|
Re: جيناكم يا حبايبنا بعد غربة وشوق (Re: ibrahim fadlalla)
|
جنى وجن حد يفتح بوست واعمل ليهو مداخلة ويقعد يتمحرك في التعقيب ههههههها
ما بهمنا عندك حوار صحفي او مقابلة تلفزيونية
والله انا هسه شغال رفرش ساااااي في انتظار التعقيب
كمان يا طوفي انت كنت غايبة وجانا عضو جديد من اهلك الشكرية اسمو عبد الحفيظ ابو سن
اها الزلمي دا اخير انا - هو زوجتو متابعة مداخلتو ليك و بتكون شمتانة على عفصتك ليهو
خصمتك بالرسول تطيبي خاطرو هو اول
| |
|
|
|
|
|
|
Re: جيناكم يا حبايبنا بعد غربة وشوق (Re: ibrahim fadlalla)
|
الأخت الحبيبة عواطف ..
من العواطف الأصيلة .. هى افتقاد الأصدقاء ... فأهلاً بيك .. فى بيتك القديم الأصيل ..
والمراحب الكثيرة تزداد مع وجود الفنان القدير محمد الأمين .. شخصياً فى " جيناكم يا حبايبنا بعد غربة وشوق .. "
فها هو .. https://http://http://www.youtube.com/watch?v=ODCFSUYopFY&list=RDODCFSUYopFY#t=30www.youtube.com/watch?v=ODCFSUYopFY&list=RDODCFSUYopFY#t=30
فليتنا نتجمع ونستمع اليه .. وتعود ذكريات الوطن الأصيل ..
ولكم منا كل ود وحب ..
أخوكم وعمكم العجوز .. ارنست / عاطف +++
| |
|
|
|
|
|
|
Re: جيناكم يا حبايبنا بعد غربة وشوق (Re: Mohammed Haroun)
|
عزو
Quote: هلا وغلا بعودة النوارس وعودة القماري
تغنيكي الازاهر عودة يا توفي
فهلا ومرحبا |
اها اتاريك تدوعل في الزهريات دي الزمن دا كلو عشان اليوم دا ؟
طوفي اقدلي ساي ما تهتمي بكلامنا دا
لكن يا عزو زولك الفاتح ميرغني امانة ما اتلوم بالحيل اتخيل لهسه ما جاب قدحو لطوفي
| |
|
|
|
|
|
|
Re: جيناكم يا حبايبنا بعد غربة وشوق (Re: الفاتح ميرغني)
|
Quote: مرحبا بعودة القلم الرشيق وأنيق. نوَر بيتنا. سلامات كتار يا عواطف |
هسه لبستك السمحة دي جاي متلب لينا بالكلمتين ديل؟
نحن منتظرك تنزل لينا مقال ترحيب كامل يا مسنووووووح
طوفي
انا مش مدير اعمالك؟ رجعي ليهو كلامو دا خليهو يمشي يتنتنو كويس وجيبو لينا
| |
|
|
|
|
|
|
Re: جيناكم يا حبايبنا بعد غربة وشوق (Re: محمد على طه الملك)
|
مولانا المانجل / محمد على طه الملك
Quote: يا شيح البردانة ادينا فرقة معاك .. |
ياخ الف مرحب بيك وبركة الاخت عواطف جابت لينا قلاقل مارقة
يبدو ان المنتدي بدأ يسترد عافيته - الكثيرون من اصحاب الاقلام المتميزة قد عادوا اليه بحمد لله .
| |
|
|
|
|
|
|
Re: جيناكم يا حبايبنا بعد غربة وشوق (Re: نعمات عماد)
|
المتميزة عواطف
أحر الويلكمات وترليون مراحب الغريبة فى الأيام الماضية صادفت عنوان البوست مراراً ولكننى لم أقرأ إسم مفترعته، وأفتكرته مربوط بإنزال أغنية ود اللمين الشهيرة .. اليوم لمحت إسمك!
مكانك شاغر وعود حميد .. بلغة الكورة مفاجأة التسجيلات ونجمتها الأولى عواطف تعود لملعب الكلمة لتقود جودة الأداء والتمييز !
| |
|
|
|
|
|
|
Re: جيناكم يا حبايبنا بعد غربة وشوق (Re: عواطف ادريس اسماعيل)
|
مرحبتين باختنا عواطف ...
و لابد ان تكوني زول جميل من كمية التراحيب و حرارتها ...
فحيكون عندى ليكي سؤال...
حتستمري تكتبي و لا ( انشاء الله ) ؟ _________________________ المناسبة في سؤالي شنو ... و المقصود من المعني شنو ...
اقول ليك ...
بالنسبة للشق الاول ...
فناس جميلين كتار زيك تمام ...
غابوا بالسنين ... ثم رجعوا ... و كتبو بوست واااحد ... و ابتعدوا تاني ....
فما دايرنك تكوني زيهم ... :)
اما حكاية حتستمري و لا انشاء الله ...
فزماااان ... كنا متعودين لما واحد من الاولاد ينقنق داير حاجه و لا داير يمشي محله ...
نقوم نفوته ... و نقول ليهو انشاء الله ... و طبعاً مافي اي حاجه بتحصل ...
اها وليدي ده كان ما بتزحزح من موقفه ... ولازم تقنعيهوا لا ليه او ايوه ليه ...
فكنت لما اقول ليهو ( ايوه انشاء الله حأجيبها ليك ) ...
يقوم يسألني ... : ( أيوه ... ولا إنشاء الله .؟ ) ...
فبالنسبة لي قعادك ... اها قعادك ( ايوه ولا انشاء الله ؟ ) ... :)
تحياتي ...
| |
|
|
|
|
|
|
Re: جيناكم يا حبايبنا بعد غربة وشوق (Re: عواطف ادريس اسماعيل)
|
طوفييييييييي
Quote: يعني تفتوت أجيال وتجي أجيال وإنت حارس لينا المنبر |
اي طوفيييييييي اصلي ولووووووف بالحيل - ولّفت على ام عبد الله عريس من زمن الاولية لحدي الليلة بقول ليها حبيبة عمري
تخريمة :
ارجو من المتداخلين كتابة ما قل ودل لطوفي هذه لانها - اي طوفي هذه - مشغولة شدييييد وما بتقرأ مداخلة اكتر من سطرين اما بقية الاسطر فبتجي دايسة فيها ابنص ساي
| |
|
|
|
|
|
|
Re: جيناكم يا حبايبنا بعد غربة وشوق (Re: عواطف ادريس اسماعيل)
|
الاخت الفاضلة / عواطف حمدلله على سلامة العودة البتوحي بالدسم الكاااامل على ضوء المرحبين والفرحانين بي رجعتك والبيدينا احساس قوي جدا بي عودة ( سودانيز ) لي ذات الالق الراح معاك انتي وجزء كبير من الاعضاء الغايبين ... فاااااا يارب رجعتك تكون قدم السعد لينا انحنا الجدد ديل بي رجعتهم هم كمان ...
معليش يا ود شيقوق كترنا النقة هههههههههه ...
| |
|
|
|
|
|
|
Re: جيناكم يا حبايبنا بعد غربة وشوق (Re: عواطف ادريس اسماعيل)
|
حبابك الف وجيدا طليتى استاذة عواطف وعودا حميدا مستطاب والجابك يجيب عقابك يارب من الجندر الاخر الذى ادمن الغياب والمنبر اصبح طارد يلفة التناوش والعنصرة والضرب تحت الحزام وان شاء اللة المكان يعود الى جمالة كواحة للمعرفة وابداء الراى الاخر مرحب بيك تانى وتالت استاذتنا عواطف وعودة مستدامة للحرف المتوازن.
| |
|
|
|
|
|
|
Re: جيناكم يا حبايبنا بعد غربة وشوق (Re: عواطف ادريس اسماعيل)
|
Quote: ( الطيب شيقوق : انت برلوم يا ود ضرار فاقد ليك فلقة بعنكوليبة تمشيك عدل ( بكسر العين) شوف ود دياب لعييب كيف - ارمى ليها سطر واحد وشتت ) |
ياخ حرااام عليك والله ... شَمتَ فيني شهيناز زوجتي، لامن قالت لي ( كُبــــــــــــــة بالرطانة ههههههههههه ) فوق تعليقك دة ... وبالعربي تقريباً زي تقول : وجع هههههههههه وود دياب من يومو حريييييف لانو صفوة يا شيخنا ود شيقوق ...
| |
|
|
|
|
|
|
Re: جيناكم يا حبايبنا بعد غربة وشوق (Re: عواطف ادريس اسماعيل)
|
ود ضرار
Quote: شَمتَ فيني شهيناز زوجتي، لامن قالت لي ( كُبــــــــــــــة بالرطانة ههههههههههه ) فوق تعليقك دة |
بتكون زي ام عبد الله امبارح اتصلت على و قالت لي انت طوفي دي شنو السارح بيها دي
قلت ليها زميلة دراسة و مهنة ومنبر عام
حيي المدام شهيناز و قول ليها ادخلي قروب ام عبد الله في الوات ساب كلو شمارات عن الكتابات و حواطات الرجال
| |
|
|
|
|
|
|
|