*****محمد بشير أحمد يجب أن ترفع لك القبعات*****

التحية له

والتحية لكي

Quote: التحية له والتحية لكي

مشكوووور يا عمدة
انسان عندو ارادة لم تمنعه إعقتهوا من تحيقق طموحاتوا
هل يا ترى لو ظل في السودان كان بجد اهتمام او يحقق حلم !!!
وجعي يا بلد

ياله من إلهام !!

حفظ الله محمد بشير و أسرته .

تحياتى العزيزة وضاحة مشكورة على الموضوع المبهج .

Quote: ياله من إلهام !! حفظ الله محمد بشير و أسرته . تحياتى العزيزة وضاحة مشكورة على الموضوع المبهج .

مرحب يا حبيبة مشتاااقين
والف سلامة وما تشوفي شر
حاولت اتصل اطمين عليك بس رقمك ما خشي معاى

ربنا يحفظ محمد بشير
ونشكروا ان استطاع رفع راسنا خارج السودان
فهو سفير خارج بلده التى لم تقيمه وتهتم فيه
التحية والتجلى له

شكرا وضاحة على المكالمة

اغلقت الشركة شرائحى كلها لذا رقمى تغير

نجاملك فى الافراح و النجاح ان شاء الله

امنياتى بدوام الصحة و العافية

بتنا العزيزة وضاحة
سلامات
دي يا وضاحة قمة التحدي من الصنديد محمد بشير .
وقمة العظمة من اليابان البلد المحترمة العادلة .. يا سلام

انسان طموح وذو ارادة لا تقهر
هذه هى العدالة الاجتماعية والمفقودة فى بلادنا العربية ..

له ولاسرته التحية والتجلة ولكٍ ايضا وضاحة ..

very motivating يا بتنا ...

وينك ما سامعين منك ...

Quote: انسان طموح وذو ارادة لا تقهر هذه هى العدالة الاجتماعية والمفقودة فى بلادنا العربية .. له ولاسرته التحية والتجلة ولكٍ ايضا وضاحة ..

مرحب الاخ علاء
المفقود في بلادنا فى الشباب الطموح ومعرفة كيف انوا يتحقق
دونك كمية العطالة فى السودان شباب يكونوا متعلمين لكن ماعندهم اردة للتغير والتطوير
اخر زيارة لى للسودان والله العظيم يا علاء الشباب قاعدين جنب ستات الشاى اخر ضحك وونسة وضياع زمن
لدرجة انوا مرة ماشين فى الطريق وكنا قريبين من مسجد فى العمارات ستات الشاى جنب الجامع الشباب بسمعوا فى الاذان اتخيل قااااعدين يتونسوا ويضحكوا
حاجات تحزن والله

Quote: بتنا العزيزة وضاحة سلامات دي يا وضاحة قمة التحدي من الصنديد محمد بشير . وقمة العظمة من اليابان البلد المحترمة العادلة .. يا سلام

حباب المك ود الرجال
فعلا لانوا انسان عندوا طموح وارادة
وزى ما بقولوا

There's nothing impossible under the sun. Do your best. Allah will do the rest

Quote: شكرا وضاحة على المكالمة اغلقت الشركة شرائحى كلها لذا رقمى تغير نجاملك فى الافراح و النجاح ان شاء الله امنياتى بدوام الصحة و العافية

الحبيبة نعمات
ربنا يحفظك اتمنى لكى دوام الصحة والعافية
ويا رب ما تشوفي شر
اسعدنى مرورك هنا

دروس النجاح ... يقدمها لنا محمد بشير أحمد ،

أقرأ الخبر من ناحيتين :

محمد بشير تحدى كل الصعاب

ومحمد بشير لم يجد فرصته إلا خارج السودان في بلاد تحترم الإنسان

شكراً وضاحة

Quote: دروس النجاح ... يقدمها لنا محمد بشير أحمد ، أقرأ الخبر من ناحيتين : محمد بشير تحدى كل الصعاب ومحمد بشير لم يجد فرصته إلا خارج السودان في بلاد تحترم الإنسان شكراً وضاحة

وين يا عريس الف مبروك
اتمنى من الله ان تكون عندك اردة مثل محمد بشير
وان توفق للحسن في حياتك والخروج من دايرة الياس المعيش نفسك فيها دى
تحياتى هانى

Quote: very motivating يا بتنا ... وينك ما سامعين منك ...

أووو يحي
حبيب الكل اشواقات كتاااار
ان شاء الله قريب تسمع وخبر يفرحك كمان هههههههه

شوفت الطموح دا كيف
هسي لو كل الشباب في السودان عندهم ارادة وطموح مش كان طيروا الكيزان ديل نعلة الله عليم

يا له من إنسان طموح ويا لها من زوجة صنديدة
لا أعتقد أن هذا يحدث في بلد غير اليابان
شكرا يا دكتورة

‎‎
بالارادة قهر محمد بشير
كل الصعاب
Hats off
____
الحليلة

وراء كل رجل عظيم إمراءة.
صدقت المقولة.

اولاً التحية لهذه الزوجة الفاضلة وهي ترعى زوجها وابناءها
وتدبر شئون أُسرتها متحملة كل هذه الأعباء في ديار الغربة،
والتحية لمحمد بشير الذي أثبت لنا انّ الإرادة القوية ليس في
حساباتها مستحيل.

المرأة الفاضلة في زمننا هذا كالكبريت الأحمر بكل اسف.


شكراً الفاضلة وضاحة...

لك التحية دكتورة وضاحة
وراء كل رجل عظيم امرأة
لمحمد بشير نرفع القبعات...
ولزوجته ايضا.

Quote: يا له من إنسان طموح ويا لها من زوجة صنديدة لا أعتقد أن هذا يحدث في بلد غير اليابان شكرا يا دكتورة

هلا فيك معاوية يحدث فى السودان لو عندنا حكومة محترمة بتحترم البشر وتقدر قدرات الانسان
نحن عندنا عصابة بتحكم السودان وبتسرق اروح البشر
نعلة الله عليهم دمرو البلد وطفشوا الناس

Quote: وراء كل رجل عظيم إمراءة. صدقت المقولة.

حباب ود المدير ابو قلب دهب
من يقيم المراة ويعرف قدرها هم الرجال اولاد الناس بس
المربين فى اوسر على الخلق و دين

Quote: اولاً التحية لهذه الزوجة الفاضلة وهي ترعى زوجها وابناءها وتدبر شئون أُسرتها متحملة كل هذه الأعباء في ديار الغربة، والتحية لمحمد بشير الذي أثبت لنا انّ الإرادة القوية ليس في حساباتها مستحيل.

التحية لك انت ايضا
اسعدنى مرورك هنا

Quote: بالارادة قهر محمد بشير كل الصعاب Hats off ____ الحليلة

وين يا حبيب مشتاقين
نعم عندو ارادة قوية
الحمد لله الذي وهبه هذه الارادة لكى يتحدى اعاقتة ويحقق حلموا

يا سلااام عليك يا فجر المشارق، التحية لمحمد بشير ولزوجته واليك مثلها يا دكتورة..

لا يوجد مستحيل ولا يوجد فشل فى هذا الكون الا تحت شمس بلداننا الدكتاتورية الظالمة والمتخلفة
لك التحية اخت وضاحة وشكرا لك على اشراكنا فى معرفة عصامية وصمود ونجاح ابن من ابناء وطننا الجريح
شكرا لدولة اليابان حكومة وشعب فى اتاحة الفرصة والامكانيات لمحمد بشير وامثاله وشكرا لاى دولة فى العالم تهتم بالانسان والانسانية وبالعلم والعلماء

شكرا يا وضاحة لمصافحتنا بهذا الرجل العظيم
له التحية والتجلة والانحناءه

وضااااااااااااحة

سلامات ومشتاقين

نرفع القبعة له ولك أنت أيضا

كل الود

Jasmeen

بقيتي تشتتي في البوستات ساي ولا بدينا خبر يا مسنوحة

نعم يا بت القبائل كل ذو عاهة جبار

وهذا الرجل من صناع المعجزات ربنا يخليهو

Quote: نحن شعب لا يعرف ان يسوق نجومه ورموزه وعظمائه ليقدمهم للعالم طافت بذهني هذه الخواطر وانا اطالع خبر فوز الباكستانية ملالا يوسف.. بجائزة نوبل للسلام عن مدونتها التي دافعت فيها عن حق تعليم بنات وطنها .. وخطر بذهني مثال لشابة سودانية في العشرينات من عمرها تستحق ان نقدمها للعالم .. سودانية تحمل قيم الخير وهم الوطن والانسان السوداني البسيط ما ان ينادي منادي ان هيا لتقديم دعم ومساعدة انسانية في اي مكان من الوطن الا وشمرت عن ساعد الجد وايقظت كل طاقاتها من اجل ذلك .. شابه سودانية ان كانت تنتمي لاي قطر اخر غير السودان لكان تم ترشيحها لعشرات الجوائز الانسانية .. ولكانت سفيرة للسلام والنوايا الحسنة انها الدكتورة جاسمين العمرابي .. الطبيبة الانسانة .. فهي من اسرة سودانية تعرض والدها الطبيب للاعتقال والتعذيب والتضييق من اول ايام انقلاب الانقاذ المشئوم فخرج من السودان مهاجراً باسرته واطفاله ولسان حاله يقول والله انك لاحب البقاع الي ولولا اجبروني ما خرجت منك ايها الوطن.. ولكنه واصل رسالته الوطنية مع رفيقة دربه الصامده الصابرة ليزرعوا حب الوطن واهله في نفوس ابنائهم فكانت الدكتورة جاسمين ثمرة لهذه القيم التي رعاها الوالدان المحبان لوطنهما واهله .. فحملت جاسمين لواء السودان واهله وقضاياهم منذ نعومة اظافرها واثناء دراستها الثانوية كانت تقدم ما يعرف الطلبة بالسودان في كل مناشط المدرسة في كندا مستعينة بوالدتها .. وواصلت على ذات المنوال اثناء دراستها للطب في واحده من اعرق واكبر جامعات كندا فظلت تقدم بحوث عن الفلكلور السوداني والثقافة السودانية وقضايا السودان في مناشط الجامعة حتى لقبت في الجامعة بعاشقة السودان ... وظلت تتواصل مع السودانيين عبر كل المنتديات ومواقع التواصل الاجتماعي من اجل مساعدة الانسان السوداني البسيط .. وكانت تتفاعل مع كل حالة انسانية تطرحها المواقع او تسمع عنها .. عرفتها في كثير من الحالات اسوق بعضها كامثلة يوم استغاثت جمعية اطفال مرضى السرطان وقد تم تهديدها باخلاء السكن الخاص بالاطفال المرضى طالبة الدعم فبادرت الدكتورة جاسمين بدفع كل متاخرات الايجار ومقدم ايجار لمدة عام وقادت حملة عبر المواقع السودانية لدعم الجمعية بالادوية اللازمة وفتحت للجمعية حساب عبر احدى الصيدليات لصرف جرع العلاج للاطفال .. ووقفت مع المراكز الصحية بمناطق سد مروي والتي اهملتها الحكومة عمداً من اجل تركيع المواطنين الرافضين لخيار التهجير الصامدين في اراضيهم واجبارهم على ترك ارضهم فقادت حملة واسعة دعمت االمراكز الصحية بالادوية اللازمة بكميات من الادوية وفتحت لها القنوات لتواصل الدعم من اجل الصمود في وجه الظلم .. وعندما ماتت الطفلة عائشة بلدغة عقرب دون ان يكون في امكان الطبيب المعالج بمركز صحي امري القديمة فعل شي لعدم توفر مصل العقرب .. فكتب القصة بالصحف فتلقفتها الدكتورة جاسمين واطلقت مبادرة توفير مصل العقرب لمركز صحي امري ولكن عندما اكتشفت ان لا كهرباء في امري القديمة التي تبعد كيلومترات قليلة من السد بسبب ان اهلها رفضوا التهجير كان النداء لتوفير ثلاجات حفظ الامصال تعمل بالطاقة الشمسية وكانت على قدر التحدي الى ان توفرت الثلاجات والامصال لسم العقرب والثعبان لاهالي امري القديمة .. وكانت في قلب ملحمة ضحايا السيول والامطار فقادت ووفرت الدعم عبر اصدقائها والمنظمات الانسانية .. وغيرها من الحالات التي لا يسع المجال لذكرها وظلت تدعم الحالات الفردية للمحتاجين التي تاتيها عبر الاطباء والمنظمات والافراد للعلاج وتوفير السكن والرسوم الدراسية .. هذه بعض نماذج سقتها من فيض كثير قدمته وما زالت تقدمه ايادي الدكتورة البيضاء .. وظلت تنادي بالديمقراطية والحرية للشعب السوداني وتدين كل جرائم النظام في حق السودان وشعبه .. ومن المؤكد ان النظام واذنابه لم تعجبهم مواقفها الوطنية الغيورة فسعوا لايقافها بكل السبل بمحاولات التقرب اليها وايصالها معلومات مضللة عن الوطن وعندما وجدوها واعية لجأوا لاسلوب التهديد ومحاولة اغتيال الشخصية وبكل اساليبهم اللا اخلاقية المعروفة للقاصي والداني ولكنها ظلت صخرة تكسرت عندها كل قذائفهم المسمومة فهي صامده سامقة كالنخلة الشماء ترد كيدهم وتزداد تماسكاً وتمسكاً وانحيازاً للوطن وقضاياه .. فهي امتداد لمسيرة عظيمات السودان من الملكة اماني شخيتو وبنونة بنت المك ورابحة الكنانية والسيدة مريم الميرغنية والميرم تاجا .. وفاطمة وسعاد و.. و.. يا لروعة وجمال سماء الوطن.. الذي يزدحم بالنجوم.. المتناثرة من غير نظام.. في ليل الوطن الطويل.. فوطني وطن النجوم فلك التحية دكتورة وانت تحلقين في المجرات البعيدة .. حيث لا أمنيات الا الوطن ولا عشق الا السودان التحية لك ايتها النجمة الباهرة الزاهرة بحب الوطن وابنائه البسطاء التحية لك وانت تجمعين كل صور الكمال والمثال والقدوة لشباب جيلك التحية لك يا كل الخير وعبرك التحية للوطن ولكل الصامدين والصامدات الممسكين بجمر قضيته . اعلم انك لا تحبين الاضواء ولكن ما تفعلينه ملك لاهل السودان قاطبة يفخروا به ويفتخروا .. وما كتبته هنا قطرات من نهر من عظيم يواصل الفيضان يحمل الخير والحب للوطن ليقدم نموذج لجيل من سودانيي المهاجر يفخر به الوطن والعالم .. الدكتور/ احمد التني – قطر mailto:mailto:mailto:[email protected]@gmail.commailto:[email protected]@gmail.commailto:mailto:[email protected]@gmail.commailto:[email protected]@gmail.com

وضاحة أيتها الإنسانة النبيلة المسكونة بحب الخير للناس، طوبى لك وبشراك
أختي وضاحة أنت والأخ محمد بشير حق لنا أن نفخر بكما

التحية والتقدير لمحمد بشير وهو يقهر الاعاقة
والتحية ايضا لزوجته التي لم تلتفت لاعاقة
واخير التحية للابنة وضاحة

واخيرا
كيف صحة الوالد الان عساه بلغ العافية وقام كايس العرس

Quote: التحية والتقدير لمحمد بشير وهو يقهر الاعاقة والتحية ايضا لزوجته التي لم تلتفت لاعاقة واخير التحية للابنة وضاحة

هلا اخونا محمود
التحية لك ايضا لمرور الذي اسعدنى
والتحية لمحمد وزوجتوا العظيمة

Quote: واخيرا كيف صحة الوالد الان عساه بلغ العافية وقام كايس العرس

الوالد بخير وفي نعمة نحمد الله على ذلك
عرس هاهاها
ابوى دا لو عاوز ياكل وقعد في الصفرة امى لو ما جات قعدت وشال المعلقة اكلها في فمها ما بشيل معلقة على فموا

ديل ناس الزمن الجميل البحبوا بصدق
النوع دا نحن كاسين لى ما لقينو
شفت كييييف

شكرًا أخت وضاحة،
و التحية لمحمد بشير أحمد.

التوثيق لنجاحات الشباب السوداني
في الخارج و الداخل مهمة الجميع.

ياهو دي،،،

Quote: شكرًا أخت وضاحة، و التحية لمحمد بشير أحمد. التوثيق لنجاحات الشباب السوداني في الخارج و الداخل مهمة الجميع. ياهو دي،،،

دكتور احمد عدو قطرنا الحبيبة
اشكرك على مرورك الذي اسعدنى
ربنا يحفظكم في غربتكم
تحياتى

Quote: وضاحة ستى بقيتي تشتتي في البوستات ساي ولا بدينا خبر يا مسنوحة نعم يا بت القبائل كل ذو عاهة جبار وهذا الرجل من صناع المعجزات ربنا يخليهو

المسنوح العريبي
حمد لله على السلامة
دا انسان مصالح مع نفسوا وعارف عاوز شنو
التحية له ولى اسرته اينما حلو

*** hats off له ولزوجته .

*** hats off لك قشارة .

Quote: لك التحية دكتورة وضاحة وراء كل رجل عظيم امرأة لمحمد بشير نرفع القبعات... ولزوجته ايضا.

نعم يا منعم
ولا ننسا وراء كل رجل عظيم امرة لو هو ما عظيم وبستحق ما كان اهتمت في
من يقيم المراة ويحترمها تعظموا وتختوا فى عيونها وتغضى علي برموشها
ومن الحب ما قتل مجرب ما تسال طبيب

Quote: يا سلااام عليك يا فجر المشارق، التحية لمحمد بشير ولزوجته واليك مثلها يا دكتورة..

نجو شوق الشوق يا حبيبة
والله انا اليوم الفرحة ملتنى بي طلتك الجميلة
عليك الله ما تغيبي

التحية لك انتى بطلتك البعثت الفرح فينا
تحياتى حبيبة

الاخ محمد بشير من ابناء التكينة بالجزيرة كان دفعتنا في مدرسة المعيلق الثانوية وكان الاول علي فصله عرفناه شاباً خلوقاً لا تجد منه الا كل ما هو طيب ذهب لجامعة الخرطوم ليدرس الاقتصاد ويتخرج منه بتفوق ليذهب لليابان ليكسب التحدي في مجتمع الا يعترف الا بالناجحين ، كانت تأتينا اخباره من هنالك تحمل معها عزيمة انسان عشق قهر الصعاب والتحديات نسأل الله ان يكتب له التوفيق والنجاح اينما حل

فعلا ترفع له القبعات..
هو والسيدة حرمه..
وننحنى لهما احتراما وحبا..

وفعلا هذا الخبر يسعد القلب..
بعد طول تجوال فى المنبر صباح اليوم..
من غمة الى اكتئاب الى حزن..
فاذا بى اجد نفسى امام هذا العملاق السودانى..

Quote: لا يوجد مستحيل ولا يوجد فشل فى هذا الكون الا تحت شمس بلداننا الدكتاتورية الظالمة والمتخلفة لك التحية اخت وضاحة وشكرا لك على اشراكنا فى معرفة عصامية وصمود ونجاح ابن من ابناء وطننا الجريح شكرا لدولة اليابان حكومة وشعب فى اتاحة الفرصة والامكانيات لمحمد بشير وامثاله وشكرا لاى دولة فى العالم تهتم بالانسان والانسانية وبالعلم والعلماء

الاخ خالد حاكم
بلدنا جميلة وفيها عقول نيرة بس للاسف الحكومة الجاهلة ولا تهتم فى المواطن
حرامية مجرمين كل همهم ملى بطونهم
اين نحن من الدول الاخرى

الحمد لله على كل حال غايتوا انا كل يوم ببوس راس ابوى لانوا انقذنا من نظام كان ممكن يدمر مستقبلنا انا واخوتى
التحية لك اخى خالد
اسعدنى مرورك

Quote: شكرا يا وضاحة لمصافحتنا بهذا الرجل العظيم له التحية والتجلة والانحناءه

حباب المك
مشتاقيين والف حمد لله على السلامة
تسلم يا ملك التحية لكل من سعى واجتهد ليكون سفير لنا فى الخارج

Quote: وضااااااااااااحة سلامات ومشتاقين نرفع القبعة له ولك أنت أيضا كل الود

طووووووفي الشوق بحر

اسعدنى مرورك هنا يا بت يا عجوة معطونة في عثل

تشكري يا وضاحة على هذا البوست ..

أخونا محمد بشير يستحق أن ترفع له القبعات والعمم والشماغات والاعلام والرايات ..

تحياتي واندهاشاتي

Quote: وضاحة أيتها الإنسانة النبيلة المسكونة بحب الخير للناس، طوبى لك وبشراك أختي وضاحة أنت والأخ محمد بشير حق لنا أن نفخر بكما

الاخ العزيز اسحاق
اشكرك كتثير والشكر موصول لى الدكتور احمد الانسان
ربنا يقدرنا ونساعد كل من يحتاج المساعدة وربنا يتقبل منا
ويجعلة لى زوادة فى الاخرة

شكرا مرة اخرى لكلمات الطيبات التى اسعدتنى

تحياتى يال غالي

Quote: *** hats off له ولزوجته . *** hats off لك قشارة .

وين يا عمك مشتاقيين
شكراَ يا قاهر القرود

سبحان الله
ده انسان يتمتع بقدرات غير طبيعية
كفيف يشق طريقه فى بلد زى يابان ويصبح
مدير شركة يابانية كبيرة
انا غايتو رفعت ليه قبعتى مرتين
وانحنيت ليه بالطريقة اليابانية

Quote: سبحان الله ده انسان يتمتع بقدرات غير طبيعية كفيف يشق طريقه فى بلد زى يابان ويصبح مدير شركة يابانية كبيرة انا غايتو رفعت ليه قبعتى مرتين وانحنيت ليه بالطريقة اليابانية

نعم اخى بارودى
ان الله عظيم لا يظلم العبد المجتهد
اللغة اليابانية وللغات اهل شرق اسيا من اصعب اللغات تعلمن
تكتب اليابانية من اليسار إلى اليمين ومن الأعلى إلى الأسفل (بالرغم أن اللغة اليابانية كانت تكتب من اليمين إلى اليسار كاللغة العربية في فترة من الفترات). هناك نظامين لكتابة اللغة اليابانية: الكانجيز
وهي رموز مأخوذة من اللغة الصينية تعبر عن كلمات كاملة، قبل الحرب العالمية الثانية كانت عددها يفوق الأربعين ألف رمز، لكن الولايات المتحدة أجبرت اليابان على تقليص عددها إلى ما يفوق الألفين بقليل.
والنظام الثاني هو نظام الكانا وينقسم إلى فرع الهيراغانا وهي أحرف لكتابة الكلمات القواعدية بالإضافة إلى الكلمات من أصل ياباني عوضا عن الكلمات من أصل صيني صيني.
والفرع الثاني للكانا هو الكاتاكانا وهي احرف ذات أشكال مختلفة عن احرف الهيراغانا لكنها تلفظ مثلها تماما وتستعمل عادة لكتابة الكلمات من جذور غير يابانية وأغلبها الكلمات الدخيلة من اللغة الإنجليزية.

فا محمد بشير حكمة من حكم الله فى الارض يوضعها فيه ليعلم الناس فيه قدرته

التحية لك اخى بارودي

Quote: Mohammed Suliman Khalid · الأكثر تعليقا · Khartoum University اعتقدت ان هناك من كتب هذا الموضوع لوضاحة كما يحدث كثيرا لكن مجرد ما كتبت (نعلة الله) عرفت انها وضاحة هههههههه موضوع جميل وارادة جبارة .. شكرا

اخونا محمد الرتاني حياك
وضاحة والله مظلومة ظلم الحسن والحسين

الابنة وضاحة / التحية مجددا لقاهر الاعاقة الاخ محمد بشير

زهز يعطي درسا ليس لذوي الاحتياجات الخاصة فحسب بل للاصحاء


الوالد بخير وفي نعمة نحمد الله على ذلك
عرس هاهاها
ابوى دا لو عاوز ياكل وقعد في الصفرة امى لو ما جات قعدت وشال المعلقة اكلها في فمها ما بشيل معلقة على فموا

ديل ناس الزمن الجميل البحبوا بصدق
النوع دا نحن كاسين لى ما لقينو
شفت كييييف

وما حتلقي ده ما احباط لك لكن هولاء نماذج غير قابلة للاستنساخ
عشان كدا ما ترفعي السقف خليك مع ربعك