(اذا كنا فقراء لية الاسيويين بجو يشتغلو عندنا )؟؟؟

جريدة الجريدة :

نائب الرئيس (اذا كنا فقراء لية الاسيويين بجو يشتغلو عندنا )...

مره نلقاها من حسبو نسوان

ومره من حسبو بلكات !!!

جاوبوا يا بورداب؟

تحياتي محمد كابيلا

قول ليه الآسيويين بيجو يشتغلو عندنا عشان بيلقو ميزات ما لاقينها حاملي الجنسية السودانية والأبواب بتكون مفتوحة قدامهم

فيما يصارع حاملي الجنسية السودانية من أجل لقيمات .... او يعانون العطالة دون ذنبٍ جنوه

اخي كابيلا

تحية وسلام

الانظمة السياسية في السودان لا تعبر عن الانسان السوداني في كل المناحي , اعتبر نفسك تحت الاحتلال , الاجندة لدى دولتنا اجندة لتحقيق رغبات شعوب اخرى , هذه الدول التي تتمتع بصلاحيات واسعة في داخل وطننا الحبيب هي التي تحدد شكل العلاقة ما بين النظام و الشعب الكادح , لذلك ترى كثير من حكام السودان والذين في غالبيتهم من قبائل الجلابة ينظرون الى السودان وكأنه زريبة كبيرة هم اصحابها ويجب ان لا تذهب المنافع المادية ابعد منهم و ابعد هذه تعني الا تتعدى كوستي و بالميت الابيض , هذه الحالة الارستقراطية جعلت من المركز بجلابته يقلدون دول الخليج في المنهج و السلوك , فتراهم يستوردون العمالة الاسيوية بالرغم من ان اليد العاملة السودانية متوفرة وبكثرة لكنها عقدة الاستعراب , فتجد الفلل مبنية بنفس الطراز الخليجي و اذا طرحت لهم مقترح الاعتماد على العمالة السودانية تجدهم يرددون في بلاهة واضحة ما يقوله الخليجيون عنهم بانهم كسالى ولا ينجزون عملاً , ما بالك في حاكم ينظر الى شعبه بهذه الاستعلائية المتنطعة , حكومة الجلابة مستلبة حضارياً وثقافياً من قبل الخلايجة واولاد بمبة حتى احياء العاصمة السودانية سميت باسماء مناطق في السعودية و الخليج مثل الطائف وهلمجرا , الازمة الوطنية في السودان متجذرة ومتعمقة وقام بتعميقها الاخوة الجلابة بمحاولة لي عنق الهوية السودانية الغالب عليها البعد الافريقي , اذا لم يرعوي دعاة المنهج المهزوز هؤلاء و يرجعوا الى الوتد القديم الضارب في الجذور سوف لن ينصلح الحال و سوف يصيح المصري وسط سنتر الخرطوم ويضرب ويهين السوداني الاصيل بن البلد بسبب الانبطاح الجلابي امام الثقافة البيضاء الوافدة.
لي زميل في العمل هنا في الامارات من الجنسية الاردينة قال لي لماذا لا ترجع الى السودان و تعمل هناك , بلدكم فيها خير كتير ولي فيها بن عم يستثمر في النقليات وله اسطول من الشاحنات ووفرت له تسهيلات بنكية , قلت له صدقت ولكن لفي هذه الحالة لابد من ان اصحبك معي واقدمك كمستثمر و من ثم تكون لي مدخلاً للاستفادة من فرص بلادي , قال لي كيف يتم هذا و انت سوداني ولك الاولوية اكثر مني ؟ , قلت له يا صديقي في السودان هنالك قوم يسمون الجلابة هم الممسكون بمفاصل المال و السلطة يولون قدسية عمياء لبني هاشم و لهم كامل الاستعداد ليهبوا القادم من المملكة الاردنية الهاشمية كل ما لم يخطر على بالك , اندهش الرجل و هز رأسه في استغراب رهيب.

فيا عزيزي كابيلا نحن كما قال الباشمهندس محمد سليمان لم نزل محصورون في كنتونات مغلقة و لم نصل بعد الى مرحلة الانصهار القومي.

اسماعيل عبد الله

تحياتى ..

Quote: الانظمة السياسية في السودان لا تعبر عن الانسان السوداني في كل المناحي , اعتبر نفسك تحت الاحتلال , الاجندة لدى دولتنا اجندة لتحقيق رغبات شعوب اخرى , هذه الدول التي تتمتع بصلاحيات واسعة في داخل وطننا الحبيب هي التي تحدد شكل العلاقة ما بين النظام و الشعب الكادح , لذلك ترى كثير من حكام السودان والذين في غالبيتهم من قبائل الجلابة ينظرون الى السودان وكأنه زريبة كبيرة هم اصحابها ويجب ان لا تذهب المنافع المادية ابعد منهم و ابعد هذه تعني الا تتعدى كوستي و بالميت الابيض

نعم الأنظمة السياسية لا تعبر عن أغلب فئات الشعب السودانى ولكن فى ظل هذا النظام

أصبح الهوة عميقة جدا وكأنهم جاءوا لــ يحطموا الشعب السودانى وفق برنامج معد سلفا

لذلك ويظهر ذلك على مستويات كثيرة فيها بالطبع الإقتصادى والإجتماعى والثقافى !!

Quote: حكومة الجلابة مستلبة حضارياً وثقافياً من قبل الخلايجة واولاد بمبة حتى احياء العاصمة السودانية سميت باسماء مناطق في السعودية و الخليج مثل الطائف وهلمجرا , الازمة الوطنية في السودان متجذرة ومتعمقة وقام بتعميقها الاخوة الجلابة بمحاولة لي عنق الهوية السودانية الغالب عليها البعد الافريقي

سمها ما شئت ولكنهم مستلبين لا نقاش فى ذلك ولو كانوا إرتضوا أن يكونوا سودانيون

فقط لإحترمهم الجميع بما فى ذلك من يتقربون منهم وينتمون إليهم !!

تقديرى ..

هانى عربى

تحياتى ..

Quote: قول ليه الآسيويين بيجو يشتغلو عندنا عشان بيلقو ميزات ما لاقينها حاملي الجنسية السودانية والأبواب بتكون مفتوحة قدامهم فيما يصارع حاملي الجنسية السودانية من أجل لقيمات .... او يعانون العطالة دون ذنبٍ جنوه

طبعا يا هانى أصعب حاجة أنو معظم السودانيون يعانون الفقر والعطالة ولمواجهة الظروف

الحياتية أصبحوا يفضلون الخروج والهرب إلى الخارج ...

تقديرى ...

محمد ...

تحياتي

هم عايزننا نمشي نشتغل عندهم عشان نثبت إننا فقراء ولا أيه ؟؟

كلام عجييييييييييييييييب

الغالية عواطف إدريس

تحياتى ومرحب بيكـ تانى فى الحوش الكبير بعد الغياب ...

Quote: هم عايزننا نمشي نشتغل عندهم عشان نثبت إننا فقراء ولا أيه ؟؟ كلام عجييييييييييييييييب

يبدو ذلك؟ ياخ كلام عجيب تانى !!