي منه .. أنا بس قصدي المسؤولية وتبعاتها لواحد زي أبو الزوز قايل العرس حفلة وعشاء وسهرات و ونسة
عاوز أفهمه من هسة إنوا بعدين الرومانسيات بتجي بالصدف
_________________
مالك عاوز تقولني كلام ما قلته هو منو القال العرس ما كويس
|
Post: #36
Title: Re: بوسه أبرد بيها جوفي #
Author: ismeil abbas
Date: 12-01-2014, 02:52 PM
Parent: #35
خلاص براءة يا أخى.........وضحت وأفدت.
|
Post: #37
Title: Re: بوسه أبرد بيها جوفي #
Author: الطيب عثمان يوسف
Date: 12-01-2014, 03:55 PM
*** شكرا زهير عثمان حمد
|
Post: #38
Title: Re: بوسه أبرد بيها جوفي #
Author: بدرالدين فرو
Date: 12-02-2014, 05:10 AM
Parent: #37
| Quote: وطوالي قلت ليها يا خي عليك ألله بوسه أبرد بيها جوفي ! |
وما تقول لي يا زهير نشفة ريقك دي من أيامك الخوالي برفقة أخونا الفاضل نادر عمر وساحة المرجة إياها........ هوووووووي يا دبيب.
|
Post: #39
Title: Re: بوسه أبرد بيها جوفي #
Author: عبدالمنعم الطيب حسن
Date: 12-02-2014, 05:30 AM
Parent: #38
ابو الزو يا امير،
واحد صاحبي شديد، وظروفو صعبة جدا،
اهااا
ماشين في الحلة سواء لاقانا واحد دفعتنا وقاعد في الحلة، وكانت تلك ايام الناس يتجي عمرة وزوغة،
اها الدفعة دا قال لي: ياخ ما تسوق الزول دا عمرة،
رديت: اكان على العمرة ساهلة، الزول دا داير اقامة عديل،
دحين يا ابو الزا ماتعمل ليك اقامة وبعدها تبقى العمرة دي،
( مسافة تهبشك غنوة واناولك كاس)
|
|